Author: admin

Posted on

CWT KUWAUNGANISHA WALIMU KUTATUA CHANGAMOTO

 

Na Hamida Ramadhan, Matukio Daima Media Dodoma

CHAMA cha Walimu Tanzania (CWT) kimesema kitaendelea kuwafikia walimu wote nchini na kuwaunganisha pamoja ili kutambua changamoto zinazowakabili na kuzifikisha kwa Serikali kwa ajili ya kupata ufumbuzi.

Kaimu Katibu Mkuu wa CWT, Magesa Protas, alisema hayo wakati akizungumza kuhusu maadhimisho ya Siku ya Mwalimu Duniani, ambayo kilele chake kinatarajiwa kufanyika Oktoba 5, 2026.

Magesa alisema CWT itaendelea kushirikiana na walimu katika maeneo mbalimbali nchini ili kuhakikisha changamoto zao zinabainishwa, kujadiliwa na kuwasilishwa kwa mamlaka husika kwa wakati.

“Tutahakikisha tunawafikia walimu wote nchini tunaungana na Serikali na walimu wote kuleta unafuu kwa walimu nchini,” amesema.

Amesema hatua hiyo inalenga kuimarisha mshikamano miongoni mwa walimu na kuongeza ushiriki wao katika kushughulikia masuala yanayohusu maslahi, mazingira ya kazi na maendeleo ya taaluma ya ualimu.

Magesa alisema CWT pia itaendelea na mazungumzo na Serikali kuhusu madai na changamoto mbalimbali za kiutumishi zinazowakabili walimu, huku akisisitiza umuhimu wa masuala hayo kushughulikiwa kwa wakati.

Amesema miongoni mwa masuala yanayohitaji kupewa kipaumbele ni malipo ya fedha za likizo, kupanda madaraja na stahiki nyingine za walimu.

“Tunaiomba Serikali kuendelea kulipa madeni mbalimbali kwa wakati, ikiwemo malipo ya fedha za likizo, kupanda madaraja na stahiki nyingine za walimu,” alisema.

Pamoja na kuwasilisha changamoto hizo, Magesa aliipongeza Serikali kwa hatua zilizochukuliwa katika kutatua baadhi ya kero za walimu, ikiwemo masuala ya madaraja na kuboresha miundombinu ya elimu nchini.

“Tunaendelea kuipongeza Serikali kwa kuboresha miundombinu tunaomba yale mengine yanayohusu walimu wayafanyie kazi ili mwalimu afanye kazi katika mazingira mazuri,” alisema.

Amesema kumhudumia mwalimu ni sehemu muhimu ya kuwekeza katika elimu na maendeleo ya Taifa kwa kuwa walimu wana jukumu la kuandaa kizazi cha baadaye.

Aidha, CWT imeitaka Serikali kuhakikisha maboresho ya miundombinu yanaendana na mabadiliko yanayofanyika katika mfumo wa elimu, hususan wakati nchi ikiendelea na utekelezaji wa mitaala mipya.

Magesa amesema utekelezaji wa mitaala hiyo unahitaji mazingira bora ya kufundishia na kujifunzia, hivyo shule zinapaswa kuwa na miundombinu inayokidhi mahitaji ya walimu na wanafunzi.

Amesema CWT itaendelea kusimamia taaluma ya ualimu, kulinda hadhi yake na kuwasilisha kwa Serikali mapendekezo yatakayosaidia kuboresha maslahi na mazingira ya kazi ya walimu.

Awali, Kaimu Mweka Hazina wa CWT, James Asagwile, ameiomba Katibu Mkuu wa chama hicho kushughulikia malalamiko mbalimbali yanayowakabili baadhi ya waajiriwa wa CWT, ikiwemo suala la mishahara.

Asagwile anesema baadhi ya waajiriwa wamekuwa wakilalamikia mishahara yao kubaki katika viwango vya muda mrefu, hivyo kuomba suala hilo liangaliwe upya.

Maadhimisho ya Siku ya Mwalimu Duniani mwaka huu yanafanyika huku CWT ikisisitiza umuhimu wa Serikali, walimu na wadau wengine wa elimu kushirikiana katika kuboresha mazingira ya kazi, maslahi ya walimu na ubora wa elimu nchini.

