Author: admin

Posted on

Golugwa Aieleza Mahakama Juu Ya Ushiriki Wa Lissu Kwenye Mkutano

SHAHIDI WA TATU wa upande wa utetezi katika kesi inayomkabili Mwenyekiti wa Chama cha Demokrasia na Maendeleo (CHADEMA), Tundu Lissu, Aman Sam Golugwa (Naibu Katibu Mkuu wa CHADEMA) leo Septemba 4, 2026 ameieleza Mahakama kuhusu mazingira ya mkutano wa chama uliofanyika Aprili 3, 2025, pamoja na madai mbalimbali yanayohusiana na kesi hiyo.

Akihojiwa na mawakili, Golugwa amesema Lissu hakushiriki katika maandalizi ya mkutano huo, ikiwa ni pamoja na kuwaita watia nia au kuwaalika waandishi wa habari.

Kwa mujibu wa shahidi huyo, wakati maandalizi ya mkutano huo yakifanyika, Lissu alikuwa katika Operesheni ya CHADEMA iliyokuwa ikiendelea Kanda ya Nyasa yenye kaulimbiu ya “No Reforms, No Elections”.

Naibu Katibu Mkuu wa CHADEMA, Aman Sam Golugwa.

Golugwa amesema yeye mwenyewe aliwasiliana kwa simu na baadhi ya viongozi wakuu wa chama, akiwemo Tundu Lissu, Makamu Mwenyekiti Bara John Heche, Makamu Mwenyekiti Zanzibar Said Mzee Saidi pamoja na Naibu Katibu Mkuu, kuwaeleza kuhusu uwepo wa mkutano huo.

Amesema waandishi wa habari waliohudhuria mkutano huo walialikwa na Mkurugenzi wa Mawasiliano na Uenezi wa CHADEMA, Brenda Rupia, ambaye pia ni mjumbe wa Sekretarieti.

Shahidi ameitajia Mahakama baadhi ya vyombo vya habari alivyokumbuka kuwepo katika mkutano huo kuwa ni Clouds TV, Jambo TV, Chanzo TV, ITV na Gazeti la Mwananchi.

Golugwa amesema hakukuwa na masharti maalumu wala maelekezo yaliyotolewa kwa waandishi wa habari kuhusu namna ya kutekeleza majukumu yao katika mkutano huo.

Pia amesema kulikuwa na matangazo ya moja kwa moja kutoka katika mkutano huo, akivitaja Jambo TV na Chanzo TV kuwa miongoni mwa vyombo vilivyorusha matangazo hayo.

Kuhusu madai kwamba Tundu Lissu ndiye aliyerushaa matangazo hayo kupitia Jambo TV, Golugwa amekanusha na kusema madai hayo ni “uongo na upotoshaji”.

Aidha, amesema maneno yaliyochapishwa na Jambo TV yalichapishwa na mwandishi wa habari wa chombo hicho aliyekuwa amealikwa katika mkutano huo, na kwamba Lissu hakuhusika katika kuyachapisha.

GOLUGWA: HAKUKUWA NA MANENO YA KUCHOMA VITUO

Katika sehemu nyingine ya ushahidi wake, Golugwa amekanusha kuwepo kwa maneno yaliyodaiwa kuhusu kuchoma vituo vya mwendokasi au vituo vya kupigia kura.

Akiulizwa kuhusu maneno aliyosomewa mahakamani, shahidi amesema hakuna sehemu aliyosikia ikisema “tutachoma vituo vya mwendokasi” wala “tutachoma vituo vya kupigia kura”.

Pia amesema katika maneno hayo hakukuwa na kauli inayomtaja Rais wa Jamhuri ya Muungano wa Tanzania.

RIPOTI ZA WAANGALIZI

Golugwa pia amehojiwa kuhusu ripoti za waangalizi wa uchaguzi alizozitaja katika ushahidi wake.

Amesema ripoti hizo ni za mwaka uliopita na kwamba yeye alizitafuta na kuzihifadhi, lakini hakuzifikisha mahakamani.

Ameeleza kuwa ripoti hizo zimeandikwa kwa lugha ya Kiingereza na kukiri kuwa yeye si mwandishi wa ripoti hizo.

Katika mahojiano hayo, shahidi amesema hana elimu ya sheria, lakini amedai kuwa hata mtu asiye na utaalamu wa sheria anaweza kuzungumza mbele ya mahakama.

Kuhusu uwezo wake wa kutafsiri ripoti kutoka Kiingereza kwenda Kiswahili, Golugwa amesema tafsiri isiyo sahihi inaweza kuathiri maana ya ripoti, ingawa amesema si lazima kueleza kiwango chake cha ufaulu wa Kiingereza.

