Global Publishers September 25, 2026 48 views 0 Comments
Mshambuliaji wa Barcelona, Raphinha, amepewa rasmi jezi namba 10 ya timu ya taifa ya Brazil, akianza ukurasa mpya baada ya nyota Neymar kutokuwamo kwenye kikosi cha sasa.
Shirikisho la Soka la Brazil (CBF) limetangaza namba za jezi zitakazovaliwa na wachezaji katika michezo ijayo ya kimataifa, huku Raphinha akipewa namba hiyo yenye historia kubwa katika soka la Brazil.
Katika Kombe la Dunia la 2026, Raphinha alikuwa akivaa jezi namba 11, wakati Neymar akitumia namba 10. Hata hivyo, Neymar hayupo kwenye kikosi kipya kinachoongozwa na kocha Carlo Ancelotti, hivyo Raphinha sasa amekabidhiwa jezi hiyo maarufu.
Jezi namba 10 imekuwa na nafasi ya kipekee katika historia ya Brazil, huku baadhi ya magwiji waliowahi kuivaa wakijumuisha Pelé, Ronaldinho, Kaká na Neymar.
Kwa Raphinha, kupewa namba hiyo kunaongeza matarajio na jukumu lake ndani ya kikosi cha Brazil, ambacho kinaanza mzunguko mpya kuelekea mashindano yajayo ya kimataifa.
Katika mgawanyo huo wa namba, Vinícius Júnior ataendelea kuvaa namba 7, Bruno Guimarães namba 8, huku Endrick akipewa jezi namba 9.
Brazil inatarajiwa kuanza ratiba yake ya michezo hiyo ya kimataifa kwa kukutana na Australia Septemba 25, kabla ya kucheza tena Septemba 29, kisha kukutana na India Oktoba 3.
Global Publishers September 25, 2026 6 views 0 Comments
Wasanii wakubwa kutoka Tanzania, Diamond Platnumz na Joel Lwaga, wameungana kwa mara ya kwanza katika wimbo mpya unaokwenda kwa jina la “Nikumbuke”, uliotoka rasmi Septemba 23, 2026.
Ushirikiano huo umekutanisha wasanii wawili wanaotoka katika mazingira tofauti ya muziki, huku Diamond Platnumz akijulikana zaidi kupitia Bongo Flava na Afropop, wakati Joel Lwaga akitambulika kwa kazi zake katika muziki wa Injili.
“Nikumbuke” umejengwa katika ujumbe wa imani, subira na matumaini, ukielezea hali ya mtu anayepitia changamoto lakini bado anaendelea kumtegemea Mungu na kusubiri majibu ya maombi yake.
Kupitia wimbo huo, wasanii hao wameleta ladha tofauti za muziki na kuunganisha mashabiki wa Bongo Flava pamoja na wale wanaopenda muziki wa Injili.
Kwa Diamond, ushirikiano huo unamuweka kwenye mazingira yenye ujumbe wa kiroho zaidi, huku Joel Lwaga akiendelea kusimamia aina ya muziki ambao amejijengea jina kwa miaka kadhaa.
Wimbo huo tayari umeanza kupata uangalizi kutoka kwa mashabiki kwenye majukwaa mbalimbali ya muziki na mitandao ya kijamii.
Taarifa zilizopo kwenye YouTube zinaonyesha kuwa lyric video ya “Nikumbuke” iliwekwa kwenye ukurasa wa Joel Lwaga Septemba 23, 2026, siku ambayo wimbo huo ulitolewa rasmi.
Ushirikiano wa Diamond na Joel Lwaga unaifanya “Nikumbuke” kuwa moja ya kazi zinazowakutanisha wasanii wenye mitazamo tofauti ya muziki, huku ujumbe wake ukilenga kuhamasisha watu kuendelea kuwa na matumaini, subira na imani hata wanapopitia nyakati ngumu.
Tanzania imetoa wito kwa Jumuiya ya Kimataifa kuongeza kasi ya upatikanaji wa fedha za mabadiliko ya tabianchi, teknolojia na mifumo madhubuti ya tahadhari za mapema ili kuzisaidia nchi zinazoendelea kukabiliana na athari zinazoongezeka za kupanda kwa kina cha bahari.
