Author: admin

Posted on

Katuga Ambana Heche Maswali ya Mauaji ya Mawazo na Akwilina

Katika kuendelea kutoa ushahidi katika kesi inayomkabili Tundu Lissu, shahidi John Heche amekabiliwa na maswali makali kutoka kwa Wakili Katuga kuhusu kauli mbalimbali alizowahi kutoa kuhusu mauaji ya Alphonce Mawazo, Akwilina Akwilina na Msafiri Mbwambo, pamoja na matukio mengine ya kisiasa nchini.

Katika mahojiano hayo, Katuga alimuuliza Heche iwapo ana imani na Mahakama, ambapo Heche alisema anaamini Mahakama, huku akieleza kuwa hawezi kusema kwa kiwango gani ana imani nayo kwa kuwa kesi bado haijaamuliwa.

Wakili Katuga pia alimuuliza Heche kuhusu kauli alizowahi kutoa hadharani kuhusu kesi hiyo, akimtaka kukumbuka baadhi ya hotuba na video zilizopo mtandaoni. Heche alipoonyeshwa baadhi ya video, alihoji matumizi ya teknolojia ya AI, huku akisema baadhi ya sauti alizozisikia zilifanana na yake.

Katika sehemu nyingine ya mahojiano, Katuga alimuuliza Heche kuhusu kifo cha Msafiri Mbwambo, ambaye shahidi alidai aliuawa kwa sababu za kisiasa na zinazohusiana na uchaguzi. Heche alieleza kuwa taarifa hizo alizipata kupitia mijadala mbalimbali, ikiwemo Bungeni na vyombo vya habari.

Heche pia aliulizwa kuhusu mauaji ya Alphonce Mawazo, ambapo alisema alifahamu kuwa kifo chake kilihusishwa na uchaguzi kwa sababu Mawazo alikuwa kwenye kampeni. Hata hivyo, alipoulizwa chanzo cha taarifa hizo, Heche alisema suala hilo lilijadiliwa katika maeneo mbalimbali na kuandikwa na vyombo vya habari.

Kuhusu mauaji ya Akwilina Akwilina mwaka 2018, Katuga alimuuliza Heche kuhusu tukio hilo lililotokea wakati wa kampeni za uchaguzi wa Jimbo la Kinondoni. Heche alithibitisha kuwa siku hiyo CHADEMA ilikuwa ikihitimisha kampeni.

Katuga pia alimuuliza iwapo baada ya mkutano kulikuwa na kundi la watu lililoelekea Magomeni na kutawanywa na polisi. Heche alikiri kuwa kulikuwa na kundi hilo na kwamba polisi waliwataka watawanyike.

Katika hatua nyingine, Katuga alimuuliza Heche kuhusu madai ya kuwepo kwa kesi dhidi ya baadhi ya viongozi wa CHADEMA zinazohusiana na madai ya kutekwa kwa watu, akiwemo Bariki na Paul Mafie. Heche alisema hafahamu kuhusu suala hilo.

Mahojiano hayo yamejikita zaidi katika chanzo na msingi wa taarifa ambazo Heche amezitoa mahakamani, huku upande wa mashtaka ukitaka kubaini kama baadhi ya madai yake yanatokana na ushahidi aliouona mwenyewe au taarifa alizosoma na kusikia kutoka kwa vyanzo vingine.

Kesi hiyo inaendelea kusikilizwa mahakamani.

Katuga: Unajua ama hujui Tanzania ni nchi huru

Katuga Unajua hujui kwa mujibu wa Katiba ya 77 Mahakama ndio chombo kinachotoa haki

Katuga: Unajua Mahakama haitakiwi kuingiliwa

Katuga: Unaimani na hii Mahakama

Heche: Kesi haijaamulIwa siwezi sema nina imani

Katuga: Waambie Majaji unaiaminini huiamini

Katuga: Je ni sahihi kisheria mtu anayekuja kuwa shahidi akamapima dimina ya majaji

Katuga: Waambie majaji kama uko hapa baada ya Lissu kuonekakana na kesi ya kujibu

Katuga: Unajua kwamba ushahidi wa kielectromic ni sawa na document

Katuga: Waambie majaji kama hotuba zako nyingi ziko mtandaoni

Katuga: Waambie majaji kama uliwahi kuongelea kesi hii baada ya mshitakiwa kupatikana na kesi ya kujibu

Katuga: Waambie majaji kama ulisema dimina ya jaji haiko sawa hata ukimuangalia

Katuga: Uko tayari tukusikilizishe

Heche: Sikuamini kuna AI siku hizi

Katuga: Waheshimiwa Majaji naomba tumuoneshe fresh memory ili atusaidie kujibu baada ya maswali

Lissu: Huu utaratibu sijaelewa uko kwa sheria gani

Jaji: Utamfanyia re-examination

Heche: Siwezi kuamini kompyuta ni Katuga zama hizi za AI waheshimiwa majaji

Jaji: Wewe sikiliza kisha utafafanua

Katuga: Hii hotuba unaikumbuka

Heche: Kwa mbaali sauti kama ni yangu

Katuga: Unaikumbuka huiumbuki

Katuga: Unakumbuka ulisema shahidi wa 17 yeye ndio amepublish

Katuga: Je hilo swala shahidi ya 17 limezungumziwa hapo kwenye video

Heche: Hiyo video sio yangu

Katuga: Walau jibu kidogo hayo maneno P17 alisema ndiye alipublish yanafanana ya ushahdi wako hayafanani

Heche: Nimeyasikia yanafanana kwenye hiyo AI yako

Katuga: Kuthibitisha na ku-establish premafasheee kesi nini maana yake

Katuga: Waambie majaji kama uliridhika Mahakama Ilipoamua Lissu anakesi ya kujibu uliridhika au hukuridhika

Katuga: Uliwahi kuita press kuwasema mashahidi waongo hapo nje

Katuga: Tukikuonesha tena utakubali au utaita AI

Heche: Siwezi kukataa kama ni kitu cha kweli

Katuga: Lissu anachombo cha habari

Katuga: Lissu akitaka kupeleka ujumbe kwa uma anatumia njia gani

Katuga: Mh Lissu akitaka kupeleka ujumbe kwa watanzania wote anatumia vyombo vya habari