GOLUGWA AKANUSHA KUWA NA IMANI NA RIPOTI NZIMA YA JAJI CHANDE

Katika sehemu nyingine, shahidi amesema hana imani na ripoti yote ya Jaji Chande, lakini amesisitiza kuwa baadhi ya mambo aliyoyazungumza mahakamani yana msingi katika kile alichokielewa mwenyewe.

Ameeleza pia kuwa hakumbuki baadhi ya taarifa zilizohusiana na ripoti za waangalizi, ikiwemo majina au vichwa vya baadhi ya ripoti alizoulizwa.

MALALAMIKO YA UCHAGUZI

Golugwa ameiambia Mahakama kuwa hakuwahi kujaza wala kuwasilisha fomu za kugombea nafasi yoyote katika uchaguzi huo.

Amesema malalamiko aliyoyazungumza mahakamani yalihusu wagombea na kwamba malalamiko hayo yaliwasilishwa katika mamlaka husika pamoja na kamati za rufaa.

Alipoulizwa kama malalamiko hayo yalipelekwa mahakamani baada ya kutoridhishwa na maamuzi ya kamati za rufaa, Golugwa amesema hawakuona haja ya kwenda mahakamani kwa sababu, kwa mtazamo wao, “mambo ya kisiasa tunamaliza kisiasa”.

GOLUGWA: WATAZAMAJI WA KIMATAIFA WALIPINGA KESI YA UHAINI

Katika ushahidi wake kuhusu kesi inayomkabili Lissu, Golugwa amesema baadhi ya watazamaji wa kimataifa walionyesha masikitiko kuhusu kufunguliwa kwa kesi hiyo.

Kwa mujibu wa ushahidi wake, watazamaji hao walidai kuwa hawakuona mazingira ya uhaini katika maneno yaliyotajwa kuwa yalizungumzwa na Lissu na walitaka aachiliwe bila masharti.

Pia amesema Baraza la Haki za Binadamu la Umoja wa Mataifa lilieleza kuwa kukamatwa kwa Lissu hakukuwa halali na kwamba shtaka dhidi yake lilikuwa na lengo la kumuumiza kisiasa.

Golugwa pia amedai kuwa kikao cha Mawaziri wa Jumuiya ya Madola kilieleza kuwa kesi hiyo ilikuwa ya kisiasa na kuitaka Lissu aachiliwe bila masharti.

SABABU ZA VIFO NA MAUAJI

Akijibu swali kuhusu sababu zilizotolewa na Jaji Mkuu kuhusiana na mauaji yaliyotokea, Golugwa amesema kwa kumbukumbu zake sababu hizo zilihusisha madai ya Katiba Mpya, masuala ya utekaji na watu kupotea pamoja na manung’uniko ya muda mrefu ya wananchi ambayo hayakuwa yametatuliwa.

Ushahidi wa Golugwa unaendelea katika Mahakama, huku upande wa utetezi ukiendelea kumuuliza maswali kuhusu mkutano wa Aprili 3, 2025, maandalizi yake, ushiriki wa Lissu na maudhui ya maneno yanayohusishwa na kesi hiyo.

Ignas: Nimesikia ulikuwa kampeni meneja na hukugombea nafasi yoyote ile

Golugwa: Ni kweli

Ignas: Kwa hiyo ulipata hizo taarifa kwa watu wengine

Golugwa: Kwa kuwa nilikuwa karibu na wagombea nilikua naona kila kitu

Iganas: Unatambua matokeo ya uchaguzi ngazi ya ubunge 2020 yanapingwa mahakamani na yapi mlishinda

Golugwa: Kama nilivyosema chaguzi hizi siwezi kukumbuka ni malalamiko mangapi

Ignas: Je jambo lolote ambalo mliwasilisha mahakamani na mahakama ikaona hoja zenu zina msingi

Golugwa; Sikumbuki

Ignas: Unaweza sasa kuiambia hapa kuwa hoja ulizoleta hapa mahakamani hazikuwa na msingi na hivyo zipuuzwe

Golugwa: Hapana ni hoja za msingi

Ignas: Kwa kuwa umelamikia swala la madiwani embu tuambie ni kata ngapi malalamiko yenu yalithibitisha ni sahihi

Golugwa: Kwenye ngazi ya mahakama sina idadi

Ignas: Utakubaliana nami malalamiko yenu hayakuthibitishwa na mahakama?

