Category: Burudani

Posted on

Sifa Gospel Fest 2026 Yamalizika kwa Kishindo Mwanza, Mastaa wa Gospel Wakiwasha – Video

Global Publishers
September 27, 2026
882 views
0 Comments

MWANZA — Septemba 26, 2026: Uwanja wa Furahisha, Manispaa ya Ilemela jijini Mwanza, ulikuwa kitovu cha ibada na burudani ya muziki wa Injili wakati wa kilele cha Sifa Gospel Fest 2026.

Hafla hiyo iliwakutanisha waumini na mashabiki wa muziki wa Injili katika siku maalum ya kusifu na kuabudu, huku jukwaa likipambwa na huduma mbalimbali za muziki na ibada.

Miongoni mwa wasanii walioifanya siku hiyo kuwa ya kipekee ni Rose Muhando, Obby Alpha na Zabron Singers, ambao walipanda jukwaani na kuwahudumia maelfu ya waliokusanyika katika Uwanja wa Furahisha.

Nyimbo za sifa na kuabudu, ujumbe wa kiroho pamoja na nyimbo zilizobeba hamasa vilitawala uwanja huo, na kufanya kilele cha Sifa Gospel Fest 2026 kuwa sehemu ya kumbukumbu kwa washiriki wa hafla hiyo.

Kwa ujumla, Sifa Gospel Fest 2026 imehitimisha kilele chake Mwanza kwa kuunganisha muziki wa Injili, ibada na ushirika katika jukwaa moja, huku Rose Muhando, Obby Alpha na Zabron Singers wakiwa miongoni mwa waliotoa burudani na huduma katika hafla hiyo.

Posted on

MAGAZETINI LEO JUMAPILI SEPT 27/2026:MNYUKANO MKALI MAJUKWAANI CCM NA CHADEMA

 

 

 

MATUKIO DAIMA IMETEULIWA KUSHIRIKI TUZO ZA UMAHIRI WA VYOMBO VYA HABARI NA WANAHABARI TANZANIA TUZO HIZI ZIMETOLEWA NA TCRA NA TAMWA 

 MAARUFU KWA JINA LA SAMIA KALAMU AWARDS (SKA2026)⬇️⬇️⬇️

1:TUZO YA CHOMBO CHA HABARI -MATUKIO DAIMA MEDIA 

PIGA KURA YA CHOMBO MATUKIO DAIMA BONYEZA HAPA

2:TUZO YA JINSIA ,WANAWAKE NA MAKUNDI MAALUM 

PIGA KURA YA PILI YA MATUKIO DAIMA BONYEZA HAPA

3:TUZO YA AFYA

PIGA KURA YA TATU YA MATUKIO DAIMA BONYEZA HAPA

4:TUZO YA MPIGA PICHA 

PIGA KURA YA TATU YA MATUKIO DAIMA BONYEZA HAPA

AHSANTE KWA KUPIGIA KWA KUENDELEA KUTUPIGIA KURA MATUKIO DAIMA MEDIA ENDELEA KUTUPIGIA KURA KILA BAADA YA SAA 24 HADI SEPT 30 KASI YAKO YA KUPIGA KURA NDIO USHINDI .

Posted on

Sifa Gospel Fest 2026: Suma Awaunganisha Vijana na Fursa za Maisha – Video

MWANZA — Mratibu Mkuu wa ibada ya kusifu na kuabudu ya Sifa Gospel Fest 2026, Suma Mwaitenda, amewataka vijana kufikiri nje ya boksi na kutambua uwezo na ujuzi walionao ambao unaweza kuwaongezea thamani katika maisha, mbali na vyeti vya taaluma walivyopata shuleni.

Suma ameyasema hayo jijini Mwanza wakati wa mafunzo katika kliniki ya vijana iliyopewa jina la Sifa Youth Talk, iliyofanyika kwa mara ya kwanza kwa lengo la kuongeza thamani katika maisha ya vijana kupitia elimu kuhusu masuala mbalimbali ikiwemo maadili, uchumi na jamii.

