Global Publishers August 25, 2026 48 views 0 Comments
Mkazi wa Mtaa wa Kihesa, Halmashauri ya Mji wa Njombe, Edina Chaula, mwenye umri wa miaka 23, amefariki dunia baada ya kudaiwa kupata tatizo la kupaliwa na chakula akiwa ndani ya chumba chake.
Tukio hilo liliripotiwa Agosti 23, 2026, katika Mtaa wa Kihesa, mkoani Njombe.
Kwa mujibu wa taarifa iliyotolewa na Kamanda wa Polisi Mkoa wa Njombe, Kamishna Msaidizi Mahamoud Banga, Edina alikutwa amefariki dunia ndani ya chumba chake baada ya kupata tatizo la kupaliwa na chakula.
Taarifa za awali zinaeleza kuwa chakula hicho kilidaiwa kuziba njia yake ya hewa na kusababisha hali ya dharura iliyosababisha kifo chake.
Tukio hilo limeacha simanzi kwa ndugu, jamaa na wakazi wa eneo hilo.
Jeshi la Polisi Mkoa wa Njombe linaendelea na taratibu za uchunguzi ili kubaini kwa undani mazingira ya tukio hilo na kuthibitisha chanzo cha kifo.
Tukio hilo linakumbusha umuhimu wa kuchukua tahadhari wakati wa kula na kutoa msaada wa haraka kwa mtu anayepaliwa, kwani kuziba kwa njia ya hewa ni hali ya dharura inayoweza kuhatarisha maisha.
WASHINGTON — Marekani imeiondoa rasmi Syria kwenye orodha ya nchi zinazofadhili ugaidi, hatua inayowakilisha mabadiliko makubwa katika sera ya Washington kuelekea taifa hilo la Mashariki ya Kati.
Syria iliwekwa kwenye orodha hiyo mwaka 1979, na kwa miongo kadhaa hatua hiyo iliambatana na vikwazo mbalimbali vya kiuchumi, kifedha na kibiashara.
Uamuzi huo unakuja wakati serikali mpya ya Syria chini ya Rais Ahmed al-Sharaa ikijaribu kujenga upya uhusiano wa nchi hiyo na mataifa ya Magharibi baada ya miaka ya vita na migogoro.
Washington imeeleza kuwa mabadiliko katika uongozi na sera za Damascus, pamoja na hatua za kupambana na ugaidi, yamekuwa miongoni mwa mambo yaliyozingatiwa katika kubadili msimamo wake.
Kuondolewa kwa Syria kwenye orodha hiyo kunaweza kufungua fursa zaidi za kiuchumi kwa nchi hiyo, ikiwamo kuvutia uwekezaji wa kimataifa, kuimarisha biashara na kurahisisha baadhi ya miamala ya kifedha. Hata hivyo, hatua hiyo haimaanishi kwamba vikwazo vyote vinavyolenga Syria na watu au taasisi maalumu vimeondolewa.
Kwa mujibu wa taarifa za serikali ya Marekani, Syria imekuwa ikikabiliwa na vikwazo mbalimbali tofauti na uteuzi wake kama nchi inayofadhili ugaidi. Baadhi ya hatua hizo zililenga mali za maafisa na watu waliotuhumiwa kuhusika na ukiukaji wa haki za binadamu au shughuli nyingine zilizolengwa na Marekani.
Hatua hiyo pia inakuja sambamba na mabadiliko katika mtazamo wa Marekani kuhusu Hay’at Tahrir al-Sham (HTS), kundi lililokuwa likihusishwa na al-Qaeda na ambalo liliwekwa kwenye orodha ya mashirika ya kigaidi ya Marekani mwaka 2014.
Kwa ujumla, uamuzi wa Washington unaashiria kuondoka taratibu kwenye sera ya muda mrefu ya kuitenga Syria na kuelekea katika ushirikiano unaolenga usalama, utulivu wa kisiasa na ujenzi wa uchumi wa nchi hiyo.
Hata hivyo, Marekani bado inatoa tahadhari kali kuhusu usalama nchini Syria kutokana na vitisho vya ugaidi, utekaji nyara, machafuko na mapigano katika baadhi ya maeneo.