Golugwa: Sio kweli yalikuwa ni ya kweli

Ignas: Ni mashauri mangapi mliwasilisha mahakamani

Golugwa: Hakuna

Ignas: Mahakamani hamkupeleka

Golugwa: Uchaguzi ni swala la kisiasa

Ignas: Hebu tuambie ya kwamba ni maneno ya kusikia na kamati za rufaa zilikubali malamiko yao yalikuwa na shida

Golugwa: Yote yalitupiliwa mbali

Ignas: Sababu hayakuwa na mashiko

Golugwa: yalitupiliwa mbali sababu ya uhuni na ushenzi

Mambo ya kisiasa tunamaliza kisiasa – Golugwa

Maswali ya Dodoso kwa shahidi namba tatu Aman Sam Golugwa

Ignas: Ni kweli hukujaza wala kuwasilisha fomu za kugombea katika mamlaka husika

Golugwa: Sikujaza fomu yoyote ya kugombea

Ignas: Ni kweli kwamba hukuwasilisha fomu

Golugwa: Ni kweli

Ignas: Ni kweli kwamba malamiko uliyoleta hapa mahakamani yalikuwa yanahusu wagombea

Golugwa: Ni kweli

Ignas: Malamiko uliyosema hapa mahakamani umeyapata toka vyanzo vingine

Golugwa: Sio kweli

Ignas: Mtu akiwa na malalamiko anapeleka wapi

Golugwa: Kwenye mamlaka husika

Iganas: Inamaana hujui wapi malamiko yanapopelekwa

Golugwa: Anapaswa kupelekea pale anapogombea na kwenye kamati ya rufaa

Ignas: Mlishinda mangapi

Golugwa: Yalitupiwa mbali sababu ya ushenzi niliosema

Ignas: Mliwasilisha hayo malalamiko yenu mahakamani

Golugwa: Tuna tambua ila hatukuona haja ya kwenda mahakamani

Ignas: Inamaana mlirudhika na maamuzi ya kamati za rufa:

Golugwa: Hapana mambo ya kisiasa tunamaliza kisiasa

Ignas: Kwenye zile kanuni za uchaguzi kuna sehemu ulikutana na neno mkwe wa rais

Golugwa: Hakuna

Ignas: Umeileza mahakama umewahi kukamatwa na hujawahi kufunguliwa hati ya mashitaka mahakamani

Golugwa: Ni kweli

Ignas: Ni kweli baada ya kusikilizwa polisi walikuachia

Golugwa baada ya mimi kutoa maelezo

Ignas: Na mara ya pili unasema ulikamatwa tarehe nane mwezi wa kumi na moja napo uliachiwa baada ya kusikilizwa maelezo yako

Golugwa: Ni kweli

Ignas: Umeleza elimu yoyote uliyonayo juu ya sheria

Golugwa: Sina elimu yoyote ya sheria

Ignas: Sasa umepata wapi ujasiri wa kuieleza mahakama mambo ya kisheria

Golugwa: Hata Layman anaweza kuongea na yuko mbele yako

Ignas: Ulieleza kuhusu ripoti za waangalizi ni za mwaka gani

Golugwa: zote ni za mwaka jana

Ignas: Wewe ni custodian wa hizo ripoti

Golugwa: Nilitafuta na kuzihifadhi

Ignas: Umezileta hapa mahakani

Golugwa: Hapana

Ignas: Hizo ripoti zipo kwa lugha gani

Golugwa: kwa kiingereza

Ignas: Utakubaliana na mimi wewe sio muandishi wa hizo ripoti

Golugwa: Ndio mimi sio muandishi wa hizo ripoti

Ignas: Hao walitoa ripoti kuna siku walikuita uzifasiri toka kingereza kwenda kiswahili

Golugwa: Kwanini na kwa sababu gani ni tafsiri

Ignas: Wewe hapa mahakamani umezielezea kwa kiswahili

Golugwa: Ndio

Ignas: Utakubaliana na mimi wewe form four ulipata grade gani kingereza

Golugwa: Sikumbuki

Ignas: Unatatizo la kumbukumbu

Golugwa: Ikihitajika ku refresh memory

Ignas: Je unafahamu mtu akifasiri inaweza kuharibu maana ya ripoti

Golugwa: Kama mtu akitafsiri vibaya yanaweza kuathiriwa au yasiathiriwe

Ignas: Umeelaza juu ya uwezo wako kwenye lugha ya kiingereza

Golugwa: Sio lazima

Ignas: Unafasiri document za kiingereza

Golugwa: Kingereza ulipata nini Golugwa C au D

Ignas: Sasa na D yako unataka kutafsiri ripoti kubwa kama hizi?

