Msanii wa Bongo Fleva, Maua Sama, ametangaza kujifungua mtoto wa kike, akieleza furaha yake baada ya kuanza ukurasa mpya wa maisha akiwa mama.
Maua Sama ametoa taarifa hiyo kupitia mitandao yake ya kijamii, akimkaribisha duniani mtoto huyo na kueleza kuwa ujio wake umeleta furaha kubwa katika maisha yake. “Welcome to the World Baby Girl. You guys, I have a MINI ME. It’s a Girl,” ameandika Maua Sama.
Msanii huyo pia amemshukuru Dkt. Lynn Moshi, ambaye amemtaja kuwa sehemu muhimu ya safari yake ya kujifungua, akieleza kuwa safari hiyo haikuwa rahisi kwake.
Maua Sama amesema kuna wakati alifikia hatua ya kuhisi huenda asingefanikiwa kujifungua salama, kabla ya kumshukuru Mungu kwa kumwezesha kumkaribisha mtoto wake duniani.
“Kuna wakati nilikuwa naona kabisa SITOBOI. Alhamdulillah,” amesema.
Taarifa za awali zilieleza kuwa Maua Sama alikuwa akitarajia mtoto wake wa kwanza, huku ujauzito wake ukiwa umeonekana hadharani katika kipindi cha mwisho cha safari yake ya ujauzito.
Maua Sama ni miongoni mwa wasanii wa kike wanaofanya vizuri katika muziki wa Bongo Fleva, akifahamika zaidi kupitia nyimbo zenye mchanganyiko wa R&B na Afropop. Ameendelea kuwa katika tasnia ya muziki kwa zaidi ya muongo mmoja na amewahi kutwaa tuzo mbalimbali za muziki nchini.
Mwaka 2022, alitoa EP yake “Cinema”, iliyoongeza nafasi yake katika muziki wa kizazi kipya nchini.
Kwa upande wake, Dkt. Lynn Moshi anatajwa kuwa mtaalamu wa Obstetrics and Gynecology, taaluma inayohusisha uzazi na afya ya mfumo wa uzazi wa wanawake.
Kwa sasa, Maua Sama ameanza rasmi safari yake mpya ya umama akiwa na mtoto wa kike ambaye amemuelezea kwa furaha kama “MINI ME.” 💗
Global Publishers September 2, 2026 456 views 0 Comments
Dkt. Samia Suluhu Hassan, Rais wa Jamhuri ya Muungano wa Tanzania akimuapisha, Jumanne Abdallah Sagini kuwa Mkuu wa Mkoa wa Mbeya kwenye hafla iliyofanyika Ikulu Ndogo ya Tunguu, Zanzibar tarehe 02 Septemba, 2026.
Dkt. Samia Suluhu Hassan, Rais wa Jamhuri ya Muungano wa Tanzania akiwaapisha Wakuu wa Mikoa na Katibu Tawala wa Mkoa, Ikulu Ndogo ya Tunguu, Zanzibar Septemba 02, 2026.
Dkt. Samia Suluhu Hassan, Rais wa Jamhuri ya Muungano wa Tanzania akimuapisha Alexander Pastory Mnyeti kuwa Mkuu wa Mkoa wa Geita kwenye hafla iliyofanyika Ikulu Ndogo ya Tunguu, Zanzibar tarehe 02 Septemba, 2026.Rais Samia akimuapisha Stanslaus Haroon Nyongo kuwa Mkuu wa Mkoa wa Pwani.Rais Samia Suluhu Hassan, akimuapisha CP Salum Rashid Hamduni kuwa Mkuu wa Mkoa wa Mwanza.Dkt. Samia Suluhu Hassan, Rais wa Jamhuri ya Muungano wa Tanzania akimuapisha Ndugu Richard Marcellino Kayombo kuwa Katibu Tawala, Mkoa wa Pwani kwenye hafla iliyofanyika Ikulu Ndogo ya Tunguu, Zanzibar tarehe 02 Septemba, 2026.
Chunya, Mbeya — Mkurugenzi Mtendaji wa Halmashauri ya Wilaya ya Chunya ametangaza nafasi 14 za ajira kwa Watanzania wenye sifa, katika kada za Udereva na Uandishi wa Ofisi.
Tangazo hilo lenye Kumb. Na. CDS/S.10/39 VOL IV/22, la tarehe 31 Agosti 2026, limetolewa baada ya Halmashauri kupata kibali kutoka Ofisi ya Rais, Menejimenti ya Utumishi wa Umma na Utawala Bora.
