Month: September 2026

Posted on

TBS YATAHADHARISHA MATUMIZI YA VIPODOZI VYENYE VIAMBATA SUMU

 Na Mwandishi Wetu.

Shirika la Viwango Tanzania (TBS) limeonya wananchi kuhusu matumizi ya vipodozi visivyo salama, likisema bidhaa hizo zinaweza kusababisha madhara makubwa kiafya, ikiwemo magonjwa sugu kama saratani.

Onyo hilo limetolewa na Meneja wa Ukaguzi na Uzingatiaji wa Sheria wa TBS, Bi.Nuru Edgar Mwasulama, ambaye amesema shirika hilo linaendelea kuimarisha udhibiti wa ubora na usalama wa vipodozi vinavyouzwa nchini.

Mwasulama ametoa wito kwa wauzaji wavipodozi kuuza bidhaa hizo katika maeneo ambayo yamesajiliwa ili kuhakikisha ubora na usalama wa bidhaa hizo.

“Tumekuwa tukikutana na bidhaa za dawa za cheti kwenye maduka ya vipodozi zikiuzwa kama vipodozi. Hilo ni kosa kisheria kwani inaweza kupelekea usugu wa dawa, hali ambayo inaweza kuathiri uwezo wa dawa hizo kutibu mgonjwa atakapohitaji matibabu baadaye, amesema.

Mwasulama amewakumbusha pia si salama kuuza vipodozi vilivyokwisha muda wa matumizi pamoja na bidhaa zenye viambata sumu ambavyo tayari vimepigwa marufuku kutumika kwani ni hatari kwa afya kwa sababu ngozi inaweza kuruhusu baadhi ya kemikali kuingia mwilini.

TBS pia imekuwa ikifuatilia matangazo ya vipodozi kwenye mitandao ya kijamii, baada ya kubaini ongezeko la maudhui yanayopotosha wananchi kuhusu matumizi na utengenezaji wa bidhaa hizo.

Ameeleza kuwa baadhi ya watu wamekuwa wakitangaza mitandaoni namna ya kuchanganya bidhaa na kemikali mbalimbali na kuzifungasha kama vipodozi, jambo ambalo linaweza kuhatarisha afya za watumiaji.

TBS imewataka wananchi kuwa makini wanaponunua vipodozi na kuhakikisha wanapata bidhaa zilizosajiliwa na zenye kuthibitishwa ubora na usalama, kutoa taarifa kuhusu bidhaa za vipodozi zinazodhaniwa kuwa hazina ubora, zimepitwa na muda wa matumizi au zina viambata vilivyopigwa marufuku, ili hatua stahiki za kisheria ziweze kuchukuliwa.

Posted on

Clement Mzize Arudi Kwenye Mapambano Baada ya Miezi Sita

Global Publishers
September 15, 2026
0 views
0 Comments

Mshambuliaji wa Yanga, Clement Mzize, amepona jeraha la goti lililomuweka nje ya uwanja kwa takribani miezi sita na sasa yupo tayari kurejea kwenye ushindani.

Mzize alikuwa akipitia kipindi cha matibabu na programu maalumu ya kurejesha uwezo wake baada ya kupata jeraha hilo, lakini kwa sasa hali yake imeimarika na ameanza kujiandaa kurejea kikosini.

Kupona kwake kunatajwa kuwa habari njema kwa Yanga, ambayo imekuwa ikimkosa mshambuliaji huyo kwa muda mrefu kutokana na jeraha hilo.

Mzize anatarajiwa kurejea hatua kwa hatua, huku benchi la ufundi likifanya tathmini ya hali yake ya mwili kabla ya kumpa nafasi ya kucheza mechi za ushindani.

Kurejea kwa mshambuliaji huyo kunaweza kuongeza nguvu na chaguo katika safu ya ushambuliaji ya Yanga, hasa katika kipindi ambacho timu hiyo inaendelea na majukumu yake katika mashindano mbalimbali.

Mashabiki wa Yanga sasa wanasubiri kumuona Mzize akirejea uwanjani baada ya kukaa nje kwa takribani miezi sita kutokana na jeraha la goti.

Posted on

Ajira Mpya 678 Serikalini, Madaktari na Walimu, Mwisho wa Maombi Sept 17, 2026

Dodoma, Septemba 3, 2026 — Sekretarieti ya Ajira katika Utumishi wa Umma (PSRS), kwa niaba ya

Tangazo hilo lenye Kumb. Na. JA.9/16/01/56, limetolewa Septemba 3, 2026, likiwa na nafasi katika kada mbalimbali kuanzia madaktari, wauguzi, walimu, wataalamu wa mifugo hadi watumishi wa ofisi.