Akihutubia Mkutano wa Ngazi ya Juu wa Baraza Kuu la Umoja wa Mataifa kuhusu kupanda kwa kina cha Bahari mjini New York, Makamu wa Rais wa Jamhuri ya Muungano wa Tanzania, Mhe. Deogratius John Ndejembi, amesema tatizo hilo si tishio la siku zijazo tena, bali tayari linaathiri maisha ya watu, uchumi na mifumo ya ikolojia duniani.
Kwa Tanzania, athari hizo ni kubwa kutokana na ukanda wake wa pwani ya Bahari ya Hindi, Zanzibar na visiwa vingine ambavyo vinategemewa na mamilioni ya watu kupitia uvuvi, utalii na biashara. Mmomonyoko wa fukwe, kuingia kwa maji ya chumvi katika vyanzo vya maji baridi na mafuriko vinatajwa kuwa miongoni mwa vitisho kwa wananchi, miundombinu na mafanikio ya maendeleo ya nchi.
Makamu wa Rais ameeleza kuwa, Tanzania tayari inachukua hatua kwa kuimarisha ulinzi wa pwani, kurejesha mikoko na mifumo ya ikolojia, kuimarisha usalama wa maji na kuendeleza mikakati ya kukabiliana na mabadiliko ya tabianchi inayoongozwa na jamii.
Hata hivyo, Makamu wa Rais amesisitiza kuwa juhudi za nchi moja moja hazitoshi, akitaka fedha za tabianchi kuwa za kutosha, za uhakika na zinazopatikana kwa urahisi zaidi kwa nchi zinazoendelea na jamii za pwani zilizo katika mazingira hatarishi.
Mkutano huo wa Septemba 24, 2026, umezikutanisha nchi wanachama wa Umoja wa Mataifa, Viongozi, Wataalamu na Wadau wengine kuweka msimamo wa pamoja na kuimarisha ushirikiano wa kimataifa dhidi ya tishio la kupanda kwa kina cha bahari. Mkutano huo unafanyika ikiwa ni mwendelezo wa Mkutano wa Ngazi ya Juu wa mwaka 2024 uliolifanya suala hilo kuwa ajenda muhimu ya kimataifa.
Miongoni mwa maeneo ya msingi yanayopewa uzito ni ulinzi wa maisha na shughuli za kiuchumi katika maeneo ya pwani, mifumo ya tahadhari za mapema, takwimu za tabianchi, miundombinu himilivu, teknolojia, suluhisho zinazotegemea mazingira asilia pamoja na kuongeza uwezo wa nchi zilizo hatarini kukabiliana na athari zisizoepukika.
Mkutano huo unatarajiwa kufikia Azimio la pamoja lenye mwelekeo wa utekelezaji, likilenga kuimarisha hatua za kimataifa, ustahimilivu na uwezo wa kukabiliana na kupanda kwa kina cha bahari.
Tanzania imeunga mkono kupitishwa kwa Azimio hilo kwa makubaliano ya pamoja, huku ikisisitiza umuhimu wa dunia kuhamisha mjadala kutoka katika ahadi kwenda kwenye utekelezaji wenye matokeo.
Kwa Tanzania, utekelezaji wa dhamira hizo unaweza kufungua fursa zaidi za ushirikiano wa kimataifa katika rasilimali za tabianchi, teknolojia, mifumo ya tahadhari za mapema na ujenzi wa miundombinu himilivu, hatua zenye umuhimu mkubwa katika kulinda jamii za pwani hususani Zanzibar, sekta ya utalii, uvuvi na shughuli nyingine za uchumi wa buluu.
Akihitimisha ujumbe wake, Makamu wa Rais ametoa mwito wenye msisitizo kwa jumuiya ya kimataifa: “Bahari inatuunganisha. Hivyo basi, kupanda kwa kina cha maji yake kunapaswa pia kutuunganisha katika kuchukua hatua za pamoja.”
Makamu wa Rais yuko New York nchini Marekani, akimwakilisha Rais wa Jamhuri ya Muungano wa Tanzania, Dkt. Samia Suluhu Hassan, kwenye Mkutano wa 81 wa Baraza Kuu la Umoja wa Mataifa.
Aliyekuwa Mbunge wa Jimbo la Chamwino, Dkt. Deogratias John Ndejembi, kwa sasa ni Makamu wa Rais wa Jamhuri ya Muungano wa Tanzania.
