Category: Burudani

 

Waziri Mkuu wa zamani na Makamu wa Kwanza wa Rais wa Tanzania, Joseph Warioba, amesema aliyekuwa Makamu wa Rais Emmanuel Nchimbi sio “chawa” wa viongozi, akisema misimamo yake ya kisiasa imetokana na kile anachoamini.

Akizungumza kwenye Jukwaa la Demokrasia Tanzania lililofanyika leo Agosti 28, 2026, makao makuu ya chama cha wanasheria Tanganyika (TLS), jijini Dar es Salaam, Warioba amesema kwa muda wote ambao amekuwa akimfahamu Nchimbi, hajawahi kumwona akimsifia kiongozi kwa lengo la kujipendekeza, akisema msimamo huo ameendelea nao tangu alipokuwa kijana ndani ya Chama Cha Mapinduzi, CCM.

“Navyomfahamu Nchimbi, kitu kimoja, Nchimbi si chawa wa aina yoyote. Alipokuwa kwenye chama hakuwa chawa na vijana wenzake na ameendelea hivyo hivyo,” amesema Warioba.

Amesema kauli mbalimbali zilizotolewa na Nchimbi katika nafasi zake za uongozi zilikuwa zikieleza mtazamo wake binafsi kuhusu namna siasa zilivyopaswa kuendeshwa nchini.

Warioba ametaja tukio la kukamatwa kwa baadhi ya viongozi wa Chama cha Demokrasia na Maendeleo, Chadema, akiwemo John Heche, ambapo Nchimbi akiwa Katibu Mkuu wa CCM alitoa wito wa kuachiliwa kwa viongozi hao.

“Kuna wakati kina viongozi wa Chadema walikamatwa, kina Heche. Nchimbi akiwa Katibu Mkuu alisema, waachieni, tushindane kisiasa,” amesema Warioba.

Ameeleza pia kwamba wakati wa uchaguzi wa serikali za mitaa wa mwaka 2024, Nchimbi alizungumza kuhusu hatua alizochukua baada ya kumuona Mwenyekiti wa CCM ambaye pia ni Rais wa Tanzania.

Kwa mujibu wa Warioba, Nchimbi alitaka kile alichokiita “mambo madogo madogo” yaachwe na vyama vishindane kisiasa.

Kwa mujibu wa Warioba, kauli hizo zilikuwa sehemu ya misimamo ya Nchimbi kuhusu uongozi na ushindani wa kisiasa.

“Ni misimamo alikuwa anaitoa, tofauti ya uongozi,” amesema.

Warioba pia amenukuu kauli ambayo amesema Nchimbi aliwahi kuitoa kuhusu namna ya kukosoa makosa ndani ya CCM, akirejea ahadi ya wana-CCM “Nitasema kweli daima, fitina mwiko, iko kwenye ahadi zetu”, anasema Warioba na kuongeza “lakini siku hizi ukisema ukwlei umeanzisha fitina”.

Nchimbi alitangaza kujiuzulu nafasi ya makamu wa Rais wiki hii, kabla ya kuvuliwa uanachama wa CCM, akisema ameamua kustaafu siasa pia. CCM ilisema imemfukuza kwa sababu za kinidhamu.

 

  

NA MATUKIO DAIMA MEDIA 

MAFINGA.

Halmashauri ya Mji Mafinga imekanusha taarifa iliyotolewa na Mganga Mfawidhi wa Hospitali ya Mji Mafinga, Dkt. Victor Msafiri, kuhusu madai ya kufukuzwa kazi kwa madaktari saba waliokuwa wakihudumu katika hospitali hiyo.

Akizungumza na waandishi wa habari ofisini kwake Kaimu Mkurugenzi wa halmashauri ya Mji wa mafinga  Peter ngussa alieleza kuwa taarifa hiyo ilitolewa katika mkutano wa hadhara wa Mbunge wa Jimbo la Mafinga Mjini,Dickson Nathan Lutevele ‘Villa’, uliofanyika Agosti 24, 2026, wakati wa kusikiliza kero za wananchi na wafanyabiashara wa Soko Kuu la Mafinga.

