Global Publishers August 23, 2026 864 views 0 Comments
Karoline Leavitt, ambaye anatarajiwa kuondoka katika nafasi yake ya Msemaji wa Ikulu ya Marekani, White House Press Secretary.
WASHINGTON: Karoline Leavitt, ambaye anatarajiwa kuondoka katika nafasi yake ya Msemaji wa Ikulu ya Marekani, White House Press Secretary, amefichua kuwa ataendelea kufanya kazi kwa karibu na Rais Donald Trump baada ya kuondoka serikalini.
Leavitt amesema atarejea katika MAGA Inc. mwezi Septemba, ambako awali aliwahi kufanya kazi kabla ya kuwa msemaji wa kampeni ya Trump na baadaye kuteuliwa kuwa msemaji wa Ikulu.
Akizungumza na waandishi wa habari akiwa katika safari yake ya mwisho ndani ya ndege ya Rais Air Force One kuelekea kwenye mkutano wa Trump huko South Carolina Ijumaa, Agosti 21, Leavitt alisema atatumia muda kabla ya kurejea MAGA Inc. kuwa pamoja na familia yake.
Taarifa hiyo imekuja zaidi ya wiki moja baada ya Trump kutangaza kupitia mtandao wake wa Truth Social kuwa Leavitt ataondoka katika nafasi hiyo mwishoni mwa Agosti ili kutumia muda zaidi na watoto wake wadogo na familia.
Trump alisema Leavitt ataendelea kuwa mmoja wa washauri wake wakuu akiwa nje ya Ikulu na atakuwa na ushawishi ndani ya Chama cha Republican, hasa katika kuelekea uchaguzi wa katikati ya muhula.
Leavitt aliwahi kufanya kazi katika MAGA Inc. kabla ya kuwa msemaji wa kitaifa wa Trump na baadaye kushika nafasi ya White House Press Secretary.
Pia amerejea kazini hivi karibuni baada ya likizo ya uzazi. Yeye na mume wake, Nicholas Riccio, walipata mtoto wao wa pili mwezi Mei.
Kwa kurejea kwake MAGA Inc., Leavitt anatarajiwa kuendelea kuwa sehemu muhimu ya timu inayomsaidia Trump kisiasa, hususan katika maandalizi ya uchaguzi wa katikati ya muhula wa Marekani.
Simba SC imeanza msimu wa Ligi Kuu Tanzania Bara kwa kasi kubwa baada ya kushinda michezo yake yote mitatu ya mwanzo. Hata hivyo, mwenendo wa kupata kadi nyekundu katika kila mchezo umeanza kuibua maswali kuhusu nidhamu ya kikosi hicho.
Katika michezo yake mitatu ya mwanzo ya Ligi Kuu Tanzania Bara msimu wa 2026/27, Simba SC imekumbana na kadi nyekundu katika kila mchezo, lakini jambo la kuvutia ni kwamba imeshinda yote na kufikisha alama tisa.
Mchezo wa kwanza: Kagera Sugar 0-2 Simba SC
Simba ilianza kampeni zake kwa ushindi wa mabao 2-0 dhidi ya Kagera Sugar katika Uwanja wa Kaitaba, Bukoba, Agosti 16, 2026. Ismail Touré alifunga bao la kwanza dakika ya 45, kabla ya Elie Mpanzu kuongeza la pili dakika ya 69.
Hata hivyo, dakika ya 55, beki David Kameta ‘Duchu’ alionyeshwa kadi nyekundu ya moja kwa moja baada ya kumchezea madhambi David Luhende. Licha ya kucheza pungufu, Simba ilifanikiwa kulinda ushindi wake.
Mchezo wa pili: Pamba Jiji 1-2 Simba SC
Katika mchezo wa pili uliochezwa Agosti 19, Simba ilishinda 2-1 dhidi ya Pamba Jiji kwenye Uwanja wa CCM Kirumba, Mwanza.
Clatous Chama aliipa Simba bao la kwanza dakika ya 18, kabla ya Anicet Oura kuongeza la pili dakika ya 30. Pamba Jiji ilipata bao la kufutia machozi kupitia Idriss Diomande kwa mkwaju wa penalti.
Dakika ya 44, Simba ilibaki na wachezaji 10 baada ya Ibraheem Jabaar kuonyeshwa kadi nyekundu ya moja kwa moja kufuatia tukio la kumgonga mpinzani kwa kiwiko. Pamoja na kucheza pungufu, Simba ilishikilia ushindi wa 2-1.
