Author: admin

Posted on

Mzee Mpili Apumzishwa katika Makaburi ya Msikiti, Ikwiriri – (Picha + Video)

Global Publishers
September 28, 2026
54 views
0 Comments

MAZIKO ya Mwanachama wa Yanga, Haji Omari Ramadhani Mpili, yamefanyika leo Jumatatu, Septemba 28, 2026, katika Makaburi ya Msikiti Mkuu, Wilaya ya Ikwiriri, Mkoa wa Pwani.

Maziko hayo yamefanyika majira ya saa 10:00 jioni, kufuatia kifo chake kilichotokea usiku wa Jumapili, Septemba 27, 2026, akiwa anapatiwa matibabu katika Kituo cha Afya cha Wilaya ya Ikwiriri.

Katika msiba huo, Msemaji wa Yanga, Ally Kamwe, amewasili nyumbani kwa marehemu Ikwiriri na kushiriki katika kutoa pole kwa familia pamoja na ndugu na jamaa.

Akizungumza wakati wa msiba, mtoto wa marehemu ametoa shukrani kwa Rais wa Yanga kwa namna alivyomhudumia baba yake wakati wa kipindi cha ugonjwa hadi alipofariki dunia.

Msiba huo umehudhuriwa na ndugu, jamaa, marafiki pamoja na baadhi ya wanachama na wapenzi wa Yanga waliofika kutoa heshima zao za mwisho kwa marehemu.

Uongozi wa Yanga uliwahi kutoa pole kwa familia, ndugu, jamaa, marafiki na wadau wa mpira kufuatia kifo cha Haji Omari Ramadhani Mpili.

Posted on

Mzee Mpili Apumzishwa, Mwanaye Atoa Shukrani kwa Rais wa Yanga – Video

Global Publishers
September 28, 2026
24 views
0 Comments

MAZIKO ya Mwanachama wa Yanga, Haji Omari Ramadhani Mpili, yamefanyika leo Jumatatu, Septemba 28, 2026, katika Makaburi ya Msikiti Mkuu, Wilaya ya Ikwiriri, Mkoa wa Pwani.

Maziko hayo yamefanyika majira ya saa 10:00 jioni, kufuatia kifo chake kilichotokea usiku wa Jumapili, Septemba 27, 2026, akiwa anapatiwa matibabu katika Kituo cha Afya cha Wilaya ya Ikwiriri.

Katika msiba huo, Msemaji wa Yanga, Ally Kamwe, amewasili nyumbani kwa marehemu Ikwiriri na kushiriki katika kutoa pole kwa familia pamoja na ndugu na jamaa.

Akizungumza wakati wa msiba, mtoto wa marehemu ametoa shukrani kwa Rais wa Yanga kwa namna alivyomhudumia baba yake wakati wa kipindi cha ugonjwa hadi alipofariki dunia.

Msiba huo umehudhuriwa na ndugu, jamaa, marafiki pamoja na baadhi ya wanachama na wapenzi wa Yanga waliofika kutoa heshima zao za mwisho kwa marehemu.

Uongozi wa Yanga uliwahi kutoa pole kwa familia, ndugu, jamaa, marafiki na wadau wa mpira kufuatia kifo cha Haji Omari Ramadhani Mpili.

Posted on

Ndejembi Aagiza Mashirika ya Umma Kutoa Fursa kwa Vijana 10,000

Global Publishers
September 28, 2026
36 views
0 Comments

Makamu wa Rais wa Jamhuri ya Muungano wa Tanzania Deogratius Ndejembi ametoa wiki mbili kwa Wizara ya Mipango na Uwekezaji, Fedha na Kilimo kuandaa mpango wa mafunzo kwa Vitendo ambao utaanza kuchukua walau vijana 10,000 kupata uzoefu katika Taasisi, Mashirika ya Umma na Sekta binafsi ili kuandaa vijana watakaokuwa na uzoefu wa kujiajiri na kuajiriwa kama sehemu muhimu ya kutekeleza nguzo ya pili ya Dira ya Taifa 2050 na kusaidia maendeleo ya Nchi.