Dodoma, Septemba 25, 2026 — Tume Huru ya Taifa ya Uchaguzi imetangaza ratiba ya Uchaguzi Mdogo wa Ubunge katika Jimbo la Chamwino, Halmashauri ya Wilaya ya Chamwino mkoani Dodoma, pamoja na uchaguzi wa madiwani katika kata 11 za Tanzania Bara.
Kwa mujibu wa taarifa iliyotolewa na Tume hiyo leo, Septemba 25, 2026, nafasi ya Ubunge katika Jimbo la Chamwino imekuwa wazi baada ya aliyekuwa Mbunge wa Jimbo hilo, Dkt. Deogratias John Ndejembi, kuchaguliwa kuwa Makamu wa Rais wa Jamhuri ya Muungano wa Tanzania.
Uteuzi wake ulifanyika tarehe 26 Agosti 2026 na kuthibitishwa na Bunge tarehe 28 Agosti 2026.
Aidha, Tume imesema imepokea taarifa kutoka kwa Waziri mwenye dhamana ya Serikali za Mitaa kuhusu uwepo wa nafasi wazi za madiwani katika kata 11 za Tanzania Bara. Nafasi hizo zilitokana na madiwani wanane (08) kuondoka madarakani kwa nyakati tofauti na madiwani watatu (03) kujizulu.
Kata 11 zitakazofanya uchaguzi
Nondwe – Halmashauri ya Jiji la Mbeya
Lugenge – Halmashauri ya Mji Njombe
Bargish – Halmashauri ya Mji Mbulu
Makole – Halmashauri ya Wilaya ya Muheza
Mwera – Halmashauri ya Wilaya ya Pangani
Oldonyosambu – Halmashauri ya Wilaya ya Ngorongoro
Igalula – Halmashauri ya Wilaya ya Uyui
Shelui – Halmashauri ya Wilaya ya Iramba
Mvumi – Halmashauri ya Wilaya ya Kilosa
Nyarero – Halmashauri ya Wilaya ya Tarime
Ilolangulu – Halmashauri ya Wilaya ya Mbogwe
Ratiba ya Uchaguzi
Tume imetangaza kuwa fomu za uteuzi kwa wagombea wa Ubunge Jimbo la Chamwino na udiwani katika kata hizo 11 zitatolewa kuanzia Oktoba 7 hadi Oktoba 13, 2026.
Uteuzi wa wagombea utafanyika tarehe Oktoba 13, 2026.
Baada ya hapo, kampeni za uchaguzi zitaanza tarehe Oktoba 14, 2026 na kuendelea hadi Novemba 3, 2026.
Kwa mujibu wa ratiba hiyo, uchaguzi mdogo wa Ubunge Jimbo la Chamwino pamoja na uchaguzi wa madiwani katika kata hizo 11 utafanyika Jumatano, Novemba 4, 2026.
Tume imewataka wagombea, vyama vya siasa na wadau wote wa uchaguzi kuzingatia Katiba, Sheria, Kanuni, Maadili ya Uchaguzi, Taratibu, Miongozo na Maelekezo ya Tume katika kuhakikisha uchaguzi huo unafanyika kwa mujibu wa taratibu zilizowekwa.
Jan Ravnik, dansa akiwa na bosi wake, Taylor Swift.
Jan Ravnik, dansa aliyewahi kuwa sehemu ya kikosi cha Taylor Swift kwenye ziara yake ya Eras Tour, amefichua furaha yake baada ya kufanikiwa kununua nyumba yake mwenyewe nchini Marekani.
Ravnik, mwenye umri wa miaka 31 na raia wa Slovenia, alishirikisha picha za nyumba hiyo kwenye mitandao ya kijamii huku akieleza safari yake ya miaka kadhaa tangu alipohamia Marekani akiwa na kiasi cha dola 1,200 sawa na TSh 3,174,000 pekee kwenye akaunti yake.
Katika ujumbe wake, Ravnik alisema hatua hiyo ni moja ya mafanikio makubwa kwake baada ya kupitia changamoto mbalimbali na kufanya kazi kwa bidii ili kujenga maisha yake nchini humo.
“Leo ninaweza kusema kwa fahari… mimi ni mwenye nyumba,” aliandika Ravnik katika ujumbe wake, akifuatisha na emoji za furaha na upendo.