Golugwa: Ina shida gani

Ignas: Haya tuambie title ya ripoti ya Thabo mbeki kwa kiIngereza ilisemaje

Golugwa: Kwa kweli sikumbuki

Ignas: Tuje ile ripoti ya SADC wewe mfasiri inaitwaje

Golugwa: Kwa kingereza sikumbuki ila inazungumzia

Iganas: Kwa kingereza bwana wewe si mkalimani

Golugwa: Sikumbuki

Ignas: Uliweza kufuatiliwa ripoti ya waangalizi wa Jumuiya ya Afrika mashariki

Golugwa: Hapana

Ignas: Tukirudi kwenye hii ripoti ya Jaji Chande uliizungumzia jana swali langu ni kwamba una imani na ripoti hii

Golugwa: Sina imani nayo

Ignas: Kwa hiyo hata kile ulicho kieleza jana huna imani nacho licha kuwa kwenye ripoti ya Jaji Chande

Golugwa: Sikubaliana na wewe nilichokueleza mimi nina imani nacho licha kwamba sina imani na ripoti yote

Ignas: Inamaana kuna ambavyo vilikupendeza wewe

Golugwa: Hapana kitu gani hicho kuzungumzia

Ignas: Hebu turudi kwenye kikao cha watia nia uliongea habari ya unyunyu na makapi kulikuwa na habari ya manukato kwemye kikao chenu cha watia nia

Golugwa: Haikuwepo

Ignas: Waheshimiwa mimi nimemaliza watafuata wenzangu.

Posted on

Nandy Amtambulisha Linah Rasmi The African Princess Label

Global Publishers
September 4, 2026
0 views
0 Comments

CEO wa lebo ya muziki ya The African Princess, mwanamuziki Nandy (kulia) akiwa katika picha ya pamoja na mwanadada nguli wa muziki wa Bongo Flava, Linah Sanga.

CEO wa lebo ya muziki ya The African Princess, mwanamuziki Nandy, amemtambulisha rasmi mwanadada nguli wa muziki wa Bongo Flava, Linah Sanga, kuwa msanii mpya wa lebo hiyo.

Linah sasa anaungana na Pipi Jojo chini ya The African Princess, hatua inayofanya lebo hiyo kuwa na jumla ya wasanii watatu, akiwemo Nandy mwenyewe.

Kupitia ukurasa wake wa Instagram, Nandy amemkaribisha Linah ndani ya lebo hiyo huku akimuelezea kama “Ndege Mnana” na dada yake mpendwa.

“WELCOME THE AFRICAN PRINCESS LABEL OUR LOVELY SISTER NDEGE MNANA..! @linahafrica,” ameandika Nandy.

Kujiunga kwa Linah kunatarajiwa kuongeza nguvu katika safu ya wasanii wa lebo hiyo, huku The African Princess ikiendelea na dhamira yake ya kukuza na kuendeleza vipaji vya wasanii wa kike katika muziki wa Afrika.

Posted on

Rais Samia Abuni Mpango wa Sifuri Tatu wa Mama Na Mtoto Afrika

Rais wa Jamhuri ya Muungano wa Tanzania na Kinara wa Umoja wa Afrika katika Afya ya Mama na Mtoto, Dkt. Samia Suluhu Hassan, anatarajiwa kuzindua rasmi Ramani ya Utekelezaji ya Kinara wa Umoja wa Afrika katika Afya ya Uzazi, Mama, Mtoto Mchanga, Mtoto na Vijana kwa kipindi cha mwaka 2026–2030.

Uzinduzi huo unatarajiwa kufanyika Septemba 9, 2026, katika Kituo cha Kimataifa cha Mikutano Arusha (AICC), sambamba na Kongamano la Pili la Kimataifa la Huduma za Afya ya Msingi.

Tukio hilo linafanyika kwa ushirikiano na Kituo cha Afrika cha Kudhibiti na Kuzuia Magonjwa (Africa CDC), likilenga kuweka afya na ustawi wa wanawake, watoto wachanga, watoto na vijana katika ajenda kuu ya maendeleo ya Afrika.

Ramani hiyo inalenga kutoa mwelekeo wa pamoja kwa nchi za Afrika katika kubadilisha ahadi na dhamira za kisiasa kuwa hatua madhubuti za kuimarisha huduma za afya.

Aidha, mpango huo unalenga kuongeza uwajibikaji, kuimarisha uwekezaji endelevu katika sekta ya afya na kuharakisha utekelezaji wa afua zinazoweza kuokoa maisha ya wanawake na watoto barani Afrika.

Katika ajenda hiyo, msisitizo umewekwa kwenye malengo ya “Sifuri Tatu”, ambayo ni sifuri ya vifo vinavyoweza kuzuilika vya mama na watoto wachanga, sifuri ya kujifungua katika mazingira yasiyo salama pamoja na rufaa zisizopata huduma stahiki za kitaalamu, na sifuri ya watoto ambao hawajapata chanjo.