Posted on

‘Benki zisiogope kukopesha wachimbaji madini’ – HabariLeo

GEITA: Gavana wa Benki Kuu ya Tanzania (BoT), Emmanuel Tutuba, amezitaka benki na taasisi za fedha nchini kuandaa bidhaa na huduma zinazolenga wachimbaji na wadau wengine wa sekta ya madini, akisema hatua hiyo itasaidia kuchochea ukuaji wa sekta hiyo na uchumi kwa ujumla.

Gavana Tutuba ametoa kauli hiyo leo, Jumamosi, Oktoba 3, 2026, baada ya kutembelea mabanda mbalimbali katika Maonesho ya Teknolojia ya Madini yanayofanyika katika Viwanja vya Dk Samia Suluhu Hassan, mkoani Geita.

Amesema sekta ya madini ina nafasi muhimu katika uchumi wa Tanzania, hivyo taasisi za fedha zinapaswa kuona fursa zilizopo katika sekta hiyo na kuandaa bidhaa zinazokidhi mahitaji ya wachimbaji na wafanyabiashara wa madini.

“Nimepita katika mabanda ya benki mbalimbali katika maonesho haya na nimeona wameanzisha bidhaa zinazowalenga wachimbaji wa madini na wadau wa sekta hii kwa ujumla,”

“Hata hivyo, nitoe rai kwa wale ambao bado hawajaanzisha bidhaa kwa ajili ya wachimbaji kufanya hivyo, kwa sababu sekta hii ni fursa na ina mchango mkubwa katika uchumi wetu,” amesema Tutuba.

Amesema taasisi za fedha hazipaswi kuiona sekta ya madini kwa mtazamo wa vihatarishi pekee, bali zinapaswa kutafuta namna ya kuvirasimisha na kuvitumia fursa zilizopo ili kuongeza tija katika shughuli za uchimbaji.

Posted on

Halloween Hii Samaki Wamegeuka Kitita Kwenye Big Bass Splash 1000

Global Publishers
October 3, 2026
18 views
0 Comments

Halloween hii, ziwa limebadilika na kuwa uwanja wa kusaka ushindi. Meridianbet inakuletea Big Bass Halloween Splash 1000, mchezo wa kuvua samaki wenye ladha ya Halloween kutoka Pragmatic Play, ambapo kila mzunguko unaweza kukufikisha kwenye bonasi yenye msisimko zaidi.

Mambo yanaweza kubadilika ghafla kwenye mchezo wa kawaida pale Scatter 3 hadi 5 zinapotua. Hapo ndipo bonasi inapoanza kufunguka, huku ukipewa kati ya mizunguko ya bure 10 hadi 20.

Vilevile, meridianbet wana michezo mingi ya kasino mtandaoni na mechi za kimataifa za kubashiri zenye ushindani mkubwa wa odds. Jiunge leo kwa kutembelea tovuti ya meridianbet au piga *149*10# kisha uanze safari yako ya ushindi.

Ukiingia kwenye mizunguko ya bure, kila Wild inaweza kuwa kama ndoana yenye nguvu zaidi. Wild inapojitokeza, hukusanya alama za pesa zote zilizo kwenye mchezo, huku thamani ya alama hizo ikifikia hadi mara 1,000. Kwa hiyo, kila mzunguko unakuwa na jambo jipya la kufuatilia huku macho yakielekezwa kwenye Wild na alama za pesa.

Na kama Wild zinaendelea kutua, safari inaweza kuwa tamu zaidi. Kila Wild ya nne inaweza kuanzisha mizunguko ya bure 10 ya ziada pamoja na vizidishi bora vinavyopanda.

Sasa ziwa limefunguliwa kupitia Meridianbet. Ingia kwenye Big Bass Halloween Splash 1000, tupa ndoana yako na uone kama utapata samaki mwenye thamani kubwa kwenye safari hii ya Halloween.