Mchezo wa tatu: Singida Black Stars 1-2 Simba SC
Katika mchezo wa tatu, Simba iliendeleza ushindi wake baada ya kuifunga Singida Black Stars 2-1 katika mchezo uliochezwa Agosti 22, 2026.
Clatous Chama aliifungia Simba bao la kwanza dakika ya 12, lakini Singida ikasawazisha kupitia Sheikhan dakika ya 22. Simba ilipata bao la ushindi dakika ya 62 kupitia Rushine De Reuck kwa mkwaju wa penalti.
Dakika ya 85, beki wa Simba Anthony Mligo alionyeshwa kadi nyekundu kufuatia rafu mbaya, na hivyo Simba kumaliza mchezo ikiwa na wachezaji 10. Pamoja na hilo, ilifanikiwa kushikilia ushindi wa 2-1 na kufikisha alama tisa katika michezo mitatu.
Kwa hiyo, katika michezo hiyo mitatu, Simba imefunga mabao sita na kufungwa mabao mawili, huku wachezaji wake watatu David Kameta, Ibraheem Jabaar na Anthony Mligo wakipewa kadi nyekundu.
Mfululizo huo unaifanya Simba kuwa na mwanzo mzuri kwa upande wa matokeo, lakini pia unaweka alama ya kuuliza kuhusu nidhamu ya wachezaji, kwani katika kila mchezo timu imelazimika kucheza sehemu ya muda ikiwa na pungufu ya mchezaji.
Mapera ni miongoni mwa matunda yanayopatikana kwa urahisi lakini yana virutubisho muhimu kwa afya ya mwili. Tunda hili lina ladha nzuri, linaweza kuliwa likiwa bichi au kutengenezwa juisi, na lina virutubisho mbalimbali vinavyoweza kusaidia mwili katika shughuli zake za kila siku.
1. Husaidia kuimarisha kinga ya mwili Mapera yana vitamini C kwa wingi, ambayo ni muhimu katika kusaidia mfumo wa kinga ya mwili kufanya kazi vizuri. Ulaji wa matunda yenye vitamini C ni sehemu ya lishe bora inayosaidia mwili kujilinda dhidi ya changamoto mbalimbali za kiafya.
2. Husaidia mfumo wa mmeng’enyo wa chakula Mapera yana nyuzinyuzi, ambazo ni muhimu kwa afya ya mfumo wa mmeng’enyo wa chakula. Nyuzinyuzi husaidia chakula kusafiri vizuri kwenye mfumo wa chakula na zinaweza kusaidia kudumisha choo cha kawaida.
3. Huchangia afya ya moyo Ulaji wa matunda kama mapera, ambayo yana nyuzinyuzi na antioxidants, unaweza kuwa sehemu ya mtindo wa maisha unaolenga kulinda afya ya moyo. Lishe yenye matunda na mboga kwa wingi ni muhimu katika kudumisha afya kwa ujumla.
4. Yana antioxidants Mapera yana aina mbalimbali za antioxidants, ambazo husaidia kulinda seli za mwili dhidi ya uharibifu unaoweza kusababishwa na molekuli hatarishi zinazojulikana kama free radicals.
5. Husaidia katika udhibiti wa uzito Kwa kuwa mapera yana nyuzinyuzi, yanaweza kusaidia mtu kujisikia ameshiba kwa muda mrefu. Hii inaweza kuwa na mchango katika mpangilio mzuri wa ulaji kwa mtu anayelenga kudhibiti uzito.
6. Huchangia afya ya macho Mapera yana virutubisho mbalimbali, ikiwemo vitamini A na antioxidants, ambavyo vina mchango katika kudumisha afya ya macho na mwili kwa ujumla.
7. Hutoa virutubisho muhimu mwilini Mbali na vitamini C, mapera yana virutubisho vingine kama folate, potasiamu na vitamini B6. Virutubisho hivi vina nafasi mbalimbali katika utendaji wa kawaida wa mwili.
8. Ni bora kula tunda zima Kula pera zima, baada ya kuliosha vizuri, kunaweza kukupa nyuzinyuzi zaidi kuliko kunywa juisi iliyotengenezwa kutokana na tunda hilo. Hivyo, kwa mtu anayependa matunda, kula pera kama lilivyo ni njia rahisi ya kupata virutubisho vyake.