Nchi wanachama wa Umoja wa Afrika, Serikali, jamii, washirika wa maendeleo, asasi za kiraia na sekta binafsi zinahimizwa kuongeza kasi ya utekelezaji wa mikakati hiyo ili kuboresha huduma za afya kwa makundi hayo muhimu.

Dkt. Samia aliteuliwa kuwa Kinara wa Umoja wa Afrika katika Afya ya Mama na Mtoto wakati wa Mkutano wa 39 wa Wakuu wa Nchi na Serikali wa Umoja wa Afrika uliofanyika Februari 2026.

Kongamano hilo la Kimataifa la Huduma za Afya ya Msingi litakalofanyika Septemba 9 hadi 11, 2026, linatarajiwa kuwakutanisha watunga sera, viongozi wa sekta ya afya, wataalamu, watafiti, washirika wa maendeleo na wabunifu kutoka maeneo mbalimbali.

Washiriki hao watajadili mikakati ya kuimarisha Huduma za Afya ya Msingi na namna ya kuhakikisha huduma bora na zinazopatikana kwa wakati zinafika kwa wananchi barani Afrika.

Posted on

Rais Samia Kuzindua Ramani Ya Afya Ya Mama Na Mtoto Afrika

Rais wa Jamhuri ya Muungano wa Tanzania na Kinara wa Umoja wa Afrika katika Afya ya Mama na Mtoto, Dkt. Samia Suluhu Hassan, anatarajiwa kuzindua rasmi Ramani ya Utekelezaji ya Kinara wa Umoja wa Afrika katika Afya ya Uzazi, Mama, Mtoto Mchanga, Mtoto na Vijana kwa kipindi cha mwaka 2026–2030.

Uzinduzi huo unatarajiwa kufanyika Septemba 9, 2026, katika Kituo cha Kimataifa cha Mikutano Arusha (AICC), sambamba na Kongamano la Pili la Kimataifa la Huduma za Afya ya Msingi.

Tukio hilo linafanyika kwa ushirikiano na Kituo cha Afrika cha Kudhibiti na Kuzuia Magonjwa (Africa CDC), likilenga kuweka afya na ustawi wa wanawake, watoto wachanga, watoto na vijana katika ajenda kuu ya maendeleo ya Afrika.

Ramani hiyo inalenga kutoa mwelekeo wa pamoja kwa nchi za Afrika katika kubadilisha ahadi na dhamira za kisiasa kuwa hatua madhubuti za kuimarisha huduma za afya.

Aidha, mpango huo unalenga kuongeza uwajibikaji, kuimarisha uwekezaji endelevu katika sekta ya afya na kuharakisha utekelezaji wa afua zinazoweza kuokoa maisha ya wanawake na watoto barani Afrika.

Katika ajenda hiyo, msisitizo umewekwa kwenye malengo ya “Sifuri Tatu”, ambayo ni sifuri ya vifo vinavyoweza kuzuilika vya mama na watoto wachanga, sifuri ya kujifungua katika mazingira yasiyo salama pamoja na rufaa zisizopata huduma stahiki za kitaalamu, na sifuri ya watoto ambao hawajapata chanjo.

Nchi wanachama wa Umoja wa Afrika, Serikali, jamii, washirika wa maendeleo, asasi za kiraia na sekta binafsi zinahimizwa kuongeza kasi ya utekelezaji wa mikakati hiyo ili kuboresha huduma za afya kwa makundi hayo muhimu.

Dkt. Samia aliteuliwa kuwa Kinara wa Umoja wa Afrika katika Afya ya Mama na Mtoto wakati wa Mkutano wa 39 wa Wakuu wa Nchi na Serikali wa Umoja wa Afrika uliofanyika Februari 2026.

Kongamano hilo la Kimataifa la Huduma za Afya ya Msingi litakalofanyika Septemba 9 hadi 11, 2026, linatarajiwa kuwakutanisha watunga sera, viongozi wa sekta ya afya, wataalamu, watafiti, washirika wa maendeleo na wabunifu kutoka maeneo mbalimbali.

Washiriki hao watajadili mikakati ya kuimarisha Huduma za Afya ya Msingi na namna ya kuhakikisha huduma bora na zinazopatikana kwa wakati zinafika kwa wananchi barani Afrika.

Posted on

BILIONI 1.8 KULIPA FIDIA KWA WAATHIRIWA 996 KUPISHA UJENZI WA BARABARA ZA LAMI WILAYANI RUANGWA

Ruangwa, Lindi

Serikali ya Jamhuri ya Muungano wa Tanzania kupitia Wakala ya Barabara za Vijijini na Mijini (TARURA) imetenga kiasi cha shilingi bilioni 1.8 kwa kwa ajili ya kuwalipa fidia wananchi 996 ambao maeneo yao yameathiriwa na mradi wa ujenzi wa barabara mbili zenye urefu wa Km 59 kwa kiwango cha lami wilayani Ruangwa mkoani Lindi. 

