Month: August 2026

Posted on

Mashabiki, Wasanii Wamwaga Pongezi Kwa Maua Sama Baada Ya Picha Za Ujauzito

Global Publishers
August 31, 2026
1,074 views
0 Comments

Msanii wa muziki wa Tanzania, Maua Sama, amezua furaha miongoni mwa mashabiki na mastaa mbalimbali baada ya kushiriki picha na video zinazomuonesha akiwa na ujauzito.

Maua Sama alishiriki picha na video hizo kupitia mitandao yake ya kijamii na kuandika ujumbe mfupi wa shukrani akisema, “I’m Grateful Alhamdulillah ❤️.”

Baada ya chapisho hilo, sehemu ya mastaa mbalimbali waliingia kwenye maoni na kumpongeza msanii huyo kwa hatua hiyo mpya ya maisha.

Msanii Jux aliandika, “Hongera sana,” huku Chege akisema, “Baraka za kutosha 🙏.”

Kwa upande wake, Dayana Nyange alionesha furaha kubwa na kumuandikia Maua Sama ujumbe wa pongezi akisema:

“Awwwww Kifua nnacho boo 😍😍😍 Anti Nimeweaza👌 Jamaniii hongera sasa Mama kijacho @mauasama Im so Happy for you love🥰❤️🫶.”

Naye Mamama Chanja alionesha mshangao na furaha kupitia ujumbe wake uliosomeka, “WOOOOOOOOOOOOOOOOOOW NIMESHAUTI HAPA JAMANI 🥹🙏🏻🙏🏻🙏🏻.”

Msanii Ammygal pia hakusita kumpongeza Maua Sama kwa kuandika, “Aaaaaaaw😍😍 Congrats Samaaa wangu😍.”

Aidha, Kim Nana alijiunga na mastaa hao kwa kumpongeza Maua Sama na kusema, “Hongera Babe👏👏😍😍.”

Pongezi hizo zimeendelea kuonyesha namna habari hiyo ilivyopokelewa kwa furaha na watu mbalimbali, huku mashabiki wakimtakia Maua Sama safari njema katika hatua hiyo mpya ya maisha.

Posted on

Mawakili wa Mtoto wa Rwakatare Watoa Tahadhari Kuhusu Mali za Mirathi – Video

Global Publishers
August 31, 2026
1,698 views
0 Comments

Mawakili Nicholas Mugarura, Mwesigwa Muhingo na David Saire Manoti, wanaomwakilisha mmoja kati ya watoto wa marehemu Mchungaji Getrude Rwakatare wametoa taarifa kuhusu mgogoro wa mirathi ya marehemu.

Akizungumza kwa niaba ya wenzake, mmoja wa mawakili hao, David Saire Manoti, amesema marehemu Mchungaji Rwakatare alikuwa kiongozi maarufu wa Kanisa la Assemblies of God, Mikocheni B, Mlima wa Moto, pamoja na kuwa Mbunge wa Kuteuliwa na Rais.

Amesema baada ya kifo cha mama Rwakatare aliyefariki dunia Aprili 20, 2020, Shauri la Mirathi Na. 32 la mwaka 2020 lilifunguliwa katika Mahakama Kuu ya Dar es Salaam na baadaye kuhamishiwa Mahakama Kuu, Kituo Jumuishi cha Haki Temeke.

Katika shauri hilo, watoto wa marehemu waliteuliwa kuwa wasimamizi wa mirathi.

Manoti amesema marehemu Mchungaji Rwakatare alikuwa akimiliki shule kadhaa ambazo, kupitia hati maalum ya ugawaji wa mali za mirathi (Accounts of Estate) ya Novemba 26, 2024, na baada ya kuidhinishwa na Mahakama Kuu, ziligawanywa kwa watoto wake.

Amesema kila mtoto aligawiwa shule tatu. Hata hivyo, kwa upande wa mtoto mmoja, Tibe Kenneth Rwakatare, utekelezaji wa ugawaji huo umekumbana na changamoto kubwa na kuonya kuwa watu wasinunue mali za marehemu mpaka ufumbuzi wa utata huo utakapopatikana.