Heche: Anahutubia mikutano

Katuga: Kwenye ushahdi wako ulisema mapolisi walikuwa wanaingiza kura feki kwenye vibegi vyao embu waambie majaji kama uliwahi kumkamata

Heche: Niliwahi kuona askari shule ya Msingi Nyanungu

Katuga: Ulileta huo ushahidi hapa mahakamani

Katuga: Na unataka Mahakama ikuamini

Katuga: Unajua watu wanatuhuma za mauaji kwa sababu mbali mbali

Katuga: Katika ushahiri wako umeiambia Mahakama hii Msafiri Mbwambo alichinjwa kwa kulalamikia sheria za uchaguzi

Heche: Aliuawa sababu ya siasa

Katuga: Uliwaambia majaji ameuawa sababu ya moja mbili tatu

Heche: Nilisema sababu ya sababu za kisiasa

Katuga: Umeeleza ile sababu ya msingi, waambie majaji kama umeelezea sababu yake ya kuchinjwa

Heche: Nilieleza sababu za kiuchaguzi

Katuga: Unajua au hujui kuna kesi kwa viongozi wa CHADEMA iko Arusha ya kuteka mtu anaitwa Bariki na Paul Mafie na kuwapandisha mlimani kwa nia ya kuwatesa na kuwatishia unajua au hujui

Katuga: Unajua mtu yoyote anaweza kushitakiwa kwa jinai

Katuga: Unajua kusadikika ni hisia

Katuga: Ushahadi wako Katibu wenu aliuawa na watu wanaosadikika ni wa CCM

Heche: Nilisema sababu za kiuchaguzi

Katuga: Nani anafuatilia viapo vya mawakala Chadema

Heche: Kila eneo linafuatiliaji wake, mgombea, kiongozi wa chama kulingana na eneo husika

Katuga: Mwaka 2018 wakati wa kampeni za Jimbo la Kinondoni, alikuwa mgombea ni nani

Katuga: Ni kweli kwamba siku Akwilina ameuawa mlikuwa mnafunga kampeni

Katuga: Waambie majaji kama sio kweli jioni baada ya mkutano ilitoka hamasa ya kwenda kwa Mkurugenzi kwa maandamano

Katuga: Waambie majaji kama uliwaambia majaji mlikuwa watu wa ngapi mkifuata kwenda Magomeni

Katuga: Ni kweli kwamba mlikuwa Kundi, ikabidi polisi wa wawatawanye

Katuga: Wakati mnashitakiwa 2018 ulisema Mwenyekiti alikuwa ameshambuliwa

Heche: Nilisema Mwenyekiti wetu wa sasa

Katuga: Ulisema angekuwa ameshambuliwa kwa risasi tungekuwa naye huu ni ushahidi wa aina gani ni ku- assune, kuona au kusikikiii

Katuga: Ulijua muaji wa Alphonce Mawazo

Katuga: Waambie Mahakama kama ulijua sababu

Katuga: Sasa ulijuaje hizo sababu

Heche: Sababu ya uchaguzi alikuwa kwenye kampeni

Katuga: Mtu mwenye ugomvi na Mawazo anaruhusiwa kuua wakati wa uchaguzi

Heche: Sheria inakuzuia wakati wote

Katuga: Kwa hiyo huu ushahidi wa Mawazo ni wako au wa kusoma

Heche: NIlisoma na iljadiliwa Bungeni

Katuga: Unaawaambia Majaji ushahidi wako ni sababu za Bungeni

Heche: Ni ushahidi wangu ni sababu za uchaguzi

Katuga: Waambie majaji hizo sababu za hayo mauaji umetoa wapi

Heche: Ilijadiliwa kila mahali na hata kuandikwa kwenye vyombo vya habari

Posted on

Rais Mwinyi Ateua Katibu na Wajumbe Wapya wa Baraza la Wawakilishi Zanzibar

Global Publishers
September 14, 2026
6 views
0 Comments

ZANZIBAR: Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, amefanya uteuzi wa Katibu wa Baraza la Wawakilishi na Wajumbe wawili wa Baraza hilo.

Kwa mujibu wa taarifa iliyotolewa leo, Septemba 14, 2026, na Katibu wa Baraza la Mapinduzi na Katibu Mkuu Kiongozi, Mansura M. Kassim, uteuzi huo umehusisha viongozi watatu.

Katika uteuzi huo, Ndugu Hassan Ali Hassan ameteuliwa kuwa Katibu wa Baraza la Wawakilishi. Kabla ya uteuzi huo, Hassan alikuwa Mkurugenzi wa Idara ya Uandishi wa Sheria, Ofisi ya Mwanasheria Mkuu.

Aidha, Ndugu Nassor Ahmed Mazrui na Ndugu Omar Said Shaaban wameteuliwa kuwa Wajumbe wa Baraza la Wawakilishi.

Taarifa hiyo imeeleza kuwa uteuzi huo umeanza rasmi Septemba 14, 2026.

Viongozi walioteuliwa wanatarajiwa kuapishwa mbele ya Baraza la Wawakilishi Septemba 16, 2026.

Posted on

Kocha wa Yanga Aibuka na Mbinu Mpya, Awataka Mashabiki Kuwa na Subira

Global Publishers
September 14, 2026
24 views
0 Comments

Kocha Mkuu wa Yanga, Manqoba Mngqithi, leo Septemba 14, 2026 amewatoa hofu mashabiki wa timu hiyo kufuatia kiwango kisichoridhisha katika baadhi ya michezo, akisema amepata “akili mpya” ya kukisuka na kukiunganisha vizuri kikosi chake ili kucheza soka la kuvutia na kupata matokeo makubwa zaidi.

Mngqithi, raia wa Afrika Kusini, amekiri kuwa timu yake bado inakabiliwa na changamoto ya kutengeneza na kutumia nafasi za kufunga mabao, huku safu ya ushambuliaji ikishindwa kutumia ipasavyo baadhi ya nafasi zinazopatikana.

Hali hiyo imezua malalamiko miongoni mwa mashabiki, hasa kutokana na mabadiliko ya wachezaji yanayofanywa na benchi la ufundi katika michezo ya hivi karibuni.

Yanga imefanikiwa kutinga hatua ya pili ya Ligi ya Mabingwa Afrika baada ya kuiondoa Gaborone United ya Botswana kwa jumla ya mabao 3-2. Yanga ilitoka sare ya 1-1 katika mchezo wa ugenini kabla ya kushinda 2-1 nyumbani kwenye Uwanja wa Azam Complex, Chamazi.