Hayo yamesemwa na Meneja wa TARURA Mkoa wa Lindi, Mhandisi Alberto Kindole wakati wa zoezi maalumu la uhakiki wa taarifa za wananchi hao lililoanza tarehe 2 Septemba, 2026 wilayani Ruangwa kabla ya zoezi la malipo kuanza hivi karibuni.

Mhandisi Kindole amezitaja barabara hizo kuwa ni barabara ya Ruangwa-Nangugayi yenye urefu wa Km 31 na barabara ya Nandagala – Mpiluka- Nachingwea yenye urefu wa Km 31 ambazo zinatekelezwa kupitia mradi wa RISE unaogharamiwa na mkopo nafuu toka Benki ya Dunia. 

Amesema katika ujenzi wa barabara hizo kuna hatua mbalimbali zinazotakiwa kufanyika ili kuweza kujenga bila kupata vikwazo wakati wa utekelezaji wa mradi. 

“Kwa kulitambua hilo TARURA kwa kushirikiana na Serikali za Mitaa pamoja na wadau wengine ilifanya tathmini kwa maana ya kupata idadi ya wale wanaoathiriwa na mradi”,  amesema Mhandisi Kindole.

Amesema barabara ya Ruangwa-Nangurugwayi ina wananchi watakaoathiriwa na mradi wapatao 581 wakati barabara ya Nandagala-Mpiluka-Nachingwea ina waathiriwa wa mradi 415 na kufanya idadi ya waathiriwa wa mradi huo kufikia 996 na wote wameshafanyiwa tathmini. 

Akizungumzia manufaa ya mradi huo, Mhandisi Kindole amesema mradi huo una faida nyingi na kubainisha kuwa maeneo yote yaliyopitiwa na mradi kuna uzalishaji mkubwa wa mazao kama vile korosho, ufuta, mbaazi na shughuli za uchimbaji wa madini ya aina mbalimbali.

Kwa upande wao, Bi. Rehema Mselemu na Bw. Hanafi Saidi ambao ni waathiriwa na wanufaika wa mradi huo wameridhishwa na mazoezi yote ya uthamini na uhakiki wa mali zilizopo katika maeneo yao yaliyoathiriwa na mradi lakini wamefurahishwa na uwepo wa mradi huo na kuiomba serikali itekeleze kwa haraka ili uweze kuwanufaisha hususan katika shughuli za usafiri na usafirishaji wa mazao yao kwa urahisi na kwa gharama nafuu.

 

Posted on

Mpigie Kura Godmuya, Kura Yako Ni Ushindi! – Tuzo za Samia Kalamu Awards 2026

Global Publishers
September 4, 2026
852 views
0 Comments

Mtangazaji wa @globaltvonline na @255globalradio, Godfrey Nathan @godmuya ameteuliwa kuwania tuzo za Samia Kalamu Awards 2026.

Sasa Godmuya anaomba support yako, mfuatiliaji wa Global TV, kwa kumpigia kura ili kufanikisha ushindi wake.

🗳️ MPIGIE KURA: GODFREY LUHILABAKE NATHAN
🔢 Kodi: 260246

👉 Piga kura kupitia:
https://samiaawards.tz/mshiriki/260246

📌 Copy link hiyo kisha paste kwenye browser yako ili kumpigia kura.

Kura yako ni mchango mkubwa kwa Godmuya katika safari hii ya tuzo.

🙏 Piga kura, share na mwambie mwingine apige kura!

#SamiaKalamuAwards #VoteForGodmuya #Godmuya #GlobalTVOnline #255GlobalRadio

Posted on

Netanyahu Atishia Kuipindua Serikali ya Iran ‘Utawala Wao Upo Dhaifu’

Global Publishers
September 4, 2026
84 views
0 Comments

Waziri Mkuu wa Israel, Benjamin Netanyahu, amesema kuuangusha utawala wa Jamhuri ya Kiislamu ya Iran kunawezekana, akidai kuwa serikali hiyo kwa sasa ni dhaifu kuliko wakati mwingine wowote na inapambana kusalia madarakani.

Netanyahu amesema hayo Alhamisi, Septemba 3, 2026, wakati akizungumza katika hafla ya Mwaka Mpya wa Kiyahudi, Rosh Hashanah, iliyowakutanisha viongozi waandamizi wa kijeshi wa Israel.