Posted on

Mnyika Kuendelea Kutoa Utetezi Kesi Ya Uhaini Inayomkabili Lissu leo

Global Publishers
August 31, 2026
48 views
0 Comments

DAR ES SALAAM — Katibu Mkuu wa Chama cha Demokrasia na Maendeleo (CHADEMA), John Mnyika, leo Agosti 31, 2026, anaendelea kutoa ushahidi wa utetezi katika kesi ya uhaini inayomkabili Mwenyekiti wa chama hicho, Tundu Lissu.

Mnyika alianza kutoa ushahidi wa utetezi Agosti 28, 2026, akiwa shahidi wa pili katika kesi hiyo, baada ya Lissu ambaye ni mshtakiwa katika kesi hiyo kumaliza kutoa sehemu yake ya utetezi.

Katika ushahidi wake, Mnyika ameliambia Mahakama kwamba yeye ndiye aliyeandaa Mkutano wa CHADEMA uliofanyika Aprili 3, 2025, ambao upande wa mashtaka umehusisha na kauli zinazodaiwa kuwa za uchochezi zilizotolewa na Lissu.

Mnyika amesema maandalizi ya mkutano huo yalikuwa chini yake, akieleza kuwa Lissu hakuwa mtu aliyehusika na maandalizi ya mkutano huo kama ambavyo imeelezwa katika baadhi ya hoja zinazowasilishwa katika kesi hiyo.

Iwapo Mnyika atamaliza kutoa ushahidi wake wa utetezi leo, hatua inayofuata itakuwa ni kuulizwa maswali ya dodoso na upande wa Jamhuri, ambao ndio unaendesha mashtaka dhidi ya Lissu.

Lissu anakabiliwa na mashtaka ya uhaini chini ya Kifungu cha 39(2)(d) cha Sheria ya Kanuni ya Adhabu (Penal Code), Sura ya 16 ya Sheria za Tanzania, kama ilivyorekebishwa mwaka 2023.

Kesi hiyo imekuwa ikifuatiliwa kwa karibu kutokana na nafasi ya Lissu katika CHADEMA na uzito wa mashtaka yanayomkabili.

Posted on

Mr. Cheeks wa Lost Boyz Kutua Arusha Septemba 19, Miaka 30 Ya Bongo Flava

Global Publishers
August 31, 2026
36 views
0 Comments

ARUSHA — Kamati ya Maandalizi ya Tamasha la Miaka 30 ya Bongo Flava imethibitisha ujio wa rapa mkongwe kutoka nchini Marekani, Mr. Cheeks, ambaye anatarajiwa kutumbuiza katika tamasha hilo litakalofanyika jijini Arusha Septemba 19, 2026.

Mr. Cheeks, ambaye ni mwanachama wa kundi maarufu la Hip Hop duniani, Lost Boyz, anatarajiwa kuwasili nchini kwa ajili ya kushiriki katika tamasha hilo linalolenga kuadhimisha safari ya miaka 30 ya muziki wa Bongo Flava.

Ujio wa rapa huyo unatatajwa kuwa sehemu muhimu ya historia ya muziki kati ya Tanzania na Marekani, kutokana na uhusiano wa muda mrefu wa kundi la Lost Boyz na mashabiki wa muziki nchini.

Kundi hilo lilifanya historia mwaka 1998 baada ya kuwa miongoni mwa makundi ya kwanza ya Hip Hop kutoka Marekani kutumbuiza nchini Tanzania, tukio lililofungua ukurasa mpya katika mahusiano ya muziki kati ya wasanii wa Tanzania na Marekani.

Baada ya miaka 28, ujio wa Mr. Cheeks nchini unatarajiwa kuhuisha kumbukumbu hiyo huku akijiandaa kupanda jukwaani Arusha katika tamasha maalum la kuadhimisha miaka 30 ya Bongo Flava.

Tamasha hilo linatarajiwa kukutanisha wasanii na wadau mbalimbali wa muziki, likiwa sehemu ya kusherehekea safari, maendeleo na mchango wa Bongo Flava katika tasnia ya muziki Tanzania na kimataifa.

