Author: admin

Posted on

Makonda: Jezi ya Taifa Stars Si Mali ya Mtu, Haiwezi Kuzinduliwa ‘Uchochoroni’ – Video

DAR ES SALAAM, Septemba 24, 2026 — Waziri wa Habari, Utamaduni, Sanaa na Michezo, Paul Makonda, amesema jezi ya Timu ya Taifa ya Tanzania, Taifa Stars, ni sehemu ya utambulisho na nembo ya nchi, hivyo haipaswi kuzinduliwa au kutangazwa bila kushirikisha mamlaka husika.

Makonda ameyasema hayo leo, Septemba 24, 2026, wakati akizungumza na waandishi wa habari jijini Dar es Salaam, akisisitiza kuwa Taifa Stars ni mali ya nchi na si mali ya mtu binafsi wala kampuni.

Amesema kwa kuwa timu hiyo inaiwakilisha Tanzania katika mashindano ya kimataifa, hatua muhimu zinazohusu timu hiyo zinapaswa kufanyika kwa utaratibu unaotambuliwa na mamlaka husika.

“Timau ya Taifa ni mali ya nchi, si ya mtu binafsi wala kampuni,” amesema Makonda, akisisitiza kuwa hata suala la jezi linapaswa kupewa uzito unaostahili kwa sababu linahusisha utambulisho wa taifa.

Wizara yataka kushirikishwa

Makonda amesema mamlaka ya Wizara yanaanzia katika sera, miongozo na kanuni, huku usimamizi wa Taifa Stars ukiwa umekasimishwa kwa Shirikisho la Mpira wa Miguu Tanzania (TFF).

Hata hivyo, amesema kwa kuwa Taifa Stars ni timu inayoiwakilisha nchi, Waziri anapaswa kufahamu hatua muhimu zinazohusu timu hiyo.

Ameeleza kuwa tangu Februari mwaka huu kulikuwa na vikao vilivyohusu maandalizi ya jezi mpya ya Taifa Stars, akisisitiza kuwa mchakato huo unapaswa kuhusisha wadau na mamlaka zinazohusika.

Kwa mujibu wa Makonda, jezi ya Taifa Stars si vazi la kawaida, bali ni sehemu ya utambulisho wa Tanzania, hivyo mchakato wa kuitengeneza, kuitambulisha na kuiuza unahitaji kupewa uzito unaostahili.

Makonda aibua maswali kuhusu mkataba

Waziri huyo amesema alijiuliza maswali 22 kuhusu mkataba unaohusiana na jezi hiyo, akisema baadhi ya changamoto zilizojitokeza zingeweza kuepukika iwapo wadau wote wangekuwa na uelewa na kushirikishwa kikamilifu katika mchakato.

Amesisitiza kuwa mjadala kuhusu jezi hiyo haupaswi kuishia katika suala la mwonekano au ubora wake pekee, bali pia unapaswa kuangalia uwezo wa kampuni au mzabuni anayesimamia mauzo yake.

Kwa mujibu wa Makonda, ni muhimu kuhakikisha jezi hiyo inawafikia Watanzania kwa urahisi kupitia mkakati madhubuti wa usambazaji na mauzo.

Akizungumzia suala la ubora wa jezi, Makonda amesema:

“Mimi ukiniambia kuhusu jezi, jezi hizi ni mbaya; cha msingi hangaikeni kutafuta jezi nzuri.”

Amesisitiza kuwa Tanzania inahitaji jezi yenye ubora pamoja na mfumo mzuri wa kibiashara utakaowezesha mashabiki kuipata kwa urahisi.

Maandalizi ya AFCON

Katika hatua nyingine, Makonda amesema maandalizi ya Tanzania kwa ajili ya michuano ya AFCON yanaendelea vizuri.

Amesema Tanzania imewekeza fedha kubwa katika kupata uenyeji wa mashindano hayo, pamoja na gharama zinazohusiana na haki za matangazo.

Kwa msingi huo, amesema masuala yote yanayohusu maandalizi ya AFCON yanaendelea kushughulikiwa na kwamba maandalizi yanaenda vizuri.

