CCM Yateua Kaimu Makatibu 32 wa Mikoa, Yaandaa Semina Elekezi

Chama Cha Mapinduzi (CCM) kimefanya mabadiliko ya kiutendaji katika ngazi ya Makatibu wa CCM wa mikoa, kwa kuteua Kaimu Makatibu 32 wa mikoa yake yote ya kichama, ambao wanaanza kazi mara moja.

Taarifa hiyo imetolewa Septemba 27, 2026, na Katibu wa Halmashauri Kuu ya Taifa (NEC) wa CCM, Itikadi, Uenezi na Mafunzo, Kenani Labani Kihongosi. Taarifa hiyo pia imeeleza kuwa mabadiliko hayo yanafuatia uteuzi wa viongozi wapya watakaosimamia shughuli za chama katika mikoa hiyo.

Kwa mujibu wa taarifa hiyo, Katibu Mkuu wa CCM, Dkt. Asha-Rose Migiro, ameandaa semina elekezi ya siku mbili kwa Kaimu Makatibu hao, itakayofanyika jijini Dodoma kuanzia Septemba 29 hadi 30, 2026.

Semina hiyo inalenga kuwaandaa viongozi hao kwa majukumu yao ya kiutendaji, huku orodha kamili ya walioteuliwa ikiwa kwenye kurasa zinazofuata za taarifa hiyo.

CCM pia imewapongeza na kuwashukuru Makatibu wa Mikoa waliomaliza muda wao kwa utumishi na mchango wao ndani ya chama, ikieleza kuwa itaendelea kutumia uzoefu na uwezo wao kama sehemu ya hazina ya viongozi na watendaji wake.

Orodha ya Kaimu Makatibu wa CCM wa Mikoa

Arusha — Pilly John Jackson
Dar es Salaam — Stanley Wilson Mkandawire
Dodoma — Pili Augustine Mbanga
Geita — Ramadhani Kapeto
Iringa — James Dan Mgego
Kagera — Rukia Said Mkindu
Kaskazini Pemba — Salum Khamis Haji
Kaskazini Unguja — Haji Machano Juma
Katavi — Hawa Siri Makonyola
Kigoma — Halid Said Mwinyi
Kilimanjaro — Julius Nansongelya Peter
Kusini Pemba — Bilal Hussein Maulid
Kusini Unguja — Himid Lussan Tweve
Lindi — Zuwena Suleiman Mohamed
Mkoa wa Magharibi — Alawi Haidar Foum
Mkoa wa Mjini — Yusuph Mabena
Manyara — Eva Michael Degeleki
Mara — Godfrey R. Kavenga
Mbeya — Ramadhani Samwel Mahanyu
Morogoro — Joseph Robert Mwega
Mtwara — Ahmada Shaha Vuai
Mwanza — Mwanamasudi Msafiri Pazi
Njombe — Waridi Josephat Mgumi
Pwani — Abdul-Rahim Hamad (Dogo)
Rukwa — Rehema Nzunye Ndele
Ruvuma — Mohammed Ali Khalfan
Shinyanga — Sophia Abdallah Kibaba
Simiyu — Kajoro Peter Vyohoroka
Singida — Jonathan Mabihya
Songwe — Aziza Juma Isimbula
Tabora — Salum Suleiman Tate
Tanga — Twalib K. Berege