Alieleza kuwa alipohamia Marekani miaka isiyozidi 10 iliyopita, alikuwa na fedha kidogo na lengo lake kubwa lilikuwa kufanya kazi kwa bidii na kuthibitisha kuwa alikuwa na uwezo wa kuendelea kuishi na kufanya kazi katika tasnia hiyo.
Ravnik pia alieleza kuwa safari yake haikuwa rahisi, akitaja kuwa imeambatana na dhabihu nyingi, changamoto na vipindi vya kupanda na kushuka kabla ya kufikia hatua hiyo.
Picha alizoshirikisha zinaonyesha akiwa ndani ya nyumba hiyo mpya, huku moja ikimwonyesha akiwa amekaa juu ya sehemu ya fireplace akiwa na tabasamu kubwa usoni. Picha nyingine inaonyesha sehemu ya ndani ya nyumba yenye njia za ukutani zenye umbo la duara na sakafu iliyowekwa vigae.
Katika picha nyingine, Ravnik alionekana akiwa ameshikilia funguo za nyumba yake huku macho yake yakionekana kuwa na machozi ya furaha.
Safari yake na Taylor Swift
Mbali na mafanikio hayo, Jan Ravnik amejulikana zaidi kwa mashabiki wa muziki kutokana na kuwa mmoja wa dansa waliokuwa sehemu ya Eras Tour ya Taylor Swift.
Ravnik alijiunga na ziara hiyo mwaka 2023 na kuendelea kuwa sehemu yake hadi mwaka 2024. Pia ameonekana katika baadhi ya video za muziki za Swift, zikiwemo “The Fate of Ophelia,” “I Can Do It with a Broken Heart” na “Karma.”
Kabla ya mafanikio hayo, Ravnik aliwahi kueleza furaha yake baada ya kupata nafasi ya kuwa sehemu ya Eras Tour, akisema hakuwahi kufikiria kuwa kijana kutoka mji mdogo nchini Slovenia angeweza kufika mbali kiasi hicho.
Sasa, miaka kadhaa baada ya kuhamia Marekani, Ravnik ameongeza hatua nyingine muhimu katika maisha yake kwa kuwa mmiliki wa nyumba, jambo alilolielezea kama matokeo ya safari ndefu iliyojaa kazi, kujituma na changamoto.
Msanii maarufu wa sanaa ya uigizaji nchini, Irene Uwoya, ameendelea kuteka mitandao ya kijamii baada ya kushirikisha picha zake mpya zilizowavutia mashabiki, huku sehemu ya maoni ikijaa sifa na jumbe za kumpongeza.
Uwoya, ambaye ni miongoni mwa mastaa wanaofuatiliwa kwa karibu kwenye mitandao ya kijamii, amekuwa akiwapa mashabiki wake burudani kupitia picha na mitindo mbalimbali anayoshirikisha kwenye ukurasa wake.
Katika moja ya machapisho yake ya hivi karibuni, mwigizaji huyo aliambatanisha picha hiyo na maneno mafupi “UWOYA … one piece 👑”, ujumbe ulioonekana kuongeza hamasa kwa mashabiki wake kuacha maoni mbalimbali.
Muda mfupi baada ya picha hiyo kuwekwa, mashabiki walimiminika kwenye sehemu ya maoni huku wengi wakimsifia kwa muonekano wake.
Baadhi ya mashabiki waliandika, “SEE BEAUTY ,” “Umependeza sana kipenzi ,” na “Queen dizaina,” huku wengine wakitumia emoji za moto, mapenzi na makofi kuonyesha kuvutiwa na picha hizo.
Shabiki mmoja kutoka Kenya pia alitoa ujumbe akisema, “Love You from Kenya,” jambo linaloonyesha kuwa Uwoya anaendelea kupata ufuasi kutoka kwa mashabiki nje ya Tanzania pia.
Katika chapisho jingine, mashabiki waliendelea kumiminika na maoni ya kumsifia, huku baadhi wakisema “We mdada mkari bwana,” “Aaaah we ninja kabisa,” “Ze shuuuuzi” na “Kiatu mama .”
Wengine walimuita “Mrembo,” “Queen” na kutumia emoji za moyo na moto, huku idadi ya likes kwenye baadhi ya maoni ikionyesha mwitikio mkubwa kutoka kwa wafuasi wake.
Kwa mwitikio huo, ni wazi kuwa kila Uwoya anaposhirikisha picha zake mpya, mashabiki wake huwa tayari kumpokea kwa jumbe za sifa na pongezi.