Na Elvan Stambuli | GPL na MTANDAO

Posted on

Makonda: Jezi ya Taifa Stars Si Mali ya Mtu, Haiwezi Kuzinduliwa ‘Uchochoroni’

DAR ES SALAAM, Septemba 24, 2026 — Waziri wa Habari, Utamaduni, Sanaa na Michezo, Paul Makonda, amesema jezi ya Timu ya Taifa ya Tanzania, Taifa Stars, ni sehemu ya utambulisho na nembo ya nchi, hivyo haipaswi kuzinduliwa au kutangazwa bila kushirikisha mamlaka husika.

Makonda ameyasema hayo leo, Septemba 24, 2026, wakati akizungumza na waandishi wa habari jijini Dar es Salaam, akisisitiza kuwa Taifa Stars ni mali ya nchi na si mali ya mtu binafsi wala kampuni.

Amesema kwa kuwa timu hiyo inaiwakilisha Tanzania katika mashindano ya kimataifa, hatua muhimu zinazohusu timu hiyo zinapaswa kufanyika kwa utaratibu unaotambuliwa na mamlaka husika.

“Timau ya Taifa ni mali ya nchi, si ya mtu binafsi wala kampuni,” amesema Makonda, akisisitiza kuwa hata suala la jezi linapaswa kupewa uzito unaostahili kwa sababu linahusisha utambulisho wa taifa.

Wizara yataka kushirikishwa

Makonda amesema mamlaka ya Wizara yanaanzia katika sera, miongozo na kanuni, huku usimamizi wa Taifa Stars ukiwa umekasimishwa kwa Shirikisho la Mpira wa Miguu Tanzania (TFF).

Hata hivyo, amesema kwa kuwa Taifa Stars ni timu inayoiwakilisha nchi, Waziri anapaswa kufahamu hatua muhimu zinazohusu timu hiyo.

Ameeleza kuwa tangu Februari mwaka huu kulikuwa na vikao vilivyohusu maandalizi ya jezi mpya ya Taifa Stars, akisisitiza kuwa mchakato huo unapaswa kuhusisha wadau na mamlaka zinazohusika.

Kwa mujibu wa Makonda, jezi ya Taifa Stars si vazi la kawaida, bali ni sehemu ya utambulisho wa Tanzania, hivyo mchakato wa kuitengeneza, kuitambulisha na kuiuza unahitaji kupewa uzito unaostahili.

Makonda aibua maswali kuhusu mkataba

Waziri huyo amesema alijiuliza maswali 22 kuhusu mkataba unaohusiana na jezi hiyo, akisema baadhi ya changamoto zilizojitokeza zingeweza kuepukika iwapo wadau wote wangekuwa na uelewa na kushirikishwa kikamilifu katika mchakato.

Amesisitiza kuwa mjadala kuhusu jezi hiyo haupaswi kuishia katika suala la mwonekano au ubora wake pekee, bali pia unapaswa kuangalia uwezo wa kampuni au mzabuni anayesimamia mauzo yake.

Kwa mujibu wa Makonda, ni muhimu kuhakikisha jezi hiyo inawafikia Watanzania kwa urahisi kupitia mkakati madhubuti wa usambazaji na mauzo.

Akizungumzia suala la ubora wa jezi, Makonda amesema:

“Mimi ukiniambia kuhusu jezi, jezi hizi ni mbaya; cha msingi hangaikeni kutafuta jezi nzuri.”

Amesisitiza kuwa Tanzania inahitaji jezi yenye ubora pamoja na mfumo mzuri wa kibiashara utakaowezesha mashabiki kuipata kwa urahisi.

Maandalizi ya AFCON

Katika hatua nyingine, Makonda amesema maandalizi ya Tanzania kwa ajili ya michuano ya AFCON yanaendelea vizuri.

Amesema Tanzania imewekeza fedha kubwa katika kupata uenyeji wa mashindano hayo, pamoja na gharama zinazohusiana na haki za matangazo.