Nafasi zilizotangazwa

1. Daktari Daraja la II – Nafasi 115

Waombaji wanatakiwa kuwa na Shahada ya Udaktari kutoka chuo kinachotambuliwa na Serikali, wawe wamekamilisha mafunzo ya Internship na kupata usajili kutoka Baraza la Madaktari Tanganyika.

Majukumu yanahusisha kutoa huduma za matibabu, elimu ya afya, kuzuia milipuko ya magonjwa, kutunza takwimu za afya, kusimamia watumishi na kushiriki katika kuboresha ubora wa huduma za afya.

Mshahara: TGHS E

2. Afisa Muuguzi Msaidizi Daraja la II – Nafasi 128

Nafasi hizi ni kwa wenye Stashahada ya Uuguzi ya muda usiopungua miaka miwili kutoka chuo kinachotambuliwa na Serikali.

Mwombaji anatakiwa pia kuwa amesajiliwa na Baraza la Wauguzi na Wakunga Tanzania.

Mshahara: TGHS B3. Afisa Mifugo Daraja la II – Nafasi 39

Waombaji wanatakiwa kuwa na Shahada ya Sayansi ya Wanyama (Animal Science) au Shahada ya Sayansi ya Kilimo aliyebobea katika Sayansi ya Wanyama kutoka Chuo Kikuu cha Kilimo cha Sokoine au sifa inayolingana kutoka chuo kinachotambuliwa na Serikali.

Majukumu yanahusisha kupanga na kusimamia uzalishaji wa mifugo, kutoa mafunzo kwa wafugaji, kuratibu miradi ya mifugo, kukusanya takwimu na kushiriki katika kudhibiti changamoto zinazohusiana na mifugo na mazingira.

Mshahara: TGS D

4. Tabibu wa Kinywa na Meno Daraja la II – Nafasi 17

Waombaji wanatakiwa kuwa na Stashahada ya Tabibu wa Meno (Diploma in Clinical Dentistry) kutoka chuo kinachotambuliwa na Serikali na wawe wamesajiliwa na Baraza la Madaktari.

Mshahara: TGHS B

5. Mteknolojia Maabara Daraja la II – Nafasi 25

Nafasi hizi ni kwa wenye Stashahada katika Uteknolojia wa Maabara za Afya kutoka chuo kinachotambuliwa na Serikali.

Mwombaji anatakiwa pia kuwa amesajiliwa na Baraza la Wataalamu wa Maabara.

Mshahara: TGHS B

6. Mwandishi Mwendesha Ofisi Daraja la II – Nafasi 74

Waombaji wanatakiwa kuwa na elimu ya Kidato cha Nne au Kidato cha Sita, pamoja na Stashahada ya Uhazili (NTA Level 6).

Wanapaswa pia kuwa wamefaulu somo la Hatimkato ya Kiswahili na Kiingereza kwa kasi ya maneno 100 kwa dakika moja na kuwa na ujuzi wa programu za kompyuta za ofisi kama Word, Excel, PowerPoint, Internet, E-mail na Publisher.

Mshahara: TGS C

7. Mwalimu Daraja la III C – Fizikia – Nafasi 55

Waombaji wanatakiwa kuwa na Shahada ya Elimu/Bachelor of Education yenye somo la Fizikia au shahada isiyo ya ualimu yenye Fizikia kama somo la kufundishia pamoja na Stashahada ya Uzamili ya Elimu (PGDE).

Mshahara: TGTS D

8. Mwalimu Daraja la III C – Hisabati – Nafasi 67

Waombaji wanatakiwa kuwa na Shahada ya Elimu/Bachelor of Education yenye Hisabati kama somo la kufundishia, au shahada isiyo ya ualimu yenye Hisabati pamoja na PGDE.

Mshahara: TGTS D

9. Mwalimu Daraja la III B – Fizikia – Nafasi 43

Nafasi hizi ni kwa wahitimu wenye Cheti cha Kidato cha Sita waliofaulu masomo mawili au zaidi yanayofundishwa shuleni na wenye Stashahada ya Ualimu ya miaka miwili yenye Fizikia kama somo la kufundishia.