Kwa Syria, kuondolewa kwenye orodha hiyo kunaweza kuwa hatua muhimu katika juhudi za kuirejesha nchi hiyo kwenye mfumo wa uchumi wa kimataifa. Kwa Marekani, ni ishara kwamba sera yake kuelekea Damascus imeanza kubadilika kwa kiwango kikubwa baada ya zaidi ya miongo minne ya Syria kuwa chini ya hadhi ya nchi inayofadhili ugaidi.
Makamu wa Rais Dr Emmanuel John Nchimbi amemwandikia barua Rais wa JMT kuwa ameamua kustaafu siasa na utumishi wa Umma hivyo ni sahihi kusema amejiuzulu nafasi yake ya Umakamu wa Rais kwa mujibu wa Katiba ya Jamhuri.
Taarifa imechapishwa kwenye ukurasa wake rasmi ila bado kurasa rasmi za Ofisi ya Makamu wa Rais hazijapandisha taarifa hiyo.
GEITA: WAKALA wa Majisafi na Usafi wa Mazingira Vijijini (RUWASA) imesema Mradi wa Maji wa Visima 5 vya Jimbo wilayani Nyang’hwale mkoani Geita umeongeza upatikanaji wa maji kutoka asilimia 77.4 hadi asilimia 79.6
Meneja wa RUWASA wilayani Nyang’hwale, Mhanidisi Suzana Mabula ametoa taarifa hiyo mbele ya viongozi wa mbio za Mwenge kitaifa kwa mwaka 2026 katika kata ya Kanegele wilyani humo.
Amesema mradi huo umetekelezwa katika Vijiji vya Kanegele, Mwingiro, Shabaka, Wavu na Lubando na unazalisha jumla ya lita 21,150 kwa saa ambapo takribani wananchi 5,000 ambapo watapata huduma ya maji safi na salama.
“Mkataba wa Ujenzi wa Vioski ulianza rasmi mnamo Julai 01/2025 na ulitarajiwa kukamilika Septemba 02, 2026 lakini hadi kufika Agosti 10, 2026 mradi ulikuwa tayari umekamilika”, amesema Suzana.
Suzana amesema gharama za utekelezaji wa Mradi wa Maji katika Vijiji hivi vitano (5) ni sh milioni 336 na hadi sasa Jumla ya kiasi cha sh milioni 245 kimekwisha kutumika.
“Chanzo cha fedha za Mradi huu ni kupitia Mpango wa Malipo kulingana na Matokeo (PforR) na Fedha Maalum (Special Fund)”, amesema Mhandisi Suzana.
Ametaja miongoni mwa shughuli zilizofanyika ununuzi wa matenki ya plastiki yenye ujazo wa lita 10,000 na kulaza mabomba na kufukia umbali wa mita 9,467, Ujenzi wa chemba kubwa tano na ndogo sita za maji.
“Uendeshaji wa mradi huu upo chini ya Jumuiya ya Watoa Huduma ya Maji ngazi ya Jamii(CBWSO’s) ya Nyamtukuza visima Vitatu na JWPP visima Viwili”, amesema Suzana.
Kiongozi wa Mbio za Mwenge Kitaifa Mwaka 2026, Wazo Michael Mwang’oda amezindua mradi huo na kusisitiza kuwa dhamira ya serikali na kuhakikisha wananchi wake wnaapata maji safi na salama hivo usimamizi thabiti wa mradi huo ufanyike.
Amesema wilaya ya Nyang’hwale ni miongoni mwa maeneo ambayo serikali inaendeelea kuwekeza ujenzi wa mbalimbali kwa maslahi ya jamii na hivo viongozi wanapaswa kusimamia kikamirifu ili malengo ya utatuzi wa changamoto za kijami yafikiwe.
Pweza ni kiumbe cha baharini chenye maajabu mengi ikiwemo kuwa na mioyo 3 ambapo moyo mmoja husukuma damu kwenda sehemu mbalimbali za mwili na mioyo 2 husukuma damu kupitia matamvua yake.
Tofauti na viumbe wengine wenye damu nyekundu, Pweza ana damu ya rangi ya bluu kwa sababu ana “copper-based protein”.
Pweza ni miongoni mwa viumbe wenye akili zaidi duniani, mstaarabu na msafi. Anayo mikia au mikono nane na macho mawili makubwa. Jamii za samaki pweza ni zaidi ya jamii 289 kulingana na chapisho la World Animal Foundation.