Kwa msingi huo, amesema masuala yote yanayohusu maandalizi ya AFCON yanaendelea kushughulikiwa na kwamba maandalizi yanaenda vizuri.

Posted on

Aunty Ezekiel Ampa Kusah ‘Crown’ Ya Mapenzi, Wapongezwa na Mashabiki

DAR ES SALAAM, Septemba 24, 2026 — Staa wa Bongo Movie, Aunty Ezekiel, ameendelea kuonyesha namna anavyomthamini mume wake, mwanamuziki Salmin Ismail Hoza, maarufu kama Kusah, baada ya kumuandikia ujumbe wa kimahaba kupitia mitandao ya kijamii.

Katika ujumbe huo aliouweka leo, Septemba 24, 2026, Aunty Ezekiel ameashiria mshikamano wao kama wanandoa, akisema hakuna kitu kinachoweza kuwatenganisha.

Akiambatanisha ujumbe huo na picha yao, mwigizaji huyo aliandika:

“Unstoppable together…..👑❤️”

Ujumbe huo umeibua maoni mbalimbali kutoka kwa mashabiki ambao wameonekana kufurahishwa na namna wawili hao wanavyoendelea kuonyesha mapenzi yao hadharani.

Baadhi ya mashabiki waliwasifia kwa kuonekana kuendana, huku wengine wakitumia maneno ya utani kuzungumzia namna wanavyoweka wazi mapenzi yao kwenye mitandao ya kijamii.

Miongoni mwa maoni yaliyotolewa na mashabiki ni pamoja na “One & Only ”, “Sema wanaendana ” na “Mshangazi ni mmoja tuu hapa mjini .”

Shabiki mwingine aliandika kwa utani: “Mnatupa foili za chips barabarani punguzeni pilipili mtaniuwa ,” akimaanisha namna wanavyowapa mashabiki hisia kupitia picha na ujumbe wao wa kimapenzi.

Wengine walitania kwamba wanandoa hao wanapaswa kuendelea na mambo yao ya kimapenzi bila kuwapa mashabiki presha, huku mmoja akiandika, “MNGEPOST ATA USIKU JAMENI MNATAKA SINGO TUJISIKIEJE 😢.”

Kwa ujumla, ujumbe huo wa Aunty Ezekiel umeendelea kuibua hisia za mashabiki kuhusu uhusiano wake na Kusah, huku wengi wakionekana kufurahia kuona wawili hao wakionyesha upendo na mshikamano wao.

Posted on

Kamati yaipongeza Bulyanhulu utekelezaji CSR – HabariLeo

SHINYANGA: MGODI wa dhahabu wa Bulyanhulu umetenga na kutumia Sh bilioni 2 kila mwaka kwa ajili ya utekelezaji wa miradi ya kurejesha faida kwa jamii (CSR), ikiwemo ujenzi wa vituo vya afya, shule za msingi na sekondari pamoja na Chuo cha Elimu na Mafunzo ya Ufundi Stadi (VETA).

Naibu Waziri Ofisi ya Waziri Mkuu, Kazi, Ajira na Mahusiano, Evaline Munisi, ameiambia Kamati ya Kudumu ya Bunge ya Ustawi na Maendeleo ya Jamii kuwa fedha hizo zimetumika katika miradi mbalimbali yenye lengo la kuboresha huduma za kijamii katika maeneo yanayozunguka mgodi huo.

Munisi amesema hayo leo alipokuwa akiwasilisha taarifa mbele ya kamati hiyo inayoongozwa na Mwenyekiti wake, Hawa Chikoma, ambapo pia amesema wafanyakazi 7,000 wamepimwa afya zao, huku teknolojia ikitumika katika shughuli za uchimbaji wa madini kwa lengo la kuimarisha usalama wa wafanyakazi.

Kwa upande wake, Mbunge wa Temeke, Mariam Kisangi, ameomba uongozi wa mgodi huo kutoa nafasi zaidi kwa watu wenye ulemavu katika ajira na kuwahusisha katika miradi ya CSR, pamoja na kuwapa elimu kuhusu kanuni za afya na usalama mahali pa kazi.

