Author: admin

Posted on

TARURA yaongeza kasi barabara za AFCON Arusha – HabariLeo

ARUSHA: Ujenzi wa barabara zinazounganisha maeneo mbalimbali na Uwanja wa AFCON jijini Arusha umefikia zaidi ya asilimia 60, hatua inayolenga kuboresha usafiri na kuimarisha shughuli za kiuchumi katika maeneo yanayozunguka uwanja huo.

Mradi huo unaotekelezwa na Wakala wa Barabara za Vijijini na Mijini (TARURA), unahusisha ujenzi na uboreshaji wa jumla ya kilomita 21.4 za barabara katika maeneo ya Essuri, Lendita na Mateves, ikiwa ni sehemu ya maandalizi ya Tanzania kuandaa Mashindano ya Kombe la Mataifa ya Afrika (AFCON) 2027.

Kwa mujibu wa taarifa ya TARURA iliyotolewa Septemba mwaka huu na Meneja wa TARURA Mkoa wa Arusha, Mhandisi Nicholas Francis, utekelezaji wa mradi huo umefikia zaidi ya asilimia 60, huku ukitarajiwa kukamilika ifikapo Mei 2027.

Katika eneo la Essuri, mradi unahusisha barabara yenye urefu wa kilomita 2.45 pamoja na ujenzi wa daraja lenye urefu wa mita 100. Barabara ya Lendita yenye urefu wa kilomita 2.75 inajengwa kwa kiwango cha njia nne.

Kwa upande wa Mateves, mradi unahusisha kilomita 6.5, ambapo kilomita 5.5 zitajengwa kwa kiwango cha njia mbili, huku kilomita moja ikijengwa kwa kiwango cha njia nne.

Hatua hiyo inalenga kuboresha muunganiko wa barabara kuelekea Uwanja wa AFCON na maeneo yanayouzunguka, huku miundombinu hiyo ikitarajiwa kuendelea kutumiwa na wananchi na wafanyabiashara hata baada ya kumalizika kwa mashindano.

Mwenyekiti wa Bodi ya Ushauri ya TARURA, Mhandisi Florian Kabaka, amesema utekelezaji wa miradi hiyo unaendelea vizuri, akisisitiza kasi iongezwe katika kazi ambazo hazihitaji matumizi makubwa ya maji kabla ya kuanza kwa msimu wa mvua.

Kwa upande wake, Mtendaji Mkuu wa TARURA, Mhandisi Victor Seff, amesema ziara ya ukaguzi ililenga kutathmini maendeleo ya barabara zinazounganisha maeneo mbalimbali yanayozunguka Uwanja wa AFCON na kuhakikisha mradi unakamilika kwa wakati uliopangwa.

Mbali na mradi wa barabara za kuelekea Uwanja wa AFCON, TARURA ina mtandao wa barabara wenye jumla ya kilomita 5,752.834 katika Mkoa wa Arusha, ukiambatana na madaraja 107 na makaravati 2,639 katika wilaya zote sita za mkoa huo.

Kati ya mtandao huo, kilomita 170.407 sawa na asilimia 2.96 ni za lami, kilomita 1,591.267 sawa na asilimia 27.66 ni za changarawe, huku kilomita 3,991.160 sawa na asilimia 69.38 zikiwa za udongo.

Kwa mwaka wa fedha 2026/2027, TARURA imependekeza bajeti ya takribani Sh bilioni 19.3 kwa ajili ya matengenezo ya barabara na madaraja mkoani Arusha.

Utekelezaji wa miradi hiyo unatarajiwa kuongeza ufanisi wa usafiri, kurahisisha usafirishaji wa watu na bidhaa na kuchochea shughuli za kiuchumi katika maeneo yanayozunguka uwanja.

Aidha, utekelezaji wa miradi hiyo unatoa fursa za ajira kwa wananchi, hususan vijana wa maeneo yanayopitiwa na barabara, huku miundombinu hiyo ikitarajiwa kubaki kuwa sehemu muhimu ya maendeleo ya jiji hata baada ya AFCON 2027.

Mkazi wa Arusha, Claud Gwandu, amesema maboresho hayo yana umuhimu kwa wananchi kwa kuwa yataendelea kutumika katika shughuli za kila siku hata baada ya kumalizika kwa mashindano.