Akizungumza kuhusu Career Development, yaani ukuzaji wa safari ya kitaaluma na kikazi, Suma amesema vijana wanapaswa kutambua ujuzi wao na namna wanavyoweza kuutumia katika kujenga maisha yao.

“Nje ya vyeti, una ujuzi gani unaouzika? Haijalishi umesoma nini.”



Aidha, leo inafanyika siku ya kilele cha ibada kubwa ya kusifu na kuabudu ya Sifa Gospel Fest 2026, inayofanyika katika Uwanja wa Furahisha, Manispaa ya Ilemela jijini Mwanza.

Akizungumzia maandalizi ya ibada hiyo, Suma amesema maandalizi yote yamekamilika huku akieleza kuwa mwitikio kutoka kwa wakazi wa Mwanza umekuwa mkubwa.

“Maandalizi yote ya ibada hii yamekamilika, mwitikio wa watu wa Mwanza ni mkubwa na tumebarikiwa kuwa na listi kubwa ya watumishi wa Mungu na waimbaji ambao watahudumu leo,” amesema.

Suma amesema ibada hiyo imeendelea kuwagusa watu mbalimbali, huku akieleza kuwa waandaaji wanaamini kuwa kupitia kusifu na kuabudu, watu wanaweza kupata uponyaji.

“Ibada hii imeendelea kuwagusa watu wengi ambao, na sisi tunaamini kuwa katika kusifu kuna uponaji na watu wengi wameendelea kupona kupitia ibada hii,” amesema.

Katika hatua nyingine, wasanii mbalimbali wanaotarajiwa kuhudumu katika ibada hiyo wameeleza furaha yao kwa tukio hilo kufika jijini Mwanza, huku wakitoa shukrani kwa waandaaji kwa nafasi ya kushiriki katika Sifa Gospel Fest 2026.

Posted on

CCM Iringa yamkabidhi Asas tuzo ya heshima – HabariLeo

IRINGA: KATIBU wa NEC Idara ya Oganaizesheni wa Chama Cha Mapinduzi (CCM), Paul Matiko Chacha (MCC), amemkabidhi Mjumbe wa Kamati Kuu ya CCM, Salim Abri Asas, tuzo maalumu ya heshima iliyotolewa na CCM Mkoa wa Iringa kwa kutambua mchango wake katika ujenzi na uimarishaji wa Chama.

Tuzo hiyo imetolewa baada ya Halmashauri Kuu ya CCM Mkoa wa Iringa kuwasilisha hoja ya kumtambua Asas, ambayo ilipitishwa na wajumbe wa Mkutano Mkuu Maalum wa CCM Mkoa wa Iringa uliofanyika katika Chuo cha UVCCM Ihemi.

Akizungumza baada ya kukabidhiwa tuzo hiyo, Asas amesema viongozi wa sasa wanapaswa kufanya mambo yatakayobaki kuwa kumbukumbu ndani ya CCM, akisema kizazi kijacho kitakuja kuwauliza walifanya nini walipokuwa na dhamana ya uongozi.

“Kizazi kitakuja kutuuliza, mlilikifanyia nini CCM?” amesema Asas aliyekuwa akishangiliwa kwa nguvu na wajumbe wa Mkutano huo.

Amesema swali hilo limekuwa sehemu ya msukumo wake wa kushiriki katika ujenzi na uimarishaji wa miundombinu ya Chama, hususan ujenzi wa ofisi za CCM katika ngazi ya Kata.

Asas amesema ni jambo lisilofaa kwa CCM kufikisha miaka 50 huku baadhi ya Kata zikiwa hazina ofisi za Chama, miradi au makazi kwa ajili ya watumishi wake.