Nafasi zilizotangazwa
Halmashauri imetangaza nafasi zifuatazo:
Dereva Daraja la II — nafasi 9
Mwandishi Mwendesha Ofisi Daraja la II — nafasi 5
Dereva Daraja la II — nafasi 9
Waombaji wa nafasi hii watakuwa na jukumu la kukagua magari kabla na baada ya safari, kuwapeleka watumishi katika maeneo mbalimbali kwa ajili ya safari za kikazi, kufanya matengenezo madogo ya magari na kutunza daftari la safari (log book).
Majukumu mengine ni kukusanya na kusambaza nyaraka mbalimbali, kufanya usafi wa gari pamoja na kutekeleza majukumu mengine watakayopewa na wasimamizi wao.
Sifa za mwombaji
Mwombaji anatakiwa kuwa na Cheti cha Kidato cha Nne (Form IV) pamoja na leseni ya udereva ya Daraja E au C, ambayo ameitumia kwa kipindi kisichopungua mwaka mmoja bila kusababisha ajali.
Pia anatakiwa kuwa na vyeti vya mafunzo vilivyomuwezesha kupata daraja husika la leseni na awe amehudhuria Basic Driving Course inayotolewa na VETA au chuo kingine kinachotambuliwa na Serikali.
Mshahara: TGS B
Mwandishi Mwendesha Ofisi Daraja la II — nafasi 5
Majukumu ya nafasi hii ni pamoja na kuchapa barua, taarifa na nyaraka za kawaida na za siri; kupokea wageni na kuwaelekeza sehemu wanakoweza kupata msaada; kutunza taarifa na kumbukumbu za matukio, miadi, wageni, vikao na safari za mkuu wake.
Mwandishi pia atahusika na kutafuta majalada na nyaraka zinazohitajika, kupokea na kusambaza majalada kwa maofisa husika, kukusanya na kuyatunza majalada, kupanga dondoo za vikao na kuandaa mahitaji ya ofisi.
Sifa za mwombaji
Mwombaji anatakiwa kuwa na elimu ya Kidato cha Nne au Kidato cha Sita, pamoja na Stashahada (Diploma) ya Uhazili au Cheti cha NTA Level 6 ya Uhazili kutoka chuo kinachotambuliwa na Serikali.
Aidha, anatakiwa kuwa amefaulu somo la Hatimkato ya Kiswahili na Kiingereza kwa maneno 100 kwa dakika moja, pamoja na kuwa na mafunzo ya programu za kompyuta za ofisi kama Word, Excel, PowerPoint, Internet, Email na Publisher.
Mshahara: TGS C
Masharti muhimu ya waombaji
Waombaji wote wanapaswa kuwa raia wa Tanzania, wenye umri wa kuanzia miaka 18 hadi 45.
Waombaji wanatakiwa kuambatanisha Curriculum Vitae (CV) yenye maelezo kamili, anuani inayotumika, namba za simu, barua pepe pamoja na majina ya wadhamini (referees) watatu wanaoaminika.
Vyeti vya elimu na taaluma vinapaswa kuwa vimehakikiwa na kuthibitishwa na Mwanasheria/Wakili kwa mujibu wa masharti ya tangazo.
Halmashauri imesisitiza kuwa testimonial, provisional result, statement of result pamoja na Form IV na Form VI result slips havitakubaliwa.
Waombaji waliosoma nje ya Tanzania wanapaswa kuhakikisha vyeti vyao vinatambuliwa na mamlaka husika, ikiwemo TCU, NECTA na NACTE.
Aidha, waombaji waliostaafishwa katika Utumishi wa Umma hawaruhusiwi kuomba isipokuwa wawe na kibali kutoka kwa Katibu Mkuu Kiongozi.
Jinsi ya kutuma maombi
Maombi yote yanatakiwa kutumwa kupitia Mfumo wa Kielektroniki wa Ajira (Recruitment Portal).
Recruitment Portal: portal.ajira.go.tz
Barua ya maombi inapaswa kusainiwa na kuelekezwa kwa:
Mkurugenzi Mtendaji, Halmashauri ya Wilaya ya Chunya, S.L.P 73, Chunya.
Mwisho wa kutuma maombi
Mwisho wa kutuma maombi ni Septemba 13, 2026.