“Kwa Arusha, matokeo ya uwekezaji huu hayatarajiwi kuishia kwenye maandalizi ya AFCON pekee. Barabara hizi zitabaki kuwa miundombinu ya matumizi ya wananchi, wafanyabiashara na wageni, huku zikisaidia kuunganisha maeneo ya shughuli za kiuchumi na huduma,” amesema.

Posted on

Dereva wa Miaka 78 Aingiza Gari Ndani ya Hekalu, Watu 3 Wajeruhiwa

Global Publishers
October 2, 2026
0 views
0 Comments

Bangkok, Thailand — Tukio la kushtua limetokea nchini Thailand baada ya gari la umeme kuvamia eneo la hekalu na kuwagonga waabudu waliokuwa wamekaa mbele ya madhabahu ya Kibudha.

Video iliyosambaa mtandaoni inaonyesha gari aina ya sedan ya rangi ya kijivu likipenya kwa kasi ndani ya eneo la Guanyin Shrine, katika kituo cha Thian Fah Foundation jijini Bangkok.

Kwa mujibu wa taarifa za awali, gari hilo lilikuwa likiendeshwa na mwanaume mwenye umri wa miaka 78. Ghafla, gari hilo lilipoteza mwelekeo na kuvamia eneo ambalo lilikuwa limejaa watu waliokuwa wamekaa mbele ya madhabahu.

Tukio hilo lilitokea majira ya saa 7 mchana siku ya Alhamisi, na polisi waliitwa baada ya kupokea taarifa kuhusu ajali hiyo kubwa.

Picha za video zinaonyesha watu waliokuwapo wakikimbia kwa hofu huku wengine wakikimbilia kuwasaidia waathirika wa ajali hiyo.

Watu watatu walijeruhiwa katika tukio hilo na walipatiwa msaada baada ya ajali.

Mamlaka zinaendelea kuchunguza chanzo cha dereva huyo kupoteza udhibiti wa gari na kuingia ndani ya eneo la hekalu.

Video ya tukio hilo imezua mshtuko mkubwa kutokana na namna gari hilo lilivyoingia ghafla katika eneo lililokuwa na waabudu wengi.

Posted on

Polisi Yamkamata Mtu Kwa Tuhuma za Kuharibu Noti za Tanzania

Global Publishers
October 2, 2026
36 views
0 Comments

Jeshi la Polisi Mkoa wa Geita limemkamata Faustine Zakaria, kwa tuhuma za kuharibu fedha halali za Tanzania baada ya picha zake akifanya vitendo hivyo kusambaa kwenye mitandao ya kijamii.

Kwa mujibu wa taarifa iliyotolewa na Kamanda wa Polisi Mkoa wa Geita, Jeshi hilo limeeleza kuwa Faustine alionekana katika picha akizitawanya sakafuni noti za Tanzania pamoja na nyele zilizotokana na shughuli za unyoaji na uchafu mwingine ndani ya saluni yake.

Taarifa hiyo imeeleza kuwa mtuhumiwa alirekodiwa kwa ridhaa yake huku akifahamu kuwa kitendo hicho ni kosa kisheria. Baada ya kurekodi video hiyo, aliisambaza kupitia akaunti zake za mitandao ya kijamii Agosti 23, 2026.

Hatua hiyo iliwezesha mamlaka za kisheria kufuatilia tukio hilo na kuchukua hatua stahiki.

Jeshi la Polisi linaendelea na uchunguzi kwa kushirikiana na Benki Kuu ya Tanzania (BoT), huku mtuhumiwa akitarajiwa kufikishwa mahakamani kwa hatua zaidi za kisheria mara baada ya taratibu za uchunguzi kukamilika.

Jeshi la Polisi limetoa wito kwa wananchi kuheshimu, kulinda na kutunza fedha za Tanzania, likisisitiza kuwa fedha hizo ni alama ya utambulisho na heshima ya taifa.

Aidha, wananchi wametakiwa kuepuka vitendo vyovyote vinavyoweza kudhalilisha au kuharibu fedha hizo.

Posted on

Kifo Cha Chivayo na Mkewe: Fahamu Maswali 7 Yanayosubiri Majibu Kutoka kwa Wachunguzi

Kifo cha mfanyabiashara maarufu wa Zimbabwe, Wicknell Chivayo, mke wake na watu wengine kadhaa katika ajali ya helikopta Septemba 30, 2026 kimeacha maswali kadhaa yanayotarajiwa kujibiwa na uchunguzi wa mamlaka za nchi hiyo.