Hitimisho
Mapera ni tunda lenye virutubisho mbalimbali na linaweza kuwa sehemu muhimu ya lishe bora na yenye mchanganyiko. Kula matunda kwa kiasi na kwa kuzingatia mahitaji ya mwili kunaweza kusaidia kuongeza ulaji wa vitamini, madini, nyuzinyuzi na antioxidants.
Hata hivyo, mapera hayapaswi kuchukuliwa kama dawa ya kutibu ugonjwa fulani. Afya bora inategemea mchanganyiko wa lishe bora, mazoezi, usingizi wa kutosha na mtindo mzuri wa maisha.https://www.youtube.com/watch?v=c2osqc-bV1E
DODOMA: Sekretarieti ya Ajira katika Utumishi wa Umma (PSRS) imetangaza nafasi 23 za ajira kwa niaba ya National Institute of Transport (NIT), huku Watanzania wenye sifa wakitakiwa kuwasilisha maombi yao kabla ya Agosti 28, 2026.
Tangazo hilo lenye kumbukumbu namba JA.9/16/01/50 limetolewa Agosti 15, 2026, likiwalenga wataalamu wenye uwezo, uzoefu, kujituma na uadilifu katika kada mbalimbali zinazohusiana na teknolojia ya habari, uhandisi, usafirishaji, anga na masuala ya baharini.
Kwa mujibu wa tangazo hilo, nafasi zinazopatikana ni:
Assistant Lecturer – Information Technology – nafasi 1
Assistant Lecturer – Civil Engineering – nafasi 2
Assistant Lecturer – Mechanical Engineering – nafasi 1
Assistant Lecturer – Shipping and Port Management – nafasi 1
Assistant Lecturer – Pipeline Oil and Gas Engineering – nafasi 2
Assistant Lecturer – Logistics and Transport Management – nafasi 3
Assistant Lecturer – Road and Railway Transport Management – nafasi 3
Tutor II – Shipping and Port Management – nafasi 1
Assistant Lecturer – Air Transport Management – nafasi 1
Assistant Lecturer – Maritime Safety, Security and Environmental Management – nafasi 1
Assistant Lecturer – Aircraft Maintenance Engineering – nafasi 1
Tutor II – Road and Railway Transport Logistics Management – nafasi 1
Tutorial Assistant – Road and Railway Transport Logistics Management – nafasi 1
Tutor II – Civil Engineering – nafasi 1
Aircraft Maintenance Instructor II – nafasi 1
Aircraft Maintenance Technician II – nafasi 1
Flight Instructor II – nafasi 1
Sifa kwa baadhi ya nafasi
Kwa nafasi za Assistant Lecturer, waombaji kwa ujumla wanatakiwa kuwa na Shahada ya Uzamili katika eneo husika yenye GPA isiyopungua 3.8, pamoja na Shahada ya Kwanza yenye GPA isiyopungua 3.5, kutoka taasisi inayotambuliwa.
Kwa nafasi za Tutor II, baadhi ya waombaji wanatakiwa kuwa na Shahada ya Kwanza yenye GPA ya angalau 3.0.
Nafasi ya Tutorial Assistant inahitaji Shahada ya Kwanza katika Road and Railway Transport Logistics Management yenye GPA ya angalau 3.5.
Kwa upande wa nafasi za Aircraft Maintenance Instructor II, mwombaji anatakiwa kuwa na Shahada katika Aircraft Engineering, Aircraft Maintenance Engineering, Aeronautical Engineering au Aerospace Science yenye GPA ya angalau 3.0, pamoja na leseni halali ya Aircraft Maintenance Engineers Licence (AMEL) inayotambuliwa na TCAA.
Aidha, nafasi ya Flight Instructor II inahitaji mwombaji kuwa na ACSEE au CSEE pamoja na CPL yenye ME na IR inayotambuliwa na TCAA, huku akiwa na jumla ya saa 250 za kuruka, kati yake angalau saa 150 akiwa PIC kwenye aina ya ndege inayotumika kwa mafunzo.
Mishahara
Nafasi hizo zina viwango tofauti vya mishahara kulingana na kada. Baadhi ya nafasi za Assistant Lecturer ziko katika kiwango cha PHTS 2.1, huku nafasi nyingine zikiwa katika viwango kama PTSSS 3.1, PHTS 1.1, FAVS 3.1, FAVS 2.1 na FAVS 4.1, kama ilivyoainishwa kwenye tangazo.