Katika mkutano huo, ilidaiwa kuwa madaktari saba waliokuwa wakifanya kazi katika Hospitali ya Mji Mafinga wamefukuzwa kazi, huku baadhi yao wakielezwa kupangiwa majukumu ya kufanya kazi kwenye gari la Halmashauri linalotumika kubeba taka.

Aidha, katika taarifa hiyo ilidaiwa kuwa kuna madaktari wengine ambao mchakato wa kinidhamu dhidi yao unaendelea kutokana na tuhuma mbalimbali za kiutumishi.

“Hakuna daktari yeyote aliyefukuzwa kazi na kwamba madaktari wote waliopo katika Halmashauri hii wanaendelea na ajira zao na majukumu yao kama kawaida,Halmashauri pia imekanusha taarifa kwamba kuna watumishi walioondolewa kwenye majukumu ya kada zao na kupewa majukumu mengine, ikiwemo kufanya kazi ya ukusanyaji au usafirishaji wa taka kwa kutumia magari ya Halmashauri”alisema

Aidha, Ngusa  amesema hakuna mchakato wowote wa kinidhamu unaoendelea dhidi ya wataalamu wa afya, hivyo taarifa zilizotolewa kuhusu suala hilo hazina ukweli kwa mujibu wa ufafanuzi uliotolewa na mamlaka hiyo.

Kutokana na taarifa hizo zinazodaiwa kupotosha na kusababisha taharuki miongoni mwa wananchi, Halmashauri ya Mji Mafinga imeomba radhi kwa usumbufu uliojitokeza, huku ikieleza kuwa itachukua hatua kwa kuzingatia Sheria, Kanuni na taratibu zinazosimamia Utumishi wa Umma.

TAZAMA VIDEO YA KAIMU MKURUGENZI BOFYA HAPA

Halmashauri imesisitiza kuwa pale inapobainika mtumishi ana tuhuma au amefanya kosa la kiutumishi, hatua za kinidhamu huchukuliwa kwa mujibu wa sheria, kanuni na taratibu za Utumishi wa Umma, na kwamba hatua hizo hazipaswi kutafsiriwa au kuwasilishwa kwa umma kwa namna inayoweza kusababisha upotoshaji na taharuki.

Katika hatua nyingine Mwenyekiti wa Halmashauri ya mji wa Mafinga Reginant Kivinge  akizungumzia taarifa hiyo katika Mkutano maalumu wa baraza la madiwani wa kujadili rasimu ya taarifa za hesabu za halmashauri ya mji wa mafinga kwa mwaka wa fedha unaoishia june 30,2026. 

Amesema taarifa zinazoeleza kuwa Halmashauri ya Mafinga imewafukuza baadhi ya watumishi si za kweli na hazipaswi kuchukuliwa kama taarifa rasmi kutoka kwenye mamlaka husika.

Aidha, amezitaka vyombo vya habari na wananchi kutopotoshwa na taarifa zinazosambaa kwenye mitandao ya kijamii kuhusu hali ya watumishi katika halmashauri hiyo.

 “Kwa niaba ya Baraza la Madiwani na kwa niaba ya Halmashauri, kama Mwenyekiti wa Halmashauri nakanusha taarifa hiyo, Hatujafukuza watumishi na hakuna watumishi walioondolewa kwa suala lolote la utovu wa nidhamu,” amesema.

Ameongeza kuwa watumishi waliopo katika idara mbalimbali wanaendelea na majukumu yao kama kawaida na wamekuwa wakitekeleza kazi zao kwa weledi.

“Changamoto zinazojitokeza katika utendaji zimekuwa zikishughulikiwa kwa njia ya mazungumzo kati ya watumishi, viongozi wa halmashauri na Baraza la Madiwani,licha ya kuwepo kwa changamoto mbalimbali katika utendaji, viongozi, madiwani na watumishi wamekuwa wakishirikiana katika kuzitatua na kujengana kwa lengo la kuhakikisha wananchi wanapata huduma bora”alisema

Mwenyekiti amesema Halmashauri ya Mafinga inaendelea kufanya kazi kwa utulivu na ushirikiano, huku watumishi katika idara mbalimbali wakiendelea kutekeleza majukumu yao kwa weledi.