Licha ya kufuzu, kiwango cha soka kilichoonyeshwa na Yanga hakikuwafurahisha mashabiki wengi, ambao walionyesha kutoridhishwa na baadhi ya maamuzi ya benchi la ufundi, hususan mabadiliko ya wachezaji.

Akizungumzia hali hiyo, Mngqithi amesema kikosi chake bado hakijafikia kiwango cha utayari wa asilimia 100, lakini anaamini mbinu mpya alizozipata zitasaidia kuwaunganisha vizuri wachezaji na kuongeza makali katika eneo la umaliziaji.

Kocha huyo amewataka mashabiki wa Yanga kuwa na subira na kuendelea kuiunga mkono timu, akisisitiza kuwa kikosi kinaendelea kujengwa na kuimarika kadiri msimu unavyoendelea.

Posted on

WANANCHI WAPONGEZA MATENGENEZO YA BARABARA YA SINGIDA–IGUNGA

 

Na Thobias Mwanakatwe, Iramba

WANANCHI wa vijiji vya Ulemo, Kizaga na Misigiri katika Halmashauri ya Wilaya ya Iramba mkoani Singida, wameipongeza Serikali kupitia Wakala wa Barabara Tanzania (TANROADS) kwa kuchukua hatua za kufanya matengenezo katika barabara kuu ya Singida–Igunga mkoani Tabora, wakisema hatua hiyo imewapunguzia adha iliyokuwa ikiwakabili kwa muda mrefu.

Wananchi hao wamesema matengenezo yaliyofanyika katika kipande cha barabara kinachoanzia Kijiji cha Ulemo hadi Misigiri yameleta nafuu kubwa kwa watumiaji wa barabara hiyo, hasa madereva wa magari ya abiria, malori, wafanyabiashara na wananchi wanaosafiri kati ya Mkoa wa Singida na maeneo ya Mkoa wa Tabora.

Wakizungumza kwa nyakati tofauti na Nipashe, wakati gazeti hili lilipotembelea eneo hilo na kushuhudia hali ya barabara hiyo, wananchi walisema awali baadhi ya maeneo yalikuwa yameharibika kwa kiasi kikubwa kutokana na kuwepo kwa mashimo yaliyokuwa yakilazimisha magari kupunguza mwendo na wakati mwingine kuyakwepa kwa kuingia upande mwingine wa barabara.

Kwa mujibu wa wananchi hao, hali hiyo haikuwa tu kero kwa watumiaji wa barabara, bali pia ilikuwa ikihatarisha usalama wa abiria na madereva, huku ikiongeza gharama za uendeshaji wa magari kutokana na uharibifu wa matairi, mifumo ya suspension na sehemu nyingine za magari.

Mmoja wa wakazi wa Kijiji cha Ulemo, Juma Hamisi, alisema kabla ya matengenezo hayo, usafiri katika eneo hilo ulikuwa na changamoto kutokana na hali ya barabara, hasa wakati magari yanapokutana kwenye maeneo yaliyokuwa na mashimo makubwa.

Alisema madereva walilazimika kuwa waangalifu zaidi na kupunguza mwendo ili kuepuka mashimo, jambo ambalo liliongeza muda wa safari na wakati mwingine kusababisha foleni ndogo pale magari yalipokuwa yakikabiliana na mashimo makubwa.

«“Awali barabara ilikuwa na mashimo mengi na makubwa. Dereva akifika hapa alilazimika kupunguza mwendo sana au wakati mwingine kwenda pembeni ili kulikwepa shimo. Hali hiyo ilikuwa inasababisha usumbufu mkubwa kwa magari na abiria,” alisema.»

Alisema tofauti na hali ya awali, kwa sasa magari yamekuwa yakipita kwa urahisi zaidi katika maeneo yaliyofanyiwa matengenezo, huku madereva wakionekana kuwa na uhuru mkubwa wa kutumia barabara bila kulazimika kuyakwepa mashimo kama ilivyokuwa hapo awali.

Mwananchi huyo aliishauri TANROADS kuendelea kufanya ukaguzi wa mara kwa mara katika barabara hiyo ili kubaini maeneo yanayoanza kuharibika mapema na kuyafanyia matengenezo kabla hali haijawa mbaya.

Naye mkazi wa Kijiji cha Kizaga,Abdullah  Omari, alisema hali mbaya ya barabara hiyo ilikuwa ikiwapa wakati mgumu zaidi madereva wanaotumia barabara hiyo mara kwa mara.

Alisema magari yanapopita kwenye mashimo makubwa mara kwa mara, baadhi ya sehemu zake huharibika, hali inayowalazimu wamiliki kutumia fedha nyingi kufanya matengenezo.

«“Mashimo yalikuwa yakisababisha magari kupata hitilafu. Gari linaweza kuingia kwenye shimo na tairi likapata tatizo au sehemu nyingine ya gari kuharibika. Kwa hiyo dereva alikuwa akitumia gharama zaidi kuliko kawaida,” alisema.»

Alisema gharama hizo hazikuwa zikibaki kwa wamiliki wa magari pekee, bali kwa namna moja au nyingine zilimfikia mwananchi wa kawaida kupitia ongezeko la nauli au gharama za usafirishaji wa bidhaa.

Kwa mfano, alisema wafanyabiashara wanaosafirisha bidhaa kwa kutumia magari kutoka Singida kwenda maeneo mbalimbali ya Tabora na kinyume chake walihitaji magari yao yawe katika hali nzuri wakati wote, jambo ambalo lilikuwa gumu endapo barabara ilikuwa na mashimo mengi

Naye Neeema John alisema matengenezo yaliyofanyika yameanza kuleta mabadiliko yanayoonekana, akieleza kuwa magari sasa yanapita kwa urahisi zaidi katika maeneo yaliyofanyiwa kazi.

«“Sasa tunaona tofauti. Barabara imekuwa nzuri zaidi ukilinganisha na hali iliyokuwa awali. Tunashukuru kwa hatua hii, lakini tunaomba matengenezo yaendelee katika maeneo mengine ambayo bado yana changamoto,” alisema.»

Kwa upande wake, mkazi wa Kijiji cha Misigiri, Thomas Johnson, alisema hali ya awali ya barabara ilikuwa ikiwapa usumbufu abiria wanaosafiri kwa magari ya abiria na binafsi.