Masharti muhimu kwa waombaji
PSRS imeeleza kuwa waombaji wote wanapaswa kuwa raia wa Jamhuri ya Muungano wa Tanzania na kwa kawaida wasizidi umri wa miaka 45. Kwa nafasi za taasisi za kijeshi/paramilitary, masharti maalum ya umri yanatumika kulingana na kiwango cha elimu cha nafasi husika.
Waombaji wanatakiwa kuambatanisha nakala zilizothibitishwa za vyeti vyao vya elimu, transcripts, vyeti vya usajili wa kitaaluma pale inapohitajika, pamoja na cheti cha kuzaliwa.
Pia, waombaji wanatakiwa kuweka picha mpya ya Passport Size kwenye mfumo wa maombi na kutaja wadhamini watatu wenye mawasiliano yanayoaminika.
PSRS imeonya kuwa Form IV na Form VI results slips, testimonials na partial transcripts hazitakubalika kama mbadala wa nyaraka zinazotakiwa.
Waombaji walioajiriwa katika Utumishi wa Umma hawaruhusiwi kuomba nafasi hizi, huku wastaafu wa Utumishi wa Umma pia wakitakiwa kutowasilisha maombi.
Jinsi ya kutuma maombi
Maombi yote yanatakiwa kuwasilishwa mtandaoni kupitia Recruitment Portal ya Sekretarieti ya Ajira. Waombaji wanatakiwa kuhakikisha wanajaza taarifa kwa usahihi na kuambatanisha nyaraka zote zinazohitajika.
Mwisho wa kutuma maombi ni Agosti 28, 2026.
Tangazo limeeleza kuwa maombi yatakayowasilishwa kwa njia nyingine tofauti na mfumo uliotajwa hayatazingatiwa.
Waombaji wenye vyeti vya nje ya nchi wanatakiwa kuhakikisha vyeti hivyo vinatambuliwa na mamlaka husika, zikiwemo TCU, NECTA au NACTVET. Kwa nafasi zinazohitaji GPA, waombaji wanapaswa pia kuwasilisha cheti cha hesabu ya GPA kutoka TCU pale inapohitajika.
PSRS imesema waombaji watakaofaulu hatua ya usaili pekee ndio watakaowasilishwa taarifa kuhusu tarehe ya usaili.
Msanii maarufu wa Marekani, Ariana Grande, amemkosoa vikali Rais Donald Trump na timu yake baada ya kutumia wimbo wake “We Can’t Be Friends (Wait for Your Love)” katika video ya TikTok iliyokuwa ikiunga mkono sera za Trump kuhusu watu waliobadili jinsia.
Video hiyo iliyowekwa na akaunti rasmi ya Team Trump Alhamisi, Agosti 20, 2026, ilimuonyesha Trump akielekea kwenye jukwaa la mkutano huku wimbo huo wa Grande ukitumika kama sauti ya video.
Katika video hiyo pia kulikuwa na ujumbe unaosema kuwa wanaume hawawezi kupata watoto na hawapaswi kushindana katika michezo ya wanawake.
Grande, ambaye amekuwa akipinga matumizi ya muziki wake katika kampeni za kisiasa za Trump, alijibu kwenye maoni ya video hiyo akimtaka timu ya Trump kuacha kutumia kazi zake.
“Never use my music again. Also, your truth is false,” aliandika Grande, akimaanisha kuwa muziki wake usitumike tena na pia kupinga ujumbe uliokuwa kwenye video hiyo.
Maoni yake hata hivyo baadaye hayakuonekana tena kwenye chapisho hilo.
Hii si mara ya kwanza kwa Grande kukosoa matumizi ya muziki wake na utawala wa Trump. Juni mwaka huu, White House ilitumia wimbo wake “Bye” katika video iliyohusisha operesheni za Immigration and Customs Enforcement (ICE).
Grande ni miongoni mwa wasanii kadhaa wakubwa ambao wamewahi kupinga matumizi ya nyimbo zao na kampeni au shughuli zinazohusishwa na Trump, wakiwemo Sabrina Carpenter, Katy Perry, SZA, Adele, Rihanna, Céline Dion, Elton John, Neil Young na wengine.