Mwenyekiti huyo ameeleza kuwa lengo kubwa la halmashauri ni kuhakikisha Mafinga inafikia maendeleo yanayotarajiwa na wananchi, hususan katika utoaji wa huduma kwa jamii.VIDEO YA MWENYEKITI WA HALMASHAURI YA MJI MAFINGA BOFYA HAPA

Aidha, amezitaka vyombo vya habari na wananchi kutopotoshwa na taarifa zinazosambaa kwenye mitandao ya kijamii kuhusu hali ya watumishi katika halmashauri hiyo.

Kwa upande wake mwenyekiti wa CCM Wilaya ya Mufindi George Kavenuke amewataka Madiwani kuendelea kushirikiana na wakuu wa Idara pamoja na wataalamu wa halimashauri hiyo ili kuendelea kutekeleza ilani ya chama cha Mapinduzi.

“ushirikiano wa chama na serikali ni mzuri katika Halmashauri ya Mufindi kuhakikisha miradi inafanikiwa kwa manufaa ya wananchi,hasa katika utendaji wa fedha nampongeza mhasiku amewasirisha taarifa vizuri kuhusu hali ya kifedha, madeni na mapato na matumizi”alisema Kavunike

TAZAMA BARAZA ZIMA LA MADIWANI BOFYA LINK HII

MWISHO.

KAGERA: Mkoa wa Kagera, kupitia Tume ya Umwagiliaji umepokea vifaa vya umwagiliaji kutoka Wizara ya Kilimo, vyenye thamani ya Sh bilioni 1.2 ikiwa ni sehemu ya juhudi za kuwawezesha wakulima wadogo kuendelea na uzalishaji wa mazao bila kutegemea mvua.

Lengo la hatua hiyo ni kuongeza uzalishaji wa kilimo kwa kuwawezesha wakulima kutumia teknolojia ya umwagiliaji na hivyo kupunguza utegemezi wa mvua katika shughuli zao za kilimo na Kukabiliana na mabadiliko ya tabia ya nchi.

Mkuu wa Mkoa wa Kagera, Kanali Yahya Ramadhani Kido, ndiye aliyekabidhi vifaa hivyo kwa vikundi 146 vya wakulima,wa mkoa wa Kagera huku akisisitiza umuhimu wa kuvitumia kwa malengo yaliyokusudiwa ili kuongeza tija na uzalishaji wa mazao

Amesema vifaa hivyo vinatarajiwa kuwa chachu ya kuimarisha kilimo cha umwagiliaji na kuongeza uhakika wa uzalishaji wa chakula kwa ngazi ya kaya na Taifa kwa ujumla kwa misimu mbalimbali kwa ukanda wa mkoa wa Kagera na Kanda ya Ziwa.

Amezitaka Mamulaka za serikali za mitaa kuhakikisha zinasimamia vikundi hivyo na kuvisajili kisheria na kutoa taarifa za uzalishaji baada ya muda mfupi ,kutoa mafunzo namna ya kutumia vifaaa hivyo Kwa weledi na kutunga sheria ndogo ndogo kwa vikundi vyenye nia ovu ya kukodisha vifaa hivyo au kuviuza kinyume na matakwa

Taarifa iliyotolewa na Mhandisi wa tume ya umwagiliaji mkoani Kagera Said Mbiru alisema kuwa vikundi vilivyopokea vifaa ni 146 vyenye uwezo wa wakulima 2193

Alisema vifaa hivyo vinauwezo wa kurusha maji Lita 80,000 kwa saa na kumwagilia hekari 28 kwa saa.

Alisema hiyo ni awamu ya kwanza Kwa wakulima wadogo kupata vifaa hivyo na awamu ya pili itahusisha wakulima wengi zaidi kwenye vikundi vyao .

Katibu wa itikadi na uenezi chama Cha mapinduzi CCM Hamimu Mahamud amesema ilani ya chama Cha mapinduzi ya mwaka 2025-2030 inasema kuwa serikali itaendelea kuwajali wananchi wake wakiwemo wakulima kwa kuhamasisha kwa vitendo kilimo cha umwagiliaji bila kusubiri mvua.