Alisema wakati magari yalipokuwa yakipita kwenye mashimo, abiria walikumbana na mitikisiko mikubwa, hali ambayo ilikuwa ikifanya safari kuwa ngumu na kuchosha.

“Unapokuwa ndani ya gari na linaingia kwenye shimo kubwa, unapata mtikisiko mkubwa. Wakati mwingine abiria walikuwa wakilalamika kwa sababu safari ilikuwa inakuwa ngumu. Sasa hali imeanza kuwa nzuri baada ya barabara kutengenezwa,” alisema.

Alisema barabara nzuri ni muhimu kwa wananchi kwa sababu inaunganisha maeneo mbalimbali na kurahisisha shughuli za kiuchumi, ikiwamo usafirishaji wa mazao, bidhaa na watu.

Aidha, alisema barabara hiyo ina umuhimu mkubwa kwa wakazi wa vijiji vilivyopo kandokando yake kwa kuwa wanaitumia kwenda kwenye masoko, vituo vya huduma za afya, shule na maeneo mengine muhimu.

Wananchi hao walisema matengenezo hayo yamewapa matumaini kuwa changamoto za usafiri zilizokuwa zikijitokeza kutokana na uharibifu wa barabara hiyo zinaweza kupungua ikiwa Serikali itaendelea kuwekeza katika matengenezo ya barabara kwa wakati.

Walisema ni muhimu barabara hiyo kutotunzwa baada ya kuharibika kwa kiwango kikubwa, bali ukaguzi na matengenezo madogo yafanyike mara kwa mara ili kuzuia mashimo madogo kukua na kuwa makubwa.

Mwananchi mwingine wa eneo hilo, Suleiman abdulahaman, alisema uzoefu wa awali umeonyesha kuwa kuchelewa kwa matengenezo kunaweza kuongeza gharama kwa Serikali na wananchi kwa ujumla.

“Ni vizuri barabara ikifuatiliwa mara kwa mara. Shimo likianza leo likarekebishwa mapema, halitakuwa kubwa kesho. Likiachwa linakuwa kubwa, linaharibu magari na baadaye matengenezo yake yanahitaji fedha nyingi,” alisema.

Alisema wananchi wanaunga mkono juhudi za Serikali za kuboresha miundombinu ya barabara, lakini wakaomba matengenezo yafanywe kwa ubora unaoweza kudumu kwa muda mrefu.

Kwa pamoja, wananchi hao waliishauri Serikali kupitia TANROADS kuendelea na matengenezo ya barabara hiyo katika maeneo mengine yenye changamoto, pamoja na kuweka utaratibu wa kufanya ukaguzi wa mara kwa mara.

Walisema hatua hiyo itasaidia kuhakikisha barabara inabaki katika hali nzuri na kupunguza uwezekano wa kurudi kwa changamoto za mashimo makubwa zilizokuwa zikisababisha usumbufu kwa watumiaji.

Pia waliomba kuwepo kwa alama za barabarani na tahadhari katika maeneo ambayo bado yanaendelea kufanyiwa matengenezo, ili madereva waweze kuchukua tahadhari na kuepuka ajali.

Kwa upande wa madereva, wananchi hao walisema pamoja na barabara kutengenezwa, bado ni muhimu madereva kuzingatia sheria za usalama barabarani, kuepuka mwendo kasi na kuwa makini hasa katika maeneo yenye shughuli nyingi za wananchi.

Wananchi walisema barabara ya Singida–Igunga ni miongoni mwa miundombinu muhimu inayochochea shughuli za kiuchumi kwa kuwa inawaunganisha wananchi wa maeneo mbalimbali na kurahisisha usafirishaji wa watu na bidhaa.

Walisema wafanyabiashara, wakulima na wafugaji wanategemea barabara hiyo kusafirisha bidhaa na mazao yao kwenda katika masoko mbalimbali.

Kwa wakulima, walisema barabara nzuri hupunguza gharama za usafirishaji na kuwasaidia kufikisha mazao sokoni kwa wakati, wakati kwa wafanyabiashara barabara nzuri huwezesha bidhaa kusafirishwa kwa urahisi na kupunguza gharama zinazoweza kutokana na kuharibika kwa magari.

Kutokana na umuhimu huo, wananchi hao walisema wanatarajia matengenezo yaliyofanyika yawe mwanzo wa hatua endelevu za kuhakikisha barabara hiyo inakuwa katika hali nzuri muda wote.

Walisema endapo barabara itatunzwa vizuri, siyo tu itasaidia kupunguza uharibifu wa magari, bali pia itaongeza usalama wa abiria na kurahisisha shughuli za kiuchumi katika maeneo yote yanayohudumiwa na barabara hiyo.

Kwa sasa, wananchi hao wamesema wanaona tofauti kati ya hali ya awali na hali ya sasa, huku wakisisitiza kuwa matengenezo ya barabara yanapaswa kuwa endelevu na siyo kusubiri barabara iharibike kwa kiwango kikubwa ndipo hatua zichukuliwe.

Wameipongeza TANROADS kwa hatua iliyochukuliwa na kuiomba kuendelea kusimamia ubora wa matengenezo pamoja na kufuatilia kwa karibu maeneo mengine yanayoweza kuanza kuonyesha dalili za kuharibika.

“Tunashukuru kwa matengenezo haya. Tunachoomba sasa ni matengenezo yaendelee na barabara itunzwe mara kwa mara ili tusirudi tena kwenye hali ya mashimo makubwa iliyokuwa ikitupa usumbufu,” alisema Mwanaid Juma

Posted on

Misri Yaitaka Iran Kusitisha Mashambulizi Dhidi Ya Nchi za Kiarabu

Rais wa Misri, Abdel Fattah El-Sisi, ameitaka Iran kuchukua hatua za kupunguza mvutano unaoongezeka katika Mashariki ya Kati na kushirikiana katika kutafuta suluhisho la kudumu la amani.

El-Sisi ametoa wito huo Jumapili, Septemba 14, 2026, wakati wa mazungumzo na Rais wa Iran, Masoud Pezeshkian, yaliyofanyika pembezoni mwa Mkutano wa BRICS mjini New Delhi, India.