Makamu wa Rais ametoa maelekezo hayo wakati alipomwakilisha Rais wa Jamhuri ya Muungano wa Tanzania Mhe. Dkt.Samia Suluhu Hassan, kwenye ufunguzi wa Kikao Kazi cha Wenyeviti wa Bodi na Watendaji Wakuu wa Mashirika ya Umma, kinachofanyika kwenye Ukumbi wa Mikutano wa Kimataifa wa Arusha (AICC).

Amewataka Wenyeviti wa Bodi na Watendaji Wakuu wa Mashirika ya Umma kubadili namna taasisi hizo zinavyofanya kazi na kuwa injini ya mageuzi ya uchumi kuelekea Dira ya Taifa ya Maendeleo 2050, huku akielekeza kuanzishwa kwa mkakati huo utakaowapatia angalau wahitimu 10,000 nafasi za mafunzo kwa vitendo na kuwapatia fedha za kujikimu katika mashirika ya umma na wengine wasiopungua 20,000 katika sekta binafsi.

“ Kila mwaka kwa takribani vijana 62,570 wanahitimu elimu ya juu na hii ni takwimu ya mwaka Jana 2025 toka TCU, idadi hiyo haihusishi wale wanaomaliza VETA na Vyuo vya Kati.

Ukiangalia TAESA takwimu zao zinaonesha vijana 3,200 pekee walikuwa wamepitia programu za mafunzo internship, idadi hii ni ndogo sana kwa kulinganishwa na wahitimu 62,570 kutoka vyuo mbalimbali nchini.

Mlitazame hili kama uwekezaji wa kimkakati katika nguvu kazi ya Taifa kwa kubana matumizi ya kawaida, na hapa mtakuwa mmetekeza kwa Vitendo nguzo ya pili ya Dira 2050” alisisitiza

Mhe. Ndejembi, amesema dhamana ya Watendaji, Wakuu wa Mashirika na Wenyeviti wa Bodi ni kubwa, na hivyo wanatakiwa kutekeleza majukumu yao kwa ustadi na umakini mkubwa na kwa wakati sahihi katika kujenga uchumi, kuibua fursa mpya na kuinua maisha ya watanzania.

Posted on

MABAHARIA WA TANZANIA WAGEUKA MABALOZI WA UTALII, NGORONGORO YAWAPA SABABU YA KUHAMASISHA DUNIA

Na Matukio Daima Media, Arusha

KATIBU wa Jumuiya ya Mabaharia Tanzania (Old Navy), Daniel Masele, amewataka Watanzania kuacha kuangalia hifadhi na vivutio vya utalii kama vitu vya wageni pekee, akisema safari yao katika Bonde la Ngorongoro imewapa fursa ya kushuhudia kwa macho yao utajiri wa asili ambao Tanzania imejaaliwa.

Masele amesema mabaharia hao, ambao wamekuwa wakisafiri katika maeneo mbalimbali duniani, wamekutana na mambo mengi katika safari zao, lakini baadhi ya yale waliyoyaona, Tanzania ni ya kipekee na hawajawahi kuyaona katika maeneo mengine waliyofika..

Amesema walipokuwa Ngorongoro walishuhudia wanyama mbalimbali wanaoishi ndani ya kreta, jambo alilolitaja kuwa sehemu ya maajabu yanayopaswa kuwafanya Watanzania wenyewe kuwa sehemu ya kwanza ya kutembelea na kuitangaza nchi yao.

Kwa mujibu wa Masele, Tanzania imekuwa ikipata mapato kupitia utalii, huku sehemu kubwa ya wageni wanaotembelea vivutio hivyo wakitoka nje ya nchi, hivyo Watanzania wanapaswa kutumia fursa hiyo kuvifahamu vivutio vyao na kuwa mabalozi wa utalii wanapokwenda maeneo mbalimbali.