Mshahara: TGTS C

10. Mwalimu Daraja la III B – Hisabati – Nafasi 48

Waombaji wanatakiwa kuwa na Cheti cha Kidato cha Sita, wakiwa wamefaulu masomo mawili au zaidi yanayofundishwa shuleni, pamoja na Stashahada ya Ualimu ya miaka miwili yenye Hisabati kama somo la kufundishia.

Mshahara: TGTS C

11. Afisa Misitu Msaidizi Daraja la II – Nafasi 28

Waombaji wanatakiwa kuwa na Stashahada katika fani kama Forestry, Agroforestry, Forest Resources Assessment and Management, Forest Biology, Forest Economics, Forest Engineering au fani inayohusiana.

Majukumu ni pamoja na kusimamia ukusanyaji wa mbegu na bustani za miti, kukusanya takwimu za misitu, kusimamia upandaji na utunzaji wa miti, kupima mazao ya misitu na kufanya doria.

Mshahara: TGS C

12. Afisa Afya Mazingira Msaidizi Daraja la II – Nafasi 26

Waombaji wanatakiwa kuwa na Stashahada ya Sayansi ya Afya ya Mazingira kutoka chuo kinachotambuliwa na Serikali na wawe wamesajiliwa na Bodi ya Wataalamu wa Afya Mazingira.

Majukumu yanahusisha kudhibiti milipuko ya magonjwa, kutoa elimu ya afya ya mazingira, kukagua usalama wa maeneo ya chakula, kusimamia sheria za afya ya mazingira na kuhamasisha jamii kuhusu usafi na afya.

Mshahara: TGHS B

13. Mwalimu Daraja la III C – Fasihi ya Kiingereza – Nafasi 13

Waombaji wanatakiwa kuwa na Shahada ya Elimu/Bachelor of Education yenye Fasihi ya Kiingereza kama somo la kufundishia, au shahada isiyo ya ualimu yenye somo hilo pamoja na PGDE.

Mshahara: TGTS D

Masharti muhimu ya maombi

Waombaji wote wanatakiwa kuwa raia wa Jamhuri ya Muungano wa Tanzania na wasizidi umri wa miaka 45.

Waombaji wenye ulemavu wanahamasishwa kutuma maombi na wanapaswa kuainisha aina ya ulemavu wao kwenye mfumo wa maombi.

Mwombaji anatakiwa kuambatisha cheti cha kuzaliwa kilichothibitishwa na Mwanasheria/Wakili, pamoja na vyeti vya elimu na vyeti vya kitaaluma vinavyohitajika kwa nafasi husika.

Sekretarieti ya Ajira imesisitiza kuwa Testimonials, Provisional Results, Statement of Results pamoja na Result Slips za Kidato cha Nne na Kidato cha Sita hazitakubaliwa.

Waombaji waliosoma nje ya Tanzania wanapaswa kuhakikisha vyeti vyao vimethibitishwa na mamlaka husika kama TCU, NECTA au NACTVET, kulingana na sifa husika.

Aidha, waombaji waliostaafishwa katika Utumishi wa Umma hawaruhusiwi kuomba isipokuwa wawe na kibali cha Katibu Mkuu Kiongozi.

Mwisho wa kutuma maombi

Mwisho wa kutuma maombi ya nafasi hizi ni Septemba 17, 2026.

Maombi yote yanatakiwa kutumwa kwa njia ya kielektroniki kupitia Recruitment Portal ya Sekretarieti ya Ajira.

Barua ya maombi iliyosainiwa inapaswa kuambatishwa pamoja na vyeti vinavyohitajika na ielekezwe kwa:

KATIBU,
OFISI YA RAIS,
SEKRETARIETI YA AJIRA KATIKA UTUMISHI WA UMMA,
Mtaa wa Mahakama, Tambukareli,
S.L.P. 2320,
DODOMA.

Sekretarieti ya Ajira imeonya kuwa maombi yatakayowasilishwa nje ya utaratibu uliowekwa hayatafikiriwa.

Aidha, waombaji wamekumbushwa kuwa ni marufuku kutoa au kupokea rushwa kwa lengo la kupata ajira au kupangiwa kituo cha kazi. Mchakato wa ajira unapaswa kuzingatia misingi ya haki, usawa na uwazi.