Katika mazungumzo hayo, El-Sisi pia ameitaka Iran kusitisha mashambulizi dhidi ya mataifa ya Kiarabu, akisisitiza umuhimu wa kuheshimu uhusiano mwema kati ya nchi hizo pamoja na mamlaka na uhuru wa mataifa ya eneo hilo.

Kwa mujibu wa msemaji wa Ikulu ya Misri, Mohamed El-Shennawy, El-Sisi ameitaka Tehran kufanya “juhudi zote zinazowezekana” kupunguza mvutano, huku akisisitiza kuwa Misri inaendelea kuunga mkono juhudi za kurejesha utulivu katika eneo hilo.

Misri imeongeza juhudi zake za kidiplomasia katika kutafuta njia ya kumaliza mzozo huo na kufufua mazungumzo yaliyokwama kati ya Iran na Marekani.

Wakati huo huo, Waziri wa Mambo ya Nje wa Misri, Badr Abdelatty, ametoa wito wa kurejea kwenye mazungumzo ya Marekani na Iran, akisema suluhisho la kidiplomasia linapaswa kupewa kipaumbele ili kuzuia mzozo huo kuenea zaidi.

Mvutano umeendelea pia kuzunguka Mlango wa Hormuz, njia muhimu ya usafirishaji wa nishati ambayo kabla ya vita ilipitisha takribani moja ya tano ya mafuta yanayotumika duniani.

Oman inaongoza juhudi za kidiplomasia za kuwezesha usafiri kupitia njia hiyo, huku Iran na mataifa ya Ghuba yakitarajiwa kufanya mazungumzo mjini Muscat Jumatatu. Hata hivyo, afisa mmoja wa Iran amesema hakuna makubaliano ya mwisho yanayotarajiwa kusainiwa kuhusu Mlango wa Hormuz katika mkutano huo.

Mkutano wa El-Sisi na Pezeshkian umefanyika wakati mzozo wa Mashariki ya Kati ukiwa miongoni mwa masuala makuu yaliyojadiliwa katika mkutano wa siku mbili wa BRICS.

Viongozi wa BRICS walipitisha tamko la pamoja Jumamosi wakieleza “wasiwasi mkubwa” kuhusu kuongezeka kwa mzozo huo na kutoa wito wa “kujizuia kwa kiwango cha juu” pamoja na kutatua migogoro kupitia mazungumzo na diplomasia.

Iran na Umoja wa Falme za Kiarabu (UAE) ziliunga mkono tamko hilo licha ya kuwa na misimamo tofauti kuhusu mzozo huo.

Kwa upande mwingine, Pezeshkian alifanya mazungumzo ya ana kwa ana na Mwanamfalme wa Abu Dhabi, Sheikh Khaled bin Mohamed bin Zayed Al-Nahyan. Mazungumzo hayo yameelezwa kuwa ya kiwango cha juu zaidi kati ya Iran na UAE tangu kuanza kwa mzozo huo.

Viongozi hao walijadili namna ya kupunguza mvutano wa kikanda na kuimarisha usalama na utulivu, huku Sheikh Khaled akisisitiza umuhimu wa mazungumzo na suluhisho la kidiplomasia.

Misri, Iran na UAE ni miongoni mwa wanachama wapya wa BRICS iliyopanuliwa. Misri, Ethiopia, Iran na UAE zilijiunga mwaka 2024, zikifuatiwa na Indonesia mwaka 2025.

Kwa sasa, BRICS inawakilisha zaidi ya asilimia 40 ya watu duniani na takribani robo ya uchumi wa dunia, huku ikilenga kuongeza ushawishi wa nchi zinazoibukia katika taasisi za kimataifa na kukuza mfumo wa dunia wenye nguvu nyingi za kisiasa na kiuchumi.

Mkutano wa New Delhi umeweka mkazo mkubwa katika nafasi ambayo BRICS inaweza kuchukua katika juhudi za kidiplomasia, huku Rais wa China, Xi Jinping, akizitaka nchi wanachama wa BRICS kusaidia kuendeleza suluhisho la kisiasa kwa mzozo wa Mashariki ya Kati.

Posted on

Lamine Yamal Ajiweka Juu ya Mbappe Ballon d’Or 2026

Shechambo Chris
September 14, 2026
0 views
0 Comments

Nyota wa Barcelona, Lamine Yamal, ameongeza presha katika mbio za kuwania tuzo ya Ballon d’Or 2026, akimtaja mshambuliaji wa Real Madrid, Kylian Mbappe, kuwa mpinzani wake mkuu katika kinyang’anyiro hicho.

Yamal amesema anaamini yeye na Mbappe ni miongoni mwa wachezaji wawili bora duniani kwa sasa, lakini anaona anastahili zaidi kutwaa tuzo hiyo kutokana na mafanikio aliyoyapata katika msimu uliopita.

Mchezaji huyo wa Barcelona amekuwa na msimu wa kuvutia, akisaidia klabu yake kutwaa ubingwa wa LaLiga, huku akiwa sehemu muhimu ya kikosi cha Hispania kilichotwaa Kombe la Dunia. Aidha, Yamal alitwaa tuzo ya Mchezaji Bora wa LaLiga kwa msimu wa 2025/26.

Kwa upande mwingine, Mbappe alikuwa mfungaji bora katika Kombe la Dunia, LaLiga na UEFA Champions League, ingawa hakufanikiwa kutwaa taji kubwa na klabu yake msimu uliopita.

Yamal amesema anajenga hoja yake kutokana na kile alichokifanya uwanjani, akiamini mafanikio ya timu pamoja na mchango wake binafsi vinampa nafasi kubwa ya kutwaa Ballon d’Or mwaka huu.

Mshindi wa Ballon d’Or 2026 anatarajiwa kutangazwa Oktoba 26, 2026, London.

Na Tereza Muga



Posted on

Heche Ahojiwa Kuhusu Ripoti Za Uchaguzi Alizozitumia Mahakamani, Akanusha Kupata Division Four

Dar es Salaam, Septemba 14, 2026 — Makamu Mwenyekiti wa Chadema, John Heche, ameendelea kuhojiwa mahakamani katika kesi inayomkabili Mwenyekiti wa chama hicho, Tundu Lissu, huku upande wa serikali ukimhoji kuhusu wasifu wake, mali, madai ya mauaji, utekaji na taarifa za uchaguzi alizozitoa katika ushahidi wake.