 

Posted on

Dkt. Mwigulu Aagiza Uchunguzi wa Majengo ya Hospitali Ya Bunda

Waziri Mkuu wa Jamhuri ya Muungano wa Tanzania, Dkt. Mwigulu Nchemba, ameagiza kupatiwa taarifa ya uchunguzi kuhusu majengo ya Hospitali ya Wilaya ya Bunda yaliyotitia, huku akitaka hatua zichukuliwe dhidi ya wahusika iwapo itabainika kuwa kulikuwa na uzembe katika utekelezaji wa mradi huo.

Dkt. Mwigulu ametoa agizo hilo leo, Jumamosi, Oktoba 3, 2026, wakati akizungumza na wananchi katika mkutano wa hadhara uliofanyika Nyamuswa, Wilaya ya Bunda, mkoani Mara, baada ya kukagua ujenzi wa Hospitali ya Wilaya ya Bunda.

Amesema ameelezwa kuwa tayari Waziri wa Afya alishaunda timu ya uchunguzi na suala hilo pia limefanyiwa kazi na TAKUKURU, hivyo ameitaka taarifa hiyo iwasilishwe ili hatua stahiki zichukuliwe dhidi ya waliohusika.

Dkt. Mwigulu amesema haikubaliki kwa mtu anayebainika kufanya makosa katika utekelezaji wa mradi mmoja kuhamishiwa eneo jingine na kuendelea na mwenendo huo bila kuwajibishwa.

Katika ukaguzi wa mradi huo, Waziri Mkuu amesema amekuta majengo mawili yakiwa yametitia na kupewa maelezo kuwa hali hiyo imesababishwa na uwepo wa maji katika eneo la mradi pamoja na udongo wa mfinyanzi.

Amehoji sababu hizo, akitaka kubainika iwapo mazingira hayo yalikuwepo kabla ya ujenzi kuanza na kwa nini hayakuzingatiwa wakati wa maandalizi na utekelezaji wa mradi.

Waziri Mkuu amesema Serikali itaendelea kufuatilia suala hilo hadi ukweli wa kilichosababisha majengo hayo kutitia ubainike, huku akisisitiza kuwa wananchi hawapaswi kubeba gharama za uzembe katika utekelezaji wa miradi ya Serikali.

HATUA ZA KUPUNGUZA BEI YA SARUJI

Katika hatua nyingine, Dkt. Mwigulu amesema Serikali imechukua hatua mbalimbali kukabiliana na kupanda kwa bei ya saruji nchini.

Amesema ameelekeza kuondolewa kwa kodi kwenye klinka, ambayo ni moja ya malighafi muhimu inayotumika katika uzalishaji wa saruji.

Hatua hiyo, amesema, inalenga kuhakikisha upatikanaji wa saruji unakuwa wa uhakika na kusaidia kupunguza gharama za uzalishaji ili bei iweze kuwa himilivu kwa wananchi.

Serikali pia imeendelea kusisitiza umuhimu wa kuhakikisha miradi ya maendeleo inatekelezwa kwa kuzingatia viwango vinavyotakiwa, ili kulinda fedha za umma na kuhakikisha wananchi wanapata huduma zilizokusudiwa.

Posted on

Makamu wa Rais Alivyowasili Misri Kuiwakilisha Tanzania Mkutano wa AU

Makamu wa Rais wa Jamhuri ya Muungano wa Tanzania, Deogratius John Ndejembi.

Makamu wa Rais wa Jamhuri ya Muungano wa Tanzania, Deogratius John Ndejembi, amewasili jijini New Alamein nchini Misri, tayari kwa kuiwakilisha Tanzania katika Mkutano wa Nane wa Uratibu wa Katikati ya Mwaka wa Umoja wa Afrika, pamoja na mikutano mingine ya ngazi ya juu ya Jumuiya za Kiuchumi za Kikanda.

Mkutano huo unaofanyika kuanzia Oktoba 2, 2026, unafanyika chini ya kaulimbiu “Africa on the Land of El Alamein”, ukiwakutanisha viongozi wa juu wa nchi wanachama wa Umoja wa Afrika pamoja na wawakilishi wa taasisi mbalimbali za kimataifa na kikanda.