Halmashauri imeonya kuwa maombi yatakayowasilishwa nje ya utaratibu uliowekwa katika tangazo hayatazingatiwa, huku utoaji wa taarifa au sifa za kughushi ukisababisha wahusika kuchukuliwa hatua za kisheria.
Tangazo limetolewa na Mkurugenzi Mtendaji (W) wa Halmashauri ya Wilaya ya Chunya.
SEO title: Halmashauri ya Chunya yatangaza nafasi 14 za ajira
Meta description: Halmashauri ya Wilaya ya Chunya imetangaza nafasi 14 za ajira kwa Dereva Daraja la II na Mwandishi Mwendesha Ofisi Daraja la II. Mwisho wa maombi ni Septemba 13, 2026.
Mkurugenzi wa Harvest Mission International University Texas, Marekani Nchini Tanzania Prof. Issack Yona Mpema (kulia) akimpongeza mkurugenzi wa Matukio Daima Media Francis Godwin jana baada ya kutembelea ofisi za Matukio Daima Media mjini Iringa leo
NA MATUKIO DAIMA MEDIA
MKURUGENZI wa Harvest Mission International University Texas, Marekani Nchini Tanzania Prof. Issack Yona Mpema, amewakaribisha wanafunzi wanaotarajia kujiunga na chuo hicho kuchukua kozi mbalimbali za dini na zisizo za dini zinazotolewa kwa njia ya mtandao.
Prof. Mpema ametoa mwaliko huo leo asubuhi wakati akizungumza katika kipindi cha Press kupitia Matukio Daima Media, alisema chuo hicho kimejizatiti zaidi katika kutoa elimu ya dini, huku pia kikitoa fursa ya kusoma kozi nyingine kwa njia ya mtandao.
“Ni chuo cha dini, lakini kina mamlaka ya kutoa kozi za secular kwa njia ya kimtandao duniani kote. Makao makuu yetu yapo Texas ambako tuna majengo kabisa, hivyo ni chuo,” amesema Prof. Mpema.
Alisema Harvest Mission International University ni chuo cha kimataifa kinachotoa elimu ya ngazi za juu, ikiwemo Shahada za Uzamili (Master’s) na Uzamivu (PhD), kwa lengo la kuongeza fursa za elimu na kukuza taaluma kwa wanafunzi na wataalamu.
Kwa mujibu wa Prof. Mpema, chuo hicho hakipo kwa lengo la kushindana au kupambana na vyuo vya ndani ya Tanzania, bali kuchangia juhudi za kuongeza idadi ya wataalamu wenye elimu ya juu nchini.
Alisema anaamini kuwepo kwa taasisi nyingi zinazotoa fursa za elimu kunaweza kusaidia Tanzania kuzalisha wataalamu wengi zaidi katika maeneo mbalimbali na kuchangia maendeleo ya taifa.
Aidha, Prof. Mpema amesema yeye pia ni mwakilishi katika masuala ya amani kimataifa, nafasi ambayo amesema anaitumia kuendelea kuhimiza umuhimu wa amani na utulivu nchini Tanzania, Afrika na dunia kwa ujumla.
“Ninatamani sana nchi yetu tuishi kwa amani.
Tanzania iwe mahali pa kuishi, Afrika iwe mahali pa kuishi na dunia kwa ujumla iwe mahali salama pa kuishi. Kote tuishi kwa amani na utulivu,” amesisitiza Prof. Mpema.
Katika hatua nyingine, aliwakaribisha watu wanaotaka kujiunga na chuo hicho kufanya udahili na usajili kwa njia ya mtandao, huku akieleza kuwa wanaohitaji maelezo zaidi wanaweza kufika katika ofisi zake zilizopo maeneo ya Songas, jijini Dar es Salaam.
Alisema milango iko wazi kwa wanaotaka kusoma elimu ya dini pamoja na kozi nyingine zinazotolewa na chuo hicho kwa mfumo wa mtandao.
Klabu ya Yanga imeanza safari ya kuelekea Botswana kwa ajili ya mchezo wake wa kwanza wa Ligi ya Mabingwa Afrika (CAF) dhidi ya Gaborone United.
Yanga imeondoka nchini alfajiri ya leo kuelekea Botswana kupitia Afrika Kusini, ambako msafara huo ulifanya mapumziko mafupi kabla ya kuendelea na safari kuelekea mjini Gaborone.