Katika sehemu ya maswali kuhusu elimu yake, Heche ameiambia mahakama kuwa ana Shahada ya Elimu na Sanaa (Bachelor of Arts with Education) na kwamba baada ya kumaliza A-Level alisoma diploma ya ualimu kabla ya kuendelea na masomo ya chuo kikuu.

Wakili Nassor Katuga pia alimuuliza kuhusu jina alilotumia katika masomo yake ya msingi hadi sekondari, ambapo Heche alithibitisha kuwa alisoma kwa jina la Wegesa Charles Suguti. Aidha, alikanusha madai kwamba alipata Division Four katika mtihani wa kidato cha nne, akisema alipata Division One ya pointi 11.

Katika maswali kuhusu mali, Heche alikiri kuwa anamiliki magari, huku maelezo ya majadiliano mahakamani yakihusu taarifa za umiliki wa magari zinazohifadhiwa na TRA.

Madai ya mauaji na utekaji

Katika sehemu nyingine ya maswali, Wakili Ignas Mwinuka alimuuliza Heche kuhusu orodha ya watu aliowataja katika madai ya mauaji. Heche alisema hakushuhudia kwa macho yake baadhi ya matukio aliyoyataja, akiwemo mtu aliyemtaja katika tukio la Arumeru na mwingine katika tukio la Ezekiel Wenje.

Heche pia alikiri kuwa hakueleza mahakamani taarifa za kitabibu kuhusu chanzo cha vifo vya watu aliowataja na kwamba hakushiriki katika uchunguzi wa miili yao.

Kuhusu madai ya utekaji na watu kupotea, Heche aliiambia mahakama kuwa hajawahi kushuhudia mtu akitekwa kwa macho yake wala kushuhudia mtu yeyote kati ya aliowataja akipotea.

Ripoti za uchaguzi

Wakili Mwinuka pia alihoji kuhusu ripoti mbalimbali za uchaguzi ambazo Heche alizitaja katika ushahidi wake. Heche alisema ripoti hizo alizipata kupitia vyombo vya habari.

Alithibitisha kuwa ripoti za Thabo Mbeki Foundation, Umoja wa Mataifa, Human Rights Watch, Jumuiya ya Madola, Umoja wa Afrika na waangalizi wa SADC zilikuwa kwa kiasi kikubwa zimeandikwa kwa Kiingereza.

Alipoulizwa kama yeye ndiye aliyefasiri taarifa hizo kutoka Kiingereza kwenda Kiswahili wakati akitoa ushahidi mahakamani, Heche alikubali. Hata hivyo, alisema hakueleza mahakamani kuhusu umahiri wake wa lugha uliomwezesha kufanya tafsiri hizo.

Tukio la Septemba 7, 2017

Katika maswali kuhusu tukio la kushambuliwa kwa Tundu Lissu Septemba 7, 2017, Heche alisema hakuwapo eneo la tukio na kwamba maelezo aliyoyatoa kuhusu shambulio hilo yalitokana na maelezo aliyotoa Lissu mwenyewe.

Heche pia alisema anakumbuka Spika wa Bunge wakati huo kutoa taarifa ya kulaani tukio hilo, huku akisema hakumbuki kama Rais wa wakati huo, John Magufuli, na Katibu wa Itikadi na Uenezi wa CCM, Humphrey Polepole, walitoa taarifa za kulaani au kusikitishwa na tukio hilo.

Usikilizwaji wa kesi unaendelea, huku upande wa serikali ukiendelea kumuuliza Heche kuhusu madai mbalimbali aliyoyatoa katika ushahidi wake wa msingi, ikiwemo masuala ya uchaguzi, mashambulizi, utekaji, mauaji na ripoti za waangalizi wa kimataifa.

Katuga: Kwa maneno rahisi wewe ni mwalimu

Katuga: Ulienda moja kwa moja

Heche: Nilienda chuo cha ualimu diploma kisha nienda tena digrii

Katuga: Umesoma kwa jina la wegesa chacha suguta

Katuga: Ulipata four form four (Division 4 kidato cha 4)

Heche: Uongo nilipata 1.11

Katuga: Mbali ya kuwa makamo mwenyekiti

Katuga: Umeiambia mahakama kama una kitu kingine cha kuingiza kipato

Katuga: Umeiamba Mahakama kama unalipa posho au mshahara

Katuga: Una Malori yanafanya kazi Kenya

Hecha: Sina mimi ni mkulima

Katuga: Una magari manne ya bei mbaya

Heche: Nina magari mawili bei mbaya sijui ni kitu gani

Katuga: Unajua taarifa za umiliki wa magari zinahifadhiwa TRA

Katuga: Hizi kadi ni ngapi

Katuga: Zimesajiliwa kwa majina gani

Katuga: Mfumo wa TRA unakusoma una vitu vitano

Katuga: Kiutaratibu wa chama zile tone tone kiongozi akipokea michango anafanya nini

Heche: Masuala ya fedha yako chini ya Katibu Mkuu

Katuga: Pesa ulizopokea kwa Nilesh ulifanya nini

Katuga: Uliwaaambia majaji ulisoma taarifa ya TLS

Katuga: Waambie majaji ilikuwa ya lini

Heche: Nilisema ya 2026 sikumbuki tarehe

Katuga: Nimekusikia ukisema taarifa nyinge iliandikwa kwa kingereza

Katuga: Na ya TLS iliandikwa kwa kingereza

Katuga: Kuna mtu ulimtaja anaitwa Saimon Kanguye

Heche: Kati ya mwaka 2017 hapo

Katuga: Una fahamu kama kuna matukio ya kijinai ya watu kuwaua watu kwa visasi

Katuga: Hii taarifa ya TLS ya mwaka 2024 jina la mwisho ni la nani

Katuga: Umesema ulipata taarifa ya kutekwa kwakwe kwenye vyombo vya Habari. Chombo gani

Katuga: Uliwahi kuchunguza Kanguye

Heche: Familia yake ilisema ametoweka ametekwa

Wakili Katuga: Unajua au hujui kwamba lengo la kukuuliza maswali haya ni kuifanya mahakama ipime uaminifu wa ushahidi wako?

Heche: Wa uongo au wa ukweli?

Wakili Katuga: Waambie majaji, ni kweli baba yako anaitwa Charles Heche Suguye?

Wakili Katuga: Una elimu gani?