Makamu wa Rais amewasili kupitia Uwanja wa Ndege wa Kimataifa wa Al Alamein, ambapo amepokelewa na Waziri wa Michezo na Vijana wa Jamhuri ya Kiarabu ya Misri, Mhe. Gohar Nabil, Balozi wa Tanzania nchini Misri, Mhe. Meja Jenerali Richard Makanzo, pamoja na maafisa mbalimbali kutoka Serikali za Tanzania na Misri.

Mara baada ya kuwasili, Mhe. Ndejembi amepokea taarifa kuhusu maandalizi ya ushiriki wa Tanzania katika mkutano huo, unaolenga kujadili na kuratibu masuala muhimu yanayohusu maendeleo na ushirikiano wa Bara la Afrika.

Mkutano huo pia unatoa nafasi kwa viongozi kujadili vipaumbele mbalimbali vya maendeleo ya Afrika, ikiwemo masuala ya uchumi, amani, usalama na kuimarisha ushirikiano miongoni mwa mataifa ya Afrika.

Ushiriki wa Tanzania katika mkutano huo ni sehemu ya kuendeleza nafasi yake ndani ya Umoja wa Afrika na kuchangia katika mijadala inayolenga kusukuma mbele utekelezaji wa vipaumbele vya maendeleo ya Bara la Afrika.

Makamu wa Rais anamwakilisha Rais wa Jamhuri ya Muungano wa Tanzania, Mhe. Dkt. Samia Suluhu Hassan, katika mkutano huo, ikiwa ni mwendelezo wa ushiriki wa Tanzania katika majukwaa ya kikanda na kimataifa yanayojadili masuala yenye maslahi kwa Tanzania na Bara la Afrika kwa ujumla.

Posted on

Rais Mwinyi Atangaza Mabadiliko ya Baraza la Mawaziri, ACT-Wazalendo Yapata Nafasi Nne

Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi, ametangaza mabadiliko katika Baraza la Mawaziri, hatua inayokamilisha uundwaji wa Serikali ya Umoja wa Kitaifa kwa kuwajumuisha viongozi kutoka Chama cha ACT-Wazalendo.

Mabadiliko hayo yametangazwa leo, Oktoba 3, 2026, katika mkutano na waandishi wa habari uliofanyika Ikulu Zanzibar.

Katika mabadiliko hayo, ACT-Wazalendo imepata nafasi nne za uwaziri.

Mawaziri hao ni Nassor Ahmed Mazrui, aliyeteuliwa kuwa Waziri wa Afya; Omar Said Shaaban, Waziri wa Biashara na Maendeleo ya Viwanda; Dkt. Nasra Nassor Omar, Waziri wa Utalii na Mambo ya Kale; pamoja na Dkt. Mohamed Ali Suleiman, Waziri wa Mawasiliano, Teknolojia ya Habari na Ubunifu.

Aidha, Rais Mwinyi ametangaza mabadiliko ya muundo wa baadhi ya Wizara, ikiwa ni pamoja na kuhamishia masuala ya Mipango katika Ofisi ya Rais, Ikulu, pamoja na kuanzishwa kwa Wizara ya Kazi, Ajira, Vijana na Uwezeshaji.

Katika mabadiliko hayo, Shaaban Ali Othman ameteuliwa kuwa Waziri wa Nchi, Ofisi ya Rais, Ikulu, anayeshughulikia Mipango na Usimamizi wa Utendaji Serikalini.

Masoud Ali Mohamed ameteuliwa kuwa Waziri wa Nchi, Ofisi ya Rais, Ikulu, anayeshughulikia Uhusiano wa Jamii.

Mudrik Ramadhan Soraga amepewa nafasi ya Waziri wa Uchumi wa Buluu na Uvuvi, huku Ali Suleiman Ameir Mrembo akiteuliwa kuwa Waziri wa Kazi, Ajira, Vijana na Uwezeshaji.

Mabadiliko hayo pia yamewagusa Naibu Mawaziri katika Wizara mbalimbali, zikiwemo Afya, Kilimo, Elimu, Biashara na Maendeleo ya Viwanda, Fedha, Utalii na Mambo ya Kale, pamoja na Kazi, Ajira, Vijana na Uwezeshaji.