Mchezo huo unatarajiwa kuchezwa Jumamosi, Septemba 5, 2026, katika Uwanja wa Gaborone, huku Yanga ikilenga kuanza vyema kampeni zake za kimataifa msimu huu.
Msafara wa Yanga umebeba jumla ya wachezaji 30, wakiwemo Aziz Ki, Yao, Mohamed Hussein, Peter Shalulile, Maxi Nzengeli, Dickson Job, Mudathiri, Albert Kangwanda na kipa Djigui Diarra.
Mchezo wa marudiano unatarajiwa kuchezwa Tanzania Jumamosi, Septemba 12, katika Uwanja wa Azam Complex, ambapo Yanga itakuwa mwenyeji wa Gaborone United.
Yanga imeingia kwenye msimu huu ikiwa na matumaini makubwa baada ya kufanya usajili wa wachezaji wenye uzoefu katika mashindano ya kimataifa.
Miongoni mwa majina yanayopewa uzito ni mshambuliaji wa Afrika Kusini Peter Shalulile, ambaye ana uzoefu mkubwa wa soka la Afrika baada ya kuitumikia Mamelodi Sundowns FC.
Usajili huo umeongeza matarajio kwa mashabiki wa Yanga, ambao wanaitazamia timu hiyo kufanya vizuri katika hatua za awali za Ligi ya Mabingwa Afrika na kusonga mbele katika mashindano hayo.
Kwa Yanga, safari ya Botswana ndiyo mwanzo wa kampeni mpya ya kutafuta mafanikio katika anga la soka la Afrika.
Rais wa Jamhuri ya Muungano wa Tanzania, Dkt. Samia Suluhu Hassan, amemtaka Mkuu wa Mkoa wa Geita, Alexander Mnyeti, kusimamia kwa karibu shughuli za uchimbaji na biashara ya madini, hususan katika Mji wa Katoro, ili kuhakikisha Serikali inapata mapato stahiki kupitia ulipaji wa kodi.
Rais Samia ametoa agizo hilo leo, Septemba 2, 2026, wakati akizungumza katika Ikulu ya Tunguu, Zanzibar, akimtaka Mnyeti kuhakikisha wachimbaji na wafanyabiashara wa madini wanaendesha shughuli zao kwa kuzingatia sheria na taratibu.
Amesema mazingira mazuri yaliyowekwa na Serikali yamewezesha wachimbaji wadogo kufanya shughuli zao kwa ufanisi na wananchi kunufaika na rasilimali za madini.
Akizungumza kuhusu hali ya Katoro, Rais Samia amesema utajiri unaopatikana katika eneo hilo unapaswa kuambatana na ulipaji wa kodi na kuchangia maendeleo ya Mkoa wa Geita.
“Unayoyasikia Katoro ni kwa sababu tumejenga mazingira mazuri, wachimbaji wadogo wanachimba vizuri, watu wamenufaika, utajiri umepatikana wa kutosha. Sijakupeleka ukajitajirishe; kasimamie wanaotajirika, walipe kodi zetu, waendelee kufanya kazi zao na mkoa upate maendeleo,” amesema.
Rais Samia pia amemtaka Mnyeti kutekeleza majukumu yake kwa weledi na kuhakikisha urafiki au mahusiano binafsi hayaathiri utekelezaji wa majukumu yake ya kiuongozi.
Amesema Mnyeti anaifahamu Geita kutokana na uzoefu wake wa awali katika eneo hilo, lakini ametakiwa kutenganisha masuala ya kikazi na mahusiano binafsi.
“Kwa hiyo, nenda kasimamie vyema. Najua pale wewe si mgeni, ni mwenyeji, sasa vile vijiji vyako ulivyokuwa navyo huko nyuma, nataka uachane navyo ila usiache marafiki, lakini usiwa-entertain kwenye kazi yako,” ameongeza Rais Samia.
Kauli hiyo ya Rais inalenga kuimarisha usimamizi wa sekta ya madini na kuhakikisha utajiri unaopatikana kupitia uchimbaji unaleta manufaa mapana kwa wachimbaji, wafanyabiashara, Serikali na wananchi.
Aidha, msisitizo wa ulipaji kodi unalenga kuhakikisha mapato yatokanayo na shughuli za madini yanatumika katika kugharamia huduma na miradi ya maendeleo, hususan katika Mkoa wa Geita ambao ni miongoni mwa maeneo yenye shughuli kubwa za uchimbaji wa madini nchini.