Amesema ni vyema wakulima wakashikama na kujiuga kwenye vikundi ili wapate kuhudumiwa kwa pamoja kama kupewa mitaji,dhana za kilimo pembejeo na mbolea na kwa njia hiyo wakulima wanakuwa wamenufaika na utekelezaji wa ilani ya chama Cha mapinduzi.

Mwakilishi wa vikundi vya wakulima Recho Chacha kutoka kikundi Cha Kinyerere Kagya Amesema serikali imefanya jambo kubwa kwa wakati uliopo kutokana na majira kubadilika badilika na kukosekana kwa mvua za uhakika.

Amewasilisha ombi la wakulima la kupewa trecta ndogo za kilimo ili kupiga hatua kubwa za kuingia katika wakulima wakubwa na kudai kuwa jembe la mkono linachosha na matokeo yanakuwa kidogo .

DODOMA; Spika wa Bunge, Mussa Azzan Zungu, leo Agosti 28 , 2026 amepokea rasmi jina la Makamu wa Rais Mteule, Deogratius John Ndejembi, lililopendekezwa na Kamati Kuu ya Chama cha Mapinduzi (CCM).

Jina hilo limewasilishwa kwa Spika na Katibu wa Rais Balozi Ali Jabir Mwadini akiwa ameambatana na Mpambe wa Rais (ADC) Brigedia Jenerali, Nyamburi Mashauri kwa ajili ya kuthibitishwa na Bunge.

Mapokezi ya Jina hilo yameshuhudiwa na Naibu Spika, Daniel Sillo, Mwanasheria Mkuu wa Serikali, Hamza Johari, pamoja na Katibu wa Bunge , Baraka Leonard.Wengine ni Wenyeviti wa Bunge, Deogratius Mwanyika, Najma Giga na Cecilia Pareso.

DODOMA; Picha za matukio mbalimbali, wakati Spika wa Bunge, Mussa Azzan Zungu, akipokea rasmi leo Agosti 28, 2026 jina la Makamu wa Rais Mteule, Deogratius John Ndejembi, lililopendekezwa na Kamati Kuu ya Chama cha Mapinduzi (CCM).

Jina hilo limewasilishwa kwa Spika na Katibu wa Rais, Balozi Ali Jabir Mwadini akiwa ameambatana na Mpambe wa Rais (ADC) Brigedia Jenerali, Nyamburi Mashauri kwa ajili ya kuthibitishwa na Bunge.

Mapokezi ya jina hilo yameshuhudiwa na Naibu Spika, Daniel Sillo, Mwanasheria Mkuu wa Serikali, Hamza Johari, pamoja na Katibu wa Bunge , Baraka Leonard.Wengine ni Wenyeviti wa Bunge, Deogratius Mwanyika, Najma Giga na Cecilia Pareso

Global Publishers
August 28, 2026
90 views
0 Comments

Makamu wa Rais Mteule na Waziri wa Nishati, Deogratius John Ndejembi, leo Agosti 28, 2026, amehudhuria Kikao cha Tatu cha Mkutano wa Nne wa Bunge la Kumi na Tatu kinachoendelea jijini Dodoma.

Katika kikao hicho, Waziri Mkuu Dkt. Mwigulu Nchemba amewasilisha hoja ya kumthibitisha Ndejembi kuwa Makamu wa Rais wa Jamhuri ya Muungano wa Tanzania.

Hatua hiyo imekuja baada ya Spika wa Bunge, Mussa Azzan Zungu, kutangaza kuwa amepokea jina la Makamu wa Rais Mteule lililowasilishwa kwake na Rais Dkt. Samia Suluhu Hassan kwa ajili ya kuthibitishwa na Bunge.

Ndejembi, ambaye alikuwa Mbunge wa Jimbo la Chamwino na Waziri wa Nishati, alipendekezwa na Halmashauri Kuu ya Chama Cha Mapinduzi (CCM) kushika nafasi hiyo baada ya aliyekuwa Makamu wa Rais, Dkt. Emmanuel Nchimbi, kujiuzulu nafasi hiyo.

Endapo Bunge litamthibitisha, Ndejembi ataingia rasmi katika nafasi ya Makamu wa Rais na kuanza kutekeleza majukumu yake kwa mujibu wa Katiba ya Jamhuri ya Muungano wa Tanzania.