Kauli hiyo imeungwa mkono na Mwenyekiti wa Jumuiya hiyo, Mohamed Said Ngamba, ambaye amesema wazo la kuanzisha Old Navy lilitokana pia na kutambua nafasi waliyonayo mabaharia kuitangaza Tanzania kutokana na mazingira yao ya kazi yanayowapeleka katika nchi na maeneo mbalimbali duniani.

Ngamba amesema wakiwa safarini baharini walikuwa wakifuatilia juhudi mbalimbali za kuitangaza Tanzania, ikiwemo kupitia Royal Tour, na kuona kuwa nao wana wajibu wa kushiriki katika kuitangaza nchi yao na kumuunga Mkono Rais  Dkt.Samia Suluhu Hassan, kwa kueleza kwa watu wanaokutana nao kuhusu vivutio vilivyopo Tanzania.

Amesema mabaharia ni sehemu ya wawakilishi wanaokutana na watu kutoka mataifa mbalimbali, hivyo Jumuiya yao imeamua kutumia nafasi hiyo kuhamasisha utalii kwa ushuhuda wa maeneo wanayoyatembelea wenyewe.

“Hatupaswi kukaa kimya wakati nchi yetu ina vivutio vingi. Kama tunasafiri na kukutana na watu kutoka sehemu mbalimbali duniani, tunapaswa kuwaambia Tanzania ina nini na kuwaalika waje kuona wenyewe,” amesema Ngamba.

Ameeleza kuwa ziara ya Ngorongoro ni sehemu ya mpango wao wa kutembelea vivutio mbalimbali nchini, wakianza na Mikumi na baadaye kutembelea maeneo mengine, ikiwemo Mlima Kilimanjaro, ili wanapozungumza kuhusu utalii wa Tanzania wawe wameviona vivutio hivyo kwa macho yao.

Amesema katika ziara hiyo amevutiwa na mandhari ya Ngorongoro pamoja na wanyama mbalimbali aliowaona, akiwemo Simba, Faru, Pundamilia na Kiboko, na kwamba uzoefu huo utawapa nguvu zaidi katika kuwahamasisha wengine kutembelea Tanzania.

Mabaharia wengine walioshiriki ziara hiyo, Omary Said Kipelele, Siwatu Hassan Sembi, Fahad Mohamed na Miraji Omary, wamesema watatumia fursa walizonazo kuwahamasisha ndugu, marafiki na watu wanaokutana nao nje ya Tanzania kutembelea nchi hiyo na kushuhudia vivutio vilivyopo.

Wamesema wanatambua umuhimu wa juhudi zinazofanywa na Serikali katika kukuza sekta ya utalii, huku wakimshukuru Waziri wa Mambo ya Nje na Ushirikiano wa Afrika Mashariki, Balozi Dkt Mahmoud Thabit Kombo, kwa kusaidia kuwezesha safari zao za kutembelea hifadhi za Taifa ili waweze kupata uzoefu wa moja kwa moja wa vivutio wanavyotaka kuvitangaza.

Kwa upande wake, mdau wa utalii kutoka Kampuni ya Utalii ya Mbapari, Isaya John, amesema Watanzania wanapaswa kutumia fursa hiyo kutembelea hifadhi kwa kuwa gharama za kuingia kwa raia wa Tanzania zimewekwa katika viwango vinavyoweza kumudu, hivyo wananchi hawapaswi kuziacha fursa hizo na kuwaachia wageni pekee.

Wito huo umejitokeza pia wakati zaidi ya watu 1,700 waliokuwa wakishiriki Wiki ya Kitaifa ya Ufuatiliaji, Tathmini na Kujifunza (MEL Week 2026), iliyofanyika Ngurdoto Mountain Lodge, Arusha, baadhi yao walipopata fursa ya kutembelea Ngorongoro na wengine vivutio vingine Jijini humo.