Pweza wa kawaida huwa anakuwa na urefu wa inchi 12-36 na uzito wa kilo 3-10. Pweza mkubwa zaidi duniani anapatikana katika Bahari ya Pacific, jamii ya Enteroctopus dofleini anakuwa mkubwa hadi mita 5 urefu na kilo hadi 50 kwa mujibu wa World animal foundation.
Pweza anakula nyama tu (carnivores), hupendelea kula jamii ya dagaa kamba (uduvi) na samaki, akiwinda kwa kutumia mikono yake nane.
Pweza anauwezo wa kubadili rangi kama kinyonga kulingana na mazingira aliyopo, unaweza kubadilika katika rangi tafauti kama kuwa rangi ya bluu, pinki, rangi ya ugoro au kijani ili kujificha na kufanana na mazingira yaliyomzunguka kutokana na maadui.
Pweza pia humwaga wino na kukimbia kwa kasi sana na kumfanya adui asimuone kwa sababu ya maji kuchanganyikana na wino na kufanya hali kama ukungu.
Uzalianaji wa pweza huwa ni wa kutaga mayai na kuyalinda mpaka kutotolewa. Pweza ni kiumbe asiyekuwa na wivu wa kimapenzi, jike moja hupandwa na madume zaidi ya 10 wakiwa wamemzunguka kwa kuweka duara na kumuweka katikati kisha madume kuachiana zamu ya kujamiiana.
Pweza dume huwa na mkono mmoja kati ya 8 mahususi kwa kupitisha mbegu za uzazi. Pweza dume baada ya kumaliza kujamiiana na jike hukaa muda mfupi na kufa kwa sababu huwa anamaliza akili na nguvu za kutafuta chakula na hatimaye kuishiwa nguvu na kufa.
Pweza jike ana uwezo wa kutaga mayai Zaidi ya (200,000 – 400,000) inategemeana na jamii ya pweza. Pweza jike hulalia na kulinda mayai mpaka mayai yatotolewe au kuanguliwa pia huwalinda watoto wake kwa muda mpaka wakue.
Kama unatafuta kampeni yenye kasi, ushindani na zawadi, Meridianbet imeleta Non-Stop Blasts & Races. Kwa jumla ya TZS 75,000,000,000 katika zawadi, kampeni hii inaleta mfululizo wa matukio yanayolenga kuwapa wachezaji nafasi nyingi za kushiriki na kushindania zawadi. Kupitia michezo mbalimbali iliyochaguliwa ya Playson, kila awamu inaweza kuja na jambo jipya la kusisimua.
Hebu tuanze na Power Blasts, sehemu ambayo sapraizi inaweza kukukuta ukiwa ndani ya mchezo. Wachezaji wanaokidhi masharti wanaweza kupata smart drops za bahati wakati wa mchezo. Zawadi zinazoweza kutolewa ni pamoja na Cash Prizes, mizunguko ya bure na vizidishi. Hii inaifanya uchezaji kuwa na kipengele cha ziada cha kusubiri, kwa sababu hujui ni lini zawadi inaweza kuonekana.
Vilevile, meridianbet wana michezo mingi ya kasino mtandaoni na mechi za kimataifa za kubashiri zenye ushindani mkubwa wa odds. Jiunge leo kwa kutembelea tovuti ya meridianbet au piga *149*10# kisha uanze safari yako ya ushindi.
Kwa wale wanaopenda ushindani unaochukua muda zaidi, Grand Races zinaweka mambo kwenye kiwango kingine. Wachezaji hukusanya pointi kupitia michezo inayostahili na kujaribu kupanda kwenye msimamo. Kadiri unavyokusanya pointi, ndivyo unavyopambana kujisogeza mbele ya wengine. Ni vita ya nafasi, umakini na mwendelezo, ambapo kila hatua inaweza kuwa na mchango kwenye nafasi yako ya mwisho.
Lakini kama unapenda mashindano ya haraka, Turbo Races zimeandaliwa kwa ajili ya kasi. Hizi ni mbio za muda mfupi zinazotoa nafasi nyingi za kushindana. Kinachovutia zaidi ni mfumo wa msimamo unaojifuta na kuanza upya, unaowapa wachezaji nafasi nyingine ya kupanda juu baada ya kila mzunguko.