STORI NA GABBY MTANZANIA | GPL

Posted on

Mwenge wa Uhuru watua Kagera – HabariLeo

MULEBA: Mkoa wa Geita umekabidhi Mwenge wa Uhuru kwa Mkoa wa Kagera katika hafla iliyofanyika katika Kijiji cha Nyakabango, Wilaya ya Muleba, mkoani Kagera, huku viongozi mbalimbali na wananchi wakishiriki mapokezi hayo.

Mwenge huo umekabidhiwa na Katibu Tawala wa Mkoa wa Geita, Mohamed Gombati, kwa Katibu Tawala wa Mkoa wa Kagera, Steven Ndanki, katika hafla iliyoongozwa na Mkuu wa Mkoa wa Kagera, Kanali Yahya Ramadhani Kido.

Akizungumza wakati wa makabidhiano hayo, Kiongozi wa Mbio za Mwenge wa Uhuru Kitaifa mwaka 2026, Wazo Michael Mwang’onda, amezitaka taasisi zote za manunuzi na Halmashauri nane za Mkoa wa Kagera kutenga asilimia 30 ya bajeti ya manunuzi kwa ajili ya vikundi vilivyosajiliwa vya makundi maalum, wakiwemo vijana, wanawake, wazee na watu wenye ulemavu.

Amesema fedha hizo zinapaswa kuelekezwa katika vikundi hivyo ili viweze kukopeshwa na kuanzisha miradi ya maendeleo itakayowainua kiuchumi na kuwawezesha kujikwamua kutoka katika umaskini.

Aidha, amezitaka taasisi na mashirika ya umma kutoa kipaumbele kwa zabuni na tenda zisizozidi Sh milioni 500 ili ziweze kunufaisha makundi hayo, huku akizitaka Halmashauri zote nchini kusajili vikundi 150 kwa lengo la kuwawezesha wananchi kupata mikopo na kuanzisha miradi ya maendeleo.

Mwang’onda pia amewataka wananchi wa Mkoa wa Kagera kutumia mbio za Mwenge wa Uhuru Kitaifa mwaka 2026 kama fursa ya kuchochea maendeleo, badala ya kuzigeuza kuwa chanzo cha migogoro.

Amesema endapo kuna changamoto kati ya wananchi na viongozi wao, zinapaswa kujadiliwa na kutafutiwa ufumbuzi ili wananchi waendelee kusonga mbele katika kuleta maendeleo.

Akitoa taarifa kuhusu maandalizi ya Mkoa wa Kagera, Mkuu wa Mkoa huo, Kanali Yahya Ramadhani Kido, amesema tayari mkoa umesajili vikundi 1,455 kati ya 1,200 vilivyohitajika, sawa na asilimia 121.

Amesema kati ya vikundi hivyo, vikundi 54 vimenufaika na fedha zilizotengwa kupitia mfumo wa manunuzi.

Kanali Kido amesema Mwenge wa Uhuru utatembea umbali wa takribani kilomita 1,230 ndani ya Mkoa wa Kagera na kutembelea miradi 54 ya maendeleo yenye thamani ya Sh bilioni 23.7.

Amesema kati ya miradi hiyo, 25 itawekewa mawe ya msingi, mitano itafunguliwa, 11 itazinduliwa na 13 itakaguliwa ili kujiridhisha kuhusu utekelezaji wake pamoja na manufaa yake kwa wananchi.

Ameeleza kuwa miradi hiyo inahusisha sekta muhimu za maendeleo, zikiwemo maji, afya, elimu, miundombinu, nishati, uwezeshaji wa vijana kiuchumi pamoja na mazingira wezeshi kwa uwekezaji.

Kwa mujibu wa Kanali Kido, ujumbe mkuu wa Mwenge wa Uhuru mwaka huu unalenga kuendelea kuimarisha amani, umoja na mshikamano wa kitaifa kupitia kaulimbiu isemayo: “Tanzania ni yetu sote, tushikamane kwa pamoja kuleta maendeleo.”