Akizungumza wakati akitangaza mabadiliko hayo, Rais Mwinyi amesema hatua hiyo ni sehemu ya utekelezaji wa makubaliano ya maridhiano kati ya CCM na ACT-Wazalendo kuhusu uundwaji wa Serikali ya Umoja wa Kitaifa.

Mawaziri na Naibu Mawaziri wote walioteuliwa na waliohamishwa wanatarajiwa kuapishwa Jumatatu, Oktoba 5, 2026, saa 8:00 mchana.

Posted on

Moto wa Nations League: Nani Atatoka na Tabasamu?

Wakali wa ubashiri Tanzania wanazidi kukukumbusha kuwa pesa hapa hazikauki, unachotakiwa kufanya wewe ni kutengeneza jamvi lako la ushindi na ubeti sasa. Ufaransa, Ubelgiji, Uturuki na wengine wapo kwaajili yako.

Pointi 3 kugombaniwa kwenye mchezo wa Czechia dhidi ya Hispania ambao unaonekana kuwa na tofauti kubwa kwenye ubora na mwenendo wa timu hizi. Hispania inaingia kwenye mchezo ikiwa kileleni kwenye Kundi A3 kwa pointi sita baada ya kuifunga Uingereza 3-2 na Croatia 4-1, huku Czechia ikiwa bado haina pointi baada ya kupoteza dhidi ya Croatia na Uingereza.

Hispania iko kwenye kiwango kizuri sana, hasa kwenye safu ya ushambuliaji. Lamine Yamal ndiye mchezaji anayevutia zaidi machoni baada ya kufunga mabao mawili na kutoa assist dhidi ya Croatia.

Kasi yake, uwezo wa kucheza mmoja dhidi ya mmoja na ubunifu wake vinaweza kuwa tatizo kubwa kwa ulinzi wa Czechia. Zaidi ya hapo, Hispania ina viungo wenye uwezo wa kutawala mpira kama Pedri, Rodri na Fabián Ruiz, hivyo inaweza kuilazimisha Czechia kutumia muda mwingi bila mpira. Suka jamvi hapa na Meridianbet.

Pesa ipo kupitia michezo ya Kasino ya Mtandaoni kama vile, Keno, Aviator, Poker, Roulette, Wild Icy Fruits, Super Heli na mingine kibao. Jiunge leo kwa kutembelea tovuti ya meridianbet.co.tz au piga *149*10# kisha uanze safari yako ya ushindi.

Kwa Czechia, changamoto kubwa ni kwamba wanahitaji kubadili kabisa mwenendo wao. Wamepoteza mechi mbili za kwanza na wamefunga bao moja pekee. Pia watamkosa Pavel Šulc, ambaye alitolewa kwa kadi nyekundu dhidi za Uingereza. Hilo linaweza kupunguza zaidi ubunifu wao mbele.

Hispania ndiyo timu yenye nafasi kubwa zaidi ya kushinda, lakini Czechia ikiwa itadhibiti dakika za mwanzo inaweza kuifanya mechi iwe ngumu. Natarajia Hispania kutawala mpira, kutengeneza nafasi nyingi na hatimaye kupata ushindi.

Mechi nyingine ni hii ya Croatia dhidi ya Uingereza ambao wanakutana kwenye mchezo muhimu wa UEFA Nations League, ambapo vijna wa Tuchel wanaingia uwanjani wakiwa na morali ya hali ya juu baada ya kupata ushindi wao mechi iliyopita dhidi ya Czechia.

Croatia inatoka kwenye kipigo kizito cha 4-1 dhidi ya Hispania hivyo, kwa Croatia huu ni mchezo wa kurekebisha makosa na kujirudisha kwenye ushindani, wakati Uingereza wanataka kuendeleza momentum baada ya kuanza kampeni kwa kupoteza 3-2 dhidi ya Hispania.