Fikiria kila hatua unayopiga kwenye mchezo ikiwa inakupeleka karibu na zawadi unayoitamani. Hiyo ndiyo ladha ya Meridianbet Missions, mfumo mpya wa Meridianbet unaowapa wachezaji nafasi ya kukamilisha misheni, kukusanya alama na kufungua fursa za kupata zawadi. Kwa wapenzi wa sloti, mfumo huu unaongeza sura mpya ya msisimko kwa kufanya kila misioni kuwa changamoto yenye lengo maalumu.
Safari inaanzia kwenye michezo mbalimbali maarufu, ikiwemo Gates of Olympia, Ladies Days, Super Heli na Win&Go, pamoja na sloti nyingine kutoka Expanse Studios. Mchezaji anachagua misheni, anaanza kucheza na kukusanya alama kadiri anavyokamilisha malengo yake. Hivyo, kila misheni inakuwa kama hatua nyingine kwenye msimamo wa safari yako kuelekea zawadi.
Vilevile, meridianbet wana michezo mingi ya kasino mtandaoni na mechi za kimataifa za kubashiri zenye ushindani mkubwa wa odds. Jiunge leo kwa kutembelea tovuti ya meridianbet au piga *149*10# kisha uanze safari yako ya ushindi.
Meridianbet Missions pia ina mfumo wa Bronze, Silver na Gold, unaofanya maendeleo ya mchezaji yaonekane wazi. Unaanza Bronze, kisha unalenga kupanda hadi Silver na hatimaye Gold kwa kuongeza alama zako. Kupitia akaunti yako, unaweza kufuatilia maendeleo yako na kuona jinsi unavyosogea kwenye safari hii ya misheni.
Na mwisho wa safari kuna zawadi zinazoweza kuongeza tabasamu. Alama zinaweza kutumika kupata mizunguko ya bonasi na tiketi za michezo bila malipo, huku zawadi za bidhaa zikijumuisha Hisense Smart TV, PlayStation 5, JBL Speaker na iPhone 16. Hii inampa mchezaji nafasi ya kulenga zawadi kulingana na alama anazokusanya na chaguo zilizopo.
Kujiunga ni rahisi, fungua akaunti ya Meridianbet, chagua mchezo wako na anza kukamilisha misheni. Meridianbet Missions imeleta safari inayounganisha mchezo, changamoto na mfumo wa zawadi katika eneo moja.
Usikilizwaji wa kesi ya uhaini inayomkabili Mwenyekiti wa CHADEMA, Tundu Lissu, unaendelea leo Septemba 2, 2026, ikiwa ni hatua ya kuendelea na maswali ya dodoso kwa shahidi wa pili wa upande wa utetezi, John Mnyika, ambaye ni Katibu Mkuu wa chama hicho.
Hapo jana, Septemba 1, 2026, katika mwendelezo wa maswali ya upande wa Jamhuri kwa shahidi huyo, Mnyika alihojiwa kuhusu msimamo wa kisiasa wa CHADEMA kuhusu kauli ya “No Reforms, No Election”, pamoja na vitendo vya vurugu vilivyotokea mwaka uliopita.
Katibu Mkuu wa Chama cha Demokrasia na Maendeleo (Chadema), John Mnyika, amekabiliwa na maswali mazito kuhusu suala la fedha zinazohusishwa na mpango unaotajwa kama “Tone Tone”, katika mahojiano ya kina yaliyofanyika mahakamani.
Mnyika amesisitiza kuwa chama hicho hakikubagua mtu katika suala hilo, akisema: “Mikono yetu ni safi. Sisi hatuna ubaguzi.”
Katika mahojiano hayo, wakili Job alimuuliza Mnyika iwapo malipo ya fedha za “Tone Tone” kwa watu wachache, iwapo yalifanyika kwa ubaguzi, yangekuwa ukiukwaji wa Katiba.
Mnyika alijibu kwa kusisitiza kuwa kuna vipaumbele vilivyo wazi, huku akipinga hoja kwamba Chadema imehusika katika ubaguzi.
Wakili Job pia alimuuliza Mnyika kuhusu msimamo wake kwamba si kila mzozo unapaswa kutatuliwa mahakamani. Mnyika alisema chama kimekuwa kikijaribu kushauriana na kutafuta suluhu katika kila hatua kabla ya kufikia hatua nyingine.
Sehemu nyingine ya maswali ilihusu Ishengoma Mtembey Barongo, ambaye Job alimtaja kuwa Katibu wa Kata ya Mikocheni na mwanachama wa Chadema.