Amesema kutokana na msimamo huo, amejitolea kuhakikisha ifikapo CCM inatimiza miaka 50, kila Kata inakuwa na ofisi ya Chama, akieleza kuwa baadhi ya miradi hiyo tayari imekamilika huku mingine ikiendelea.

“Tumejiwekea msimamo kwamba itakuwa aibu kufikia miaka 50 ya CCM, halafu kuna Kata ambazo hazina ofisi za Chama,” amesema.

Amesema dhamira yake ya kuona ofisi hizo zinakamilika imefikia hatua ya kuiweka kazi hiyo kwenye wosia wake kwa wanafamilia, akieleza kuwa amewaeleza ndugu zake kwamba iwapo Mungu atamchukua kabla ya kukamilisha azma hiyo, wahakikishe fedha zinatengwa kutoka kwenye mali ya familia ili kukamilisha ujenzi wa ofisi hizo.

Kwa mujibu wa Asas, hatua hiyo inalenga kuhakikisha kazi aliyoianza inaendelea hata kama hatakuwepo, ili ofisi hizo zitumike na viongozi na wanachama wa CCM wa sasa na vizazi vijavyo.

Amesema anataka mchango wake ndani ya Chama usibaki kwenye maneno pekee, bali uonekane kupitia miradi na miundombinu itakayodumu na kuwa na manufaa kwa wanachama kwa muda mrefu.

Akimpongeza Asas kwa tuzo hiyo, Chacha, amewataka viongozi na wanachama kuendelea kujipanga na kuweka mikakati ya muda mrefu kuelekea miaka 50 ya chama hicho.

Chacha amesema CCM ilipoanzishwa iliweka malengo mbalimbali, likiwemo lengo la kushika dola, hivyo wanachama wanapaswa kuendelea kutafakari namna ya kukiendeleza chama hicho katika vipindi vijavyo.

“Ni muhimu kwa viongozi wa sasa kuacha msingi ambao utakuwa na manufaa kwa vizazi vitakavyokuja na kuhakikisha chama kinaendelea kuwa na mipango madhubuti na muda mrefu,” alisema.

Aidha, amewataka wanachama kuendelea kujiandaa kwa uchaguzi wa chama unaokuja na kuhakikisha wanashiriki katika shughuli za chama kwa umoja na mshikamano.

Posted on

Kihongosi afunika mkutano CCM Tanga – HabariLeo

TANGA; WANANCHI wa Tanga wamejitokeza kwa wingi jioni ya leo Septemba 26, 2026 kwenye mkutano wa hadhara wa Katibu wa NEC Itikadi, Uenezi na Mafunzo wa Chama Cha Mapinduzi (CCM), Kenani Kihongosi uliofanyika Viwanja vya Lamore Wilaya ya Tanga.
–
Mkutano huo ni hitimisho la ziara yake ya siku mbili aliyoianza jana mkoani Tanga kwa kutembelea Wilaya ya Mkinga kwa lengo la kukagua uhai wa chama na utekelezaji wa Ilani ya CCM ya 2025-2030.

Mapema leo Kihongosi alitembelea kukagua maendeleo ya ujenzi na ukarabati wa Uwanja wa Ndege wa Tanga, ambao ujenzi wake utagharimu Sh Bilioni 78.8 utakapokamilika.

Akizungumza kwenye ziara hiyo alisema kukamilika kwa mradi huo kutafungua fursa mpya za kiuchumi, kuongeza uwekezaji na kuboresha huduma za usafiri wa anga Mkoa wa Tanga na maeneo ya jirani.

 

Alisema tayari Bandari ya Tanga imeboreshwa na inatoa huduma vizuri, Mradi wa Bomba la Mafuta Ghafi la Afrika Mashariki (EACOP) kutoka Hoima, Uganda hadi Chongoleani, Tanga umeiva na sasa ujenzi na ukarabati wa Uwanja wa Ndege wa Tanga nao unaendelea, huku ujenzi wa Reli ya Kisasa (SGR) kutoka Tanga kwenda Musoma mkoani Mara nao uko kwenye mchakato.