Uingereza wanaonekana kuwa na faida kwenye ubora wa safu ya ushambuliaji wakiongozwa na mshambuliaji wao Harry Kane ambao bado ni silaha kubwa katika eneo la mwisho, huku Anthony Gordon akiwa katika hali nzuri baada ya kufunga dhidi ya Czechia. Jude Bellingham, Bukayo Saka na Morgan Rogers pia wanaweza kuleta kasi na ubunifu, hivyo Croatia itahitaji kuwa makini sana inapopoteza mpira. Jisajili hapa.

Wakati Croatia wao wana wachezaji wenye uzoefu mkubwa pia kama vile Luka Modrić, Mateo Kovacic na Ivan Perisic bado unaweza kuwa muhimu katika kudhibiti mchezo.

Timu hiyo imetoka kupokea kipigo cha 4-1 dhidi ya Hispania kilionyesha kwamba wanapobanwa na timu yenye ubora mkubwa, safu yao ya ulinzi inaweza kuachwa wazi.

Uingereza pia wanahitaji kuwa makini kwa sababu ushindi wao wa Czechia haukuwa mchezo mwepesi kabisa; walisaidiwa na Czechia kubaki na wachezaji 10 tangu dakika ya 23. Croatia, ikiwa na wachezaji 11 na ikicheza kwa nidhamu, inaweza kuwa mtihani mkubwa zaidi kwa Tuchel. Bashiri hapa.

Posted on

SPIKA ZUNGU AFUNGUA KIKAO CHA KAMATI TENDAJI YA IPU JIJINI ARUSHA

Spika wa Bunge la Jamhuri ya Muungano wa Tanzania, Mhe. Mussa Azzan Zungu, amefungua kikao cha Kamati Tendaji ya Umoja wa Mabunge Duniani (IPU) kilichofanyika leo tarehe 3 Oktoba, 2026 katika Ukumbi wa Mikutano wa Kimataifa wa Arusha (AICC).

Akizungumza wakati wa ufunguzi huo, Spika Zungu amewakaribisha wajumbe hao jijini Arusha na kuwahakikishia kuwa maandalizi yote kuelekea Mkutano Mkuu wa IPU yamekamilika na kwamba Tanzania inajivunia kwa mkutano huu mkubwa wa kibunge duniani kufanyika hapa nchini na kwenda kujadiliana masuala mbalimbali yanayoikumba dunia.

Katika hotuba yake, Spika Zungu amemshukuru Rais wa Jamhuri ya Muungano wa Tanzania, Mhe. Dkt. Samia Suluhu Hassan, kwa kuweka mazingira wezeshi na utekelezaji madhubuti uliofanikisha maandalizi na uratibu wa mkutano huo mkubwa nchini.

Vilevile, amempongeza Rais wa IPU (ambaye pia ni Spika Mstaafu wa Bunge la Tanzania), Mhe. Dkt. Tulia Ackson, kwa uongozi wake thabiti, imara na madhubuti katika kipindi chote cha miaka mitatu ya uongozi wake kwenye umoja huo.

Kabla ya kuhitimisha maelezo yake, Spika Zungu amewasihi wajumbe wote kutumia fursa hiyo kutembelea na kujionea vivutio mbalimbali vya utalii vilivyopo jijini Arusha na kote nchini Tanzania.

Kikao hicho cha Kamati Tendaji kimeongozwa rasmi na Rais wa IPU, Mhe. Dkt. Tulia Ackson.

Kikao hicho cha Kamati Tendaji ya IPU ni maalum kuelekea kuanza kwa Mkutano wa 153 wa IPU kesho Oktoba 04, 2026 ambapo itawakutanisha washiriki 2,000 kutoka nchi wanachama 183 wa IPU wakiwemo Maspika, Makatibu, Wabunge na Maafisa mbalimbali.

 

Posted on

MAKAMU WA RAIS AWASILI MISRI KUMWAKILISHA RAIS KATIKA MKUTANO WA NANE WA NUSU MWAKA WA UMOJA WA AFRIKA (AU)

 

Makamu wa Rais wa Jamhuri ya Muungano wa Tanzania, Mhe. Deogratius John Ndejembi, amewasili Jijini New Alamein nchini Misri kumwakilisha Rais wa Jamhuri ya Muungano wa Tanzania, Mhe. Dkt. Samia Suluhu Hassan, katika Mkutano wa Nane wa Uratibu wa Katikati ya Mwaka wa Umoja wa Afrika (8th African Union Mid-Year Coordination Summit) pamoja na mikutano mingine ya ngazi ya Juu ya Jumuiya za Kiuchumi za Kikanda.