Non-Stop Blasts & Races inaendelea kwa awamu mbalimbali, huku michezo inayoshiriki, prize pools, ratiba na maelezo ya promosheni yakibadilika kulingana na kipindi. Hivyo, jambo la msingi ni kufuatilia michezo iliyochaguliwa, pamoja na mbio zinazoendelea. Uwanja umefunguliwa, mashindano yameanza na zawadi zinasubiri. Cheza. Shindana. Pata zawadi na endelea kuifuatilia Non-Stop Blasts & Races.
Yanga SC imeendeleza mwanzo wake mzuri katika msimu mpya wa Ligi Kuu ya Tanzania Bara baada ya kuichapa JKT Tanzania mabao 4-0 katika mchezo uliochezwa jana, Agosti 24, 2026, kwenye Uwanja wa KMC, Mwenge jijini Dar es Salaam.
Yanga ilianza kwa kasi na kufanikiwa kupata bao la kwanza dakika ya 29 kupitia Albert Kangwanda, aliyefungua ukurasa wa mabao na kuipa timu yake uongozi wa 1-0.
Dakika tano baadaye, Ibrahim Bacca aliifungia Yanga bao la pili dakika ya 34, akimalizia pasi ya Zoukaine na kuongeza presha kwa JKT Tanzania.
Yanga iliendelea kutawala mchezo na juhudi zake zilizaa matunda tena dakika ya 39, ambapo Chadrack Boka alifunga bao la tatu akitumia pasi ya Kangwanda, na kuifanya Yanga kwenda mapumziko ikiwa mbele kwa mabao 3-0.
Kipindi cha pili, Yanga iliendelea kutawala mchezo huku JKT Tanzania ikishindwa kupata njia ya kurejea mchezoni.
Dakika ya 64, mshambuliaji Peter Shalulile alikamilisha ushindi wa Yanga kwa kufunga bao la nne, akitumia asisti ya Kangwanda na kuifanya timu hiyo kushinda kwa mabao 4-0.
Kangwanda alikuwa miongoni mwa wachezaji walioangaza zaidi katika mchezo huo, akihusika moja kwa moja katika mabao matatu baada ya kufunga bao moja na kutoa asisti mbili. Kiwango hicho kilimfanya atambuliwe kuwa mchezaji bora wa mechi.
Ushindi huo unaifanya Yanga kufikisha ushindi wa tatu katika michezo mitatu ya Ligi Kuu Bara msimu huu. Katika michezo hiyo, mabingwa hao wamefunga jumla ya mabao 11 na kuruhusu mawili pekee.
Matokeo hayo pia yanaifanya Yanga kurejea kileleni mwa msimamo wa ligi, huku ikiendelea kuweka presha katika mbio za kuwania ubingwa wa msimu wa 2026/27.
Mwanzo huo wa kuvutia unaendelea kuipa Yanga matumaini ya kutetea taji lake, huku safu yake ya ushambuliaji ikionyesha makali katika michezo ya awali ya msimu.
Southampton na West Ham United watakutana leo Jumanne, Agosti 25, 2026, katika raundi ya pili ya Carabao Cup (EFL Cup). Mechi hii itachezwa katika uwanja wa St. Mary’s Stadium, na itaanza saa 7:45 jioni kwa saa za Uingereza (BST) sawa na saa 21:45 usiku, Timu zote mbili kwa sasa zinashindana katika ligi ya Championship, hivyo hii ni mechi ya “ndugu” itakayovutia mashabiki wengi.
Kwa upande wa Southampton, msimu huu unafuatia msimu wenye taharuki baada ya kashfa maarufu ya “Spygate” iliyowagharimu nafasi ya fainali ya kuwapandisha daraja msimu uliopita, ambapo walikuwa vipenzi vya kushinda na kurejea Premier League.
Chini ya kocha mpya Tonda Eckert, Saints walianza msimu vizuri kwa kuwafunga Colchester United mabao 2-0 katika raundi ya kwanza ya kombe hili, huku Cyle Larin akifungua bao dakika ya 72 na Romeo Akachukwu, aliyekuwa akikopeshwa Colchester msimu uliopita, akiongeza bao la pili muda wa nyongeza.
Hata hivyo, ushindi huo ulifuatiwa na kushindwa 2-1 dhidi ya Watford katika mchezo wao wa kwanza wa ligi. Baadaye walipata nafuu kidogo baada ya kuwafunga Stoke City kwa msaada wa mabao ya Larin na Divin Mubama, pamoja na penalti ya marehemu ya Ryan Manning, huku Stoke wakichezea watu kumi baada ya Svante Ingelsson kufukuzwa uwanjani.