Mnyika alisema hamfahamu mtu huyo, na alipoulizwa kuhusu video iliyosambaa mitandaoni inayodaiwa kumuonyesha akieleza mipango ya kuvuruga uchaguzi, Mnyika alisema hawezi kutoa maoni kwa kuwa hajawahi kuiona video hiyo.
“Siwezi kusema kwa sababu sijaona hiyo clip,” alisema Mnyika.
Akifafanua mfumo wa uongozi wa Chadema, Mnyika alisema makatibu wa kata wanasimamia shughuli za chama katika ngazi hiyo na wanaripoti kwa ngazi ya jimbo, hivyo Katibu Mkuu hahusiki moja kwa moja na shughuli zao za kila siku.
Alisema pia maelekezo kutoka ngazi ya taifa hupitia mfumo wa uongozi kutoka kanda, mikoa, wilaya, majimbo na hatimaye kata.
Katika sehemu nyingine ya ushahidi wake, Mnyika alikataa kukubaliana na hoja kwamba mahakama ndiyo njia bora ya kutatua kila jambo ambalo mtu hakubaliani nalo.
Alikiri kuwa mahakama ina mamlaka ya kusikiliza mashauri ya kikatiba, lakini alipoulizwa kama njia bora ya kupata suluhu inapokuwa na kutoridhishwa ni kwenda mahakamani, alijibu:
Mnyika alisema Chadema imekuwa ikitumia njia za mazungumzo na mashauriano katika kushughulikia changamoto mbalimbali.
Mahojiano hayo yameendelea kuibua maswali kuhusu uendeshaji wa chama, mfumo wa mawasiliano kutoka uongozi wa taifa hadi ngazi za chini, pamoja na tuhuma na madai yanayohusishwa na suala la “Tone Tone”.
Mwisho wa dodoso hilo, upande wa mahojiano ulitangaza kuwa umefikia mwisho wa kumuuliza Mnyika maswali.
Job: Je, Tundu Antipas Lissu amewahi kufungua kesi ya kikatiba kwa jina lake binafsi?
Mnyika: Kwa mujibu wa ufahamu wangu, sifahamu.
Job: Utakubaliana na mimi sasa, shahidi, kwamba kwa mujibu wa sheria mahakama imepewa mamlaka ya kusikiliza mashauri ya kikatiba?
Mnyika: Ni kweli.
Job: Utakubaliana na mimi kwamba njia bora ya kupata utatuzi, usiporidhishwa na jambo, ni kwenda mahakamani?
Mnyika: Sikubaliani na wewe.
Job: Mshitakiwa kabla ya kutoa ushahidi alisema anataka kukuandaa. Alikuambia nini?
Mnyika: Aliniambia taratibu za kufuata tu ninapokuwa kizimbani.
Job: Je, unafahamu huyu bwana Ishengoma ni mwanachama wa Chadema?
Mnyika: Hayo yatakuwa ni maoni yako.
Job: Hawa makatibu wa kata, utaratibu wa kufanya kazi ukoje?
Mnyika: Wao ndio wasimamizi wa shughuli za chama kwenye kata na wanaripoti kwenye jimbo, hivyo Katibu Mkuu hahusiki moja kwa moja.
Job: Ikitokea kuna ushahidi kuwa huyu ni mwanachama wa Chadema na mnamkana?
Mnyika: Ngazi ya kata inahudumiwa na jimbo. Muite Katibu wa Jimbo umuulize swali hilo.
Job: Hebu wajibu Waheshimiwa Majaji, maelekezo yakitoka ngazi ya taifa yanafikaje kwenye ngazi ya kata?
Mnyika: Chama taifa kinawasiliana na makatibu wa kanda. Wao wanashusha kwenye mikoa, mikoa inashusha kwenye wilaya, kisha majimbo na kata.
Job: Kwa mujibu wa Katiba ya Chadema, kinaamini katika matumizi ya TEHAMA katika kuhabarisha umma?
Mnyika: (Anasoma katiba) kuhakikisha chama kinatumia TEHAMA kukiunga mkono, hivyo jibu ni sahihi.
Job: Unakubaliana na mimi kwamba kitendo cha fedha za Tone Tone kulipa kwa watu wachache ni ukiukwaji wa katiba?
Mnyika: Kuna kipaumbele ambacho kipo wazi.
