UEFA Nations League Kuanza leo Klopp Uso Kwa Uso Na Xavi

Mashindano ya UEFA Nations League 2026/27 yanaanza leo, Alhamisi Septemba 24, huku macho yakielekezwa kwenye mchezo wa Kundi A2 kati ya Uholanzi na Ujerumani.

Mchezo huo utakuwa wa kwanza kwa Jürgen Klopp kuiongoza Ujerumani tangu alipoteuliwa kuwa kocha mwezi Julai, huku Uholanzi ikianza rasmi kipindi kipya chini ya Xavi Hernández.

Katika michezo mingine ya League A, Serbia itakutana na Ugiriki, wakati Norway itamenyana na Denmark katika Kundi A4. Mabingwa watetezi, Ureno, wataanza kampeni yao dhidi ya Wales.

Ureno inaingia kwenye mashindano hayo ikiwa na dhamira ya kutetea taji ililolitwaa mwaka 2025. Taifa hilo tayari limetwaa Nations League mara mbili.

Kwa upande wa League B, Austria itacheza dhidi ya Israel, huku Kosovo ikiwa mwenyeji wa Jamhuri ya Ireland.

Katika League D, Andorra itakutana na Malta, wakati Liechtenstein itapambana na Lithuania.

Hatua ya ligi ya UEFA Nations League 2026/27 itaendelea hadi Novemba 17, huku timu za League A, B na C zikicheza jumla ya mechi sita kila moja.

Na Erick Elibariki