Irene Uwoya ni miongoni mwa majina yanayojulikana katika tasnia ya burudani nchini, na mbali na kazi zake za uigizaji, amekuwa akitumia mitandao ya kijamii kuwasiliana na mashabiki na kushirikisha sehemu mbalimbali za maisha na mitindo yake.
2.0 THE NATIONAL ECONOMIC EMPOWERMENT COUNCIL (NEEC)
The National Economic Empowerment Council (NEEC) is established under the National Economic Empowerment Act No. 16 of 2004. The Council is constituted under the Prime Minister’s Office and is charged with supervising, coordinating, facilitating and monitoring all economic empowerment activities in Tanzania.
i. To develop and facilitate implementation of Sector and multi-sector strategies for mobilization and utilization of resources for economic empowerment activities;
ii. To develop and facilitate implementation of national multi-sector strategies for advocacy of all matters and activities relating to economic empowerment;
iii. To designate types of business which may be done by Tanzanians jointly or in partnership;
iv. To advise on the establishment and strengthening of individual or communal groups, cooperative or partnerships or joint ventures in economic activities;
v. To provide advice to the Government, public and private sector institutions on specific issues and measures aimed at the promotion of economic empowerment;
vi. To promote research on economic activities and foster linkage with research institutions;
vii. To make recommendations relating to any existing or proposed business or investment opportunities;
viii. To recommend on the modalities and measures to be taken that will ensure that micro-credit facilities are available for exploitation by or the gaining of access to such credit facilities;
ix. To establish and maintain sector and multi-sector economic empowerment information management system and facilitate information dissemination;
x. To develop and supervise mechanism for monitoring trends of economic empowerment activities and for evaluating the impact or results;
xi. To identify training opportunities on economic and investment issues and to co-ordinate the relevant training programmes;
xii. To collaborate with institutions and organizations for the purpose of promoting access to relating to economic opportunities;
xiii. In collaboration with relevant sectors, perform such other activities and functions ancillary or incidental to the promotion and enhancement of economic empowerment of Tanzanians;
xiv. To study and review existing laws with a view to making recommendations for amendments as may be necessary for the purpose of facilitating or realization of the objectives of this Act; and
xv. To advance and lend money to any person, company, corporation, association or institutions either with or without security and upon such terms and conditions regarding repayment or otherwise as the Council may decide.
EMPLOYER: The National Economic Empowerment Council (NEEC)
REPORTS TO: Council
SUPERVISES: Directors and Head of Units
KEY COMPETENCES/ATTRIBUTES
i. A person possessing ability to influence, persuade, build coalitions, networks and ability to stimulate and encourage new ideas and development through motivation and support of staff and students;
ii. High level of confidence;
iii. High level of integrity and honesty;
iv. Excellent analytical skills;
v. Fluent in English and Kiswahili;
vi. Ability to work within a team, independently and to interact with superiors, peers and subordinates; and
vii. Good understanding of Public Service Code of Conduct and Ethics.
JOB SUMMARY/JOB PURPOSE
The Executive Secretary will be responsible for managing and overseeing all administrative matters and Spokesperson of the Council. He/She must ensure the following objectives of the Council are realized:
i. To provide Tanzanians with the opportunity to participate effectively in economic activities;
ii. To encourage and promote savings, investment and meaningful economic participation by Tanzanians across all economic sectors;
iii. To promote and support business ventures pioneered and run by Tanzanians; and
iv. To manage, administer and identify sources of grants and donations for the fund.
DUTIES AND RESPONSIBILITIES
i. To implement the functions of the Council as stipulated under sec. 5 of the National Economic Empowerment Act of 2004 under the general direction of the Council;
ii. To provide administrative support to the Council in carrying out statutory functions;
iii. To ensure the preparation of the Strategic Plan, budgetary and other plans annually;
iv. To ensure the preparation of financial statements and progress reports of the Council;
v. To oversee the formulation of the implementation, monitoring and evaluation of the short-, medium- and long-term plans and programmes of the Council in line with the goals and objectives stipulated in the Act establishing the Council;
vi. To conduct the daily affairs of the Secretariat under general directives of the Council;
vii. To arrange the business for and the recording and keeping of the minutes of all decisions and proceedings of the Council at its meetings;
viii. To develop strategies for enhancing performance and efficiency;
ix. To oversee policy formulation, deliberation and implementation;
x. To oversee realization of the vision and strategic plan to guide the Council;
xi. To oversee the implementation of Council Resolutions/Directives;
xii. To spearhead the Council’s initiatives in mobilising resources of finance for various projects undertaken by the Council; and
xiii. To perform any other related duties as may be assigned by the Council.