Job: Kama hizo fedha chache zimelipwa kwa ubaguzi, unaona wapi uhalali wa kuzungumzia uhuru na haki?
Mnyika: Mikono yetu ni safi. Sisi hatuna ubaguzi. Nyie serikali ndio mna ubaguzi kwa kuzuia ruzuku yetu.
Job: Usipoaminika kwa dogo, huwezi kuaminika kwa kubwa.
Mnyika: Tunaaminika kwa dogo na makubwa.
Job: Una uzoefu wako wa kutunga sheria. Unaona hatukushauriwa vyema kwa kutofuata njia ya mahakama?
Mnyika: Hapana. Tumejaribu kushauriana vyema kila hatua.
Job: Ulisema humfahamu Ishengoma Mutembei Barongo. Huyo bwana Mutembei ndiye Katibu wa Kata wa Mikocheni.
Mnyika: Siwezi kukubaliana na mambo nisiyoyafahamu.
Job: Utakubaliana kwamba video clip iliyosambaa kwenye mitandao ya kijamii, bwana Mutembei alieleza mipango ya kuvuruga uchaguzi ilitoka juu ndani ya chama?
Mnyika: Siwezi kusema kwa sababu sijaona hiyo clip.
Job: Ni hayo tu, Waheshimiwa Majaji.
Nzengelei: Waheshimiwa Majaji, tumefikia mwisho wa kumuuliza maswali ya dodoso shahidi huyu.
Tundu Lissu anashtakiwa kwa kosa la uhaini chini ya Kifungu cha 39(2)(d) cha Sheria ya Kanuni ya Adhabu (Penal Code), Sura ya 16 ya Sheria za Tanzania, kama ilivyorekebishwa mwaka 2023.
Shtaka hilo linatokana na madai ya upande wa Jamhuri kwamba, mnamo Aprili 3, 2025, Lissu alitoa maneno na maandishi yaliyolenga kuhamasisha umma na kushinikiza viongozi wakuu wa Serikali ili kuzuia au kuvuruga mchakato wa uchaguzi.
Usikilizwaji wa kesi hiyo unaendelea Mahakamani, huku upande wa utetezi ukiendelea na ushahidi wake kupitia shahidi John Mnyika.
Mechi raundi ya nne ya Championship ya Uingereza inapigwa leo Jumatano, Septemba 2, 2026, saa 21:45 usiku katika uwanja wa The Den, jijini London. Hii ni fursa nzuri kwa Millwall kujaribu kuendeleza rekodi yao ya ushindi na kujikita kwenye msimamo msimu huu wakiwa nyumbani, dhidi ya wapinzani wao Wrexham.
Timu hiyo inaingia kwenye mchezo huu ikiwa na kumbukumbu chungu ya msimu uliopita walikosa nafasi ya pili kwa uchache wa alama moja tu (walimaliza na alama 83 dhidi ya 84 za Ipswich), kisha wakatolewa katika mchujo wa kupanda daraja (play-off) na Hull City.
Msimu huu chini ya kocha Cenk Laleci, Millwall wameanza vizuri kwa kushinda dhidi ya Bristol City na Norwich City, ingawa walipata pigo kubwa la kufungwa mabao 5-1 na Southampton hivi karibuni. Katika Ligi Cup, waliifunga QPR kwa mikwaju ya penalti na kuishinda Cambridge United kwa bao 1-0.
Wrexham, ambayo ilipanda kutoka League One msimu uliopita chini ya uongozi wa Phil Parkinson, inakabiliana na changamoto za kuzoea ushindani wa juu zaidi wa Championship. Mwanzo wao wa msimu haujawa wa kuridhisha walishindwa 0-1 dhidi ya Middlesbrough katika Ligi Cup, wakatoka sare dhidi ya Cardiff na Watford ligani, kisha wakafungwa nyumbani 1-2 na Birmingham City.
Meridianbet inasema kuna michezo kama Keno, Aviator, Poker, Roulette, Wild Icy Fruits, Super Heli. Ingia katika kasino ya mtandaoni ya Meridianbet na ujiokotee mkwanja mapema. Jiunge sasa au Tembelea tovuti ya meridianbet.co.tz au piga *149*10# kisha uanze safari yako ya ushindi.
Timu hizi mbili zilikutana kwa mara ya kwanza tangu mwaka 2001 msimu uliopita, na matokeo yalikuwa ya kuvutia kila timu ilishinda mechi yake ya ugenini kwa mabao 2-0, ikionyesha kuwa faida ya uwanja inaweza kuwa na mchango mkubwa katika mkutano wao.