Amesema Mwenge huo pia utatumika kuhamasisha na kutoa elimu kwa wananchi kuhusu mapambano dhidi ya rushwa, malaria, VVU/UKIMWI na dawa za kulevya, sambamba na kuhimiza wananchi kuzingatia lishe bora.

Aidha, amewaalika wananchi wote wa Kagera kujitokeza kwa wingi kuupokea Mwenge wa Uhuru katika maeneo mbalimbali utakakopita, akisisitiza umuhimu wa kuonyesha mshikamano na kuunga mkono jitihada za maendeleo.

Posted on

Kiongozi Wa Upinzani Akabiliwa Na Mashtaka Ya Uhaini Zambia

Global Publishers
August 31, 2026
30 views
0 Comments

LUSAKA, Zambia — Mawakili wa kiongozi wa upinzani nchini Zambia, Brian Mundubile, wamethibitisha kuwa mteja wao amefikishwa mahakamani na kushtakiwa kwa kosa la uhaini, wakati mvutano wa kisiasa ukiendelea kushika kasi nchini humo.

Wakili wake, Milner Katolo, amesema Mundubile yuko tayari kujitetea dhidi ya mashtaka hayo, huku akithibitisha taarifa hizo Jumamosi jioni katika mahojiano na Zambian Eye.

Mundubile alikamatwa Alhamisi kufuatia operesheni iliyofanywa na mamlaka, baada ya awali kujificha kufuatia hatua zilizokuwa zimechukuliwa dhidi yake.

Kiongozi huyo wa upinzani alikuwa miongoni mwa waliopinga matokeo ya uchaguzi wa hivi karibuni wa urais nchini Zambia, ambapo Rais Hakainde Hichilema alitangazwa mshindi na kupata muhula wa pili madarakani.

Mzozo huo wa kisiasa umeendelea kuongeza presha nchini Zambia, huku mamlaka zikikituhumu chama cha Mundubile, NRPUP, kwa kupanga uasi wa kutumia silaha.

Hata hivyo, chama hicho kimekanusha madai hayo na kupinga tuhuma zinazotolewa dhidi yake.

Kesi ya Mundubile sasa inatarajiwa kufuatiliwa kwa karibu, huku hatua za mahakama zikitoa mwelekeo wa namna mvutano huo wa kisiasa utakavyoendelea.

Posted on

Shule zatakiwa kuweka kipaumbele Tehama – HabariLeo

KAGERA: Serikali imezitaka shule nchini kuweka kipaumbele kwenye mafunzo ya Teknolojia ya Habari na Mawasiliano (TEHAMA) kwa wanafunzi wao ili kwenda sanjari na dunia ya sasa ya utandawazi na teknolojia inayokua kwa kasi.

Serikali imeeleza kwa dunia ya sasa teknolojia inakwenda kwa kasi kubwa hivyo shule zinapaswa kuwa na miundombinu bora ya wanafunzi wake kujifunza TEHAMA huku ikiipongeza shule ya Bunazi Green Acres iliyoko mji mdogo wa Bunazi Kata ya Kassambya wilayani Misenyi kwa kuwa mfano kwenye eneo la mafunzo ya TEHAMA.

Ushauri huo ulitolewa mwishoni mwa wiki na Mkurugenzi wa Halmashauri ya Wilaya ya Missenyi mkoani Kagera, Phocus Rwegasira, wakati wa mahafali ya 10 ya shule hiyo ya Bunazi Green Acres iliyoko mji mdogo wa Bunazi Kata ya Kassambya wilayani Misenyi yaliyofanyika shuleni hapo ambapo yeye alikuwa mgeni rasmi.

Alisisitiza kuwa mafunzo ya teknolojia ni muhimu kwani dunia inakwenda kwa kasi kwenye eneo hilo huku akisisitiza pia umuhimu wa ushirikiano kati ya wazazi, walimu na jamii katika kuhakikisha watoto wanapata elimu bora na malezi yanayowaandaa kuwa viongozi na wataalamu wa baadaye.

Alisema pamoja na shule hiyo kuweka miundimboinu bora na ya kisasa lakini mafanikio ya mwanafunzi hayawezi kutenganishwa na juhudi za walimu, wazazi na uongozi wa shule, hivyo kila upande unapaswa kutekeleza wajibu wake kwa umakini.