Limetolewa na:
KATIBU
SEKRETARIETI YA AJIRA KATIKA UTUMISHI WA UMMA

Posted on

Wakati wa Kuzungumza Kuhusu Menopauzi na Andropauzi, Golden Jubilee Oktoba 31, 2026

Global Publishers
September 15, 2026
24 views
0 Comments

Peri-menopauzi, menopauzi na mabadiliko yanayohusishwa na andropauzi yanaweza kuathiri afya, mahusiano, kujiamini, tija na mazingira ya kazi. Pamoja na hayo, mada hizi bado hujadiliwa kwa siri, kwa aibu au wakati mwingine hazizungumzwi kabisa.

Ni wakati wa kubadilisha hilo.

Ungana nasi kwa jioni ya maarifa, mazungumzo ya wazi na suluhisho za vitendo, ukishirikiana na wanawake na wanaume, wataalamu wa afya, viongozi wa kampuni, wataalamu wa Rasilimali Watu (HR), wajasiriamali na wadau wa mabadiliko.

Kwa pamoja tutajadili namna ya:

  • 🗣️ Kuvunja ukimya na kupinga dhana potofu.

  • 💡 Kuongeza uelewa kuhusu peri-menopauzi, menopauzi na andropauzi.

  • 🤝 Kujenga mazingira ya kazi yenye uelewa na msaada.

  • ❤️ Kukuza afya, ustawi na mahusiano bora.

  • 🌱 Kuandaa jamii kwa mtazamo chanya kuhusu kuzeeka kwa afya.

UELEWA. MAANDALIZI. MSAADA.

Tuvunje ukimya.
Tubadilishe mtazamo wa mazungumzo.
Tujenge mustakabali wenye afya bora, heshima na unaojumuisha kila mtu.

TOPICS AND PRESENTATIONS — MADA

  1. UNDERSTANDING THE WOMAN AT MIDLIFE
    (KUMWELEWA MWANAMKE KATIKA UMRI MKUBWA)
  2. THE HEALTHY AND RESILIENT WOMAN
    (MWANAMKE MWENYE AFYA NJEMA NA USTAHIMILIVU)
  3. THE EMPOWERED AND FINANCIALLY SECURE WOMAN
    (MWANAMKE ALIYEWEZESHWA NA MWENYE UTHABITI WA KIFEDHA)
  4. MENOPAUSE IN THE WORKPLACE
    (UKOMO WA HEDHI (MENOPAUSE) NA ATHARI ZAKE MAHALI PA KAZI)
  5. RELATIONSHIPS, LEADERSHIP AND SOCIAL SUPPORT
    (MAHUSIANO, UONGOZI NA USAIDIZI WA KIJAMII)

BOOK YOUR TICKETS NOW | WAHI TIKETI YAKO SASA
https://nilipe.co.tz/event/view/EO.EMTTKK76H

TAREHE NA MAHALI

SATURDAY 31ST OCTOBER 2026

GOLDEN JUBILEE TOWER
5TH FLOOR, DAR ES SALAAM

🚨 SHIRIKI KATIKA MAZUNGUMZO.
SHIRIKI KATIKA MABADILIKO. 🚨

Posted on

No More Silence: Wakati wa Kuzungumza Kuhusu Menopauzi na Andropauzi

Global Publishers
September 15, 2026
0 views
0 Comments

Peri-menopauzi, menopauzi na mabadiliko yanayohusishwa na andropauzi yanaweza kuathiri afya, mahusiano, kujiamini, tija na mazingira ya kazi. Pamoja na hayo, mada hizi bado hujadiliwa kwa siri, kwa aibu au wakati mwingine hazizungumzwi kabisa.

Ni wakati wa kubadilisha hilo.

Ungana nasi kwa jioni ya maarifa, mazungumzo ya wazi na suluhisho za vitendo, ukishirikiana na wanawake na wanaume, wataalamu wa afya, viongozi wa kampuni, wataalamu wa Rasilimali Watu (HR), wajasiriamali na wadau wa mabadiliko.

Kwa pamoja tutajadili namna ya:

  • 🗣️ Kuvunja ukimya na kupinga dhana potofu.

  • 💡 Kuongeza uelewa kuhusu peri-menopauzi, menopauzi na andropauzi.

  • 🤝 Kujenga mazingira ya kazi yenye uelewa na msaada.

  • ❤️ Kukuza afya, ustawi na mahusiano bora.

  • 🌱 Kuandaa jamii kwa mtazamo chanya kuhusu kuzeeka kwa afya.

UELEWA. MAANDALIZI. MSAADA.

Tuvunje ukimya.
Tubadilishe mtazamo wa mazungumzo.
Tujenge mustakabali wenye afya bora, heshima na unaojumuisha kila mtu.