QUALIFICATIONS
Holder of Master Degree in one of the following fields:
Public Administration
Entrepreneurship
Finance
Accounting
Business Administration
Commerce (majoring in Entrepreneurship, Marketing or Finance)
Economics
Agricultural Economics
or equivalent qualifications from recognized Institution.
The Master Degree must be related to his or her Bachelor Degree.
EXPERIENCE
The candidate must have at least twelve (12) years of working experience in related fields of which three (3) years must be in managerial position.
Understanding of economic empowerment issues is an added advantage.
45 years except for those who are in Public Service.
TERMS OF EMPLOYMENT
Permanent and Pensionable.
REMUNERATION
According to the approved NEECS 13.
APPLICATION TIME LINE
Fourteen days (14) days from the date of the advertisement.
GENERAL CONDITIONS
i. All applicants must be Citizens of Tanzania with an age not above 45 years of age except for those who are in Public Service;
ii. Applicants with disabilities are encouraged to apply and should indicate in the portal for Public Service Recruitment Secretariat attention;
iii. Applicants must attach an up-to-date Curriculum Vitae (CV) having reliable contacts; postal address/post code, e-mail and telephone numbers;
iv. Applicants should apply on the strength of the information given in this advertisement;
v. Applicants must attach their certified copies of the following certificates:
Form IV and Form VI National Examination Certificates;
Professional Registration and Training Certificates from respective Registration or Regulatory Bodies, where applicable;
Birth certificate.
vi. Attaching copies of the following certificates is strictly not accepted:
Form IV and Form VI results slips;
Testimonials and all Partial transcripts;
vii. An applicant must upload recent Passport Size Photo in the Recruitment Portal;
viii. An applicant employed in the Public Service should route his application letter through his respective employer;
ix. An applicant who is retired from the Public Service for whatever reason should not apply;
x. An applicant should indicate three reputable referees with their reliable contacts;
xi. Certificates from foreign examination bodies for Ordinary or Advanced level education should be verified by The National Examination Council of Tanzania (NECTA);
xii. Professional certificates from foreign Universities and other training institutions should be verified by The Tanzania Commission for Universities (TCU) and National Council for Technical Education (NACTVET);
xiii. A signed application letter should be written either in Swahili or English and addressed to:
Secretary, President’s Office, Public Service Recruitment Secretariat, P.O. Box 2320, Mahakama Street Tambukareli – Dodoma.
xiv. Deadline for application is 1st October, 2026;
xv. Only shortlisted candidates will be informed on a date for interview; and
xvi. Presentation of forged certificates and other information will necessitate legal action.
NOTE
All applications must be sent through Recruitment Portal by using the following address:
Global Publishers September 25, 2026 18 views 0 Comments
Watu wawili, Festo Selias Chaula na Kelvin Mhagama, wakazi wa Kata ya Tindiga, Wilaya ya Kilosa, Mkoa wa Morogoro, wamefariki dunia kwa nyakati tofauti kufuatia mzozo wa ardhi uliogeuka kuwa ghasia Septemba 23, 2026.
Wakielezea chanzo cha mkasa huo, wakazi wa vijiji vya Tindiga na Malui wamesema Chaula alivamiwa na kukatwa kwa mapanga kichwani akiwa shambani kwake baada ya kujaribu kuwazuia wafugaji kupitisha mifugo katika shamba lake, ambalo alikuwa akilitayarisha kwa ajili ya kilimo cha nyanya. Baada ya kujeruhiwa, alipelekwa katika Hospitali ya Wilaya ya Kilosa kwa matibabu, ambako alifariki dunia.
Akithibitisha kutokea kwa tukio hilo, Kamanda wa Polisi Mkoa wa Morogoro, ACP Andrew Kantimbo, amesema watu wawili, Seletwi Mdamanya na Paulo Sumai, wamekamatwa kwa tuhuma za kuhusika na mauaji hayo.
Kamanda Kantimbo amesema pia askari watatu walijeruhiwa, huku gari moja pamoja na pikipiki za doria zikiharibiwa vibaya wakati wa ghasia hizo.