Chivayo, ambaye alikuwa akijulikana kwa ukaribu wake na baadhi ya viongozi wakuu barani Afrika, alifariki siku ya Jumatano baada ya helikopta aliyokuwa akisafiria kuanguka. Rais wa Zimbabwe, Emmerson Mnangagwa, alithibitisha kifo hicho na kueleza kuwa alikuwa katika hali ya mshtuko na huzuni kubwa.

Lakini, zaidi ya taarifa ya kifo hicho, jambo linalofuatiliwa kwa karibu sasa ni nini hasa kilisababisha helikopta hiyo kuanguka?

Mamlaka za Zimbabwe bado hazijatoa sababu rasmi ya ajali hiyo. Gazeti la The Herald, likinukuu mamlaka ya usafiri wa anga nchini humo, limeripoti kuwa uchunguzi unaendelea na taarifa ya kina kuhusu chanzo cha ajali inatarajiwa kutolewa baadaye.

Polisi pia hawajatoa hitimisho kuhusu chanzo cha ajali. Msemaji wa polisi, Paul Nyathi, amesema mamlaka zinafanya vipimo vya DNA kutokana na miili ya waliokufa kuharibika vibaya.

CHIVAYO ALIKUWA NANI?

Kabla ya kifo chake, Chivayo alikuwa mmoja wa wafanyabiashara waliokuwa wakifahamika sana nchini Zimbabwe, hasa kutokana na uhusiano wake na viongozi wa kisiasa na uwepo wake mkubwa kwenye mitandao ya kijamii.

Alikuwa akichapisha picha akiwa na viongozi mbalimbali wa Afrika, huku pia akionyesha maisha ya kifahari yaliyohusisha magari ya gharama kubwa, mavazi ya kifahari na zawadi mbalimbali.

Ukaribu wake na viongozi ulimfanya pia kuwa mtu wa mjadala katika siasa na biashara nchini Zimbabwe.

Wakosoaji wake walidai kuwa Chivayo alikuwa miongoni mwa wafanyabiashara waliokuwa wakinufaika na mikataba inayohusishwa na serikali chini ya chama tawala cha ZANU-PF. Chivayo, hata hivyo, alikanusha madai ya ufisadi.

HISTORIA YA KESI NA TUHUMA

Historia ya Chivayo pia ina sehemu iliyohusisha mahakama.

Mwaka 2005, alifungwa gerezani kwa miaka kadhaa baada ya kutiwa hatiani katika kesi iliyohusisha utakatishaji fedha.

Mwaka 2018 alikamatwa tena katika kesi iliyohusisha tuhuma za matumizi mabaya ya malipo ya awali yenye thamani ya dola milioni 5.6 za Marekani (takribani TSh bilioni 14.79), yaliyohusishwa na mradi wa nishati ya jua.

Hata hivyo, mwaka 2023 kesi hiyo iliondolewa kwenye orodha ya mashauri baada ya mahakama kutaja ucheleweshaji wa upande wa mashtaka.

Mwaka 2024, jina lake liliibuka tena kwenye mjadala wa umma baada ya Rais Mnangagwa kusema kampuni ya Chivayo ilikuwa mshirika wa kipekee wa Starlink nchini Zimbabwe. Mamlaka ya mawasiliano baadaye ilifafanua kuwa kampuni hiyo ilikuwa miongoni mwa wauzaji kadhaa waliokuwa wameidhinishwa.

MASWALI MAKUU YALIYOBAKI

Kwa sasa, hakuna ushahidi uliotangazwa hadharani unaoonyesha kuwa ajali hiyo ilisababishwa na jambo la jinai. Kwa hiyo, hitimisho lolote kuhusu chanzo cha ajali kabla ya uchunguzi kukamilika lingekuwa la mapema.

Hata hivyo, uchunguzi wa mamlaka utahitaji kutoa majibu kuhusu masuala muhimu kama:

  • Ni nini kilisababisha helikopta hiyo kuanguka?

  • Hali ya hewa na mazingira ya safari yalikuwa vipi wakati wa ajali?