🚨 SHIRIKI KATIKA MAZUNGUMZO.
SHIRIKI KATIKA MABADILIKO. 🚨

Posted on

Heche: Lissu Hakutupa Maelekezo ya Kuzuia Uchaguzi wala Kuhamasisha Uasi

Dar es Salaam. Shahidi John Heche ameiambia mahakama kuwa Tundu Lissu hakuwahi kuwapa maelekezo ya namna ya kuzuia Uchaguzi Mkuu, kuhamasisha uasi au kufanya vitendo vya kuvuruga uchaguzi.

Heche ametoa kauli hiyo wakati akihojiwa na Wakili Katuga, katika sehemu ya mahojiano iliyolenga kuchunguza kauli na misimamo ya viongozi wa CHADEMA kuhusu Uchaguzi Mkuu wa 2025.

Akijibu swali la Katuga kama Lissu aliwaambia njia za kuzuia uchaguzi, Heche alisema: “Hakutuambia.”

Alipoulizwa kama Lissu aliwaambia njia za kuhamasisha uasi, shahidi huyo alijibu tena: “Hakutuambia.”

Aidha, alipoulizwa kama Lissu aliwahi kutaja njia ya kukinukisha, Heche alisema: “Hakusema.”

Hata hivyo, katika mahojiano hayo Heche alikiri kwamba alimsikia mwenyekiti wa chama akisema, “tutazuia uchaguzi.”

Pia alikiri kuwa mwenyekiti alisema “mahakamani hakuendeki” na kwamba polisi wanaingiza kura feki.

“No Reforms, No Election”

Kabla ya kufikia hoja hizo, Katuga alimuuliza Heche kama baada ya Lissu kukamatwa aliendeleza nia ya kuzuia uchaguzi.

Heche hakukubaliana na swali hilo, akisema alichokiendeleza kilikuwa msimamo wa “No Reforms, No Election.”

Alipoulizwa tena kama msimamo huo ulikuwa nia ya kuzuia uchaguzi, Heche alijibu:

“Hicho unachouliza siyo kweli.”

Katuga aliendelea kumkabili kuhusu kauli zinazodaiwa kutolewa kupitia vyombo vya habari kwamba uchaguzi wa 2025 hautafanyika.

Katika maswali hayo, Heche alisema mara kadhaa “sikumbuki”, ikiwemo alipoulizwa kuhusu mahojiano yake na East Africa Radio na kauli zinazodaiwa kutolewa kuhusu kutoshiriki uchaguzi na kutofanyika kwa uchaguzi.

Mahakama yakataa kusikiliza sauti

Wakati Katuga akiomba Heche akumbushwe kwa kutumia rekodi ya sauti ya mahojiano yake ya East Africa Radio, Lissu alipinga hatua hiyo na kurejea kifungu cha 177(1) na (2) cha Sheria ya Ushahidi.

Majaji, kwa mujibu wa mwenendo uliowasilishwa mahakamani, waliamua kwamba Heche akumbushwe bila kusikiliza sauti hiyo.

Baada ya kukumbushwa, Heche bado alisema hakumbuki baadhi ya kauli alizoulizwa.

Ushahidi kuhusu Oktoba 29

Katuga pia alimhoji Heche kuhusu hotuba ya Jaji Chande na matukio ya Oktoba 29.

Heche alisema anakumbuka kwamba katika hotuba hiyo ilielezwa kuwa matukio hayo yalipangwa na kuratibiwa, lakini alisema hakumbuki baadhi ya vipengele vingine alivyoulizwa.

Alikanusha kuwa anakumbuka kama alisema hotuba hiyo ilieleza kwamba fujo za Oktoba 29 zililenga kuzuia uchaguzi.

Aidha, hakukumbuka baadhi ya maelezo kuhusu idadi ya askari waliouawa.

Mkutano wa CHADEMA

Katika sehemu nyingine ya ushahidi, Heche alikiri kwamba alihudhuria mkutano wa CHADEMA ambapo mwenyekiti wa chama taifa alikuwa mzungumzaji mkuu.

Heche alisema naye alizungumza katika mkutano huo kwa muda wa takribani nusu saa, ingawa hakukumbuka kwa usahihi alichokizungumza.

Katuga alitaka kujua kama kulikuwa na hotuba rasmi iliyoandaliwa na mwenyekiti kwa ajili ya mkutano huo. Heche alisema hafahamu.