Mkurugenzi wa Ufuatiliaji na Tathmini kutoka Wizara ya Viwanda na Biashara, Yasin Msangi, amesema washiriki hao walikuwa wamekutana Arusha kwa ajili ya wiki hiyo iliyofanyika Septemba 22 hadi 26, 2026, na kuvutiwa kutumia nafasi hiyo ambapo watu zaidi ya 1000 wakiwa na magari zaidi ya 100 kutoka nchi mbalimbali za Afrika wakaamua kutembelea Ngorongoro na kujionea vivutio vilivyopo.

Msangi amesema ziara hiyo imewapa washiriki fursa ya kuona kwa vitendo kile ambacho mara nyingi hukisikia au kukisoma, huku akiwataka Watanzania wengine kujenga utamaduni wa kutembelea hifadhi na vivutio vya ndani

Kwa upande wao, Mabaharia wa Tanzania wamesema safari yao haitakuwa ya mara moja, bali wanatarajia kuendelea kutembelea maeneo mengine ya utalii nchini na kutumia uzoefu huo kuwaeleza wengine, hasa wanaokutana nao katika safari zao za kimataifa, kuhusu uzuri na utajiri wa Tanzania.

Posted on

Lissu Aibua Mapungufu Katika Kesi ya Uhaini, Amtaja ACP Bagyemu

Mwenyekiti wa Chama cha Demokrasia na Maendeleo (CHADEMA), Tundu Lissu, ameiambia Mahakama kuwa kesi ya uhaini inayomkabili ina mapungufu kadhaa, akidai kuwa mchakato wa kuanzisha upelelezi wa kesi hiyo ulifanywa na mtu mmoja au watu wachache bila kuwashirikisha baadhi ya mamlaka husika.

Lissu ametoa hoja hizo leo, Jumatatu, Septemba 28, 2026, wakati akiendelea kuwasilisha hoja zake za mwisho mbele ya jopo la majaji watatu wakiongozwa na Jaji Dunstan Ndunguru.

Katika hoja zake, Lissu amemtaja Kamishna Msaidizi wa Polisi (ACP) George Bagyemu, anayehudumu kama Naibu Mkuu wa Upelelezi wa Makosa ya Jinai, akidai kuwa ndiye aliyeamua kwamba maneno yaliyokuwa kwenye video yanaunda kosa la uhaini.

Lissu amesema kwa mujibu wa rekodi ya mahakama katika ukurasa wa 145 na 146, tukio hilo lilihusisha hatua zilizochukuliwa Aprili 8, 2025, siku nne baada ya video hiyo kuonekana.

Amedai kuwa baada ya Bagyemu kuipata video hiyo, alifungua faili la uchunguzi wa uhaini bila kuwashirikisha baadhi ya wakuu wake wa kazi, akiwamo Mkuu wa Polisi Kanda Maalum (ZPC) na Mkurugenzi wa Upelelezi wa Makosa ya Jinai (DCI).

Kwa mujibu wa Lissu, Bagyemu aliwafahamisha viongozi hao baada ya faili hilo kufunguliwa.

Lissu pia amedai kuwa Bagyemu hakutafuta ushauri wa kisheria kabla au baada ya kufungua faili hilo. Akirejea ukurasa wa 159 wa rekodi ya ushahidi, amesema suala hilo lilithibitishwa katika ushahidi wa Bagyemu.

Aidha, Lissu amesema hata Mkurugenzi wa Mashtaka (DPP) hakujulishwa kuhusu suala hilo wakati huo.

Ameongeza kuwa licha ya Bagyemu kuwafahamisha baadhi ya viongozi kuhusu hatua alizochukua, hakuna hata mmoja kati yao aliyefika mahakamani kutoa ushahidi kuhusu suala hilo.