Amesema ana imani kuwa Israel inaweza kuondoa kabisa tishio linalotokana na Iran, akisisitiza kuwa kuuangusha utawala wa Tehran ni miongoni mwa majukumu makuu yaliyosalia mbele ya Israel na kwamba lengo hilo sasa liko ndani ya uwezo wao.


Netanyahu pia amesema Iran kutolenga Israel katika awamu ya hivi karibuni ya mashambulizi si jambo la bahati mbaya, akidai kuwa Tehran inafahamu nguvu za kijeshi, silaha na azma ya Israel.

Kauli hizo zimekuja wakati mvutano kati ya Israel na Iran ukiendelea kuwa mkubwa, huku Iran ikiendelea kufanya mashambulizi dhidi ya maeneo yanayohusishwa na Marekani katika Mashariki ya Kati.

Kwa upande wake, Waziri wa Ulinzi wa Israel, Israel Katz, ameonya kuwa endapo Iran itashambulia Israel wakati wa sikukuu za Kiyahudi, nchi hiyo itajibu kwa nguvu kubwa, ikilenga miundombinu ya kijeshi na ya kiraia ya Iran.

Wakati huohuo, uchaguzi wa bunge la Israel umepangwa kufanyika Oktoba 27, 2026, huku Netanyahu akitarajiwa kuendelea kuwa mhusika mkuu katika mchakato huo wa kisiasa.

Posted on

Norway ina Watu Milioni 5, Utajiri Wake Washangaza Dunia, Hii Ndiyo siri Yao

Norway ni miongoni mwa nchi zinazotajwa kuwa na kiwango cha juu cha maendeleo duniani. Licha ya kuwa na idadi ya watu isiyozidi milioni sita, nchi hiyo imejenga uchumi wenye nguvu, huduma bora za kijamii na mfuko mkubwa wa utajiri wa taifa unaotokana kwa kiasi kikubwa na mapato ya mafuta na gesi.

Idadi ya watu

Kwa mujibu wa Statistics Norway (SSB), Norway ilikuwa na watu 5,636,904 mwishoni mwa robo ya pili ya mwaka 2026. Hii inaifanya kuwa nchi yenye watu wachache ikilinganishwa na ukubwa wa uchumi wake.

Makadirio rasmi yanaonyesha idadi hiyo inaweza kufikia zaidi ya milioni 6.2 ifikapo mwaka 2050, kutegemea mwenendo wa uzazi, vifo na uhamiaji.

Uchumi wa Norway

Nguvu kubwa ya uchumi wa Norway imejengwa katika sekta mbalimbali, ikiwemo mafuta na gesi, usafirishaji wa baharini, viwanda, uvuvi, nishati na huduma.

Katika robo ya pili ya 2026, thamani ya GDP ya Norway kwa bei za sasa ilifikia takribani NOK trilioni 1.48, huku shughuli za mafuta na usafirishaji wa baharini zikichangia sehemu muhimu ya uzalishaji huo.

IMF inakadiria kuwa Norway itakuwa na ukuaji wa uchumi wa karibu 1.5% mwaka 2026, huku GDP kwa kila mtu ikikadiriwa kuwa zaidi ya dola 105,000 kwa bei za sasa.

Siri kubwa: Mafuta hayatumiki yote mara moja

Moja ya mambo yanayoifanya Norway kuwa ya kipekee ni namna ilivyotumia mapato ya mafuta.

Badala ya kutumia mapato yote ya mafuta na gesi katika matumizi ya kawaida, Serikali hupeleka mapato ya shughuli za petroli katika Government Pension Fund Global, maarufu kama Oil Fund, ambao unawekeza fedha hizo katika masoko ya kimataifa.

Mwisho wa mwaka 2025, thamani ya mfuko huo ilikuwa takribani NOK trilioni 21.3, sawa na karibu mara nne ya GDP ya Norway na takribani NOK milioni 3.8 kwa kila mtu aliyesajiliwa nchini humo.

Serikali ina utaratibu wa kifedha unaolenga kuhakikisha mapato ya mafuta yanawanufaisha wananchi wa sasa na vizazi vijavyo, badala ya kutegemea mafuta pekee wakati wa sasa.

Norway imeendeleaje kuwa nchi tajiri?

Tangu kuanza kwa uzalishaji wa mafuta na gesi katika Bahari ya Kaskazini miaka ya 1970, shughuli za petroli zimechangia zaidi ya NOK trilioni 28,000 katika GDP ya Norway kwa thamani za sasa. Serikali pia inasema takribani nusu tu ya rasilimali zinazokadiriwa kurejesheka katika rafu ya Norway zimezalishwa na kuuzwa.