Pia alisema mikutano ya CHADEMA si yote huhifadhi kumbukumbu.

Hoja inayobaki mbele ya mahakama

Ushahidi wa Heche umeibua tofauti kati ya msimamo wa kisiasa wa “No Reforms, No Election” na madai kwamba kulikuwa na mpango au maelekezo ya moja kwa moja ya kuzuia uchaguzi.

Wakati Heche akikiri kusikia baadhi ya kauli kali kuhusu uchaguzi, amesisitiza kwamba Lissu hakuwahi kuwapa maelekezo ya namna ya kuzuia uchaguzi au kuhamasisha uasi.

Hivyo, mahojiano ya Katuga yanaendelea kulenga kubaini kama kauli na matendo yaliyotajwa mahakamani yanaonyesha msimamo wa kisiasa pekee au yanaweza kuhusishwa na madai ya njama ya kuzuia uchaguzi.

Posted on

Baada ya Miaka 6, Céline Dion Aitingisha Ufaransa kwa Shoo ya Kihistoria

NANTERRE, UFARANSA — Mwanamuziki mashuhuri wa Canada, Céline Dion, amerejea jukwaani kwa kishindo baada ya zaidi ya miaka sita bila kufanya tamasha kamili, huku akiwavutia mashabiki si kwa sauti yake pekee bali pia kwa mwonekano wake uliopambwa kwa vito vya thamani kubwa.

Dion, mwenye umri wa miaka 58, alifanya onyesho lake la kwanza katika residency yake nchini Ufaransa Jumamosi, Septemba 12, katika Plenitude Arena, Nanterre. Tamasha hilo lilikuwa sehemu ya ratiba ya maonyesho 26 anayotarajiwa kufanya nchini humo.

Mwimbaji huyo wa hit song “My Heart Will Go On” alionekana akiwa amevalia gauni jeusi maalumu kutoka Dior, huku shingoni akiwa amevaa mkufu mkubwa wa almasi uliotengenezwa na kampuni ya vito ya Boucheron.

Mkufu huo, unaojulikana kama The Address, una almasi yenye uzito wa karati 10.1, pamoja na almasi nyingine za aina mbalimbali. Boucheron ilieleza kuwa utengenezaji wa mkufu huo ulichukua takribani saa 1,107.

Dion pia alivaa pete ya Fuzzy, the Leopard Cat, iliyotengenezwa kwa dhahabu na kupambwa kwa vito, ikiwa na jiwe la kijani la tourmaline lenye uzito wa karati 18.17.

Katika video zilizoonyeshwa wakati wa tamasha, Dion pia alionekana akiwa amevalia mkufu mwingine wa Boucheron uitwao Tattoo, uliotengenezwa kwa smoky quartz yenye uzito wa karati 580 na almasi adimu yenye uzito wa karati 1.74.

Kwa ujumla, mkusanyiko wa vito alivyovaa Dion ulifanya mwonekano wake kuwa miongoni mwa mambo yaliyozungumziwa zaidi katika usiku huo.

Hata hivyo, kilichogusa zaidi mashabiki ni hisia za Dion alipofungua tamasha hilo kwa wimbo “On Ne Change Pas.” Sekunde chache baada ya kuanza kuimba, alionekana kuzidiwa na hisia na kusimama huku akifuta machozi.

Baadaye aliweka mkono kifuani na kuunganisha mikono yake, ishara iliyotafsiriwa kama namna ya kuwashukuru mashabiki waliokuja kumuunga mkono.

Baada ya kuimba wimbo “Destin,” Dion alizungumza na mashabiki wake kwa Kifaransa na kisha kwa Kiingereza, akiwashukuru kwa kusafiri kutoka maeneo mbalimbali ya dunia ili kushuhudia kurejea kwake jukwaani.

Kurudi kwa Dion kunakuja baada ya kukumbwa na changamoto ya kiafya. Mnamo Desemba 2022, alitangaza kuwa alikuwa amegundulika kuwa na ugonjwa wa stiff-person syndrome, hali iliyomlazimisha kupunguza shughuli zake za muziki na kuahirisha baadhi ya maonyesho.

Kwa kurejea kwake jukwaani nchini Ufaransa, Dion ameanza ukurasa mpya wa kazi yake ya muziki huku mashabiki wakisubiri kuona maonyesho yake yanayofuata katika residency hiyo.