  • Helikopta hiyo ilikuwa katika hali gani kiufundi?

  • Ilikuwa imefanyiwa ukaguzi na matengenezo kwa mujibu wa taratibu?

  • Nani alikuwa rubani na alikuwa na sifa na vibali vinavyohitajika?

  • Kulikuwa na hitilafu yoyote kabla ya ajali?

  • Je, rekodi za safari na mawasiliano ya mwisho ya helikopta zinaonyesha nini?

Majibu ya maswali hayo yatategemea ushahidi wa kiufundi, taarifa za mashahidi, rekodi za ndege na uchunguzi rasmi wa mamlaka za usafiri wa anga.

Kwa sasa, jambo lililo wazi ni kwamba chanzo cha ajali bado hakijatangazwa rasmi.

Hivyo, wakati historia ya Chivayo ikiendelea kuchochea mjadala, uchunguzi wa ajali ndiyo unaotarajiwa kutoa picha kamili kuhusu kilichotokea katika dakika za mwisho kabla ya helikopta hiyo kuanguka.

Kifo cha Chivayo kimefungua ukurasa mpya wa maswali; majibu yake sasa yako mikononi mwa wachunguzi.

Posted on

Kifo Cha Chivayo na Mkewe: Maswali 7 Yanayosubiri Majibu Kutoka kwa Wachunguzi

Kifo cha mfanyabiashara maarufu wa Zimbabwe, Wicknell Chivayo, mke wake na watu wengine kadhaa katika ajali ya helikopta Septemba 30, 2026 kimeacha maswali kadhaa yanayotarajiwa kujibiwa na uchunguzi wa mamlaka za nchi hiyo.

Chivayo, ambaye alikuwa akijulikana kwa ukaribu wake na baadhi ya viongozi wakuu barani Afrika, alifariki siku ya Jumatano baada ya helikopta aliyokuwa akisafiria kuanguka. Rais wa Zimbabwe, Emmerson Mnangagwa, alithibitisha kifo hicho na kueleza kuwa alikuwa katika hali ya mshtuko na huzuni kubwa.

Lakini, zaidi ya taarifa ya kifo hicho, jambo linalofuatiliwa kwa karibu sasa ni nini hasa kilisababisha helikopta hiyo kuanguka?

Mamlaka za Zimbabwe bado hazijatoa sababu rasmi ya ajali hiyo. Gazeti la The Herald, likinukuu mamlaka ya usafiri wa anga nchini humo, limeripoti kuwa uchunguzi unaendelea na taarifa ya kina kuhusu chanzo cha ajali inatarajiwa kutolewa baadaye.

Polisi pia hawajatoa hitimisho kuhusu chanzo cha ajali. Msemaji wa polisi, Paul Nyathi, amesema mamlaka zinafanya vipimo vya DNA kutokana na miili ya waliokufa kuharibika vibaya.

CHIVAYO ALIKUWA NANI?

Kabla ya kifo chake, Chivayo alikuwa mmoja wa wafanyabiashara waliokuwa wakifahamika sana nchini Zimbabwe, hasa kutokana na uhusiano wake na viongozi wa kisiasa na uwepo wake mkubwa kwenye mitandao ya kijamii.

Alikuwa akichapisha picha akiwa na viongozi mbalimbali wa Afrika, huku pia akionyesha maisha ya kifahari yaliyohusisha magari ya gharama kubwa, mavazi ya kifahari na zawadi mbalimbali.

Ukaribu wake na viongozi ulimfanya pia kuwa mtu wa mjadala katika siasa na biashara nchini Zimbabwe.

Wakosoaji wake walidai kuwa Chivayo alikuwa miongoni mwa wafanyabiashara waliokuwa wakinufaika na mikataba inayohusishwa na serikali chini ya chama tawala cha ZANU-PF. Chivayo, hata hivyo, alikanusha madai ya ufisadi.

HISTORIA YA KESI NA TUHUMA

Historia ya Chivayo pia ina sehemu iliyohusisha mahakama.

Mwaka 2005, alifungwa gerezani kwa miaka kadhaa baada ya kutiwa hatiani katika kesi iliyohusisha utakatishaji fedha.