Hatua hiyo inaendelea kuonyesha mvutano kati ya wasanii mbalimbali na timu ya Trump kuhusu matumizi ya muziki wao katika maudhui ya kisiasa bila ridhaa yao.https://www.youtube.com/watch?v=c2osqc-bV1E
Afya njema ni hazina ambayo kila mmoja anatamani kuwa nayo, lakini katika jamii kuna watu wanaohitaji zaidi mkono wa msaada ili kuendelea kupata mahitaji muhimu ya maisha. Meridianbet imeendelea kuonyesha kwa vitendo kuwa kujali jamii ni sehemu ya safari yake, baada ya kutembelea The Community Centre for Preventive Medicine iliyopo Tabata Kisukuru, Dar es Salaam, na kuwafikishia msaada wazee wanaoishi katika kituo hicho.
Katika ziara hiyo, Meridianbet ilikabidhi mahitaji mbalimbali ya msingi yaliyolenga kuboresha maisha ya kila siku ya wazee hao.
Msaada huo ulihusisha mchele, sukari, mafuta ya kupikia, sabuni za unga, sabuni za vipande pamoja na vifaa vya usafi binafsi. Kwa kuzingatia changamoto zinazoweza kujitokeza katika kuwahudumia wazee, mahitaji hayo yamebeba thamani kubwa katika kuhakikisha wanapata chakula na mazingira yanayozingatia usafi na ustawi wao.
Vilevile, meridianbet wana michezo mingi ya kasino mtandaoni na mechi za kimataifa za kubashiri zenye ushindani mkubwa wa odds. Jiunge leo kwa kutembelea tovuti ya meridianbet au piga *149*10# kisha uanze safari yako ya ushindi.
Akizungumza wakati wa makabidhiano, Afisa Mahusiano wa Meridianbet, Nancy Ingram, alisema kampuni hiyo inatambua mchango mkubwa wa wazee katika jamii na inaamini kuwa ni muhimu kuwapa faraja na msaada pale wanapouhitaji. Kauli hiyo ilienda sambamba na vitendo, kwani Meridianbet haikuishia kwenye maneno pekee, bali ilifika moja kwa moja kituoni na kushiriki nao muda wa maana.
Uongozi wa The Community Centre for Preventive Medicine ulipokea msaada huo kwa furaha, ukieleza kuwa Meridianbet imetambua changamoto halisi inayowakabili, hasa katika upatikanaji wa vyakula na vifaa vya usafi. Kwa taasisi inayohudumia wazee, msaada wa jamii ni sehemu muhimu ya kuimarisha huduma na kuhakikisha wanaoishi hapo wanapata mazingira bora.
Ziara hiyo pia ilijawa na mazungumzo, ukaribu na furaha kati ya wafanyakazi wa Meridianbet na wazee hao, hali iliyofanya tukio hilo kuwa la kipekee zaidi. Kwa dakika hizo, kilichopelekwa Tabata Kisukuru hakikuwa chakula na vifaa vya usafi pekee, bali pia muda, upendo na heshima.
Rais wa Jamhuri ya Muungano wa Tanzania Dkt. Samia Suluhu Hassan akihutubia viongozi, wageni mbalimbali pamoja na wananchi waliohudhuria hafla ya Uzinduzi wa Kituo cha Kuzalisha Umeme cha Julius Nyerere (JNHPP), chenye uwezo wa kuzalisha Megawati 2115 katika eneo la Rufiji mkoani Pwani tarehe 22 Agosti, 2026.
PWANI: Rais wa Jamhuri ya Muungano wa Tanzania, Dkt. Samia Suluhu Hassan, amesema kukamilika kwa Mradi wa Kufua Umeme wa Bwawa la Mwalimu Julius Nyerere (JNHPP) ni utekelezaji wa ndoto ya muda mrefu ya Tanzania ya kuwa na nishati ya uhakika kwa ajili ya kuchochea maendeleo ya kiuchumi na kijamii.
Rais Samia amesema hayo leo, Jumamosi, Agosti 22, 2026, wakati akizindua rasmi mradi huo uliopo mkoani Pwani.
Amesema Serikali ilipa mradi huo uzito unaostahili kutokana na umuhimu wake kwa Taifa, akisisitiza kuwa haukuwa mradi wa kuachwa kwa sababu una mchango mkubwa katika kuongeza umeme kwenye Gridi ya Taifa.
Rais Samia akikata utepe kuashiria uzinduzi wa Kituo cha Kuzalisha Umeme cha Julius Nyerere (JNHPP).
Rais Samia amekumbusha kuwa Desemba 22, 2022 alifika eneo la mradi kushuhudia hatua ya kufungwa kwa njia ya kuchepusha maji ya Mto Rufiji na kuanza kujazwa kwa bwawa.
