Dar es Salaam. Watu wanne wamefariki dunia na wengine kujeruhiwa baada ya basi la kampuni ya Abood kugongana na gari dogo aina ya Toyota IST katika eneo la Bunju Sokoni, Kinondoni, Dar es Salaam.
Kwa mujibu wa taarifa iliyotolewa na Jeshi la Polisi Tanzania leo, Septemba 8, 2026, ajali hiyo ilitokea Septemba 7, 2026 saa 7:40 usiku katika Barabara ya Bagamoyo, eneo la Bunju Sokoni.
Taarifa hiyo imeeleza kuwa basi lenye namba za usajili T 235 EMJ, aina ya Yutong mali ya kampuni ya Abood, lilikuwa likiendeshwa na Christivian Steven Shemuhilu, mwenye umri wa miaka 38, mkazi wa Kange, Tanga.
Basi hilo lilikuwa likitokea Tegeta kuelekea Bunju likiwa safarini kwenda Mkoani Tanga, ndipo lilipogongana na gari lenye namba T 274 ERU, aina ya Toyota IST, lililokuwa likiendeshwa na Hamad Mohamed Juma, mwenye umri wa miaka 37, mkazi wa Mtoni Mtongani, Dar es Salaam.
WATU WANE WAFARIKI
Jeshi la Polisi limesema chanzo cha ajali hiyo ni uzembe wa dereva wa basi, ambaye alifanya kitendo cha “overtake” bila kuchukua tahadhari dhidi ya watumiaji wengine wa barabara.
Watu waliopoteza maisha katika ajali hiyo ni:
Hamad Mohamed Juma, miaka 37, mkazi wa Mtoni Mtongani, Dar es Salaam.
Edward Kimanyara, mstaafu, mkazi wa Yombo Dovya, Temeke.
Magdalena Manyenga, miaka 45, mkazi wa Temeke.
Melina Emmanuel Kayoka, miaka 42, mkazi wa Yombo Kisiwani, Temeke.
Jeshi la Polisi limesema miili ya marehemu imehifadhiwa katika Hospitali ya Mwananyamala, Kinondoni, Dar es Salaam.
DEREVA AKAMATWA
Dereva wa basi hilo, Christivian Steven Shemuhilu, anashikiliwa na Jeshi la Polisi kwa hatua zaidi za kisheria.
Jeshi la Polisi limetoa wito kwa watumiaji wote wa barabara, hususan madereva, kuhakikisha wanaendesha kwa umakini, kuzingatia sheria na kanuni za usalama barabarani ili kuepusha ajali na madhara kwa watumiaji wengine.
MATUKIO DAIMA MEDIA IMETEULIWA KUWANIA TUZO ZA SKA2026 TUNAOMBA KURA YAKO WAWEZA KUPIGA KURA KIRAHISI KULIKO KUPITIA LINK HIIBONYEZA HAPA KUPIGA KURA ZOTE NNE
AHSANTE KWA KUIPIGIA KURA MATUKIO DAIMA MEDIA KARIBU KESHO TENA UNATAKIWA KUPIGA KURA KILA SIKU MARA MOJA HADI TAREHE 30/9/2026
Bodi ya Michezo ya Kubahatisha Tanzania (GBT) imetoa wito kwa wachezaji wa michezo ya kubahatisha nchini kucheza kwa makini na ndani ya uwezo wao, huku ikisisitiza umuhimu wa kuweka mipaka ya matumizi na kutumia mifumo inayosaidia uchezaji salama.
Akizungumza leo Septemba 7, 2026, katika mkutano na waandishi wa habari kuhusu kuanza kwa Africa Safer Gambling Week 2026, Mkurugenzi Mkuu wa GBT, James Mbalwe, amesema wiki hiyo inayofanyika kuanzia Septemba 7 hadi 11 inalenga kuongeza uelewa kuhusu michezo ya kubahatisha salama, uchezaji wa kuwajibika pamoja na ulinzi wa wachezaji.