 

Mkutano huo unafanyika katika mji wa New Alamein, nchini Misri kuanzia tarehe 02 Oktoba 2026, chini ya kaulimbiu “Africa on the Land of El Alamein.”

 

Katika Uwanja wa Ndege wa Kimataifa wa Al Alamein, Makamu wa Rais amepokelewa na Waziri wa Michezo na Vijana wa Jamhuri ya Kiarabu ya Misri Mhe. Gohar Nabil, Balozi wa Tanzania nchini Misri Mhe. Meja Jenerali Richard Makanzo, pamoja na maafisa mbalimbali wa Serikali ya Misri na Tanzania.

 

Mara baada ya kuwasili, Mhe. Makamu wa Rais amepokea taarifa kuhusu maandalizi ya Tanzania kushiriki mkutano huo, ambao unawakutanisha viongozi wa juu wa nchi 15 wanachama wa Umoja wa Afrika na Taasisi mbalimbali za Kimataifa na Kikanda kwa lengo la kujadili na kuratibu masuala muhimu yanayohusu maendeleo na ushirikiano wa Bara la Afrika.

 

Ushiriki wa Tanzania katika mkutano huo ni sehemu ya kuendeleza ushirikiano wake ndani ya Umoja wa Afrika na kuchangia katika mijadala kuhusu utekelezaji wa vipaumbele vya maendeleo ya Bara la Afrika, ikiwemo uchumi, amani, usalama na ushirikiano miongoni mwa mataifa ya Afrika.

 

Makamu wa Rais anamwakilisha Rais Dkt. Samia Suluhu Hassan katika mkutano huo, ikiwa ni mwendelezo wa Tanzania kushiriki katika majukwaa ya kikanda na kimataifa yanayojadili masuala yenye maslahi kwa Tanzania na Bara la Afrika kwa ujumla.

 

Imetolewa na

Ofisi ya Makamu wa Rais

03 Oktoba 2026

Alamein – Misri.

 

Posted on

DKT. MWIGULU AAGIZA UCHUNGUZI WA MAJENGO YA HOSPITALI YA WILAYA YA BUNDA YALIYOTITIA

*_▪︎ Aagiza wahusika kuwajibishwa iwapo uzembe utathibitika_*

*_▪︎ Aelekeza kodi ya klinka iondolewe ili kupunguza bei ya saruji_*

WAZIRI MKUU, Dkt. Mwigulu Nchemba, ameagiza kupatiwa taarifa za uchunguzi kuhusu majengo ya Hospitali ya Wilaya ya Bunda yaliyotitia, akitaka hatua zichukuliwe dhidi ya waliohusika iwapo itathibitika kuwa kulikuwa na uzembe.

Dkt. Mwigulu ametoa agizo hilo leo, Jumamosi, Oktoba 3, 2026, wakati akizungumza na wananchi katika Mkutano wa Hadhara uliofanyika Nyamuswa, Wilaya ya Bunda, mkoani Mara, baada ya kukagua ujenzi wa Hospitali ya Wilaya ya Bunda.

“Nimeambiwa Waziri wa Afya alishatengeneza timu na ikafanya kazi na TAKUKURU ameshafanyia kazi. Nizipate hizo taarifa ili hawa waliofanya makosa haya wawajibike kule kule walipo. Lazima wawajibike. Hii kuharibu wilaya hii na kuhamishiwa ukaharibu na wilaya nyingine, hii haikubaliki,” amesema.

Amesema wakati wa ukaguzi huo amekuta majengo mawili yakiwa yametitia na kupewa maelezo kuwa hali hiyo imesababishwa na uwepo wa maji katika eneo la mradi pamoja na udongo wa mfinyanzi.