Mwaka 2018 alikamatwa tena katika kesi iliyohusisha tuhuma za matumizi mabaya ya malipo ya awali yenye thamani ya dola milioni 5.6 za Marekani (takribani TSh bilioni 14.79), yaliyohusishwa na mradi wa nishati ya jua.

Hata hivyo, mwaka 2023 kesi hiyo iliondolewa kwenye orodha ya mashauri baada ya mahakama kutaja ucheleweshaji wa upande wa mashtaka.

Mwaka 2024, jina lake liliibuka tena kwenye mjadala wa umma baada ya Rais Mnangagwa kusema kampuni ya Chivayo ilikuwa mshirika wa kipekee wa Starlink nchini Zimbabwe. Mamlaka ya mawasiliano baadaye ilifafanua kuwa kampuni hiyo ilikuwa miongoni mwa wauzaji kadhaa waliokuwa wameidhinishwa.

MASWALI MAKUU YALIYOBAKI

Kwa sasa, hakuna ushahidi uliotangazwa hadharani unaoonyesha kuwa ajali hiyo ilisababishwa na jambo la jinai. Kwa hiyo, hitimisho lolote kuhusu chanzo cha ajali kabla ya uchunguzi kukamilika lingekuwa la mapema.

Hata hivyo, uchunguzi wa mamlaka utahitaji kutoa majibu kuhusu masuala muhimu kama:

  • Ni nini kilisababisha helikopta hiyo kuanguka?

  • Hali ya hewa na mazingira ya safari yalikuwa vipi wakati wa ajali?

  • Helikopta hiyo ilikuwa katika hali gani kiufundi?

  • Ilikuwa imefanyiwa ukaguzi na matengenezo kwa mujibu wa taratibu?

  • Nani alikuwa rubani na alikuwa na sifa na vibali vinavyohitajika?

  • Kulikuwa na hitilafu yoyote kabla ya ajali?

  • Je, rekodi za safari na mawasiliano ya mwisho ya helikopta zinaonyesha nini?

Majibu ya maswali hayo yatategemea ushahidi wa kiufundi, taarifa za mashahidi, rekodi za ndege na uchunguzi rasmi wa mamlaka za usafiri wa anga.

Kwa sasa, jambo lililo wazi ni kwamba chanzo cha ajali bado hakijatangazwa rasmi.

Hivyo, wakati historia ya Chivayo ikiendelea kuchochea mjadala, uchunguzi wa ajali ndiyo unaotarajiwa kutoa picha kamili kuhusu kilichotokea katika dakika za mwisho kabla ya helikopta hiyo kuanguka.

Kifo cha Chivayo kimefungua ukurasa mpya wa maswali; majibu yake sasa yako mikononi mwa wachunguzi.

Posted on

Fahamu Safari ya Elimu ya Chivayo, Kutoka Form Two Hadi Biashara Kubwa

HARARE, ZIMBABWE: Maisha ya mfanyabiashara maarufu wa Zimbabwe, Wicknell Chivayo, yameendelea kuvuta hisia kutokana na safari yake kutoka katika mazingira yenye changamoto hadi kujenga jina katika ulimwengu wa biashara.

Nyuma ya maisha yake ya kifahari na shughuli mbalimbali za kibiashara, Chivayo ana historia ya elimu iliyokatizwa akiwa bado kijana.

Alianza shule wapi?

Chivayo alikulia katika eneo la Gandami, Chivhu, nchini Zimbabwe. Kwa mujibu wa taarifa za wasifu wake, alipoteza baba yake akiwa na umri wa miaka 10 na baadaye alilelewa na mama yake katika mazingira ya changamoto za kifedha.

Alianza elimu yake ya msingi katika Dudley Hall Primary School, kabla ya kuendelea na elimu ya sekondari katika Churchill Boys High School.

Hata hivyo, safari yake ya elimu ya sekondari haikudumu kwa muda mrefu.

Kwa mujibu wa taarifa zinazohusishwa na wasifu wake, changamoto za kifedha zilimlazimisha kuacha shule akiwa Kidato cha Pili (Form Two), hatua iliyomfanya aanze kutafuta namna ya kujitegemea akiwa bado kijana.

Kutoka darasani hadi kazini

Baada ya kuacha shule, Chivayo aliingia katika ulimwengu wa ajira akiwa bado na umri mdogo.

Inaripotiwa kuwa akiwa na umri wa miaka 15, alianza kufanya kazi kama karani wa mishahara katika kampuni ya mabasi nchini Zimbabwe.