“Wiki hii inalenga kuongeza uelewa kuhusu michezo ya kubahatisha salama, uchezaji wa kuwajibika na ulinzi wa wachezaji. Ni jukumu la pamoja kuhakikisha michezo ya kubahatisha inaendeshwa kwa usalama na uwajibikaji.”
Mbalwe amesema mpango huo unawaleta pamoja wasimamizi wa sekta, waendeshaji, wachezaji, wataalamu, jamii na taasisi mbalimbali kutoka nchi za Afrika kwa lengo la kubadilishana uzoefu na kuimarisha ushirikiano.
“Ni muhimu kwa wachezaji kutambua uwezo wao wa kifedha, kuweka mipaka ya matumizi, kuchukua mapumziko inapohitajika na kutambua dalili zinazoashiria kuwa uchezaji unaweza kuanza kuleta madhara.”
Mbalwe amesema mchezaji anayebaini kuwa anapata changamoto kutokana na mwenendo wake wa kucheza anapaswa kutafuta msaada mapema na kufahamu maeneo sahihi ya kupata taarifa, ushauri na msaada unaofaa.
“Mchezaji anapobaini kuwa anapata changamoto kutokana na mwenendo wake wa kucheza, ni muhimu kutafuta msaada mapema na kufahamu maeneo sahihi ya kupata taarifa na ushauri.”
Aidha, Mkurugenzi Mkuu huyo amesema GBT inatambua changamoto ya kuwepo kwa michezo ya kubahatisha isiyo halali na isiyosimamiwa, akieleza kuwa wachezaji wanaotumia waendeshaji wasio halali wanaweza kukosa ulinzi na usimamizi unaopatikana katika soko linalosimamiwa.
“Wachezaji wanaotumia waendeshaji wasio halali wanaweza kukosa ulinzi, usimamizi na uwajibikaji unaopatikana katika soko linalosimamiwa.”
Amesema suala la michezo ya kubahatisha isiyo halali na isiyosimamiwa litakuwa sehemu ya mjadala katika Pan-African Webinar utakaofanyika kuelekea mwisho wa Africa Safer Gambling Week 2026.
Mbalwe amesisitiza kuwa Africa Safer Gambling Week si kampeni ya wiki moja inayomalizika Septemba 11, bali ni mwendelezo wa jukumu la wasimamizi wa sekta katika kulinda wachezaji, kuongeza elimu na kuimarisha ushirikiano wa nchi za Afrika.
“Africa Safer Gambling Week si kampeni ya wiki moja inayomalizika Septemba 11. Ni mwendelezo wa jukumu letu la kulinda wachezaji, kuongeza elimu na kuimarisha ushirikiano wa wasimamizi wa sekta barani Afrika.”
Kwa Tanzania, Mbalwe amesema GBT itaendelea kuhakikisha maendeleo ya sekta ya michezo ya kubahatisha yanaenda sambamba na ulinzi wa wachezaji na jamii.
“Tunataka kuona maendeleo ya sekta ya michezo ya kubahatisha yakienda sambamba na ulinzi wa wachezaji na jamii, ili kukuza uchezaji wa kuwajibika na kuhakikisha sekta hii inakuwa endelevu.”
Pia amevitaka vyombo vya habari kuwa sehemu muhimu ya juhudi za kutoa elimu kwa jamii kwa kuhakikisha wananchi wanapata taarifa sahihi kuhusu umuhimu wa kucheza kwa makini, changamoto zinazoweza kujitokeza pamoja na maeneo sahihi ya kupata taarifa na msaada.
Mbalwe ameipongeza African iGaming Alliance (AiA) kwa kuanzisha Africa Safer Gambling Week na kuwakutanisha wadau kutoka sehemu mbalimbali za Afrika katika kuendeleza ajenda ya michezo ya kubahatisha salama.
Amesema kauli mbiu ya wiki hiyo ni “Kucheza kwa Makini/Kiasi ni Jukumu la Pamoja,” huku akiwataka wachezaji kuweka mipaka yao, kutambua dalili za changamoto na kutafuta msaada mapema wanapohitaji.
