Rais Samia Afanya Uteuzi wa Viongozi Saba, Masanja Kadogosa Apewa Ujenzi

RAIS wa Jamhuri ya Muungano wa Tanzania, Dkt. Samia Suluhu Hassan, amefanya uteuzi wa viongozi saba katika nafasi mbalimbali za Serikali.

Kwa mujibu wa taarifa iliyotolewa na Katibu Mkuu Kiongozi, Balozi Dkt. Moses Kusiluka, Septemba 27, 2026, uteuzi huo ni kama ifuatavyo:

1. Mhe. Masanja Kungu Kadogosa (Mb.) ameteuliwa kuwa Waziri wa Ujenzi.
2. Mhe. Abdallah Hamis Ulega (Mb.) ameteuliwa kuwa Waziri wa Katiba na Sheria. Kabla ya uteuzi huo, Mhe. Ulega alikuwa Waziri wa Ujenzi.
3. Mhe. Dkt. Juma Zuberi Homera (Mb.) ameteuliwa kuwa Waziri wa Nishati. Kabla ya uteuzi huo, Mhe. Dkt. Homera alikuwa Waziri wa Katiba na Sheria.
4. Bi. Asha Khamis Abdulla ameteuliwa kuwa Naibu Katibu Mkuu, Wizara ya Fedha, ambapo atashughulikia masuala ya usimamizi wa fedha.
5. Prof. Bruno Fokas Sunguya ameteuliwa kuwa Mganga Mkuu wa Serikali.
6. Bw. Jabiri Omari Makame ameteuliwa kuwa Katibu Mtendaji wa Baraza la Taifa la Uwezeshaji Wananchi Kiuchumi (NEEC).
7. Dkt. Idrissa Muslim Hijja ameteuliwa kuwa Mwenyekiti wa Tume ya Taifa ya UNESCO ya Jamhuri ya Muungano wa Tanzania.

Taarifa hiyo imetolewa Dodoma, Septemba 27, 2026. Uteuzi huo pia unaonekana katika taarifa rasmi ya Ikulu kuhusu viongozi wa Serikali.

Aidha, taarifa hiyo imeeleza kuwa uapisho wa Mawaziri na Naibu Katibu Mkuu walioteuliwa utafanyika kwa tarehe itakayopangwa baadaye.

Taarifa hiyo imesainiwa na Bakari S. Machumu, Mkurugenzi wa Mawasiliano ya Rais, Ikulu.

Dodoma — 27 Septemba 2026.