Posted on

INSP CATHERINE LANGE AENDELEA KUNG’ARA RIADHA BAMMATA 2026

Na Ssgt Mawazo Mtondo – MWANZA

Mashindano ya Riadha ya Bammata 2026 yameendelea, Septemba 25, 2026, katika Uwanja wa CCM Kirumba jijini Mwanza, kwa mbio za mita 5,000, sawa na kuzunguka uwanja mara 12.

Mkaguzi wa Magereza INSP Catherine Lange ameendelea kuonyesha ushindani baada ya kushika nafasi ya tatu, akirudia mafanikio aliyoyapata jana katika mbio za mita 10,000 za wanawake.

 

Posted on

KIHONGOSI AKAGUA MRADI WA SH BILIONI 2.5 WA NYUMBA ZA WATUMISHI WA CCM TANGA.

 

NA AMINA SAIDI TANGA,

​Katibu wa Halmashauri Kuu ya (NEC), Itikadi, Uenezi na Mafunzo wa Chama Cha Mapinduzi (CCM), Kenani Kihongosi, anafanya ziara ya siku mbili mkoani Tanga kwa ajili ya kukagua utekelezaji wa Ilani ya Uchaguzi ya chama hicho,

Ambapo ametembelea na kukagua maendeleo ya mradi mkubwa wa ujenzi wa nyumba za watumishi wa chama hicho unaogharimu jumla ya Shilingi bilioni 2.5.  

​Katika mradi huo unaolenga kuboresha mazingira ya kazi na makazi kwa watumishi wa CCM.

 Jumla ya nyumba 36 zitajengwa katika wilaya zote tisa za mkoa wa Tanga, ambapo kila wilaya itapata fursa ya kujengewa nyumba nne za kisasa.

​Akizungumza wakati wa ukaguzi huo, Mwenyekiti wa CCM Mkoa wa Tanga amethibitisha kuwa tayari ameshatoa  Shilingi bilioni moja kwa ajili ya kuwezesha na kuharakisha utekelezaji wa ujenzi wa nyumba hizo katika ngazi za wilaya.

​Ujenzi huo wa miundombinu unalenga kukamilika rasmi ifikapo mwezi Februari mwakani, hatua inayotajwa kuwa itaongeza ufanisi wa utendaji kazi wa viongozi na watumishi wa chama hicho waliopo katika maeneo mbalimbali ya mkoa.

​Kihongosi amepongeza uongozi wa CCM Mkoa wa Tanga kwa hatua hiyo madhubuti ya utekelezaji wa maelekezo ya chama na kusisitiza kuwa uimarishaji wa miundombinu ya chama ni nguzo muhimu katika kuhakikisha utekelezaji bora wa Ilani ya CCM kwa maslahi ya wananchi.

⬇️⬇️

 

MATUKIO DAIMA IMETEULIWA KUSHIRIKI TUZO ZA UMAHIRI WA VYOMBO VYA HABARI NA WANAHABARI TANZANIA TUZO HIZI ZIMETOLEWA NA TCRA NA TAMWA 

 MAARUFU KWA JINA LA SAMIA KALAMU AWARDS (SKA2026)⬇️⬇️⬇️

1:TUZO YA CHOMBO CHA HABARI -MATUKIO DAIMA MEDIA 

PIGA KURA YA CHOMBO MATUKIO DAIMA BONYEZA HAPA

2:TUZO YA JINSIA ,WANAWAKE NA MAKUNDI MAALUM 

PIGA KURA YA PILI YA MATUKIO DAIMA BONYEZA HAPA

3:TUZO YA AFYA

PIGA KURA YA TATU YA MATUKIO DAIMA BONYEZA HAPA

4:TUZO YA MPIGA PICHA 

PIGA KURA YA TATU YA MATUKIO DAIMA BONYEZA HAPA

AHSANTE KWA KUPIGIA KWA KUENDELEA KUTUPIGIA KURA MATUKIO DAIMA MEDIA ENDELEA KUTUPIGIA KURA KILA BAADA YA SAA 24 HADI SEPT 30 KASI YAKO YA KUPIGA KURA NDIO USHINDI .