“Kucheza kwa makini au kwa kiasi ni jukumu la pamoja. Tunawahimiza wachezaji kuweka mipaka yao, kutambua dalili za changamoto na kutafuta msaada mapema wanapohitaji.”
Nafasi za kazi kila siku Tanzania, Serikalini, Makampuni na Taasisi mbalimbali tembelea website yetu ya Global Publishers muda wote bonyeza hapa Publishers muda wote bonyeza hapa
Global Publishers September 8, 2026 84 views 0 Comments
Katibu Mtendaji wa Bodi ya Filamu Tanzania, Dkt. Gervas Kasiga ‘Chuma’, amefunguka kuhusu sababu ya Bodi hiyo kuwaita wasanii maarufu wa A-List, akiwemo Irene Uwoya, Jacqueline Wolper, Kajala Masanja na Aunty Ezekiel.
Akizungumza kuhusu kikao hicho, Kasiga amesema wito huo ulikuwa na lengo la kufanya marekebisho katika baadhi ya mambo yaliyoonekana kutokuwa sawa katika kipindi cha nyuma, hususan yanayohusiana na masuala ya maadili na weledi katika tasnia ya filamu.
Amesema Bodi inaendelea kusimamia na kuhakikisha kuwa wadau wa tasnia wanazingatia taratibu, sheria na maadili yanayopaswa kuzingatiwa katika uzalishaji na uwasilishaji wa kazi za filamu.
Kwa upande wao, wasanii hao maarufu wameeleza kuwa kikao hicho pamoja na uongozi wa Bodi ya Filamu kimekuwa na manufaa, wakisema wamepata fursa ya kuelewa maeneo ambayo walipaswa kuyafanyia maboresho.
Wasanii hao wameahidi kuzingatia maelekezo yaliyotolewa na Bodi, huku wakikiri kuwa wamezitambua baadhi ya makosa yaliyokuwa yakifanyika na kwamba watajitahidi kuyafanyia kazi ili kuboresha mwenendo na tasnia kwa ujumla.
Kikao hicho kinaonekana kuwa sehemu ya jitihada za Bodi ya Filamu Tanzania katika kuimarisha maadili, weledi na uwajibikaji miongoni mwa wasanii na wadau wa tasnia ya filamu nchini.
Usikose #Alist kila ijumaa saa 2 usiku chaneli 160 ndani ya Dstv.
Rais wa Shirikisho la Kimataifa la Soka (FIFA), Gianni Infantino, amethibitisha kuwa atagombea tena nafasi ya urais wa FIFA katika uchaguzi utakaofanyika Machi 2027, licha ya kukabiliwa na upinzani na shinikizo kutoka baadhi ya vyama vya soka duniani.
FIFA imethibitisha leo, Septemba 7, 2026, kwamba Infantino bado ana mpango wa kugombea muhula mwingine.
FIFA imesema kuwa hakuna kilichobadilika tangu Infantino alipotangaza mwezi Aprili kwamba angewania tena nafasi hiyo.
Infantino, mwenye umri wa miaka 56, amekuwa rais wa FIFA tangu mwaka 2016 na amewahi kuchaguliwa tena mwaka 2019 na 2023. Akishinda uchaguzi wa mwaka 2027, ataendelea kuiongoza FIFA hadi mwaka 2031 uamuzi wake wa kugombea tena unakuja wakati FIFA ikikabiliwa na mgawanyiko kuhusu uongozi wake.
Infantino amekosolewa baada ya mpango wa kuhusisha wawekezaji binafsi katika mashindano ya FIFA, ikiwemo Kombe la Dunia, kukataliwa na hatimaye kuachwa mpango huo uliibua upinzani kutoka kwa baadhi ya mashirikisho makubwa ya soka.
Miongoni mwa mashirikisho yaliyomkosoa Infantino ni UEFA, AFC na CONCACAF. Hata hivyo, bado anaungwa mkono na baadhi ya vyama vya soka, hususan barani Afrika kupitia CAF na Amerika Kusini kupitia CONMEBOL.