Meridianbet inasema kuna michezo kama Keno, Aviator, Poker, Roulette, Wild Icy Fruits, Super Heli. Ingia katika kasino ya mtandaoni ya Meridianbet na ujiokotee mkwanja mapema. Jiunge sasa au Tembelea tovuti ya meridianbet.co.tz au piga *149*10# kisha uanze safari yako ya ushindi.
West Ham United, ambao msimu huu wanacheza Championship kwa mara ya kwanza baada ya kushuka daraja kutoka Premier League, wanaingia mechini wakiwa na kina kikubwa zaidi cha kikosi ikilinganishwa na wenyeji.
Chini ya kocha Nuno Espírito Santo, Hammers walionesha nguvu kubwa ya mashambulizi katika raundi ya kwanza walipowaangamiza Portsmouth mabao 3-1, ambapo ValentínCastellanos alifunga mabao mawili (brace) na Jarrod Bowen naye akiongeza bao.
Matokeo hayo yanaonesha kikosi chenye nguvu halisi ya kufunga mabao. Hata hivyo, taarifa zinaonesha kuwa Nuno anaweza kufanya mabadiliko kadhaa kwenye kikosi baada ya kushindwa hivi karibuni dhidi ya Charlton.
Kwa muhtasari, mechi hii inatarajiwa kuwa ya ushindani mkubwa kati ya timu mbili za Championship zenye historia ndefu. Southampton watatafuta kutumia nguvu ya uwanjani kwao kujirekebisha baada ya kuanza vibaya ligi, huku West Ham wakitegemea nguvu ya mashambulizi yao na upana wa kikosi kuendelea na msimamo wao mzuri katika kombe hili kuelekea raundi ya tatu.
Global Publishers August 25, 2026 1,086 views 0 Comments
Nafasi za kazi zimetangazwa kwa wanawake pekee kwa ajili ya kufanya kazi kama Wahudumu wa Maduka katika maeneo ya Mlimani City na Posta, Dar es Salaam.
Mshahara: TSh 450,000 kwa mwezi.
Sifa za mwombaji:
Awe mwanamke.
Awe mchapakazi, mwaminifu na mwenye nidhamu.
Awe na uwezo mzuri wa kuwasiliana na wateja.
Uzoefu wa kazi ni faida.
Jinsi ya kuomba
Waombaji wanatakiwa kutuma maombi yao kupitia WhatsApp: 0747065803.
Kumbuka: Nafasi hizi ni kwa wanawake pekee na nafasi ni chache. Waombaji wanashauriwa kutuma maombi mapema.
Ikiwa ni mwendelezo wa kesi ya uhaini inayomkabili Mwenyekiti wa Chama cha Demokrasia na Maendeleo (CHADEMA), Tundu Lissu, ambaye sasa anajitetea mwenyewe katika Mahakama Kuu, Masjala Ndogo ya Kanda ya Dar es Salaam, Lissu amefunguka namna ambavyo mchakato wa “No Reform, No Election” ulivyoanzia ndani ya chama, akieleza kuwa msimamo huo haukuwa kauli yake binafsi, bali ulikuwa msimamo wa CHADEMA ulioanzia katika maamuzi ya chama kabla ya uchaguzi wa ndani wa uongozi.
Lissu amesema kuwa tarehe 10 Desemba 2024, Mwenyekiti wa wakati huo wa CHADEMA, Freeman Mbowe, ndiye aliyetamka msimamo huo, huku chama kikisubiri kwanza uchaguzi wake wa ndani uliokuwa umepangwa kufanyika Januari 2025.
Lissu amesema kuwa tarehe 20 Januari 2025, Baraza Kuu la CHADEMA lilifanya kikao chake, ambacho kwa mujibu wa utaratibu wa chama ndicho chombo kinachopokea na kupendekeza ajenda zitakazojadiliwa katika Mkutano Mkuu. Aidha, amesema kuwa Kamati Kuu iliwasilisha mapendekezo kuhusu msimamo wa “No Reform, No Election” kwa Baraza Kuu, na baada ya kukubaliwa, suala hilo likapendekezwa kuwa ajenda ya Mkutano Mkuu wa chama uliofanyika Januari 21, 2025.