Alisema awali ilitarajiwa bwawa hilo kujazwa ndani ya miaka mitatu, lakini kwa neema ya Mungu lilijaa ndani ya mwaka mmoja na nusu, jambo lililowezesha majaribio ya uzalishaji umeme kuanza mapema.
Katika hafla hiyo, Rais Samia alizindua rasmi kituo cha kuzalisha umeme na kukagua maeneo mbalimbali ya mradi, yakiwemo mitambo ya uzalishaji, tuta kuu pamoja na kituo cha kupokea na kusafirisha umeme kwenda kwenye Gridi ya Taifa.
Amesema maeneo hayo yanafanya kazi kwa ufanisi mkubwa na kwamba mradi huo ni jambo la kujivunia kwa Taifa.
JNHPP ina uwezo wa kuzalisha Megawati 2,115, hali inayoongeza kwa kiasi kikubwa uwezo wa Tanzania katika kuhudumia mahitaji ya nishati kwa shughuli za uzalishaji, viwanda, uwekezaji na maendeleo ya wananchi.
Samia awakumbuka viongozi waliotangulia
Rais Samia amesema kukamilika kwa mradi huo kunatoa somo kuhusu umuhimu wa kuwa na nidhamu katika ufuatiliaji wa miradi, ustahimilivu katika kukabiliana na changamoto na uimara wa kusimamia malengo ya miradi ya kimkakati.
Amesema kuanzisha mradi pekee hakutoshi, bali matokeo yake hutegemea namna Serikali inavyofuatilia utekelezaji wake hatua kwa hatua hadi kufikia malengo yaliyowekwa.
Rais Samia pia amewashukuru viongozi wa awamu zilizopita kwa kuendeleza maono ya Baba wa Taifa, Mwalimu Julius Nyerere, ya kutumia rasilimali za Mto Rufiji kwa ajili ya kuzalisha umeme.
Miongoni mwa viongozi aliowataja ni Hayati Ali Hassan Mwinyi, Hayati Benjamin Mkapa na Rais wa Awamu ya Nne, Dkt. Jakaya Kikwete, kwa mchango wao katika kuendeleza dira hiyo.
Aidha, amemkumbuka na kumshukuru Hayati Dkt. John Pombe Magufuli kwa msimamo wake wa kuhakikisha fedha zinapatikana na ujenzi wa mradi unaanza licha ya changamoto na upinzani uliokuwepo.
Samia atoa tahadhari kuhusu mvua kubwa
Katika hatua nyingine, Rais Samia amewataka Wakuu wa Mikoa, Wakuu wa Wilaya na Wakuu wa Taasisi za Serikali kujiandaa mapema kukabiliana na uwezekano wa mvua kubwa zinazotabiriwa kunyesha nchini.
Amesema taarifa zinazotolewa na Mamlaka ya Hali ya Hewa Tanzania (TMA) zinaonyesha uwezekano wa mvua kubwa zinazohusishwa na mfumo wa hali ya hewa wa El Niño.
Rais Samia amesisitiza kuwa taarifa hizo zinapaswa kuchukuliwa kwa uzito na hatua za tahadhari zichukuliwe kabla ya madhara kujitokeza.
Ameagiza viongozi kuhakikisha mifereji inasafishwa, mifumo ya uokoaji inaandaliwa na wananchi wanaoishi katika maeneo hatarishi wanatambuliwa na kuondolewa mapema.
“Niwaombe nendeni mkajitayarishe, mkaweke mazingira sawa ili mvua hizo zitakapoanza zisilete maafa makubwa kwa wananchi wetu,” amesema Rais Samia.
Amesisitiza kuwa tahadhari zinazotolewa na TMA zinapaswa kufanyiwa kazi kwa wakati ili kulinda maisha na mali za wananchi.
Maelekezo hayo yametolewa muda mfupi baada ya Rais Samia kukamilisha uzinduzi rasmi wa JNHPP, mradi unaotarajiwa kuwa na mchango mkubwa katika kuongeza uzalishaji wa umeme na kuimarisha upatikanaji wa nishati nchini.
Msimu mpya wa soka nchini Ujerumani unaanza kwa mechi kubwa kabisa “Der Klassiker” ya mapema, ambapo timu mbili kubwa zaidi nchini humo zitapambana kwa taji la kwanza la msimu.