Kwa sasa, Infantino ndiye mgombea pekee aliyethibitishwa rasmi kwa uchaguzi huo, ingawa Victor Montagliani, rais wa CONCACAF, ametajwa kama mmoja wa viongozi wanaoweza kumpinga.
Wagombea wengine wana hadi Novemba 18, 2026 kuwasilisha nia zao,uchaguzi huo unatarajiwa kufanyika Machi 2027 mjini Rabat, Morocco, katika kongamano la FIFA.
Matokeo yake yanaweza kuwa na umuhimu mkubwa kwa mustakabali wa uongozi wa soka duniani kutokana na mgawanyiko uliopo ndani ya shirikisho hilo.
Kwa sasa, Infantino anaendelea na majukumu yake kama rais wa FIFA huku akitarajiwa kukabiliana na changamoto kubwa zaidi za kisiasa katika safari yake ya kutafuta muhula mwingine wa uongozi.
Dodoma, Agosti 28, 2026 — Sekretarieti ya Ajira katika Utumishi wa Umma (PSRS), kwa niaba ya Tanzania Railways Corporation (TRC), imetangaza nafasi 24 za ajira kwa Watanzania wenye sifa, uwezo na uzoefu unaohitajika.
Nafasi hizo zimetangazwa kupitia tangazo lenye Kumb. Na. JA.9/16/01/53 la tarehe 28 Agosti 2026.
Nafasi zilizotangazwa
Instructor II (Civil Engineer) — Nafasi 1
Instructor II (Mechanical Engineer) — Nafasi 1
Artisan II (Auto Electric) — Nafasi 5
Technician II (Automobile) — Nafasi 4
Technician II (Hydraulic Machineries) — Nafasi 2
Engineer II (Signal & Telecommunication) — Nafasi 1
Instructor II (Civil Engineer): Mwombaji anatakiwa kuwa na Shahada ya Uhandisi wa Ujenzi (Civil Engineering) au taaluma inayolingana nayo, yenye kiwango cha NTA Level 8 au sawa, kutoka taasisi inayotambuliwa. Anatakiwa kuwa na GPA isiyopungua 3.5, pamoja na kuwa anastahili kusajiliwa kama mwalimu wa ufundi na kusajiliwa na bodi husika kama Graduate Engineer/Professional.
Instructor II (Mechanical Engineer): Mwombaji anatakiwa kuwa na Shahada ya Mechanical Engineering au inayolingana nayo, yenye kiwango cha NTA Level 8 au sawa, kutoka taasisi inayotambuliwa, akiwa na GPA isiyopungua 3.5. Pia anatakiwa kuwa anastahili kusajiliwa kama mwalimu wa ufundi na kusajiliwa na bodi husika kama Graduate Engineer/Professional.
Artisan II (Auto Electric): Mwombaji anatakiwa kuwa na Cheti cha Kidato cha Nne pamoja na CBET Level II/III, Trade Test Grade I/II au NVA II/III katika fani ya Auto Electric au sifa inayolingana nayo kutoka taasisi inayotambuliwa.
Technician II (Automobile): Mwombaji anatakiwa kuwa na Cheti cha Kidato cha Nne au Sita pamoja na Diploma/NTA Level 6 katika Automobile Engineering, Automotive Mechanics au sifa nyingine inayohusiana na fani hiyo.
Technician II (Hydraulic Machineries): Mwombaji anatakiwa kuwa na Cheti cha Kidato cha Nne au Sita pamoja na Full Technician Certificate (FTC) au Ordinary Diploma in Mechanical Engineering yenye utaalamu wa Hydraulic Machineries au sifa inayolingana nayo.
Engineer II (Signal & Telecommunication): Mwombaji anatakiwa kuwa na Shahada ya Electrical Engineering, Telecommunication Engineering, Electronics Engineering au inayolingana nayo kutoka taasisi inayotambuliwa na awe amesajiliwa na Engineers Registration Board (ERB) kama Graduate Engineer.