Katika Mkutano huo Mkuu, Lissu amesema, pamoja na masuala mengine ya chama, mambo mawili muhimu yalifanyika. Kwanza, ulipitishwa msimamo wa CHADEMA kuhusu “No Reform, No Election”, na pili, uchaguzi wa viongozi wa chama ulifanyika ambapo yeye alichaguliwa kuwa Mwenyekiti wa CHADEMA. Vilevile, Lissu amesema kuwa baada ya kuchaguliwa kuwa Mwenyekiti, alimteua John Mnyika kuwa Katibu Mkuu, huku Golugwa akiteuliwa kuwa Naibu Katibu Mkuu Bara na kiongozi mwingine akiteuliwa kwa upande wa Zanzibar.
Baada ya uongozi huo mpya kuingia madarakani, Lissu amesema kuwa walianza maandalizi ya mkakati wa “No Reform, No Election”, ambao ulikuwa na lengo la kuhamasisha wananchi nchini kuhusu masuala ya demokrasia na mabadiliko ya kisiasa.
Amesema kuwa mpango huo haukuwa wa kupanga kufanya uhaini, kuchoma nyumba za watu au kuvunja sheria za nchi, bali ulikuwa wa kuhamasisha umma na kuwasisitiza wananchi kudai mabadiliko ya kisiasa kwa njia za kisiasa, ikiwemo mikutano na maandamano.
Aidha, Lissu amesema kuwa katika utekelezaji wa mkakati huo, walipanga kuzungumza na Watanzania kupitia makundi na taasisi mbalimbali katika maeneo yao. Amesema miongoni mwa taasisi walizoanza nazo zilikuwa taasisi za kidini, ambapo walianza na shula za maimamu.
Hata hivyo, amesema hawakuhusika na BAKWATA wala CCM. Pia, amesema waliomba kukutana na Baraza la Maaskofu, lakini hawakufanikiwa kukutana nao, huku wakifanikiwa kukutana na Jukwaa la Wahariri wa vyombo vya habari na kuzungumza nao kuhusu masuala hayo.
Vilevile, Lissu amesema kuwa kwa kuwa Tanzania ina uhusiano na marafiki katika nchi nyingine, waliamua kwenda Nairobi na kukutana na Raila Odinga, ambaye wakati huo alikuwa hai, pamoja na kwenda kumuona Mzee Warioba ili kuzungumza naye kuhusu “No Reform, No Election” na msimamo wao wa kisiasa.
Aidha, amesema kuwa alialikwa katika Chuo Kikuu cha Makerere kuzungumza kuhusu Mwalimu Julius Nyerere na urithi wake, na katika mazungumzo hayo alizungumzia pia changamoto za mfumo wa kikatiba nchini. Lissu amesema kuwa baada ya kurejea nchini, majukumu yaligawanywa kwa ajili ya kuanza ziara mbalimbali.
Amesema yeye alipangiwa Kanda ya Nyasa, ambako alipaswa kuzungumza katika mikutano ya hadhara. Lissu amesisitiza kuwa katika ziara hizo hawakuwa wanapanga kufanya uhaini wala kuvunja sheria za nchi.
Amesema ziara yao ya kwanza waliimaliza Iringa tarehe 30 Machi 2025. Baada ya hapo, Naibu Katibu Mkuu Golugwa alimtumia ujumbe mfupi wa simu akimtaka kuandaa watia nia kwa ajili ya uchaguzi mkuu. Pia, amesema alitumiwa ujumbe kwamba tarehe 3 Aprili 2025 alitakiwa kufika Makao Makuu ya chama kwa ajili ya kuzungumza na watia nia hao kuhusu msimamo wa chama.
Lissu amesema tarehe 1 Aprili alirejea Dar es Salaam akiwa pamoja na John Heche kwa ajili ya maandalizi ya mkutano huo. Amesema mkutano huo uliofanyika kwa lengo la kuzungumza na watia nia na kuwaeleza msimamo wa CHADEMA kama chama.
Lissu amesema yeye ndiye alikuwa mzungumzaji katika mkutano huo, na kwamba hilo lilikuwa jukumu lake la kuzungumza baada ya mkutano kuandaliwa na taarifa kutolewa na Katibu Mkuu. Kwa msingi huo, Lissu amesema anashangaa kusikia kwamba yeye ndiye aliyeandaa mkutano huo. Amesema kama wangeuliza ni nani aliyeuandaa, wangeweza kupata majibu kuhusu mtu aliyekuwa na jukumu hilo.