Heche: Shahada ya Elimu na Sanaa (Bachelor of Arts with Education).

Wakili Katuga: Wewe ni mwalimu?

Wakili Katuga: Uliendaje kusoma shahada hiyo?

Heche: Nilimaliza A-Level, nikaenda chuo cha ualimu kusoma diploma, kisha baadaye nikaenda chuo kikuu.

Wakili Katuga: Ni kweli kwamba kuanzia shule ya msingi hadi sekondari ulisoma kwa jina la Wegesa Charles Suguti?

Wakili Katuga: Ni kweli kidato cha nne ulipata Division Four ya alama 27?

Wakili Katuga: Ulipata Division ngapi?

Wakili Katuga: Ya pointi ngapi?

Wakili Katuga: Mbali na kuwa Makamu Mwenyekiti wa Chadema, umeiambia mahakama kwamba unajiingizia kipato kupitia shughuli gani?

Madai ya kutekwa na kupotea

Wakili Mwinuka: Wewe binafsi umewahi kushuhudia mtu akitekwa kwa macho yako?

Heche: Kwa macho yangu sijawahi kushuhudia.

Wakili Mwinuka: Umewahi kushuhudia mtu akipotea kati ya hao uliowataja?

Wakili Mwinuka: Kuhusu Tume ya Chande ya Oktoba 29, msimamo wa Chadema ulikuwa upi?

Heche: Msimamo wetu ulikuwa kwamba tume hiyo haikuaminika kwa sababu iliundwa katika mazingira ya kuficha ukweli kuhusu waliohusika.

Wakili Mwinuka: Kwa msimamo huo, hamkutoa ushirikiano kwa tume hiyo?

Wakili Mwinuka: Katika ripoti ulizozitaja kuhusu uchaguzi mkuu wa mwaka jana, ripoti ya Afrika Mashariki ilisema nini?

Heche: Ilisema uchaguzi ulikuwa mzuri, wa haki na haukuwa na tatizo lolote.

Wakili Mwinuka: Kuhusu ripoti nyingine za kikanda na kimataifa, hukueleza ulizipata wapi, ni kweli?

Heche: Nilieleza kwamba nilizipata kupitia vyombo vya habari.

Wakili Mwinuka: Kwa hiyo ulizipata kupitia Google?

Heche: Nilieleza nilikozipata.

Wakili Mwinuka: Ripoti ya Thabo Mbeki Foundation iliandikwa kwa lugha gani?

Wakili Mwinuka: Hii ya UN je?

Heche: Kiingereza, lakini pia waliandika kwa lugha nyingine.

Wakili Mwinuka: Human Rights Watch?

Wakili Mwinuka: Jumuiya ya Madola?

Wakili Mwinuka: Taarifa ya AU?

Wakili Mwinuka: Waangalizi wa SADC?

Wakili Mwinuka: Utakubaliana kwamba wewe ndiye ulifasili taarifa hizi kutoka Kiingereza kwenda Kiswahili hapa mahakamani?

Wakili Mwinuka: Hukueleza umahiri wako wa lugha uliokuwezesha kufanya tafsiri hizo?

Wakili Mwinuka: Unakubaliana kwamba tafsiri inaweza kubadili maana kulingana na umahiri wa mfasiri?

Heche: Sijui.

Wakili Mwinuka: Kuhusu madai ya mauaji, umetaja orodha ya waliouawa. Je, wewe uliwahi kushuhudia kwa macho yako?

Heche: Nilikuwepo Nyamongo siku ya kufunga kampeni…

Wakili Mwinuka: Ni mauaji mangapi uliyashuhudia kwa macho yako?

Heche: Hadi niorodheshe? Ndiyo maana nimeanza kueleza.

Wakili Mwinuka: Ni mauaji mangapi uliyashuhudia kwa macho yako?

Wakili Mwinuka: Kuhusu mauaji ya Arumeru, ulimtaja nani?

Wakili Mwinuka: Wewe ulikuwepo wakati tukio hilo linatokea?

Wakili Mwinuka: Kuhusu tukio la Ezekiel Wenje, ulisema nani alipata tukio?

Wakili Mwinuka: Katika hayo mauaji uliyoyaeleza, ulikuwepo eneo la tukio?

Wakili Mwinuka: Unatambua kwamba chanzo cha kifo kisheria lazima kithibitishwe na taarifa ya kitaalamu?

Wakili Mwinuka: Kwa mauaji yote uliyoyaeleza hapa mahakamani, umeeleza chanzo cha kifo kwa mujibu wa taarifa za kitabibu?

Heche: Sikueleza taarifa za kitabibu.

Wakili Mwinuka: Umewahi kushiriki kama shahidi katika uchunguzi wa miili ya watu hao?

Posted on

Oman Yahairisha Mkutano Wa Kujadili Hatma Ya Mlango Wa Hormuz

Global Publishers
September 14, 2026
54 views
0 Comments

Oman imetangaza kuahirishwa kwa mkutano uliokuwa umepangwa kujadili hatma ya Mlango wa Hormuz, njia muhimu inayotumika kusafirisha kiasi kikubwa cha mafuta na gesi duniani.

Wiki iliyopita, Iran ilitangaza kuwa Oman ingekuwa mwenyeji wa mkutano huo. Hata hivyo, hakuna nchi nyingine katika eneo hilo iliyothibitisha rasmi kushiriki, huku Bahrain ikitangaza wazi kuwa haitahudhuria.

Pamoja na kuahirishwa kwa mkutano huo, Oman imesema itaendelea kuhimiza mazungumzo yenye lengo la kuimarisha utulivu, usalama na ushirikiano wa kikanda.

Posted on

Meridianbet Yaipa Jumatatu Ladha Mpya kwa Cashback na Bonus

Global Publishers
September 14, 2026
0 views
0 Comments

Kwa wachezaji wa kasino mtandaoni, Jumatatu sasa inaweza kuwa zaidi ya mwanzo wa wiki ya kazi na majukumu. Meridianbet imeendeleza Monday Cashback & Bonus Back, promosheni inayoongeza msisimko wa kipekee mwanzoni mwa wiki kwa kuhusisha shughuli za kasino zilizofanyika katika wiki iliyopita na zawadi zinazoweza kutolewa kwa wachezaji wanaostahili.