“Kwa sababu katika taarifa iliyosomwa sijasikia sehemu ambayo imewagusa watu wenye ulemavu. Niwaombe mtupe nafasi watu wenye ulemavu katika CSR mnazofanya na nafasi za ajira katika mgodi huu nasi tuweze kukua kiuchumi,” amesema Kisangi.

Hata hivyo, Meneja wa Mahusiano na Mazingira wa Mgodi wa Bulyanhulu, Agapith Paul, amesema mgodi huo umejenga Shule ya Msingi Segese kwa ajili ya wanafunzi wenye ulemavu, huku ikiwekwa mazingira rafiki na vifaa vinavyowawezesha wanafunzi hao kujifunza katika hali ya usalama.

Mwenyekiti wa kamati hiyo, Hawa Chikoma, ambaye pia ni Mbunge wa Viti Maalum, ameridhishwa na utekelezaji wa kanuni za afya na usalama katika Mgodi wa Bulyanhulu uliopo katika Halmashauri ya Msalala, Wilaya ya Kahama, mkoani Shinyanga.

“Tunapenda kuona watumishi wote wanajengewa uwezo na wanapatiwa mafunzo ya usalama mahali pa kazi. Pia hongereni kwa kuweka ushirikiano mwema na vyama vya wafanyakazi pamoja na kuona jamii zinanufaika na mgodi,” amesema Chikoma.

Chikoma amesema kamati hiyo inasisitiza kuendelea kushirikisha jamii katika utekelezaji wa miradi mbalimbali na kuhakikisha taratibu zinafuatwa kama sheria zinavyoelekeza.

Posted on

Makonda: Timu ya Taifa ni Mali Ya Nchi, Si Kampuni ya Mtu Binafsi

Global Publishers
September 24, 2026
0 views
0 Comments

Waziri wa Habari, Utamaduni, Sanaa na Michezo, Paul Makonda, amesema Timu ya Taifa ni mali ya Nchi na si kampuni inayomilikiwa na mtu binafsi.

 

Akizungumza leo Septemba 24, jijini Dar es Salaam, Makonda amesema mamlaka ya Waziri katika kusimamia Sekta ya Michezo yanaongozwa na Sheria, Sera na Kanuni, huku akisisitiza kuwa Timu ya Taifa inawakilisha Nchi kila inaposhiriki mashindano ndani na nje ya Tanzania.

 

“Timu ya Taifa ni mali ya Nchi, si kampuni ya mtu. Ndiyo maana tumeikasimu na kuihudumia. Timu ikienda popote pale, ni Nchi inaenda,” amesema Makonda.

 

Aidha, Makonda amekosoa mtazamo wa baadhi ya watu wanaodharau mamlaka ya Waziri katika utekelezaji wa majukumu yake, akisisitiza kuwa Waziri ni mteule wa Rais na anawajibika kusimamia sekta aliyopewa kwa mujibu wa sheria.

 

“Wanamfanya kama Waziri wanamdharau, lakini huyo ni mteule wa Rais anayesimamia Wizara ambayo inakupa mkate,” amesema Makonda.

 

Posted on

FAHAMU LISHE BORA NA MAKUNDI SITA YA VYAKULA


Na Bibi Maendeleo, Irene Samora

Lishe bora ni ulaji wa mlo kamili unaotokana na makundi yote sita ya vyakula. Mlo kamili huupatia mwili virutubisho vinavyohitajika kwa ajili ya kutoa nguvu, kujenga mwili, kuimarisha kinga na kuuwezesha kufanya kazi zake vizuri.

Makundi sita ya vyakula ni haya yafuatayo:

1. Vyakula vya nafaka, mizizi na ndizi

Vyakula hivi ni chanzo kikubwa cha wanga, ambao huupa mwili nguvu na nishati. Mifano yake ni mahindi, ndizi mbichi na za kupikwa, mihogo, ngano, mchele na viazi.

Ili mwili uweze kufanya shughuli mbalimbali za kila siku, unahitaji kupata vyakula vya kundi hili kwa kiwango kinachofaa.