Aidha, amesema yeye alipewa taarifa na Katibu Mkuu kuhusu jukumu lake la kwenda kuzungumza katika mkutano huo, hivyo kuwa mzungumzaji hakumaanishi kwamba ndiye aliyekuwa mratibu au mwandaaji wa mkutano.
Lissu amesema ushahidi uliowasilishwa mahakamani na mashahidi 17 pia unaibua maswali. Amesema kuna maneno katika ushahidi huo ambayo, ukisoma tu, hayangeweza hata kuchukua dakika moja, wakati mkutano wake ulikuwa mrefu sana. Kuhusu video ambayo anadaiwa kuichapisha kupitia Jambo TV, Lissu amesema hajawahi kuiona hadi leo.
Kwa hiyo, amesema akiulizwa alitumia dakika ngapi kwenye video hiyo, hawezi kutoa jibu kwa sababu hajawahi kuiona. Lissu amesema siku hiyo ya mkutano aliulizwa maswali mengi na alijibu maswali yote, akisisitiza kuwa mkutano huo ulikuwa wa zaidi ya saa tatu.
Aidha, amesema hakufanikiwa kuiona video hiyo kwa sababu kesho yake, tarehe 4 Aprili 2025, walielekea katika ziara mkoani Ruvuma.
Amesema tarehe 9 Aprili 2025, alipokuwa akielekea kumaliza mkutano wake jioni huko Mbinga, alikamatwa na kupigwa kabla ya kupelekwa katika kituo cha polisi Mbinga. Baadaye, amesema alihamishiwa Songea mjini, katika ofisi ya RPC.
Akiwa chini ya ulinzi wa Jeshi la Polisi, Lissu amesema alieleza kuwa alikuwa na njaa na kuwaambia polisi kwamba alikuwa na dada yake katika eneo hilo ambaye angeweza kumletea chakula. Amesema majira ya saa nne usiku chakula kilifika na baadaye usiku alipelekwa Dar es Salaam. Lissu amesema kwa mtazamo wake, shahidi pekee aliyesema ukweli ni P17, huku akidai mashahidi wengine walitoa maelezo ambayo hayakuwa sahihi.
Amesema P17 ndiye aliyesema kuwa yeye ndiye aliyekuwa amechapisha maudhui hayo mtandaoni, siyo Lissu. Kwa mujibu wa maelezo yaliyotolewa, Lissu amesema P17 alipata taarifa kutoka kwa bosi wake, John Marwa, ambaye naye alikuwa amepewa taarifa na Ofisa Habari wa chama, Brenda Rupia. Hapo ndipo Lissu anapoona mkanganyiko mkubwa katika upande wa mashtaka.
Amesema upande wa mashtaka unamhusisha yeye na uchapishaji wa maudhui hayo mtandaoni, wakati wao wenyewe walimleta P17 kama shahidi na P17 akaeleza kuwa yeye ndiye aliyerusha maudhui hayo mtandaoni. Vilevile, Lissu amesema upande wa mashtaka unadai kuwa yeye ndiye aliyeandaa mkutano, wakati kwa maelezo yake yeye alikuwa mzungumzaji tu na mkutano uliandaliwa na chama, huku taarifa kuhusu kushiriki kwake akipewa na Katibu Mkuu.
Kwa hiyo, Lissu amesema kama kweli kulikuwa na mtu aliyekuwa na jukumu la kuandaa mkutano huo, ushahidi ulipaswa kuelekeza kwa mhusika aliyekuwa na jukumu hilo, badala ya kumhusisha yeye kwa sababu tu alikuwa mzungumzaji wa mkutano.
Ikiwa ni mwendelezo wa kesi ya uhaini inayomkabili Mwenyekiti wa Chama cha Demokrasia na Maendeleo (CHADEMA), Tundu Lissu, ambaye sasa anajitetea mwenyewe katika Mahakama Kuu, Masjala Ndogo ya Kanda ya Dar es Salaam, Lissu amefunguka namna ambavyo mchakato wa “No Reform, No Election” ulivyoanzia ndani ya chama, akieleza kuwa msimamo huo haukuwa kauli yake binafsi, bali ulikuwa msimamo wa CHADEMA ulioanzia katika maamuzi ya chama kabla ya uchaguzi wa ndani wa uongozi.