Posted on

Basata Yatoa Adhabu Kwa Dudubaya na Mratibu wa Tamasha la Miaka 30 Bongo Flava -Video

Global Publishers
September 26, 2026
12 views
0 Comments

Baraza la Sanaa la Taifa (BASATA) limetoa adhabu kwa msanii Godfrey Tumaini maarufu Dudubaya, pamoja na Mratibu Mkuu wa Tamasha la Miaka 30 ya Bongo Flava, kufuatia tukio lililotokea Septemba 19, 2026 katika Viwanja vya General Tyre, Jijini Arusha.

Kwa mujibu wa taarifa iliyotolewa na BASATA, Dudubaya anadaiwa kukiuka Kanuni ya 20(a) ya Kanuni za Baraza la Sanaa la Taifa, Tangazo la Serikali Na. 137 la tarehe 22 Mei 2026, baada ya kuzungumza maneno yaliyolalamikiwa kuwa ya kashfa na matusi wakati akitumbuiza katika tamasha hilo.

BASATA imesema baada ya kufuatilia tukio hilo na kujiridhisha kuwa kosa lilitendeka, imechukua hatua kwa mujibu wa Kanuni ya 45, ambapo Dudubaya ametakiwa:

  • Kuzingatia Sheria, Kanuni na Miiongozo ya BASATA katika uendeshaji wa sanaa.
  • Kulipa faini ya Shilingi Milioni Tatu (Tsh 3,000,000) ndani ya siku 14 kuanzia tarehe ya uamuzi.
  • Kutohusisha na shughuli za sanaa kwa jina lolote kuanzia tarehe ya uamuzi hadi pale atakapotekeleza maamuzi hayo.

MRATIBU WA TAMASHA NAYE AADHIBIWA

BASATA pia imemchukulia hatua Mratibu Mkuu wa Tamasha la Miaka 30 ya Bongo Flava, baada ya kubainika kuwa alimwezesha Dudubaya kutumbuiza jukwaani na kufanya kosa hilo licha ya kuwepo kwa masharti ya usimamizi wa tamasha.

BASATA imesema mratibu huyo alipaswa kuhakikisha kuwa shughuli za tamasha zinaendeshwa kwa kuzingatia sheria, kanuni na miongozo ya BASATA, pamoja na kuhakikisha kuwa hakuna vitendo vinavyoweza kuleta changamoto kwa wasanii wanaoshiriki.

Kwa mujibu wa Kanuni ya 45, mratibu huyo ameagizwa:

  • Kuzingatia Kanuni na Miiongozo ya BASATA katika uendeshaji wa matukio ya sanaa.
  • Kulipa faini ya Shilingi Milioni Tatu (Tsh 3,000,000) ndani ya siku 14 kuanzia tarehe ya uamuzi.
  • Kutohusisha na shughuli za sanaa kwa jina lolote kuanzia tarehe ya uamuzi hadi atakapotekeleza maamuzi hayo.

BASATA imetoa rai kwa Wasanii na Wadau wa Sanaa kuhakikisha wanazingatia Sheria, Kanuni, Miiongozo na Maadili ya Tanzania wanapotekeleza kazi zao za sanaa.

Posted on

Diamond na Joel Lwaga Waungana Kwenye Wimbo Mpya “Nikumbuke”

Global Publishers
September 26, 2026
1,092 views
0 Comments

Wasanii wakubwa kutoka Tanzania, Diamond Platnumz na Joel Lwaga, wameungana kwa mara ya kwanza katika wimbo mpya unaokwenda kwa jina la “Nikumbuke”, uliotoka rasmi Septemba 23, 2026.