Rwegasira pia aliwahimiza wahitimu kuwa na nidhamu, bidii na kujituma katika masomo yao ya ngazi zinazofuata, akiwataka kutumia fursa za elimu kujenga maisha yao na kuchangia maendeleo ya jamii na taifa kwa ujumla.

Aidha, aliwataka wazazi kuendelea kuwa karibu na watoto wao, kufuatilia maendeleo yao ya kitaaluma na kuwajengea misingi mizuri ya maadili.

Katika hafla hiyo, Rwegasira alikabidhi vyeti kwa baadhi ya wahitimu, huku akipongeza uongozi wa Bunazi Green Acres kwa kutimiza miaka 10 ya mahafali na kuendelea kutoa mchango katika sekta ya elimu nchini.

Mkurugenzi wa Shule ya Bunazi Green Acres, Jackline Rushaigo, alisisitiza umuhimu wa ushirikiano kati ya shule, wazazi na jamii katika kuhakikisha wanafunzi wanapata elimu bora na malezi yenye misingi ya maadili.

Alisema mafanikio yaliyofikiwa na shule hiyo ni matokeo ya juhudi za pamoja za walimu, wazazi, wanafunzi na wadau wa elimu.

Aliwapongeza wanafunzi waliohitimu kwa hatua waliyofikia na kuwataka kuendelea kuwa na nidhamu, bidii na kujituma katika masomo yao ya ngazi zinazofuata.

Aidha, aliwashukuru wazazi na walezi kwa kuendelea kuiamini shule hiyo na kushirikiana na uongozi katika kuhakikisha wanafunzi wanapata mazingira bora ya kujifunza na kukua kitaaluma na kimaadili.

Mkuu wa shule hiyo, Geoffrey Moses alisema shule hiyo tangu kuanzishwa kwake miaka 10 iliyopita imepata mafanikio makubwa kwani wanafunzi wake wote wamekuwa wakipata daraja A katika matokeo ya mitihani ya kitaifa inayotangazwa na Baraza la Taifa la Mitihani (NECTA).

Alisema shule imejitahidi kuboresha miundombinu yake kwa kujenga majengo sita ya madarasa yenye vyumba 25 vya kujifunzia na imejanga maabara ya kisasa ya TEHAMA yenye huduma za mtandao kwaajili ya mafunzo kwa vitendo.

Alisema shule imejitahidi kujenga maktaba yenye vitabu vingi vya kiada na vya ziada na mabweni sita yenye vitanda kwa kila mwanafunzi na kwamba mazingira hayo ndiyo yameiwezesha shule kutoa huduma bora na matokeo mazuri kila mwaka.

“Tunajivunia kwamba miaka yote 10 tangu shule ianze tumefanya vizuri kitaaluma tumeshatoa wanafunzi 500 kwa miaka yote 10 na muda wote huo shule imekuwa ikipata wastani wa alama 251 ambayo ni darasa A bora,” alisema

Aidha, alisema mafanikio ya shule hiyo yametokana na juhudi kubwa za walimu wake nidhamu ya wanafunzi na ushirikiano mkubwa wa wazazi na serikali kuanzia ngazi ya kata hadi nagzi ya Wizara.

“Mwaka huu tuna wahitimu 64 wa darasa la saba ambao tunaamini wataendeleza historia yetu nzuri ya kitaaluma kwasababu wameandaliwa vizuri sana,” alisema

Aidha, Mkuu huyo wa shule alisema katika kutambua ulimwengu unavyokwenda kwa kasi kwenye teknolojia, shule imeanzisha maabara ya TEHAMA yenye mtandao ili kuwapa wanafunzi ujuzi wa kompyuta kwa vitendo.