Nafasi za kazi kila siku Tanzania, Serikalini, Makampuni na Taasisi mbalimbali tembelea website yetu ya Global Publishers muda wote bonyeza hapa Publishers muda wote bonyeza hapa
Rais wa Jamhuri ya Muungano wa Tanzania, Dkt. Samia Suluhu Hassan, amepongezwa kwa uongozi wake mahiri katika kusukuma mbele ajenda ya Afrika ya kutokomeza vifo vinavyoweza kuzuilika vya mama na mtoto, huku bara hilo likikabiliwa na karibu asilimia 70 ya vifo vya akina mama duniani na takribani theluthi mbili ya vifo vya watoto walio chini ya miaka mitano.
Akiwa Kinara wa Umoja wa Afrika katika Afya ya Mama na Mtoto, Rais Samia anaongoza ajenda ya “Malengo Matatu ya Sifuri” (Three Zeros) inayolenga kufikia sifuri ya kujifungulia nyumbani, sifuri ya vifo vinavyoweza kuzuilika vya mama na mtoto mchanga, pamoja na sifuri ya watoto wasiopata chanjo.
Ajenda hiyo imepewa msukumo katika Mkutano wa Ngazi ya Juu wa Wakuu wa Nchi kuhusu Afya ya Mama, Mtoto Mchanga na Mtoto, iliofanyika pembezoni mwa Mkutano wa 81 wa Baraza Kuu la Umoja wa Mataifa (UNGA81), ukiwakutanisha Wakuu wa Nchi na Serikali, viongozi wa taasisi za Umoja wa Afrika, mashirika ya kimataifa ya afya na washirika wa maendeleo.
Akiwasilisha ujumbe wa Rais Samia katika mkutano huo, Makamu wa Rais wa Jamhuri ya Muungano wa Tanzania, Mhe. Deogratius Ndejembi, amesema ukubwa wa changamoto unahitaji Afrika kutoka kwenye ahadi na kuelekea katika hatua madhubuti zinazoweza kupimwa kwa maisha ya wanawake na watoto yanayookolewa.
Amesema, pamoja na hatua ambazo Bara la Afrika limepiga, Afrika bado inachangia karibu asilimia 70 ya vifo vya akina mama duniani na takribani theluthi mbili ya vifo vya watoto walio chini ya miaka mitano, huku sehemu kubwa ya vifo hivyo ikiwa inaweza kuzuilika.
Makamu wa Rais amesema msukumo wa Rais Samia unalenga kuimarisha mifumo ya afya ya nchi za Afrika, kuongeza ufadhili wa ndani, kuboresha huduma za dharura na mifumo ya rufaa, kuongeza upatikanaji wa wahudumu wa afya wenye ujuzi na kuhakikisha takwimu zinatumika kufuatilia matokeo na kubaini maeneo yanayohitaji hatua zaidi.
Akielezea uzoefu wa Tanzania, Makamu wa Rais amesema uwekezaji katika huduma za afya ya msingi na za dharura kwa mama na mtoto mchanga, pamoja na kuimarishwa kwa mifumo ya rufaa ikiwemo M-Mama, unaonesha namna uongozi wa kisiasa, teknolojia na utoaji wa huduma kwa wananchi vinavyoweza kuunganishwa katika kuokoa maisha.
Hatua hizo zimekwenda sambamba na kuongezeka kwa wanawake wanaojifungulia katika vituo vya afya kutoka asilimia 51 mwaka 2015 hadi asilimia 81 mwaka 2022, mafanikio yanayoonesha uwezekano wa kubadili mwenendo wa vifo vya mama na mtoto pale uwekezaji unapounganishwa na utekelezaji katika ngazi ya jamii.
Makamu wa Rais alisema ajenda anayoiongoza Rais Samia pia inatoa uzito kwa suala la Afrika kujitegemea katika afya, akisisitiza kuwa mafanikio hayapaswi kupimwa pekee kwa uwezo wa bara kugharamia, kuzalisha au kununua mahitaji yake, bali pia kwa uwezo wa kuhakikisha huduma muhimu zinamfikia kila mama na mtoto kwa wakati na mahali wanapozihitaji.
Katika kufanikisha hilo, nchi za Afrika zimehimizwa kuimarisha uwajibikaji wa kisiasa, kuongeza uwekezaji wa ndani katika huduma zinazookoa maisha na kuhakikisha rasilimali zinafika hadi katika ngazi ya utoaji huduma.