Kupitia mfumo huu, shughuli za kasino za wiki iliyopita haziishii tu pale wiki inapofungwa. Meridianbet huzitazama kwa mujibu wa vigezo vya promosheni na wachezaji wanaostahili wanaweza kupata Cashback na Bonus Back. Kwa hiyo, wiki mpya inaanza ikiwa na mwendelezo wa burudani ya wiki iliyopita.

Vilevile, meridianbet wana michezo mingi ya kasino mtandaoni na mechi za kimataifa za kubashiri zenye ushindani mkubwa wa odds. Jiunge leo kwa kutembelea tovuti ya meridianbet au piga *149*10# kisha uanze safari yako ya ushindi.

Hakuna usajili mwingine unaohitajika kwa wachezaji ambao tayari wamesajiliwa Meridianbet. Wachezaji huzingatiwa kulingana na masharti na vigezo vya promosheni, huku kampuni ikiwa na mamlaka ya mwisho ya kuamua ustahiki na kiwango cha zawadi.

Katika soko la burudani za kasino linalozidi kuwa na ushindani, uzoefu wa mchezaji ni sehemu muhimu ya mchezo. Wachezaji wanataka sababu ya kurejea na kuendelea kufurahia safari yao. Monday Cashback & Bonus Back inaleta kipengele hicho cha matarajio kwa kufanya Jumatatu kuwa siku ya kuangalia kinachoweza kuwa kimewasili baada ya wiki ya burudani.

Meridianbet inaendelea kuonyesha namna ubunifu unavyoweza kubadilisha uzoefu wa kasino mtandaoni. Kwa kuunganisha shughuli za wiki iliyopita na uwezekano wa zawadi katika wiki mpya, promosheni hii imeifanya Jumatatu kuwa siku yenye mvuto wake.

 

Posted on

Ligi Zimerudi, Inter, Newcastle na Villarreal Kukiwasha leo, Odds Kubwa Kutoka Meridianbet

Ligi mbalimbali zimerejea na huu ni msimu wa kutengeneza pesa tuu. Anza safari ya ushindi hapa kwani wengi wametajirika sana. Usisubiri kuhadithiwa kwani mabingwa wote wanapatikana hapa.

ITALIA kule SERIE A kutakuwa na mechi nyingi lakini sisi tutawatazama mabingwa watetezi Inter Milan ambao wao watakuwa nyumbani kukiwasha dhidi ya Udinese ambao wapo nafasi ya 11 kwenye msimamo wa ligi baada ya kukusanya pointi 4 hadi sasa.

Inter chini ya Chivu imekuwa ni timu ambayo inaendelea kufanya vyema kwani hadi sasa kwenye mechi 3 ambazo wamecheza wamefanikiwa kupata ushindi mechi zote tatu na kukusanya pointi 9.

Timu hiyo inahitaji kuendelea kukusanya kila pointi ili kujiweka kwenye nafasi nzuri ya kutetea taji lao msimu huu pia huku wakiwa na wachezaji wengi na wenye ubora mkubwa wa kufanya hivyo wakiongozwa na Lautaro Martinez.

Udinese ni moja ya timu ambazo sio rahisi kuzifunga, lakini Inter wanaweza wakatumia uwanja wao wa nyumbani vyema kuhakikisha wanapata ushindi. ODDS KUBWA zipo hapa kwaajili yako hivyo beti sasa.

Mkwanja mnono upo kupitia michezo ya Kasino ya Mtandaoni kama vile, Keno, Aviator, Poker, Roulette, Wild Icy Fruits, Super Heli na mingine kibao. Jiunge leo kwa kutembelea tovuti ya meridianbet.co.tz au piga *149*10# kisha uanze safari yako ya ushindi.

Ligi kuu ya Uingereza yaani EPL itaendelea kwa mechi moja pekee ambapo Leeds United watakuwa nyumbani kumenyana dhidi ya Newcastle United, moja ya mchezo ambao unatarajiwa kuwa wa kuvutia kutokana na namna ambavyo timu zote huwa zinacheza.

Leeds United wao wana faida moja ya kutumia mashabiki zao hapo nyumbani ambao kw anamna moja au nyingine wanawapa morali ya kupambana zaidi na kuweka presha kwenye mchezo kwani ushindi huo utakuwa muhimu sana kwa upande wao baada ya kutoa sare kwenye mechi iliyopita. Bashiri mechi hii.

Kwa upande wa Newcastle United, uzoefu na ubora wa kikosi unaweza kuwapa faida katika mchezo huu. Newcastle ina uwezo wa kushambulia kupitia pembeni na pia kutumia mipira ya haraka pale inapopata nafasi. Ikiwa wataweza kutawala eneo la kiungo na kuzuia Leeds kucheza kwa uhuru, wana nafasi nzuri ya kupata matokeo.

Odds kubwa zipo kwenye mechi hii huku wakali wa ubashiri wao wakimpendelea Newcastle kuondoka na ushindi ugenini kutokana na kuwa na wachezaji bora. Lakini je Leeds watakubali?. Jisajili hapa.

Pia kule Hispania LALIGA kutakuwa na mechi moja kati ya Villarreal dhidi ya Real Betis ambapo Nyambizi wa Njano wao wakiwa na faida ya kucheza nyumbani lkaini pia na uwezo wao mkubwa wa kumiliki mpira na kutengeneza nafasi kupitia mashambulizi ya kushtukiza.

Real Betis wao, ni timu yenye uwezo wa kucheza kwa utulivu na kutumia pasi nyingi kujenga mashambulizi. Wakiwa na nafasi, Betis wanaweza kuwa hatari katika eneo la mwisho na kulazimisha Villarreal kurudi nyuma. Hata hivyo, watapaswa kuwa makini dhidi ya mashambulizi ya haraka ya Villarreal.

Tofauti ya pointi kati yao hadi sasa ni 7 pekee ambapo mwenyeji ndio kwanza ana pointi 2 kwenye mechi nne ambazo amecheza hivyo mwenendo wake sio mzuri kwenye ligi hadi sasa, wakati mpinzani wake akiwa na pointi tisa hadi sasa. Beti hapa.

Mara ya mwisho kukutana, yaanai msimu uliopita kwenye mechi mbili walizokutana, Betis alifanikiwa kuondoka na pointi 4 baada ya mechi ya kwanza kutoa sare na ya pili kushinda wakiwa kwao. Je nani kuondoka na ushindi leo?. Jisajili hapa.