“Wanafunzi wetu wanajivunia kutumia teknolojia kwa kujiamini na kwa ubinifu hivyo tunaamini ujuzi huu utawaandaa kushindana na kufanikiwa katika dunia ya sasa,” alisema mwalimu Mosses

Posted on

*ELIMU YA VIPIMO YAWAVUTA WENGI KWENYE MAONESHO YA BIASHARA YA AFRIKA MASHARIKI*

*Na WMA  –  Mwanza* 

Banda la Wakala wa Vipimo (WMA) limeendelea kuvutia makundi mbalimbali ya wananchi katika Maonesho ya Biashara ya Afrika Mashariki yanayoendelea katika Viwanja vya Furahisha jijini Mwanza, ikiwa ni siku ya tatu, Agosti 30, 2026.

Makundi hayo yameonesha kuvutiwa na elimu ya vipimo tofauti tofauti.

Wakiwa bandani hapo, wengi wa wanafunzi na vijana wameonesha kuvutiwa zaidi na elimu ya matumizi  ya mizani za kielektroniki na pampu za kupimia mafuta.

 Wamesema elimu hiyo inawapa uelewa wa kuwa mabalozi wa vipimo shuleni na majumbani mwao huku wengine wakidai ndoto yao ni kuwa Maafisa Vipimo wa baadae.

Kwa upande wa akina mama wajasiriamali, wengi  wamejikita kujifunza kuhusu matumizi sahihi ya mizani  inayotumika masokoni na waliuliza maswali mengi kuhusu namna ya kutambua ujazo wa mtungi wa gesi ya kupikia wanapoenda kununua.

 Wengi wameipongeza WMA kwa kuwaelimisha jinsi ya kuepuka hasara na kuhakikisha mteja anapata haki yake.

Askari na wazee waliotembelea Banda la WMA wameonesha kuvutiwa na elimu ya vipimo katika sekta ya mafuta ya petroli, saruji na bidhaa nyingine za ujenzi. Askari wamesema elimu hiyo itawasaidia katika doria za kuhakikisha biashara inafanyika kwa haki, wakati wazee wamesema wamepata uelewa mpya wa kulinda familia zao dhidi ya udanganyifu.

Wananchi wote waliotembelea banda hilo wamepongeza Serikali kwa kuona umuhimu wa kuwa na Wakala wa Vipimo nchini. Wamesema uwepo wa WMA umesaidia kulinda haki za walaji na kuweka mazingira bora ya biashara yanayosadifu kaulimbiu ya maonesho isemayo “Usalama na  Amani ni Kichocheo cha Biashara na Uwekezaji”.

 

Posted on

SHULE ZIIGE MFANO WA BUNAZI GREEN ACRES KUFUNDISHA TEHAMA

  

Na Matukio Daima Media 

Serikali imezitaka shule nchini kuweka kipaumbele kwenye mafunzo ya Teknolojia ya Habari na Mawasiliano TEHAMA kwa wanafunzi wao ili kwenda sanjari na dunia ya sasa ya utandawazi na teknolojia inayokua kwa kasi.

Imesema kwa dunia ya sasa teknolojia inakwenda kwa kasi kubwa hivyo shule zinapaswa kuwa na miundombinu bora ya wanafunzi wake kujifunza TEHAMA huku ikiipongeza shule ya Bunazi Green Acres iliyoko mji mdogo wa Bunazi Kata ya Kassambya wilayani Misenyi  kwa kuwa mfano kwenye eneo la mafunzo ya TEHAMA.

Ushauri huo ulitolewa mwishoni mwa wiki na Mwenyekiti  wa Halmashauri ya Wilaya ya Missenyi mkoani Kagera, Phocus Rwegasira, wakati wa mahafali ya 10 ya shule hiyo ya Bunazi Green Acres iliyoko mji mdogo wa Bunazi Kata ya Kassambya wilayani Misenyi yaliyofanyika shuleni hapo ambapo yeye alikuwa mgeni rasmi.

Alisisitiza kuwa mafunzo ya teknolojia ni muhimu kwani dunia inakwenda kwa kasi kwenye eneo hilo huku akisisitiza pia umuhimu wa ushirikiano kati ya wazazi, walimu na jamii katika kuhakikisha watoto wanapata elimu bora na malezi yanayowaandaa kuwa viongozi na wataalamu wa baadaye.