Lissu pia amedai kuwa Bagyemu hakuhusisha wala kutoa taarifa kwa mamlaka nyingine za uchunguzi au taasisi nyingine za Serikali kuhusu hatua hizo.

Katika hatua hiyo ya hoja zake za mwisho, Lissu amesisitiza kuwa jukumu la kuthibitisha mashtaka linabaki upande wa mashtaka, akidai kuwa ushahidi uliowasilishwa mahakamani haujafikia kiwango cha uthibitisho kinachotakiwa kisheria.

Posted on

FAIDA KUU YA LISHE BORA

 

 

NA BIBI MAENDELEO IRENE SAMORA

Lishe bora ni msingi muhimu katika ukuaji, afya na maendeleo ya mtoto, huku jamii ikihimizwa kuhakikisha watoto wanapata mlo kamili wenye virutubisho muhimu kwa ajili ya kuimarisha afya ya mwili na akili.

Akizungumza katika kipindi cha Bibi Maendeleo, kinachorushwa na Matukio Daima TV, Bibi Maendeleo Irene Samora amesema jamii inapaswa kuwa na uelewa mpana kuhusu umuhimu wa lishe bora, hususan kwa watoto, ili kusaidia kupunguza changamoto zinazoweza kujitokeza kutokana na ukosefu wa lishe sahihi.

Irene amesema watoto wanapaswa kula mlo wenye mchanganyiko wa vyakula kutoka katika makundi mbalimbali, ili miili yao iweze kupata virutubisho vinavyohitajika kwa ajili ya ukuaji na maendeleo.

Amesema mlo bora unapaswa kuzingatia makundi mbalimbali ya vyakula, ikiwemo vyakula vya wanga, protini, mboga za majani na mboga nyingine, matunda pamoja na mafuta kwa kiasi kinachofaa.

Aidha, amesisitiza umuhimu wa virutubisho kama vitamini A, vitamini C na madini ya zinki, ambavyo vina mchango muhimu katika kuimarisha afya na kinga ya mwili. Virutubisho hivyo vinaweza kupatikana kupitia ulaji wa vyakula mbalimbali, ikiwemo matunda na mboga.

Kwa upande wa wazazi na walezi, Irene amewataka kuhakikisha watoto wanapata mlo kamili na wenye mchanganyiko wa vyakula, huku wakizingatia pia usafi na usalama wa chakula kinachotayarishwa na kutolewa kwa watoto.

Ameongeza kuwa maziwa ya mama yana umuhimu mkubwa kwa mtoto, hasa katika hatua za mwanzo za maisha, kutokana na kuwa chanzo muhimu cha virutubisho vinavyohitajika kwa ukuaji na kinga ya mtoto.

Katika hatua nyingine, amesema ulaji wa lishe bora unahitaji pia matumizi yenye kiasi ya mafuta, chumvi na sukari, huku wazazi wakitakiwa kudhibiti matumizi ya vyakula vyenye chumvi na sukari nyingi.

Aidha, watoto wanapaswa kupewa maji ya kutosha na kuhamasishwa kula matunda pamoja na mboga mbalimbali ili kupata vitamini na madini muhimu kwa afya ya mwili.

Irene amesisitiza pia umuhimu wa wazazi na walezi kufuatilia ukuaji na maendeleo ya watoto, kuhakikisha wanapata chakula chenye virutubisho mbalimbali na kuzingatia usafi katika maandalizi, uhifadhi na utoaji wa chakula.TAZAMA KIPINDI HAPA

Amesema jamii ikiwa na uelewa sahihi kuhusu lishe na kuwajibika katika kuhakikisha watoto wanapata chakula bora, itaweza kuchangia katika kupunguza changamoto za utapiamlo na kuwezesha watoto kukua wakiwa na afya bora.