Mbali na kipaji chake cha muziki, usiku huo pia ulimweka kwenye uangalizi wa ulimwengu wa mitindo, kutokana na mchanganyiko wa gauni jeusi la Dior na vito vya Boucheron vyenye thamani na uzito mkubwa.

Posted on

Mbio za Milioni 6 Zaanza Kuwawinda Washindi 20 Wa Expanse Cash Rush

Uwanja wa ushindani umefunguliwa Meridianbet na safari ya kuwania mkwanja inaanza kupitia Expanse Cash Rush Challenge, mashindano yanayokuja na mfuko wa zawadi wenye thamani ya TZS 6,000,000. Kuanzia sasa hadi Septemba 22, 2026, wachezaji watakuwa na nafasi ya kuingia kwenye mbio hizi maalum huku wakilenga kujihakikishia nafasi miongoni mwa washindi 20 watakaotwaa zawadi.

Katika mashindano haya, Expanse imeandaa michezo 20 ya kusisimua ambayo itakuwa uwanjani kwa washiriki. Kwa dau la kuanzia TZS 1,000 pekee, kila mchezaji anapata nafasi ya kuanza safari yake bila kuhitaji dau kubwa. Hata hivyo, kadri changamoto inavyoendelea, ushindani unazidi kupanda na kila hatua inaweza kuwa muhimu katika kutengeneza nafasi nzuri kwenye mbio za zawadi.

Vilevile, meridianbet wana michezo mingi ya kasino mtandaoni na mechi za kimataifa za kubashiri zenye ushindani mkubwa wa odds. Jiunge leo kwa kutembelea tovuti ya meridianbet au piga *149*10# kisha uanze safari yako ya ushindi.

Kipengele kinachofanya Cash Rush Challenge kuvutia zaidi ni kwamba jumla ya dau utakazocheza ndicho kipimo kinachokuweka kwenye mbio za ushindi. Hivyo, si suala la kuingia na kucheza mara moja, bali ni kushiriki kwenye mbio na kuacha jumla ya dau zako zifanye kazi katika safari ya kuelekea kileleni.

Kwa jumla ya TZS 6 milioni kwenye mfuko wa zawadi na nafasi kwa washindi 20, kila mshiriki ana sababu ya kuongeza umakini na kufuatilia mbio hadi siku ya mwisho. Kuanzia sasa hadi 22, Expanse Cash Rush inageuka kuwa uwanja wa ushindani ambao kila mchezaji anataka kuona jina lake likiwa miongoni mwa waliotamba zaidi.

Usiache mbio zipite pembeni yako ukiwa na Meridianbet. Chagua mchezo wako kati ya michezo 20 ya Expanse, anza kwa dau la kuanzia TZS 1,000, na shiriki katika Cash Rush Challenge. Milioni 6 zipo kwenye mfuko wa zawadi, washindi ni 20, na mbio tayari zimeanza.

Posted on

Chukua Mkwanja Mapema na Meridianbet, Elche na Real Madrid Kukiwasha

Je unajua kuwa leo ndiyo ile siku ambayo unaweza ukaondoka na pesa za kutosha kutoka Meridianbet?. Mechi kibao za ushindi zipo kwaajili yako hivyo suka jamvi na ubashiri leo.

Kama kawaida kule Hispania, LALIGA itaendelea kutakuwa na mechi nyingi lakini hapa tutaangalia mechi ya Elche dhidi ya Real Madrid ambapo kila timu inahitaji ushindi wa pointi 3 ili kuendelea kujiweka sawa kwenye msimamo wa ligi kuu.

Elche mpaka sasa kwenye mechi tano ambazo amecheza ameambulia pointi 2 pekee huku wenyeji wao wakiondoka na ppointi 12 kwenye msimamo wa ligi baada ya kupata ushindi mnono kwenye mechi yao iliyopita. Nani kushinda leo?. Jisajili hapa.

Vijana hao wa Mourinho wanahitaji kupambania taji la ligi kuu ambalo hawajalipata kwa muda sasa huku wakiwa wamewekeza kwenye usajili wa wachezaji wenye uwezo mkubwa ambao kwa pamoja wanaweza kuisaidia timu kufika malengo yao.

Msimu uliopita kwenye mechi mbili za ligi walipokutana, Real aliondoka na pointi 4 ambapo mechi ya kwanza walitoa sare na ya pili wakashinda. Je leo hii nani unampa beti yako ya ushindi?. Suka jamvi hapa.