Locomotive Driver II: Mwombaji anatakiwa kuwa na Cheti cha Kidato cha Nne, Cheti cha Uendeshaji Treni (Locomotive Driving Certificate) cha miaka miwili au Locomotive Shunting Certificate kutoka TIRTEC au taasisi inayotambuliwa, pamoja na leseni ya udereva ya Class F au G.
Masharti muhimu ya maombi
PSRS imesema waombaji wote lazima wawe raia wa Tanzania na kwa ujumla wasizidi umri wa miaka 45.
Waombaji wanatakiwa kuambatanisha nakala zilizothibitishwa za vyeti vyao vya elimu na taaluma, pamoja na transcripts na vyeti vya usajili wa kitaaluma kutoka bodi au mamlaka husika pale inapohitajika.
Aidha, mwombaji anatakiwa kupakia picha ya Passport Size ya hivi karibuni katika mfumo wa maombi.
PSRS imesisitiza kuwa result slips za Form IV na Form VI, testimonials pamoja na partial transcripts hazitakubalika kama nyaraka za maombi.
Waombaji wanapaswa pia kutaja referees watatu wanaotambulika na kutoa mawasiliano yao yanayoaminika.
Kwa waombaji wenye vyeti vya elimu vya nje ya Tanzania, vyeti hivyo vinapaswa kutambuliwa na mamlaka husika, ikiwemo TCU, NECTA au NACTVET, kulingana na aina ya sifa.
Jinsi ya kutuma maombi
Maombi yote yanatakiwa kuwasilishwa mtandaoni kupitia Recruitment Portal ya Sekretarieti ya Ajira katika Utumishi wa Umma.
Waombaji wanaweza kutumia:
portal.ajira.go.tz
Barua ya maombi inapaswa kuandikwa kwa Kiswahili au Kiingereza, kusainiwa na kuelekezwa kwa:
Secretary, President’s Office, Public Service Recruitment Secretariat, P.O. Box 2320, Mahakama Street, Tambukareli, Dodoma.
Mwisho wa kutuma maombi
Mwisho wa kutuma maombi ni Septemba 10, 2026.
PSRS imesema maombi yatakayowasilishwa kupitia njia nyingine tofauti na Recruitment Portal hayatazingatiwa.
Aidha, ni waombaji watakaoteuliwa pekee ndio watakaotaarifiwa kuhusu tarehe ya usaili.
Sekretarieti imeonya kuwa mtu atakayewasilisha vyeti vya kughushi au taarifa za uongo atachukuliwa hatua za kisheria.
Kizimkazi, Zanzibar — Septemba 7, 2026: Makamu wa Rais wa Jamhuri ya Muungano wa Tanzania, Deogratius Ndejembi, Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, Waziri Mkuu, Dkt. Mwigulu Nchemba, pamoja na viongozi mbalimbali wa Serikali, vyama vya siasa na wananchi, wametembelea nyumbani kwa Rais wa Jamhuri ya Muungano wa Tanzania, Dkt. Samia Suluhu Hassan, Kizimkazi, Mkoa wa Kusini Unguja, kumpa pole kufuatia msiba wa mume wake, Maalim Hafidh Ameir Hassan.
Viongozi hao wamefika nyumbani kwa Rais Samia kufuatia kifo cha Maalim Hafidh Ameir Hassan, aliyefariki dunia Septemba 7, 2026, katika Hospitali ya Mzena, Zanzibar, alipokuwa akipatiwa matibabu.
Katika msiba huo, viongozi mbalimbali pamoja na wananchi wameungana na Rais Samia na familia yake kutoa pole na faraja katika kipindi hiki cha majonzi.
Maalim Hafidh Ameir Hassan alikuwa mume wa Rais Samia Suluhu Hassan na amefariki dunia baada ya kuugua na kupata matibabu katika Hospitali ya Mzena, Zanzibar.