Bibi Maendeleo Irene Samora ametoa wito kwa wazazi, walezi na jamii kwa ujumla kuendelea kuipa kipaumbele lishe ya watoto, kwa kuwa mtoto mwenye lishe bora ana nafasi kubwa ya kukua, kujifunza na kushiriki kikamilifu katika shughuli za kila siku.

Posted on

Rais Mwinyi: Zanzibar Yafungua Fursa Mpya za Ushirikiano na Urusi

Global Publishers
September 28, 2026
18 views
0 Comments

Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi.

Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, amesema Zanzibar iko tayari kuimarisha ushirikiano na Shirikisho la Urusi katika sekta mbalimbali za maendeleo.

Rais Dkt. Mwinyi amesema hayo leo, Septemba 28, 2026, alipokutana na ujumbe kutoka Shirikisho la Urusi ulioongozwa na Denis Agafonov, Mkuu wa Kurugenzi ya Wataalamu katika Ofisi ya Rais wa Shirikisho la Urusi, katika Ikulu ya Zanzibar.

Katika mazungumzo hayo, Rais Mwinyi amesema Zanzibar inalenga kutumia fursa za ushirikiano na Urusi katika maeneo ya nishati, bandari na usafirishaji, utalii, elimu na utafiti, afya, uvuvi pamoja na Uchumi wa Buluu.

Amesema ushirikiano huo unaweza pia kufungua fursa zaidi katika uwekezaji na matumizi ya teknolojia, huku akisisitiza umuhimu wa kuhakikisha maeneo yanayojadiliwa yanabadilishwa kuwa miradi yenye matokeo yanayoonekana kwa wananchi.

Rais Mwinyi amesema Zanzibar iko tayari kushirikiana na Urusi katika tafiti za pamoja na kuendeleza sekta ya Uchumi wa Buluu, ambayo ni miongoni mwa maeneo muhimu katika ajenda ya maendeleo ya Zanzibar.

Kwa upande wake, Denis Agafonov amesema Urusi iko tayari kuendelea na mazungumzo na Zanzibar kuhusu maeneo yenye fursa za ushirikiano na uwekezaji.

Mazungumzo hayo yanaongeza wigo wa fursa za ushirikiano kati ya Zanzibar na Urusi katika sekta mbalimbali za kiuchumi na kijamii.

Posted on

Ndejembi awataka viongozi kuwekeza kwa vijana – HabariLeo

ARUSHA: Makamu wa Rais wa Jamhuri ya Muungano wa Tanzania, Deogratius Ndejembi, ametoa wito kwa viongozi wa taasisi za umma kupunguza matumizi yasiyo ya lazima na badala yake kuelekeza fedha katika kuwawezesha vijana kwa kuwajengea uwezo na uzoefu.

Ndejembi ameyasema hayo leo Septemba 28, 2026, katika hafla ya kufungua Kikao Kazi cha Wenyeviti wa Bodi na Watendaji Wakuu wa Taasisi na Mashirika ya Umma (C-CEOs FORUM 2026) iliyofanyika katika ukumbi wa AICC, jijini Arusha.

Amesema kuwa viongozi wa taasisi na mashirika ya umma wana wajibu wa kuhakikisha rasilimali za umma zinatumika kwa ufanisi na kuelekezwa katika shughuli zenye manufaa kwa wananchi, hususan kuwawezesha vijana kupata ujuzi na uzoefu utakaowawezesha kushiriki kikamilifu katika shughuli za maendeleo ya taifa.

Posted on

Makamu wa Rais Ndejembi Awasili Arusha, Kufungua C-CEOs Forum

Global Publishers
September 28, 2026
0 views
0 Comments

Makamu wa Rais wa Jamhuri ya Muungano wa Tanzania, Deogratius John Ndejembi, amewasili mkoani Arusha leo Jumatatu, Septemba 28, 2026, kwa ajili ya kumwakilisha Rais Samia Suluhu Hassan katika hafla ya ufunguzi wa Kikao Kazi cha Wenyeviti wa Bodi na Watendaji Wakuu wa Taasisi na Mashirika ya Umma (C-CEOs Forum).