Pesa kubwa ipo kupitia michezo ya Kasino ya Mtandaoni kama vile, Keno, Aviator, Poker, Roulette, Wild Icy Fruits, Super Heli na mingine kibao. Jiunge leo kwa kutembelea tovuti ya meridianbet.co.tz au piga *149*10# kisha uanze safari yako ya ushindi.

Meridianbet wao wanampa nafasi ya ushindi Mourinho na vijana wake, lakini pia mechi hii imepewa machaguo zaidi ya 1000. Beti sasa.

Carabao Cup Raundi ya 3 kule Uingereza itaendelea ambapo mechi zipo kibao za kukufanya uwe mshindi kikosi cha Iraola Liverpool kitaumana dhidi ya Tottenham Spurs ambao wameanza msimu vibaya sana wakiwa hawajashinda mechi yoyote hadi sasa , lakini pia bila kufunga bao lolote.

Chini ya Iraola Liverpool bado inajitafuta kwani imekuwa haina matokeo ya kushawishi sana tena hawa baada ya kutoa suluhu kwenye mechi yao wakiwa Anfield. Hii ni mechi ambayo Jogoo anahitaji kushinda ili kuthibitisha kwa mashabiki zao kuwa mpia una matokeo matatu.

Spurs licha ya kufanya usajili mkubwa msimu huu timu bado haipati matokeo mzuri, ambapo De Zerbi sasa ana kibarua kizito cha kufanya kipindi ambacho bado mechi hazijachanganya.

Mara ya mwisho kukutana timu hizi mbili, walitoa sare huku nafasi kubwa ya kupata ushindi pale Meridianbet anapewa Liver. Je wewe unampa nani nafasi kubwa ya kupata ushindi?. Suka jamvi hapa.

Nao Ipswich watapepetana dhidi ya Arsenal ambao ni mabingwa watetezi wa ligi na vinara wa ligi hadi sasa huku nafasi ya kuondoka na mpunga ikiwa nje kabisa.

Hii nii mechi ambayo inakutanisha timu mbili zenye uwezo tofauti ambapo vijana wa Arteta wako kwenye kiwango bora sana si kwenye ligi tuu, bali kwenye mashindano yote ambapo wenyeji wao kwenye ligi hadi sasa wamekusanya pointi 6 kwenye mechi 4 huku wakiwa wameshinda mechi mbili na kupoteza mbili pia.

Kwa upande wa Arsenal wao wameshinda mechi zote nne ambazo wamecheza huku wakiwa wameruhusu bao moja hadi sasa, na ni moja ya timu ambazo zinasifika kwa kujilinda zaidi hivyo ni ngumu mpinzani kupata goli.

Posted on

Makonda Awasili Camp Nou, Akutana na Laporta kwa Ajili ya Soka Tanzania

Global Publishers
September 15, 2026
18 views
0 Comments

Waziri wa Habari, Utamaduni, Sanaa na Michezo, Paul Makonda, ameanza ziara nchini Hispania na kutembelea klabu ya FC Barcelona, ambako amekutana na Rais wa klabu hiyo, Joan Laporta.

Katika ziara hiyo, Makonda amefanya mazungumzo na viongozi wa Barcelona kuhusu fursa za ushirikiano katika maendeleo ya soka, kukuza vipaji, maendeleo ya kiufundi pamoja na maandalizi ya Tanzania kuelekea AFCON 2027.

Mazungumzo hayo pia yameangazia namna uzoefu na mfumo wa soka wa Barcelona unavyoweza kusaidia katika kuimarisha maendeleo ya mchezo wa soka nchini Tanzania.

Aidha, Makonda amemkabidhi Rais wa Barcelona, Joan Laporta, salamu za pole kutoka kwa Rais wa Jamhuri ya Muungano wa Tanzania, Dkt. Samia Suluhu Hassan, kufuatia msiba wa mume wake, Marehemu Hafidh Ameir Hassan, pamoja na kumkabidhi barua ya rambirambi kwa ajili ya kumfikishia Rais Samia.

Makonda pia anatarajiwa kushuhudia mchezo wa FC Barcelona dhidi ya Racing Santander, utakaochezwa Jumatano, Septemba 16, 2026, katika uwanja wa Spotify Camp Nou.

Kwa kifupi: Ziara hiyo inalenga zaidi katika kujenga ushirikiano wa kimichezo kati ya Tanzania na FC Barcelona, hususan katika maendeleo ya vipaji na soka la Tanzania kuelekea AFCON 2027.

Stori na Tereza Muga | GPL -TUDACO