“Dhamira ni kuhakikisha hakuna mama anayepoteza maisha kwa kukosa usafiri, damu, mhudumu mwenye ujuzi au huduma ya dharura; hakuna mtoto mchanga anayefariki kwa kukosa huduma inayoweza kuokoa maisha yake, na hakuna mtoto anayebaki bila chanjo kwa sababu mfumo wa afya haukuweza kuifikia familia yake,” amesema Mhe. Ndejembi.
Makamu wa Rais amesema kulinda uhai wa mama na mtoto si suala la afya pekee, bali ni uwekezaji katika rasilimali watu, uchumi na mustakabali wa Afrika, pamoja na kuwa sehemu muhimu ya utekelezaji wa Ajenda 2063 ya Bara la Afrika.
Kwa upande wake, Mkurugenzi Mkuu wa Africa CDC, Dkt. Jean Kaseya, alipongeza uongozi wa Rais Samia na kueleza dhamira ya Taasisi hiyo kuendelea kumuunga mkono katika jukumu lake la Kinara wa Umoja wa Afrika katika Afya ya Mama na Mtoto, huku akitaja hatua zilizopigwa na Tanzania kama mfano wa mafanikio yanayoweza kupatikana barani Afrika.
Takwimu za Africa CDC zinaonesha kuwa Tanzania imepunguza uwiano wa vifo vya uzazi kwa takribani asilimia 80, kutoka vifo 556 kwa kila vizazi hai 100,000 mwaka 2016 hadi 104 mwaka 2022, hatua inayohusishwa na kuimarishwa kwa huduma za dharura za uzazi na watoto wachanga, mifumo ya rufaa, ongezeko la wahudumu wa afya pamoja na ufuatiliaji wa vifo vya mama na watoto.
Dkt. Kaseya alisema Africa CDC itaendelea kushirikiana na Tanzania katika kusukuma mbele ajenda hiyo, akisisitiza umuhimu wa uongozi wa kisiasa, uwekezaji na mifumo imara ya afya katika kulinda uhai na ustawi wa mama na mtoto barani Afrika.
Mkurugenzi wa Shirika la Afya Duniani Dkt. Adhanom Ghebreyesus amempongeza Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuandaa mkutano huo na kuwa kinara wa Umoja wa Mataifa wa Afya ya Mama na Mtoto. Amesema katika kipindi cha miaka sita pekee, Tanzania imepunguza kiwango cha vifo vya kina mama kwa asilimia 81. Amesema kwa kuzindua mpango mkakati huo wa sifuri tatu (Three Zeros), Tanzania inaongoza kwa mfano na inapaswa kuungwa mkono.
Amesema Shirika la Afya Duniani limejidhatiti kusaidia kila nchi mwanachama kulingana na mazingira yake na kufikia malengo yake kwa kuimarisha viwango vya huduma za kitabibu vinavyotumiwa na wahudumu walio mstari wa mbele kuokoa maisha ya kina mama na watoto wachanga.
Kupitia nafasi yake kama Kinara wa Umoja wa Afrika katika Afya ya Mama na Mtoto, Rais Samia anasukuma dhamira ya kulifanya bara hilo kufikia hatua ambayo vifo vinavyoweza kuzuilika havitachukuliwa tena kuwa jambo lisiloepukika, huku kaulimbiu ya “Jiongeze, Tuwavushe Salama” ikibeba wito wa Afrika kwenda hatua ya ziada kwa ajili ya kila mama, mtoto mchanga, mtoto na kijana balehe.
Mkutano huo, umehudhuriwa na Viongozi kutoka nchi mbalimbali za Afrika, Mkurugenzi Mkuu wa Shirika la Afya Duniani, Dkt. Adhanom Ghebreyesus, Mkurugenzi Mkuu wa Kituo cha Afrika cha Kudhibiti na Kuzuia Magonjwa (Africa CDC) Dkt. Jean Kaseya, Mwenza wa Rais wa Benin Bi. Nathalie Vilette Wadagni, Wadau wa Maendeleo wakiwemo, Gates Foundation, Global Fund, Gavi, UNFPA, Unicef, Suzan Thompson Buffett Foundation, Beginning Fund pamoja na Viongozi kutoka Umoja wa Afrika (AU).