Mechi hii, inayojulikana rasmi kama Franz Beckenbauer Supercup 2026, itachezwa leo Jumamosi, Agosti 22, saa 21:30 usiku kwenye dimba la Signal Iduna Park, mjini Dortmund. Kombe hili limepewa jina la hayati Franz Beckenbauer, hadithi ya soka la Ujerumani, kwa heshima ya mchango wake mkubwa.
Bayern wanaingia mechi hii wakiwa na sifa kubwa baada ya kutwaa ubingwa wa Bundesliga kwa tofauti ya pointi 16, na kumaliza msimu kwa kushinda Kombe la DFB-Pokal 3-0 dhidi ya VfB Stuttgart. Hii ndiyo mara ya kwanza tangu 2021 ambapo Bayern watakutana na Dortmund kwenye Supercup, kwani kwa kawaida hushindana na mshindi wa DFB-Pokal lakini kwa kuwa Bayern wenyewe walitwaa makombe yote mawili, nafasi hiyo imemwangukia mshindi wa pili wa ligi.
Chini ya uongozi wa kocha Vincent Kompany, klabu inaingia mechi hii ikiwa na kila sababu ya kujiamini, ingawa kuna wasiwasi kidogo kuhusu hali ya baadhi ya nyota wakuu Jamal Musiala anaharakisha kupata usawa wa kimwili kabla ya msimu kuanza, wakati hali ya Harry Kane bado haijathibitika kwa mechi hii
Dortmund watakuwa wenyeji wa mechi hii wakiwa na faida ya kuchezea mashabiki wao uwanjani Signal Iduna Park, uwanja unaojulikana kwa mazingira yake ya moto na msukumo mkubwa kutoka kwa mashabiki.
Meridianbet inasema kuna michezo kama Keno, Aviator, Poker, Roulette, Wild Icy Fruits, Super Heli. Ingia katika kasino ya mtandaoni ya Meridianbet na ujiokotee mkwanja mapema. Jiunge sasa au Tembelea tovuti ya meridianbet.co.tz au piga *149*10# kisha uanze safari yako ya ushindi.
Hata hivyo, historia yao ya karibuni dhidi ya Bayern kwenye jukwaa hili la Supercup si nzuri sana mkutano wao wa mwisho hapa Signal Iduna Park ulikuwa mwaka 2021, ambapo BVB walishindwa 3-1. Kwa jumla, hii itakuwa mara ya 15 kwa Dortmund kushiriki katika Supercup (rasmi na isiyo rasmi), wakiwa wameshinda mechi hiyo dhidi ya Bayern mara sita, ushindi wao wa mwisho ukiwa mwaka 2019.
Kwenye ushindani wa Supercup pekee, Bayern wana ubora mdogo wa dhidi ya Dortmund. Ukiangalia historia nzima ya “Der Klassiker” katika mechi zote za ligi, Bayern wameshinda mara 69, sare zimekuwa 37, na Dortmund wameshinda mara 33 kati ya mikutano 139.
Mchezo wao wa mwisho wa ligi ulifanyika Februari 28, 2026, ambapo Bayern walishinda 3-2 wakiwa wageni Dortmund. Takwimu hizi zinaonyesha jinsi Bayern walivyokuwa na ubora wa jumla dhidi ya Dortmund miaka ya hivi karibuni, ingawa Dortmund wana uwezo wa kuwashinda hasa wanapocheza nyumbani kwao.
Kwa kuzingatia hali ya sasa ya timu hizi mbili, Bayern wanaingia mechi hii wakiwa vipenzi vikubwa zaidi wakiwa mabingwa wa mara mbili msimu uliopita na wenye msimamo dhabiti chini ya Kompany. Hata hivyo, ukweli kwamba Dortmund watacheza nyumbani kwao mbele ya mashabiki wao wenyewe, pamoja na hamu yao ya kulipiza kisasi baada ya kupoteza kwenye uwanja huo mwaka 2021, unaifanya mechi hii kuwa na mvutano mkubwa.
WAZAZI na walezi nchini wametakiwa kuacha kutegemea elimu ya darasani pekee kama muarobaini wa kuleta mabadiliko ya kimaadili kwa watoto wao na badala yake, wameshauriwa kuwekeza nguvu katika kuwajenga watoto kisaikolojia na kitabia ili waje kuwa mfano mwema na kioo katika jamii inayowazunguka.