2. Vyakula vya asili ya wanyama

Vyakula hivi ni chanzo muhimu cha protini, ambayo husaidia kujenga mwili, kutengeneza seli mpya na kukarabati tishu zilizoharibika.

Mifano ya vyakula vya kundi hili ni nyama ya ng’ombe, kuku, samaki, mayai, senene, kumbikumbi na maziwa.

3. Vyakula vya jamii ya mikunde na mbegu

Kundi hili linajumuisha maharage, kunde, mbaazi, choroko, dengu na njegere. Vyakula hivi vina protini pamoja na madini mbalimbali yanayohitajika katika mwili.

Virutubisho vinavyopatikana katika vyakula hivi husaidia kujenga mwili, kutengeneza seli na kuimarisha afya kwa ujumla.

4. Mboga

Mboga ni chanzo muhimu cha vitamini na madini ambayo husaidia kuulinda mwili dhidi ya magonjwa.

Mifano yake ni tembele, mchicha, spinachi, mlenda, majani ya maboga, kisamvu, kabichi, majani ya kunde, bamia, nyanya chungu, mashona-nguo, karoti, hoho na bilinganya.

Mboga zinapaswa kuandaliwa kwa usafi na zisipikwe kwa muda mrefu sana, kwa sababu kufanya hivyo kunaweza kupunguza baadhi ya virutubisho vyake.

5. Matunda

Matunda ni chanzo cha vitamini na madini ambayo husaidia kuimarisha kinga ya mwili na kuukinga dhidi ya magonjwa mbalimbali.

Mifano ya matunda ni tikitimaji, maembe, zabibu, nanasi, parachichi, mapera, ndizi mbivu na papai. Pia yapo matunda ya porini, kama vile furu, ukwaju, ubuyu na embe ng’ongo.

Ni muhimu kula matunda mbalimbali mara kwa mara ili kuupatia mwili virutubisho vinavyohitajika.

6. Mafuta

Mafuta yanayotokana na mimea, kama vile ufuta na alizeti, ni muhimu kwa kuupa mwili nguvu na nishati. Mafuta pia husaidia mwili kufyonza baadhi ya vitamini, ikiwemo vitamini A, D, E na K.

Hata hivyo, licha ya umuhimu wake, mafuta yanapaswa kutumiwa kwa kiasi kidogo. Matumizi ya mafuta mengi yanaweza kuchangia kuongezeka kwa uzito wa mwili na hatari ya kupata shinikizo la damu pamoja na magonjwa mengine.

Faida za lishe bora

Lishe bora ina faida nyingi kwa afya ya binadamu. Baadhi ya faida hizo ni:

1:Hutengeneza seli mpya za mwili.

2:Hukarabati tishu zilizoharibika.

3:Husaidia kutengeneza vichocheo vya mwili.

4:Huchangia ukuaji mzuri wa akili na mwili.

5:Huupa mwili nguvu na joto.

6:Husaidia kuzuia baadhi ya magonjwa, ikiwemo saratani.

7:Husaidia umeng’enyaji wa chakula na kudhibiti kiwango cha sukari mwilini.

8:Husaidia mwili kupata nguvu za kufanya shughuli mbalimbali.

9:kutengeneza baadhi ya vichocheo muhimu mwilini.

10:Husaidia ufyonzwaji wa vitamini A, D, E na K.

11:Hulinda mwili dhidi ya magonjwa.

12:Husaidia kuimarisha mifupa na meno.

13:Husaidia kupambana na upungufu wa damu kupitia madini ya chuma.

14:Huimarisha kinga na afya ya mwili kwa ujumla.

Madhara ya kukosa lishe bora

Mtu asipopata lishe bora anaweza kukabiliwa na madhara mbalimbali ya kiafya, yakiwemo:

1:Mwili kudhoofika.

2:Kupoteza nguvu mwilini.

3:Kuongezeka kwa hatari ya kupata magonjwa sugu na maambukizi.

4:Udhaifu na uchovu wa mara kwa mara.

5:Kudhoofika kwa kinga ya mwili.