Makamu wa Rais amewasili kupitia Uwanja wa Ndege wa Kimataifa wa Kilimanjaro (KIA), ambako amepokelewa na Mkuu wa Mkoa wa Arusha, CPA Amos Gabriel Makalla, pamoja na viongozi wengine wa Chama Cha Mapinduzi (CCM) na Serikali.

Baada ya kuwasili Arusha, Ndejembi anatarajiwa kuelekea katika Kituo cha Kimataifa cha Mikutano Arusha (AICC), ambapo atafungua rasmi kikao hicho kinachowakutanisha Wenyeviti wa Bodi na Watendaji Wakuu wa Taasisi na Mashirika ya Umma.

C-CEOs Forum inalenga kuwa jukwaa la kujadili masuala mbalimbali yanayohusu uendeshaji, utendaji na mchango wa Taasisi na Mashirika ya Umma katika utekelezaji wa mipango ya maendeleo ya Taifa.

Posted on

Sayari Ya Bahati Ya Planet Power Slots Yawasili Meridianbet

Global Publishers
September 28, 2026
0 views
0 Comments

Kuna wakati bahati haiji yenyewe mlangoni, bali inahitaji uamue kuifuata. Sasa safari hiyo inaweza kuanza kupitia Planet Power Slots, mchezo mpya unaopatikana Meridianbet kasino na kukusafirisha moja kwa moja kwenye anga za mbali. Ukiwa tayari kwa burudani yenye msisimko na raundi zinazoweza kubadilisha hali ya mchezo wakati wowote, Planet Power Slots inakupa mazingira ya kipekee ya kujaribu bahati yako huku ukifurahia mandhari ya kuvutia.

Kutoka Expanse Studios, mchezo huu umejengwa kwa picha zenye kuvutia ambazo zinakufanya uhisi kama umeingia kwenye misheni ya siri katikati ya sayari. Taa zinazong’aa, sayari zinazozunguka na mwonekano wa anga la mbali vinaunda mazingira yanayovutia macho kila sekunde. Kila raundi inakuwa kama hatua nyingine ya safari, huku matarajio yakibaki juu ya kile kinachoweza kujitokeza baada ya hapo.

Vilevile, meridianbet wana michezo mingi ya kasino mtandaoni na mechi za kimataifa za kubashiri zenye ushindani mkubwa wa odds. Jiunge leo kwa kutembelea tovuti ya meridianbet au piga *149*10# kisha uanze safari yako ya ushindi.

Msisimko unaongezeka zaidi pale vizidishi vinapoanza kuonekana, huku mchezo ukiwa na uwezo wa kufikisha kizidishi hadi x1000. Hapo ndipo raundi ya kawaida inaweza kugeuka kuwa tukio la kusisimua zaidi, kulingana na matokeo yatakayopatikana. Kwa kila mzunguko, macho yanabaki kwenye skrini huku ukisubiri kuona kama kizidishi kikubwa kitajitokeza na kuongeza thamani ya ushindi.

Planet Power Slots pia haijaja na raundi za kawaida pekee. Kuna bonasi zinazoweza kufungua fursa nyingine za kucheza na kushinda bila kuhitaji kuongeza dau jipya katika kila hatua. Hii huongeza ladha ya mchezo, kwa sababu kila bonasi inaweza kuleta sura tofauti ya safari yako. Kadri raundi zinavyosonga, ndivyo matarajio yanavyoongezeka.

Kisha inatokea sayari ya njano, na hapo ndipo mchezo unaweza kubadilika. Muonekano wake unaashiria kufunguka kwa bonasi huku jackpot ikianza kusogea karibu. Ukiwa tayari kwa safari yenye mandhari ya anga, vizidishi na bonasi, Planet Power Slots inakusubiri Meridianbet.