Wito huo umetolewa na Mkurugenzi wa Taasisi ya Kutetea Haki na Maendeleo ya Vijana ya ‘Kijana Kwanza’, Abedi Mujibu, alipokuwa mgeni rasmi katika mahafali ya Shule ya Msingi Uhuru iliyopo Manispaa Moshi mkoani Kilimanjaro ambapo Alisema kuwa malezi bora yanaenda sambamba na upendo na ushirikiano kutoka kwa wazazi.
“Hatuwezi kuwa na jamii bora ya kesho kama tutaiachia shule pekee jukumu la kulea, Elimu ya darasani inatoa maarifa ya kitaaluma, lakini maadili yanatengenezwa nyumbani, Wazazi lazima mtoe upendo, ushirikiano, na muweke mazingira rafiki yatakayomfanya mtoto afunguke na kujengwa kiroho na kiakili,” alisema Mujibu.
Mkurugenzi huyo aliongeza kuwa, mmomonyoko wa maadili unaoshuhudiwa sasa unachangiwa na baadhi ya wazazi kususia majukumu yao ya msingi. Alisisitiza kuwa kila mtu kwenye jamii ana wajibu wa kumlinda mtoto dhidi ya ukatili wa kijinsia na wa kimwili ambao umekuwa ukiongezeka siku hadi siku.
“Kila mmoja wetu anapaswa kuwa mlinzi wa mtoto wa mwenzake. Ni lazima tuhakikishe tunawalinda na matukio ya kikatili ambayo yamekuwa yakifanyiwa watoto hawa katika jamii zetu. Ukiona mtoto anafanyiwa ukatili, usinyamaze kwa kudhani si wako; mtoto wa mwenzio ni wako pia,” alisisitiza Mujibu.
Kwa upande wake, Afisa Elimu Kata ya Mawenzi, Christopher Heri, aliunga mkono hoja hiyo na kueleza kuwa usalama wa mtoto unaanza pale mzazi anapojua mwenendo wake wa kila siku, iwe akiwa shuleni au nyumbani. Alisema ulinzi wa mtoto si wa mwalimu pekee, bali ni ushirikiano wa pande zote mbili.
“Ni jukumu la kila mzazi kuhakikisha watoto wanaendelea kujengwa katika misingi salama na kuwa salama wakati wote. Serikali inafanya kazi yake, walimu wanafanya yao, lakini kama mzazi hafuatilii mtoto wake anashinda wapi na anafanya nini baada ya masomo, juhudi hizi zote zitagonga mwamba,” alisema Heri.
Naye Mkuu wa Shule ya Msingi Uhuru akizungumzia maendeleo ya shule hiyo, aliishukuru serikali kwa kuendelea kuleta fedha za kuboresha miundombinu ya shule na kusema kwa milioni mia mbili thelathini na moja kwa ajili ya mradi wa ujenzi wa Madarasa mapya manne na ukarabati wa madarasa mengine saba.
Amesema kuwa kutokana na ukarabati wa madara hayo umeondoa msongamano wa wanafunzi darasani na mindominu Imekuwa mizuri na yakuvutia mazingira ya shule
“Hali ilikuwa mbaya kiasi fulani kwa sababu shule hii ilikuwa ni ya zamani na baadhi ya majengo yalikuwa ni ya zamani sana na wanafunzi pia ni wengi ,namba ilikuwa ni kubwa na msongamano ulikuwa ni mkubwa kwa hiyo ukiangalia pia kwenye ukarabati wa madarasa haya yamesaidia kuboresha miundombinu ambayo ilikuwepo “alisema Kisima.
Hata hivyo, pamoja na mafanikio hayo ya miundombinu, shule hiyo bado inakabiliwa na changamoto kubwa ya kiusalama. Akisoma risala ya wahitimu mbele ya mgeni rasmi, mwanafunzi Nachma Nuru alibainisha kuwa ukosefu wa uzio unahatarisha usalama wao.
“Tunamshukuru Mungu kuwa wanafunzi tumeweza kufanikiwa katika nyanja mbalimbali za kimasomo na michezo. Pamoja na mafanikio haya makubwa, bado tunakabiliwa na changamoto kubwa ya ukosefu wa uzio wa kuzunguka shule yetu, hali inayosababisha muingiliano usio salama na kuhatarisha usalama wa wanafunzi na mali za shule,” alisema Nachma katika risala yake.
NAFASI ZA KAZI CHUO CHA TAIFA CHA USAFIRISHAJI (NIT) 15-08-2026 