Hata hivyo, mafanikio ya Norway hayawezi kuelezwa na mafuta pekee. Nchi hiyo imejenga taasisi imara, mfumo wa kodi, elimu, miundombinu na sera za muda mrefu za kusimamia rasilimali zake.

Maendeleo ya binadamu

Norway pia iko juu sana katika kipimo cha maendeleo ya binadamu. Kwenye takwimu za UNDP zilizotumika katika Human Development Report 2025, Norway ilikuwa na HDI ya 0.970, ikiwa katika nafasi ya pili duniani kwa pamoja na Uswisi. Matarajio ya maisha yalikuwa miaka 83.3, huku kipato cha taifa kwa mtu kikikadiriwa kuwa dola 112,710 za kimataifa za PPP.

HDI hupima mambo makuu matatu: afya, elimu na kiwango cha maisha.

Kwa nini Norway ni mfano wa kipekee?

Kwa ufupi, “maajabu” ya Norway yanatokana na mchanganyiko wa:

  • Idadi ndogo ya watu — karibu milioni 5.6.
  • Rasilimali nyingi za mafuta na gesi.
  • Mfuko mkubwa wa utajiri wa taifa unaowekeza nje ya nchi.
  • Uwekezaji katika elimu, afya na huduma za jamii.
  • Taasisi na mifumo ya usimamizi wa fedha za umma.
  • Uchumi wenye sekta nyingi, si mafuta pekee.
  • Kiwango cha juu sana cha maendeleo ya binadamu.

Kwa hiyo, somo kubwa la Norway si kwamba ina mafuta mengi tu, bali ni jinsi ilivyoweka mfumo wa kuhakikisha utajiri wa rasilimali unabadilishwa kuwa mali ya muda mrefu kwa taifa na vizazi vijavyo

Posted on

DC MPOGOLO ASALIMIANA NA KAMISHNA MKUU WA MAGEREZA MALAWI TCTA

Mkuu wa Wilaya ya Ilala, Mhe. Edward Mpogolo, akisalimiana na Kamishna wa Fedha na mipango Jeshi la Magereza CP. Chacha Binna Jackson katika viwanja vya Chuo cha Taaluma ya Urekebishaji Tanzania (TCTA), Ukonga jijini Dar es Salaam, leo Septemba 4, 2026, wakati akiwasili kwa ajili ya kushiriki Hafla ya Kufunga Mafunzo ya Kozi ya Uongozi Daraja la Kwanza (SGT No.1) ya mwaka 2026.

Posted on

Gamondi Atangaza Kikosi Cha Taifa Stars Kwa Ajili ya AFCON 2027

Global Publishers
September 4, 2026
60 views
0 Comments

Kocha Mkuu wa Timu ya Taifa ya Tanzania, Taifa Stars, Miguel Ángel Gamondi, ametangaza kikosi cha awali kitakachoingia kambini hivi karibuni kwa ajili ya kujiandaa na michezo mbalimbali ya kimataifa.

Kikosi hicho kimeandaliwa kwa ajili ya michezo miwili muhimu ya kuwania kufuzu Fainali za Mataifa ya Afrika (AFCON) 2027 dhidi ya Guinea-Bissau na Madagascar, pamoja na mchezo wa kirafiki wa kimataifa dhidi ya Ghana.

Tangazo la kikosi hicho limetolewa na Shirikisho la Mpira wa Miguu Tanzania (TFF) kupitia kurasa zake rasmi za mitandao ya kijamii, huku likiwavutia na kuwapa matumaini mashabiki wa soka nchini.

Kikosi hicho kinaonekana kuwa na mabadiliko kadhaa katika majina ya wachezaji walioitwa, hali inayotarajiwa kutoa ushindani mkubwa wakati Taifa Stars itakapoanza maandalizi yake kuelekea michezo hiyo.

Gamondi anatarajiwa kutumia kambi hiyo kuwafanyia tathmini wachezaji walioitwa, kuimarisha mfumo wa timu na kuweka mikakati itakayoiwezesha Taifa Stars kupata matokeo mazuri katika michezo yake ya kufuzu AFCON 2027.

Michezo dhidi ya Guinea-Bissau na Madagascar itakuwa sehemu muhimu ya safari ya Tanzania kuelekea fainali hizo, huku mchezo dhidi ya Ghana ukitoa nafasi kwa benchi la ufundi kuwapima wachezaji na kufanya maandalizi zaidi kabla ya michezo ya ushindani.

Mashabiki wa Taifa Stars sasa wanaelekeza macho yao kwenye kambi hiyo, wakisubiri kuona sura mpya na namna Gamondi atakavyokisuka kikosi hicho katika harakati za Tanzania kutafuta nafasi ya kushiriki AFCON 2027.

Na Peter Jinanai | GPL