Kwa kuzingatia udhaifu wa Wrexham dhidi ya msimamo thabiti wa Millwall nyumbani, Millwall wanapewa nafasi kubwa ya ushindi katika mechi hii, ingawa si kwa tofauti kubwa. Lakini pia Wrexham hawapaswi kupuuzwa, kutokana na jinsi timu hizi mbili zisivyokuwa na historia ya mechi za mabao mengi.
Millwall watakuwa na jukumu la kutumia nguvu ya uwanja wao pamoja na hali nzuri ya sasa kuhakikisha wanapata alama tatu na kuendelea kujiweka kwenye nafasi nzuri za msimamo.
WAZIRI wa Ulinzi na Jeshi la Kujenga Taifa, Mheshimiwa Dkt. Rhimo Nyansaho (Mb),Tarehe 01 Septemba 2026, amekutana na kufanya mazungumzo na wawakilishi wa vijana wa Jeshi la Kujenga Taifa (JKT) walioshiriki katika ujenzi wa mradi wa kihistoria wa Ikulu ya Chamwino, jijini Dodoma.
Mazungumzo hayo yalilenga kuwasikiliza vijana hao, kuwapongeza na kuwashukuru kwa mchango wao mkubwa katika kutekeleza ujenzi wa Ikulu ya Chamwino, ambayo ni moja ya alama muhimu za Taifa na Ofisi ya Juu katika mfumo wa Utawala na Uongozi wa Jamhuri ya Muungano wa Tanzania.
Akizungumza na vijana hao, Waziri wa Ulinzi na JKT, Dkt. Rhimo Nyansaho, amesema Serikali ya Awamu ya Sita inayoongozwa na Rais wa Jamhuri ya Muungano wa Tanzania na Amiri Jeshi Mkuu, Mheshimiwa Dkt. Samia Suluhu Hassan, inatambua na kuthamini mchango, uzalendo na kujituma kwa vijana hao katika utekelezaji wa mradi huo wa kihistoria.
Dkt. Nyansaho amesema Serikali inatambua uvumilivu, nidhamu na kujitolea kwa vijana hao, ambao walishiriki katika kazi kubwa ya ujenzi wa Ikulu ya Chamwino, na kwamba kukutana nao ni sehemu ya kuwapa shukrani na pongezi kwa mchango wao kwa Taifa.
“Serikali inatambua na kuthamini mchango wenu katika ujenzi wa mradi huu wa kihistoria. Mmetoa mchango mkubwa kwa Taifa na mmeonesha uzalendo, nidhamu na kujituma katika kutekeleza jukumu hili muhimu,” amesema Dkt. Nyansaho.
Kwa upande wao, wawakilishi wa vijana walioshiriki katika ujenzi wa Ikulu ya Chamwino wamemshukuru Waziri wa Ulinzi na JKT kwa uamuzi wa kukutana nao na kusikiliza maoni yao. Wamesema hatua hiyo imewapa faraja na kuonesha namna Serikali inavyotambua na kuthamini mchango wao katika ujenzi wa Taifa.
Aidha, vijana hao wamemwahidi Waziri wa Ulinzi na JKT pamoja na Serikali kwa ujumla kuwa wataendelea kudumisha uzalendo, uadilifu, nidhamu na kujitolea katika kulitumikia Taifa kwa nguvu zao zote, kama walivyofanya katika utekelezaji wa jukumu la ujenzi wa Ikulu ya Chamwino.
Mazungumzo hayo pia yalilenga kuweka mikakati ya kuendelea kuboresha ustawi wa vijana waliopitia mafunzo ya Jeshi la Kujenga Taifa, pamoja na kutathmini namna bora ya kuwawezesha vijana hao kutumia ujuzi, nidhamu na uzoefu walioupata katika JKT kwa manufaa yao na maendeleo ya Taifa.
Mazungumzo hayo yalihudhuriwa pia na Katibu Mkuu wa Wizara ya Ulinzi na Jeshi la Kujenga Taifa, Dkt. Faraji Mnyepe; Mkuu wa Jeshi la Kujenga Taifa, Meja Jenerali Rajabu Mabele; pamoja na viongozi wengine waandamizi kutoka Wizara ya Ulinzi na Jeshi la Kujenga Taifa.