Ushirikiano huo umekutanisha wasanii wawili wanaotoka katika mazingira tofauti ya muziki, huku Diamond Platnumz akijulikana zaidi kupitia Bongo Flava na Afropop, wakati Joel Lwaga akitambulika kwa kazi zake katika muziki wa Injili.

“Nikumbuke” umejengwa katika ujumbe wa imani, subira na matumaini, ukielezea hali ya mtu anayepitia changamoto lakini bado anaendelea kumtegemea Mungu na kusubiri majibu ya maombi yake.

Kupitia wimbo huo, wasanii hao wameleta ladha tofauti za muziki na kuunganisha mashabiki wa Bongo Flava pamoja na wale wanaopenda muziki wa Injili.

Kwa Diamond, ushirikiano huo unamuweka kwenye mazingira yenye ujumbe wa kiroho zaidi, huku Joel Lwaga akiendelea kusimamia aina ya muziki ambao amejijengea jina kwa miaka kadhaa.

Wimbo huo tayari umeanza kupata uangalizi kutoka kwa mashabiki kwenye majukwaa mbalimbali ya muziki na mitandao ya kijamii.

Taarifa zilizopo kwenye YouTube zinaonyesha kuwa lyric video ya “Nikumbuke” iliwekwa kwenye ukurasa wa Joel Lwaga Septemba 23, 2026, siku ambayo wimbo huo ulitolewa rasmi.

Ushirikiano wa Diamond na Joel Lwaga unaifanya “Nikumbuke” kuwa moja ya kazi zinazowakutanisha wasanii wenye mitazamo tofauti ya muziki, huku ujumbe wake ukilenga kuhamasisha watu kuendelea kuwa na matumaini, subira na imani hata wanapopitia nyakati ngumu.

Stori na Anifa Mwegelo | GPL -TUDACO

Posted on

Rayvanny Kutumbuiza Afro Nation Portugal 2027

 

 

Msanii wa Tanzania, Rayvanny, ametangazwa kuwa miongoni mwa wasanii watakaotumbuiza katika tamasha kubwa la Afro Nation Portugal 2027, nchini Ureno.

Jina la Rayvanny limeonekana katika orodha ya kwanza ya wasanii iliyotangazwa na waandaaji wa tamasha hilo Septemba 23, 2026, hatua inayomweka tena msanii huyo wa Tanzania kwenye jukwaa kubwa la muziki wa Afrika kimataifa.

Tamasha hilo linatarajiwa kufanyika kuanzia Juni 9 hadi 11, 2027, katika ufukwe wa Praia da Rocha, Portimão, nchini Portugal, likiwa na lengo la kuunganisha muziki, utamaduni na burudani kutoka Afrika na maeneo mbalimbali duniani.

Rayvanny atashiriki jukwaa hilo pamoja na baadhi ya majina makubwa katika muziki wa Afrika na kimataifa, akiwemo Davido, Rema, Fally Ipupa, Omah Lay, Victony na Shenseea.

Davido, Rema na Fally Ipupa wametajwa miongoni mwa wasanii wakuu watakaotumbuiza katika tamasha hilo.

Kwa upande wa muziki wa Amapiano, jukwaa la Piano People Stage linatarajiwa kuwakutanisha wasanii mbalimbali, akiwemo Kabza De Small, TxC na Dlala Thukzin.

Waandaaji wa Afro Nation wamesema orodha hiyo bado haijakamilika, huku wasanii wengine wakitarajiwa kutangazwa katika awamu zijazo kuelekea tamasha hilo.

Kwa Rayvanny ushiriki huo unampa nafasi ya kuwakilisha muziki wa Tanzania katika moja ya matukio ya kimataifa yanayolenga Afrobeats, Amapiano na muziki wa Afrika. Tamasha hilo limekuwa likifanyika Portugal tangu mwaka 2019 na limeendelea kuwaleta pamoja wasanii na mashabiki kutoka maeneo mbalimbali duniani.

Na Anifa Mwegelo