Msiba huo umewakutanisha viongozi mbalimbali wa kitaifa pamoja na wananchi kutoka maeneo tofauti, waliokwenda Kizimkazi kutoa pole na kushiriki katika kipindi cha maombolezo.
Mazishi ya Maalim Hafidh Ameir Hassan yamefanyika Kizimkazi, Mkoa wa Kusini Unguja, huku yakihudhuriwa na viongozi mbalimbali wa Serikali, vyama vya siasa, viongozi wa dini, viongozi wa Mahakama na Bunge, Wakuu wa Vyombo vya Ulinzi na Usalama, ndugu, jamaa, marafiki na wananchi.
Mchezo wa Getafe dhidi ya Celta Vigo utachezwa leo Jumatatu, Septemba 7, 2026 katika dimba la Coliseum, ukiwa ni mchezo wa nne wa LaLiga msimu wa 2026/27., mchezo unatarajiwa kuanza saa 20:00 usiku.
Getafe wanaingia kwenye mchezo huu wakiwa na pointi tatu baada ya kushinda mchezo mmoja na kupoteza miwili katika mechi tatu za mwanzo. Wamefunga bao moja pekee na kufungwa manne.
Jambo linaloonyesha changamoto yao kubwa kwa sasa ipo katika uzalishaji wa mabao. Hata hivyo, kucheza nyumbani kunaweza kuwapa nguvu zaidi, hasa kwa mtindo wa kocha Pepe Bordalás unaosisitiza nidhamu na uimara wa timu.
Kwa upande wa Celta Vigo, hali yao ni ngumu zaidi kwa kuwa wana pointi moja tu baada ya michezo mitatu, wakiwa wamepoteza miwili na kutoka sare moja. Wamefunga bao moja na kuruhusu manne, hivyo nao wamekuwa na tatizo la kupata matokeo mazuri pamoja na ufanisi mbele ya lango. Hata hivyo, Celta wana uwezo wa kutawala mpira zaidi, jambo linaloweza kuwapa nafasi ya kuilazimisha Getafe kucheza kwa kujilinda.
Meridianbet inasema kuna michezo kama Keno, Aviator, Poker, Roulette, Wild Icy Fruits, Super Heli. Ingia katika kasino ya mtandaoni ya Meridianbet na ujiokotee mkwanja mapema. Jiunge sasa au Tembelea tovuti ya meridianbet.co.tz au piga *149*10# kisha uanze safari yako ya ushindi.
Kihistoria, huu ni mchezo ambao umekuwa na ushindani mkubwa. Katika michezo 30 iliyopita, Getafe wana ushindi 11 dhidi ya tisa wa Celta Vigo, huku michezo mingine ikiisha sare. Mkutano wao wa mwisho Februari 2026 uliishia 0-0, ishara kwamba timu hizi zinaweza kuwa na mchezo wa tahadhari na wenye nafasi chache za wazi.
Kwa mtazamo wa kiufundi, Getafe wanaweza kutegemea faida ya uwanja wa nyumbani na kucheza kwa mipira ya haraka pamoja na kutumia udhaifu wa safu ya ulinzi ya Celta. Celta, kwa upande mwingine, wanahitaji kuongeza ubunifu katika eneo la mwisho na kuwa makini wanapopoteza mpira.
Na kwa wasomaji na mashabiki wote wa soka na ubashiri, kesho ni siku nyingine kubwa kwa soka la Ulaya!UEFA Champions League ya msimu wa 2026/27 inaanza rasmi kesho, Jumanne, Septemba 8, huku michezo kadhaa mikubwa ikitarajiwa kuwakutanisha baadhi ya vigogo wa soka barani Ulaya. Miongoni mwa michezo ya kuvutia ni Real Madrid dhidi ya Inter Milan, Porto dhidi ya Manchester City, Borussia Dortmund dhidi ya Villarreal na Club Brugge dhidi ya Aston Villa. Endelea kufuatilia Meridianbet kwa matokeo ya UEFA Champions League.
NAFASI ZA KAZI SHIRIKA LA RELI TANZANIA (TRC) 31-08-2026 