6:Kudumaa kwa watoto kimwili na kiakili.

7:Magonjwa ya mifupa na misuli.

8:Matatizo ya afya ya akili.

Lishe bora na afya njema

Lishe bora ni moja ya nguzo muhimu za afya njema. Mbali na kula chakula bora, mtu anatakiwa kufanya mazoezi ya viungo, kunywa maji safi na salama, kupata mwanga wa jua, kuvuta hewa safi na kupata muda wa kutosha wa kupumzika.

Binadamu anahitaji chakula ili aweze kuishi, kukua na kufanya shughuli zake za kila siku. Hata hivyo, chakula kinapaswa kuchaguliwa, kuandaliwa na kuhifadhiwa kwa usafi na umakini mkubwa.

Kwa hiyo, chakula kiwe dawa kwa mwili. Kisipochaguliwa na kuandaliwa vizuri kinaweza kuwa chanzo cha matatizo ya kiafya. Tafiti zinaonyesha kuwa takribani asilimia 35 ya visa vya saratani vinaweza kuhusishwa na ulaji usiofaa.

Kila mtu anapaswa kuhakikisha anakula mlo kamili wenye vyakula kutoka katika makundi yote sita kwa kiasi kinachofaa. Lishe bora ni msingi wa ukuaji mzuri, nguvu, kinga imara na maisha yenye afya.

Fuatilia kipindi cha bibi Maendeleo kila siku kupitia matukio Daima Tv kwa mawasiliao piga 0656285926/0754026299                     

Posted on

WHI YAFUNGUA FURSA ZA NYUMBA NA UWEKEZAJI ARUSHA

Na.Matukio Daima Media.

Watumishi Housing Investments (WHI) inaendelea kuwafikia na kutoa elimu kwa wananchi mbalimbali wanaotembelea banda lake lililopo katika Kituo cha Kimataifa cha Mikutano Arusha (AICC), wakati wa Mkutano Mkuu wa Mwaka wa Wakaguzi wa Ndani unaofanyika jijini Arusha kuanzia tarehe 21 hadi 25 Septemba, 2026.

Kupitia banda hilo, wananchi wanapata fursa ya kuzungumza moja kwa moja na wataalamu wa WHI na kupata maelezo kuhusu huduma na fursa mbalimbali zinazotolewa na taasisi hiyo, ikiwemo fursa za kumiliki nyumba, uwekezaji kupitia Faida Fund na huduma ya e-Wekeza, pamoja na huduma za ujenzi na ushauri elekezi.

Ushiriki wa WHI katika mkutano huo ni sehemu ya jitihada za taasisi hiyo za kuendelea kusogeza huduma na taarifa karibu na wananchi, sambamba na kuongeza uelewa kuhusu fursa za makazi na uwekezaji zinazopatikana kupitia WHI.

Wananchi waliopo Arusha wanakaribishwa kutembelea banda la WHI katika AICC hadi tarehe 25 Septemba, 2026, ili kupata maelezo zaidi na kuzungumza moja kwa moja na wataalamu kuhusu huduma na fursa zinazotolewa na taasisi hiyo.

 

Posted on

Jaji Aamuru Rais Trump Kurejesha Vibali vya Kazi Waandishi wa CNN

Global Publishers
September 24, 2026
0 views
0 Comments

Jaji wa Mahakama ya Shirikisho nchini Marekani, Timothy Kelly, ameamuru utawala wa Rais Donald Trump kurejesha mara moja vibali vya waandishi wa habari kutoka CNN, MS NOW na Politico vya kuingia na kufanya kazi katika Ikulu ya Marekani, White House.

Uamuzi huo umetolewa baada ya vyombo hivyo kufungua kesi kupinga hatua ya utawala wa Trump kuviondoa katika shughuli za White House.

Jaji Kelly ametoa amri ya muda ya siku 14, huku akisema marufuku hiyo inaonekana kuwa na matatizo ya kikatiba na kwamba waandishi hawakupewa utaratibu unaostahili kabla ya vibali vyao kufutwa.