Kazi hiyo ikawa sehemu ya mwanzo wa safari yake ya kujifunza kupitia uzoefu wa kazi na mazingira ya biashara. Baadaye alijihusisha na shughuli mbalimbali za kibiashara kabla ya kujikita katika sekta kubwa zaidi.

Je, aliwahi kurudi shule?

Kwa taarifa zilizowahi kuwekwa wazi hadharani, hakuna rekodi iliyo wazi inayothibitisha kwamba Chivayo alirejea katika mfumo rasmi wa elimu na kupata diploma au shahada ya chuo kikuu.

Kutoka katika kazi ya karani wa mishahara, Chivayo aliendelea kujihusisha na shughuli mbalimbali za biashara na baadaye akajikita katika sekta za nishati na miundombinu.

Jina lake lilipata umaarufu mkubwa kupitia Intratrek Zimbabwe, kampuni iliyohusishwa na miradi mbalimbali ya nishati na miundombinu.

Safari hiyo ilimfanya kutoka katika maisha ya kijana aliyeacha shule mapema hadi kuwa mfanyabiashara anayehusishwa na miradi yenye thamani kubwa.

Elimu ambayo baadaye aliisaidia

Jambo lililoibua pia mjadala ni namna Chivayo, licha ya kuacha shule akiwa kidato cha Pili, amekuwa akihusishwa na michango katika sekta ya elimu.

Amehusishwa na misaada mbalimbali kwa Dudley Hall Primary School, shule aliyosoma, pamoja na mipango ya kusaidia wanafunzi kupata fursa za elimu.

Kutoka Kidato cha Pili hadi kwenye ulimwengu wa biashara

Kutoka kuacha shule akiwa kidato cha pili Form hadi kujenga jina katika ulimwengu wa biashara, safari ya Wicknell Chivayo imeendelea kuvuta hisia na kuibua mijadala kuhusu nafasi ya elimu, uzoefu wa kazi na ujasiriamali katika kujenga maisha ya mtu.

Posted on

Taasisi ya Uongozi Yatoa Ajira Mpya, Hizi Hapa Nafasi, Mwisho Oktoba 11

Taasisi ya Uongozi imetangaza nafasi tatu (3) za ajira kwa Watanzania wenye sifa, kupitia Sekretarieti ya Ajira katika Utumishi wa Umma (PSRS). Nafasi hizo ni Executive Assistant, ICT Officer (System Administrator) na Communication Officer.

1. Executive Assistant – Nafasi 1
Mwombaji anatakiwa kuwa na Diploma katika Business Administration, Human Resources, Management, Marketing au sifa zinazohusiana, kutoka taasisi inayotambulika, pamoja na uzoefu wa kazi wa angalau miaka mitatu katika utawala, huduma kwa wateja au usimamizi wa front office.

2. ICT Officer (System Administrator) – Nafasi 1
Mwombaji anatakiwa kuwa na Shahada ya Computer Science, Information Systems, Information Technology, Computer Engineering, Telecommunication Engineering au sifa zinazolingana, pamoja na uzoefu wa angalau miaka mitatu katika eneo la teknolojia ya habari.

3. Communication Officer – Nafasi 1
Mwombaji anatakiwa kuwa na Shahada katika Mass Communication, Journalism, Public Relations, Marketing, Business Administration (Marketing), International Relations, Business Communication au taaluma inayohusiana, pamoja na uzoefu wa angalau miaka mitatu katika mawasiliano, masoko au mahusiano ya umma.

Waombaji wanapaswa kuwa raia wa Tanzania wenye umri usiozidi miaka 45, na wanatakiwa kuwasilisha vyeti vinavyohitajika pamoja na picha ya passport kupitia Recruitment Portal.

Maombi yote yanapaswa kutumwa kupitia Recruitment Portal ya Ajira, na maombi yaliyowasilishwa kwa njia nyingine hayatazingatiwa. Mwisho wa kutuma maombi ni Oktoba 11, 2026.

Posted on

Fursa za Ajira Saudi Arabia na UAE Zatangazwa kwa Watanzania, Maombi Mwisho Oktoba 4, 2026

Global Publishers
October 2, 2026
1,152 views
0 Comments

BRAVO JOB CENTER AGENCY LIMITED inatangaza fursa za ajira kwa waombaji wenye sifa mbalimbali za kufanya kazi Saudi Arabia na Falme za Kiarabu (UAE).