Alisema pamoja na shule hiyo kuweka miundimboinu bora na ya kisasa lakini mafanikio ya mwanafunzi hayawezi kutenganishwa na juhudi za walimu, wazazi na uongozi wa shule, hivyo kila upande unapaswa kutekeleza wajibu wake kwa umakini.

Rwegasira pia aliwahimiza wahitimu kuwa na nidhamu, bidii na kujituma katika masomo yao ya ngazi zinazofuata, akiwataka kutumia fursa za elimu kujenga maisha yao na kuchangia maendeleo ya jamii na taifa kwa ujumla.

Aidha, aliwataka wazazi kuendelea kuwa karibu na watoto wao, kufuatilia maendeleo yao ya kitaaluma na kuwajengea misingi mizuri ya maadili.

Katika hafla hiyo, Rwegasira alikabidhi vyeti kwa baadhi ya wahitimu, huku akipongeza uongozi wa Bunazi Green Acres kwa kutimiza miaka 10 ya mahafali na kuendelea kutoa mchango katika sekta ya elimu nchini.

Mkurugenzi wa Shule ya Bunazi Green Acres, Jackline Rushaigo, alisisitiza umuhimu wa ushirikiano kati ya shule, wazazi na jamii katika kuhakikisha wanafunzi wanapata elimu bora na malezi yenye misingi ya maadili.

Alisema mafanikio yaliyofikiwa na shule hiyo ni matokeo ya juhudi za pamoja za walimu, wazazi, wanafunzi na wadau wa elimu.

Aliwapongeza wanafunzi waliohitimu kwa hatua waliyofikia na kuwataka kuendelea kuwa na nidhamu, bidii na kujituma katika masomo yao ya ngazi zinazofuata.

Aidha, aliwashukuru wazazi na walezi kwa kuendelea kuiamini shule hiyo na kushirikiana na uongozi katika kuhakikisha wanafunzi wanapata mazingira bora ya kujifunza na kukua kitaaluma na kimaadili.

Mkuu wa shule hiyo, Geoffrey Moses  alisema shule hiyo tangu kuanzishwa kwake miaka 10 iliyopita imepata mafanikio makubwa kwani wanafunzi wake wote wamekuwa wakipata daraja A katika matokeo ya mitihani ya kitaifa inayotangazwa na Baraza la Taifa la Mitihani (NECTA).

Alisema shule imejitahidi kuboresha miundombinu yake kwa kujenga majengo sita ya madarasa yenye vyumba 25 vya kujifunzia na imejanga maabara ya kisasa ya TEHAMA yenye huduma za mtandao kwaajili ya mafunzo kwa vitendo.

Alisema shule imejitahidi kujenga maktaba yenye vitabu vingi vya kiada na vya ziada na mabweni sita yenye vitanda kwa kila mwanafunzi na kwamba mazingira hayo ndiyo yameiwezesha shule kutoa huduma bora na matokeo mazuri kila mwaka.

“Tunajivunia kwamba miaka yote 10 tangu shule ianze tumefanya vizuri kitaaluma tumeshatoa wanafunzi 500 kwa miaka yote 10 na muda wote huo shule imekuwa ikipata wastani wa alama 251 ambayo ni darasa A bora,” alisema

 

Aidha, alisema mafanikio ya shule hiyo yametokana na juhudi kubwa za walimu wake nidhamu ya wanafunzi na ushirikiano

mkubwa wa wazazi na serikali kuanzia ngazi ya kata hadi  nagzi ya Wizara.

“Mwaka huu tuna wahitimu 64 wa darasa la saba ambao tunaamini wataendeleza historia yetu nzuri ya kitaaluma kwasababu wameandaliwa vizuri sana,” alisema

Aidha, Mkuu huyo wa shule alisema katika kutambua ulimwengu unavyokwenda kwa kasi kwenye teknolojia, shule imeanzisha maabara ya TEHAMA yenye mtandao ili kuwapa wanafunzi ujuzi wa  kompyuta kwa vitendo.

“Wanafunzi wetu wanajivunia kutumia teknolojia kwa kujiamini na kwa ubinifu hivyo tunaamini ujuzi huu utawaandaa kushindana na kufanikiwa katika dunia ya sasa,” alisema mwalimu Mosses

Mwisho