“Namuuliza kwa nini majengo yametitia? Wanasema kwa sababu yamejengwa karibu na chanzo cha maji. Chanzo cha maji kile kimekuja baada ya kujenga msingi? Si kilikuwepo pale pale? … Wanasema udongo huu ni wa mfinyanzi,” amesema.

Dkt. Mwigulu amesema Serikali itaendelea kufuatilia suala hilo ili kubaini ukweli wa kilichosababisha majengo hayo kutitia na kuhakikisha wananchi hawapati adhabu kutokana na uzembe katika utekelezaji wa miradi ya Serikali.

Amesema Serikali pia inaendelea kutafuta fedha kwa ajili ya kukamilisha maeneo yaliyobaki ya ujenzi wa hospitali hiyo ili wananchi waendelee kupata huduma za afya katika eneo lao.

Katika hatua nyingine, Dkt. Mwigulu amesema Serikali imechukua hatua mbalimbali kukabiliana na kupanda kwa bei ya saruji, ikiwemo kuelekeza kuondolewa kwa kodi kwenye klinka, malighafi inayotumika katika uzalishaji wa saruji.

“Nimewaelekeza Mamlaka ya Mapato waondoe kodi kwenye klinka, malighafi inayotumika kwenye uzalishaji wa saruji ili upatikanaji wa saruji uwe wa uhakika na bei iweze kuwa bei himilivu,” amesema.

Amesema Serikali inalenga kuhakikisha upatikanaji wa saruji unaendelea kuwa wa uhakika na bei yake inakuwa himilivu kwa wananchi, akibainisha kuwa katika baadhi ya maeneo bei imekuwa ikipanda hadi kufikia zaidi ya Sh. 25,000, Sh. 27,000 na katika baadhi ya mikoa kufikia Sh. 32,000 kwa mfuko.

Kuhusu huduma za afya, Dkt. Mwigulu amesisitiza kuwa wananchi hawapaswi kuchangishwa fedha za mafuta kwa ajili ya magari ya Serikali, hususan magari ya wagonjwa yanayotumika kuokoa maisha.

“Hatuwezi tukawa na magari ya Serikali yana mafuta, halafu ambulance ya kunusuru maisha ya wagonjwa tuchangishane mafuta. Haya ni mambo ya mazoea ambayo hatutaki kuwa utaratibu wa Serikali,” amesema.

Amesema mwananchi yeyote atakayeombwa fedha za mafuta kwa ajili ya gari la wagonjwa anatakiwa kutoa taarifa kwa mamlaka husika ili hatua zichukuliwe.

Dkt. Mwigulu pia amesisitiza umuhimu wa wagonjwa walio katika hali mbaya kupewa huduma ya dharura mara moja kabla ya kukamilisha taratibu nyingine za kiutawala.

“Mgonjwa aliyezidiwa amefika, hatua ya kwanza apelekwe moja kwa moja kwenye kitanda apate huduma. Hata kumwandikisha mtamwandikisha akiwa ameshapata huduma ya kwanza. Kanusuru kwanza maisha yake. Usifanye itifaki kwenye maisha,” amesema.

Kuhusu upatikanaji wa dawa, amesema Serikali imeendelea kutoa fedha kwa ajili ya ununuzi wa dawa na vifaa tiba, hivyo amewataka viongozi na watendaji wa afya kuhakikisha dawa zinawafikia wananchi waliokusudiwa na matumizi yake yanafuatiliwa ipasavyo.

Hospitali ya Wilaya ya Bunda ilianza kutekelezwa tarehe 8 Mei, 2019, ikiwa ni miongoni mwa hospitali 67 za awamu ya kwanza za halmashauri zilizolenga kusogeza huduma za afya za ngazi ya hospitali karibu na wananchi. Hadi sasa, Serikali imetoa jumla ya Sh. bilioni 5.39 kwa ajili ya utekelezaji wa mradi huo.

Hospitali hiyo imeanza kutoa huduma mbalimbali, ikiwemo huduma za wagonjwa wa nje, maabara, afya ya uzazi na mtoto, kujifungua, radiolojia, kulaza wagonjwa, huduma za macho, meno na huduma za dharura.