NAFASI ZA MADEREVA WA MAGARI MAKUBWA – SAUDI ARABIA

Waombaji wanahitajika kuwa na:

✅ Uzoefu wa kuendesha magari makubwa wa angalau miaka 2
✅ Leseni halali ya udereva
✅ Rekodi nzuri ya udereva
✅ Umri wa miaka 35 au zaidi
✅ Uwezo wa kufanya kazi kwa muda mrefu/shift ndefu

💰 MASLAHI YA MADEREVA

✅ Mshahara unaoshindana na viwango vya soko
Usafiri wa kwenda kazini kila siku
✅ Posho za safari
✅ Bima ya afya inayotolewa na kampuni
✅ Tiketi ya ndege

🇦🇪 FURSA ZA AJIRA – UAE

BRAVO JOB CENTER AGENCY LIMITED, kwa kushirikiana na SAEY BUSINESS – Misri, inatangaza fursa za ajira nchini UAE.

🎁 MASLAHI YA MFANYAKAZI

✅ Mshahara na posho kulingana na mkataba wa mwajiri
✅ Malazi hutolewa
✅ Huduma za matibabu bure
✅ Usafiri hutolewa kila siku kwenda kazini
✅ Chakula/kitchen facility hutolewa
✅ Saa 8 za kazi kwa siku, siku 6 kwa wiki
✅ Siku 1 ya mapumziko kwa wiki
✅ Overtime hulipwa
✅ Likizo ya siku 30 zenye malipo baada ya kutimiza miezi 12
✅ Tiketi ya kurudi UAE–Tanzania baada ya kukamilika kwa mkataba
✅ Mkataba wa awali wa miaka 2, unaoweza kuongezwa kwa makubaliano
✅ Bima na fidia kwa mujibu wa sheria za nchi ya ajira

📋 UTARATIBU WA AJIRA

Waombaji watachaguliwa kulingana na mahitaji ya mwajiri na nafasi husika. Waombaji watakaokidhi vigezo watawasilishwa kwa mwajiri kwa ajili ya hatua zinazofuata za mchakato wa ajira.

Mwisho wa kufanya usaili ni Oktoba 4, 2026

📞 MAWASILIANO NA MAOMBI

BRAVO JOB CENTER AGENCY LIMITED

📞 0714 326005
📞 0781 634642
📞 0678 805452

📍 OFISI:
Rissa Tower, Lumumba na Amani, Dar es Salaam.

📢 WOTE MNKARIBISHWA!
🤝 Mwambie na mwenzako kuhusu fursa hii

Posted on

Jihan Aongoza Kura, Tanzania Yatawala Vipengele vya Miss Grand 2026

Global Publishers
October 2, 2026
816 views
0 Comments

Mlimbwende wa Tanzania katika mashindano ya Miss Grand International 2026, Jihan Mohin Dimack, ameendelea kuonyesha ushindani mkubwa baada ya kuongoza katika hatua ya tatu ya upigaji kura wa kipengele cha Country’s Power of the Year.

Kwa mujibu wa matokeo yaliyooneshwa kwenye tovuti rasmi ya mashindano hayo, Jihan anaongoza kwa kupata asilimia 32 ya kura, akifuatiwa na Shyare Andrade wa Ecuador mwenye asilimia 15.

Ignacia Michelson wa Chile anashika nafasi ya tatu kwa asilimia 13, huku Emoura Phạm wa Vietnam akiwa nafasi ya nne kwa asilimia 12.

Tanzania pia imeendelea kufanya vizuri katika kipengele cha Miss Popular, ambapo inaongoza kwa asilimia 19 ya kura, ikifuatiwa na Vietnam yenye asilimia 17.

Matokeo hayo yanaifanya Tanzania kuwa miongoni mwa nchi zinazoonekana kupata uungwaji mkono mkubwa katika hatua hiyo ya mashindano.

Watanzania wanaendelea kuhamasishwa kumpigia kura na kumuunga mkono Jihan wakati zoezi la upigaji kura likiendelea, huku kila kura ikiwa na mchango katika safari yake ya Miss Grand International 2026.