Tukio hilo lilianza baada ya Trump kutangaza Septemba 18, 2026 kuwa CNN, MS NOW na Politico havitaruhusiwa tena kupata huduma ya kawaida ya waandishi ndani ya White House.

Utawala wake ulidai kuwa baadhi ya taarifa zilizochapishwa na vyombo hivyo zilihusisha masuala ya usalama wa taifa, huku vyombo hivyo vikidai kuwa hatua hiyo ilikiuka haki zao za kikatiba.

Kwa mujibu wa uamuzi wa jaji, utawala wa Trump unatakiwa kurejesha press passes za waandishi wa vyombo hivyo na kusitisha utekelezaji wa marufuku hiyo kwa kipindi cha siku 14 wakati mchakato wa kesi ukiendelea.

Na Ashura Karimu

 

Posted on

MJUMBE WA KAMATI YA SIASA SAME MARIAM MJEMA ASHIRIKI MAPOKEZI YA NAIBU KATIBU MKUU BARA NDUGU AGGREY MWANRI

Na Ashrack Miraji, Same – Kilimanjaro

Mjumbe wa Kamati ya Siasa ya Chama Cha Mapinduzi (CCM) Wilaya ya Same, Mariam Mjema, ameshiriki katika mapokezi ya Naibu Katibu Mkuu wa CCM Tanzania Bara, Ndugu Aggrey Mwanri, aliyewasili wilayani Same kuanza ziara ya kikazi.

Ndugu Mwanri amewasili katika Ofisi za CCM Wilaya ya Same, ikiwa ni sehemu ya ziara yake inayolenga kutembelea maeneo mbalimbali ya Majimbo ya Same Mashariki na Same Magharibi.

Katika ziara hiyo, Naibu Katibu Mkuu huyo anatarajiwa kukutana na viongozi na wanachama wa CCM, pamoja na wananchi, kwa ajili ya kujadili masuala mbalimbali yanayohusu shughuli za chama na maendeleo ya wananchi.

Mariam Mjema, akiwa miongoni mwa viongozi walioshiriki katika mapokezi hayo, amekuwa sehemu ya viongozi wa CCM wa Wilaya ya Same waliokuwepo kumpokea Naibu Katibu Mkuu huyo wakati wa kuwasili kwake.

Ziara hiyo inatarajiwa kuhitimishwa kwa mkutano wa hadhara, ambapo Ndugu Mwanri atazungumza na wananchi pamoja na wanachama wa CCM wa Wilaya ya Same kuhusu masuala mbalimbali yanayohusu chama na maendeleo ya jamii.

 

Posted on

UEFA Nations League Kuanza leo Klopp Uso Kwa Uso Na Xavi

Global Publishers
September 24, 2026
0 views
0 Comments

Mashindano ya UEFA Nations League 2026/27 yanaanza leo, Alhamisi Septemba 24, huku macho yakielekezwa kwenye mchezo wa Kundi A2 kati ya Uholanzi na Ujerumani.

Mchezo huo utakuwa wa kwanza kwa Jürgen Klopp kuiongoza Ujerumani tangu alipoteuliwa kuwa kocha mwezi Julai, huku Uholanzi ikianza rasmi kipindi kipya chini ya Xavi Hernández.

Katika michezo mingine ya League A, Serbia itakutana na Ugiriki, wakati Norway itamenyana na Denmark katika Kundi A4. Mabingwa watetezi, Ureno, wataanza kampeni yao dhidi ya Wales.

Ureno inaingia kwenye mashindano hayo ikiwa na dhamira ya kutetea taji ililolitwaa mwaka 2025. Taifa hilo tayari limetwaa Nations League mara mbili.

Kwa upande wa League B, Austria itacheza dhidi ya Israel, huku Kosovo ikiwa mwenyeji wa Jamhuri ya Ireland.

Katika League D, Andorra itakutana na Malta, wakati Liechtenstein itapambana na Lithuania.

Hatua ya ligi ya UEFA Nations League 2026/27 itaendelea hadi Novemba 17, huku timu za League A, B na C zikicheza jumla ya mechi sita kila moja.

Na Erick Elibariki